Rand en sent

5 Julie 2026: Met die regering se onderwysbegroting wat jaarliks besnoei word, en duisende openbare skole wat finansieel sukkel, het addisionele fondsinsameling ‘n belangrike deel van skole se volhoubaarheidsmodel geword. Tog is daar duisende skole wat geen fondsinsamelings doen nie. Jody Hendricks praat hieroor met Riaan van der Berg van FEDSAS.

28 Junie 2026: Dr. Roelof Botha, ’n ekonoom, praat oor die uitdagings vir Suid-Afrika se ekonomie, en oor sy seun, Roelof Botha jnr, wat op 16 Junie vanjaar op die SpaceX-raad aangestel is.

21 Junie 2026: Aftrede is die einde van jou aktiewe werkslewe. Jody Hendricks praat met ‘n kenner oor die faktore wat jy moet oorweeg voordat jy besluit of aftrede die regte keuse vir jou is.

14 Junie 2026: President Cyril Ramaphosa sê daar sal 10 000 nuwe arbeidsinspekteurs aangestel word om werkgewers te ondersoek, en te verseker dat slegs gedokumenteerde werknemers in hulle diens is. Jody Hendricks praat hieroo met ‘n arbeidskenner.

7 Junie 2026: Swaar reën het weer groot gedeeltes van die Wes- en Oos-Kaap getref, terwyl baie gebiede nog herstel van die stormsterk reën en wind wat van die gebiede in Mei getref het. Jody Hendricks praat met finansiële raadgewer Yolanda Botha oor hoe jy jouself finansieel kan beskerm indien ‘n natuurramp jou huishouding sou tref.

31 Mei 2026: Jody Hendricks praat met Duane Nienaber oor die gebruik van kunsmatige inteligensie deur finansiële adviseurs, en hoe dit jou geldsake kan beinvloed.

24 Mei 2026: Jody Hendricks praat met ekonoom Hassan Essop oor die impak van stygende brandstofprys op die ekonomie.

Jody Hendricks praat met Steven Peterson oor die Wysingswet op Vergoeding vir Beroepsbeserings en Siektes. Wat staan werkgewers te doen indien ‘n werknemer aan diens beseer word?

Jody Hendricks kyk na die finansiële aspekte waarmee ma’s sukkel in die tawwe ekonomiese tye.

Baie Suid-Afrikaners sukkel om met die stygende lewenskoste by te bly. ‘n Salaris is eenvoudig nie meer genoeg nie. Jody Hendricks praat met ‘n finansiële adviseur oor hoe om jou inkomste te diversifiseer.

Omelia Hartzenberg van die Pensioenfonds vir Staatsamptenare praat oor bedrog, en wat jy kan doen as jy vermoed dat iemand bedrog pleeg. En Carla Oberholzer van Debtsafe gee wenke om die feesseisoen te oorleef, betekenisvolle geskenke te gee, en te bespaar op jou kersinkopies.

Olivia Sambo praat met Omelia Hartzenberg van die Pensioenfonds vir Staatsamptenare oor die belangrikheid van jou persoonlike inligting. Sy doen 'n beroep op lede om ten alle tye die regte inligting aan die fonds te stuur, want selfs die kleinste teenstrydigheid in inligting kan jou uitbetaling vertraag. En dan gesels Johan Vorster van PPC Sement oor die belangrikheid van die boustof in die boubedryf, en hoekom sement ten alle tye aan die regte standaarde moet voldoen.

Omelia Hartzenberg van die Pensioenfonds vir Staatsamptenare vertel van die fonds se begrafnisvoordele. Die voordele verval nooit nie, maar daar is sekere voorwaardes waaraan lede moet voldoen om te kan eis. Sy gee ook wenke hoe jy die uitbetaling vinniger kan laat gebeur. En Richus Nel van PSG Wealth praat oor die veranderinge in die land, en hoekom hy dink dat die president die regte stappe doen om die land in die regte rigting te stuur.

Olivia Sambo praat met Omelia Hartzenberg van die Pensioenfonds vir Staatsamptenare oor normale en vroeë pensioen. Sy verduidelik hoeveel van jou pensioenfonds jy kan verloor as jy met vroeë pensioen gaan, en wat jou opsies is. En Walter van der Merwe van Fedgroup Life praat oor fooie en beleggings, en verduidelik hoe die berekeninge werk.

Olivia Sambo gesels met Omelia Hartzenberg van die Pensioenfonds vir staatsamptenare oor die ontstaan, voordele en die stand van die fonds. Sy verduidelik ook die verantwoordelikhede van lede, en werp lig op die mees algemene redes waarom eise afgekeur word en veroorsaak dat lede langer vir hulle geld moet wag.

West Hendriks van John West Kunsgalery vertel wat dit behels om 'n kunshandelaar te wees, en watter voordele dit vir 'n kunstenaar inhou om 'n ervare handelaar te kry wat hulle werk kan bemark. Hy gee ook raad aan jong kunstenaars wat hulle voete probeer vind in die kunswêreld. En Elsèbe Koorsen van Luxebox praat oor wat haar inspireer, en wat haar kreatiwiteit na vore bring. Sy deel ook haar passie vir plaaslike produkte, en vertel hoekom dit so belangrik is dat entrepreneurs mekaar ondersteun.

Louis Fourie van Okandivi Properties Franchise praat oor sy passie en liefde vir eiendom. Hy gee raad oor hoe jy die beste rentekoers kan kry wanneer jy aansoek doen vir 'n huislening, en hoe jy moet onderhandel om die beste prys te kry as koper en verkoper. En as jy gewonder het of jy jou droomhuis moet bou, of 'n bestaande huis moet koop, het hy ook raad. En Richus Nel van PSG Wealth praat oor die belangrikheid van finansiële beplanning, en hoe jy jou geldsake in orde kan kry as jy nie professionele dienste kan bekostig nie.

Martiens Barnard van Momentum Beleggings vertel of dit wys is om jou geld oorsee te belê. Ian Scott, ook van Momentum Beleggings, gee sy mening oor wat onmiddellik gedoen kan word om Suid-Afrika se ekonomie 'n hupstoot te gee. En die bestuurshoof van AgriSA, Omri van Zyl, praat oor verwikkelinge in die landbousektor en die planne wat die organisaie het.

West Hendriks van Gauteng North Obstacle Race Course vertel hoe jy jou welstand en gesondheid 'n hupstoot gee deur in jou liggaam te belê. En Elsèbe Koorsen van Luxebox praat oor haar passie vir plaaslike produkte. Sy gee ook wenke vir die bemarking van klein ondernemings wat aanlyn meer sigbaar wil wees.

Martiens Barnard, 'n aktuaris by Momentum Beleggings, praat oor die gedragspatrone van beleggers, en hoe jy jou opbrengste uit beleggings kan verbeter deur meer op jou finansiële doelwitte te fokus. En Eugene Antak en Hendri de Klerk van Ultima Finansiële Dienste het raad as die finansiële fonteintjie opgedroog het en jy oorweeg om jou geld uit jou pensioenfonds te onttrek.

Twee kundiges praat oor swart ekonomiese bemagting, en neem jou stap-vir-stap deur die elemente van die wet. Hulle vertel hoe maatskappye voordeel uit die wet kan trek, sonder om 'n sent te spandeer, maar terselfdertyd hulle gradering kan verbeter. En Elsèbè Koorsen van Luxebox vertel hoe dit haar finansieël byna uitgeroei het toe sy haar werk verloor het, omdat haar werkgewer ontdek het dat sy haar eie klein besigheid deeltyds begin bou het.

Die verskillende voordele van die Werkloosheidversekeringsfonds word weer bespreek, asook die rol van die Vergoedingsfonds. En 'n kenner gee raad aan jongmense wat die werksplek vir die eerste keer betree, oor hoe om die oorgang te maak van student af na werker.

Die direkteurgeneraal van die departement van werkverskaffing en arbeid praat oor die funksies wat hulle verrig, en die wetgewing wat daar is om werkers en werkgewers te beskerm.

Olivia Sambo doen 'n samevatting van al die voordele van die Werkloosheidversekeringsfonds. Daar word sterk fokus gelê op die verskeie soorte dokumentasie wat nodig is wanneer jy vir die verskillende voordele aansoek doen. Anta de Korte en Isaac Mogorosi van die Departement van Arbeid deel al hierdie inligting en nog meer.

Die opgegradeerde aanlynstelsel van die Werkloosheidversekeringsfonds het baie gebruikers rooi laat sien, en het tot groot ongerief en frustrasties gelei vir sowel werkgewers as werkers. Anta de Korte van die Departement van Arbeid probeer om 'n oplossing te bied vir die probleme wat mense ondervind met die stelsel. Sy neem jou ook stap-vir-stap deur die aanlynstelsel, en vertel jou wat om te verwag wanneer jy aanlyn registreer.

Olivia Sambo praat met Anta de Korte oor die bedrag wat werkgewers tot die Werkloosheid-versekeringsfonds moet bydra. Sy gee ook raad ook kontrakte, en verduidelik hoeveel jy kan verwag wanneer jy van die fonds eis.

Weet jy watter deel van jou salaris word oorbetaal aan die Werkloosheidversekeringsfonds? En hoe weet jy of jou werkgewer wel die geld betaal aan die fonds? Olivia Sambo kry antwoorde op hierdie vrae, en vind ook uit wat jy kan verwag wanneer jy vir die eerste keer registreer by die Departement van Arbeid.

Daar is min dinge wat jou so onkant kan tref soos die dood. In sulke tye van nood tel elke sent. Olivia Sambo praat met Anta de Korte van die Werkloosheidsversekeringsfonds oor doodsvoordele; wat lei daartoe dat eise soms lank neem om uitbetaal te word, en wat jy kan doen om jou geld gouer te kry.

Olivia Sambo praat met Anta de Korte en Isaac Mogorosi van die Departement van Arbeid oor hoe jy kan eis wanneer jy 'n kind aanneem. 'n Finansiële kenner gee wenke oor hoe om die regte finansiële adviseur te identifiseer.

Olivia Sambo praat met Anta de Korte en Isaac Mogorosi van die Departement van Arbeid oor wat jy kan doen om te eis as jy weens siekte nie meer kan werk nie. 'n Kenner deel ook inligting oor hoe die gebrek aan veiligheid in die werksplek kan lei tot ernstige beserings aan diens, en hoe sowel werkers as werkgewers kan baat vind by 'n veiliger werksomgewing.

Kenners verduidelik hoe kraamvoordele van die Werkloosheidversekeringsfonds geëis kan word. Hulle verduidelik stap vir stap watter dokumente nodig is, sodat eise vinnniger uitbetaal kan word. 'n Deskundige in die Mensehulpbronbedryf gee raad oor wat jy kan doen om jou kanse te verbeter om 'n werk te kry.

'n Kenner verduidelik hoe mens met aandele kan begin “speel”. En 'n skuldkenner gee nuttige wenke oor hoe om van skuld ontslae te raak, en waaraan jy moet dink voordat jy skuld maak.

Hoe kan jongmense wat pas begin werk het, en vir die eerste keer na hulle eie fiansies moet omsien, begin spaar? Die moets en moenies wanneer jy jou finansiële adviseur kies, en die mees algemene vraag van beleggers aan 'n finansiële beplanner.

Die laaste van 'n reeks van vier gesprekke oor die vrou se plek in die Vierdie Nywerheidsrewolusie handel oor hoe vroue hulleself kan bemagtig vir 'n suksesvolle beroepslewe. Kenners praat weer oor verskillende geldpersoonlikhede, en hoe kennis hieroor jou kan help om die hantering van jou eie finansies, asook die van jou lewensmaat, beter te verstaan.

Die derde van 'n reeks van vier gesprekke oor die vrou se plek in die Vierde Nywerheidsrewolusie handel oor verdere faktore wat vroue terughou in die ekonomie. 'n Kenner verduidelik ook hoe ons geld uitgee op belastingheffings waarvan ons nie eens bewus is nie, en hoe ons hierop kan bespaar.

Die tweede van 'n reeks van vier gesprekke oor die vrou se plek in die Vierde Nywerheidsrewolusie handel oor hoe vroue hulle gedagtegang kan verander om hulle posisie te verbeter t.o.v. loopbane, salarisse en entrepreneurskap.'n Kenner beantwoord ook 'n luisteraarsvraag oor aftrede, aftreeprodukte en die raad wat finansiële adviseurs soms verkeerdelik gee.

Die laaste gesprek in die reeks oor aftredebepanning handel oor boedelbeplanning. Dis iets wat jy eintlik al moet doen sodra jy begin bates versamel. Daar is ook nuus oor belastingtoepassings om jou belastinginligting makliker bymekaar te maak.

Die derde van vier gesprekke oor aftredebeplanning handel oor “Beplanning NÁ aftrede”. 'n Finansiële beplanner verduidelik ook wat die verband is tussen fietsry, finansies en goeie beleggings.

Sien só om na jou werknemers se emosionele en liggaamlike welstand vir beter produktiwiteit - 'n kundige deel statistiek en gee raad, en 'n TV-vervaardiger verduidelik hoe hulle hulle personeel emosioneel ondersteun. En daar is nuus oor debietorderbedrog en nuwe maniere om dit die hoof te bied.

Skuld is die onderwerp in die vyfde en voorlaaste gesprek in die reeks oor finansiële geletterdheid. En 'n kenner van tegnologie praat oor maklike, nuwe en veilige maniere vir kleinsake-ondernemings om betalings te ontvang.

'n Finansiële beplanner kyk na drie verskilende maniere om 'n motor te koop en daarvoor te betaal. In die tweede in 'n reeks van ses gesprekke oor finansiële geletterdheid val die klem op finansiële risiko's.

'n Skuldkenner en entrepreneur, wat ook 'n motiveringspreker en finansiële kenner is, gee raad, en 'n model waarvolgens ons ons geldsake vir die nuwe jaar kan beplan.

'n Verbruikerskenner gee wenke om jou jaarlikse bonus sinvol te gebruik. 'n Arbeidsregskenner praat oor die nuwe minimumlone. En 'n versekeraar verduidelik wat jy moet weet van huisversekering voordat jy met vakansie gaan.

'n Beleggingskonsultant praat oor bateklasse en hoe jy dit as beleggingsinstrument gebruik. 'n Versekeraar verduidelik hoe om jouself te beskerm wanneer jy jou privaat-versekerde voertuig vir 'n werkopdrag moet gebruik. 'n Finansiële beplanner gee die ses belangrikste finansiële produkte vir elke jong gesin.

In die laaste gesprek in 'n reeks oor aftrede, kyk 'n finansiële kenner na die grootste foute wat mense maak, en veral die rol wat ons verhouding met geld hierin speel. 'n Arbeidsregkenner klaar verwarring op oor permanente en sogenaamde tydelike kontrakte. En 'n prokureur verduidelik wat gedoen moet word wanneer volmag verval as jy nie meer in staat is om self besluite oor jou finansies te neem nie.

'n Entrepreneur vertel hoe hy 'n onderneming bou uit sy liefde vir die plaaslewe. In die reeks oor aftrede, praat 'n finansiële kenner oor gesondheidsorg en hoe jy voorsiening moet maak vir wanneer jy nie meer jou eie geldsake kan hanteer nie. En 'n entrepreneur deel sy ervaring van die gebruik van sosiale media, en hoe dit sy onderneming beïnvloed.

In die tweede gesprek in 'n reeks oor aftrede, gee 'n finansiële kenner wenke aan enkellopende vroue en enkelma's. 'n Arbeidsregkenner praat oor die moets en moenies wanneer jy jou CV opstel. En 'n entrepreneur gesels oor die regte manier om sosiale media in jou sake-onderneming te gebruik.

Kenners bespreek verskansingsfondse, die grootste foute wat vroue met hulle geldsake maak, en 'n navraag oor hoe belasting gate in die verdienste op ons spaargeld vreet.

Suid-Afrika het laaste geëindig in 'n onlangse internasionale studie oor finansiële geletterheid, wat die Organisasie vir Ekonomiese Samewerking en Ontwikkeling in 30 lande gedoen het. Hoe raak dit ons, en wat kan ons daaromtrent doen? Suzaan Steyn kyk ook na die grootste risiko's wanneer jy nie jou privaatheid aanlyn beskerm nie, en hoe jy dit kan beperk. En 'n entrepreneur deel haar geld- en spaarfilosofie.

'n Jong entrepreneur wat benoemings ontvang het as vrou van die jaar en verskilmaker van die jaar, vertel van die moeilike pad wat sy moes stap om haar eie onderneming te begin. Sy deel ook wenke met voornemende sake-eienaars. En 'n sakekenner praat oor skuld en klein- en mediumsakeondernemings.