RSG Kuns

Christelle Webb-Joubert gesels met dramaturg en regisseur Louis Viljoen oor sy nuwe riller, The Killing of a Union Leader.

Innibos vind plaas van 2 tot 5 Julie in Mbombela. Die bemarkingsbestuurder, Naranda Leeuwner, vertel wat alles op die spyskaart is.

Atterbury Klassiek vind van 21 tot 24 Mei plaas. Pianis Charl du Plessis vertel van dié fees in Pretoria, asook sy drie konserte in die Kaap.

Pianis en feesdirekteur Elna van der Merwe vertel van die tweede Gamka Klassiek in Prins Albert. Dit vind plaas van 5 tot 7 Junie 2026.

Terrance April gesels met musiekregisseur Daniël Butcher-Geddes oor die musiekspel, Pretty Woman.

Die Soweto opstande van 1976 is al op verskillende maniere herdenk deur 'n musiekspel en talle rolprente. Nou is daar 'n nuwe toneelstuk, RISE '76. Terrance April gesels met Ben Albertyn oor dié werk wat by die Baxter en die Markteater aangebied sal word.

Die akteur Tiaan Rautenbach vertel van die vele rolle wat hy al vertolk het oor die jare – veral in musiekteater. Hy vertel ook van sy rol in Pretty Woman.

Christelle Webb-Joubert besigtig Cow Mash se uitstalling, ditšwatšhemong, by die Javett-UP gallery in Pretoria saam met kurator Storm Janse van Rensburg.

Maestro Richard Cock is baie bedrywig in Mei. Terrance April gesels met hom oor twee konserte waar hy as dirigent optree.

Die toneelstuk, Eugene, wat by die Suidoosterfees open, is gegrond op 'n roman van Kirby van der Merwe. Dit het die Eugene Marais Prys in 2023 gewen. Kirby het ook 'n skildery geverf, wat die temas van sy boek verder uitbeeld. Saartjie Botha het die boek verwerk vir die verhoog. Terrance April gesels met Kirby van der Merwe.

Christelle Webb-Joubert stap verder saam met die kurator, Storm Janse van Rensburg, deur die uitstalling, Orchard of the Imagination by Javett-UP.

Die musiekspel, Ons vir Jou, is na 18 jaar weer op die verhoog te sien. Die sanger en akteur, Bok van Blerk, vertolk die rol van De la Rey. Aktrise Nadia Beukes gesels saam.

Die kunstenaar Hermien van der Merwe het vir sewe weke saam met ander kunstenaars kuns geskep op Tafelberg. Die werk wat geskep is, word in Mei uitgestal in die Kaap.

Die akteurs, Frank Opperman en Margit Meyer-Rodenbeck, is saam op die verhoog te sien in die toneelstuk, Eerste vir Alles. Hulle gesels met Christelle Webb-Joubert.

Kurator Donavan Mynhardt vertel van die drie uitstallings wat tans te sien is by die Rust-en-Vrede Galery in Durbanville.

Gehore in Johannesburg kan in Mei uitsien na verskeie kooroptredes deur die Universiteit van Johannesburg se koor saam met 'n aantal besoekende kore uit die buiteland. Terrance April gesels met die koorleier, Sizwe Mondlane, oor die reeks optredes.

Die Hermanus FynArts-fees vind van 6 tot 14 Junie plaas. Christelle Webb-Joubert gesels met die feesdirekteur, Eon de Vos.

Christelle Webb-Joubert besoek die Javett-UP Galery in Pretoria. Die kurator, Storm Janse van Rensburg, gee die agtergrond van die uitstalling, Orchard of the Imagination.

Creative Round Art Academy is ‘n nuwe toevoeging by die Rust-en-Vrede Galery. Die hoof, Hamlin Jansen van Vuuren, vertel wat hulle alles doen.

Aanhangers van die ikoniese ROCKY HORROR SHOW kan weer saamsing tydens vertonings van dié musiekspel in Kaapstad en Johannesburg. Terrance April gesels met Tjaart van der Walt oor die produksie wat onlangs in Kampsbaai geopen het.

Skrywer Riana Scheepers gesels oor die klassieke musiekdrama, VIVALDI EN DIE VONDELING. Niël Rademan is die regisseur. Hy vertel ook van ‘n ander produksie waarby hy betrokke is by vanjaar se Suidoosterfees.

Kunstenaar Eri-Kah van Breda gesels oor haar passie vir vuur en fynbos, en hoe sy dit uitbeeld in haar kuns. Sy vertel ook van die werkswinkels wat sy aanbied.

Terrance April en Adriaan Fuchs, bestuurshoof van die Kaapstad Filharmoniese Orkes, sit hule gesprek voort oor die orkes se herfsseisoen.

Aktrise Willa van Schalkwyk vertel van die eenvrouvertoning, EK, OUER. Dit gaan oor ‘n vrou wat haar man aan die dood afstaan, en skielik ‘n alleenouer is.

'n Groep Suid-Afrikaanse akteurs het onlangs na een van die Balkanlande gereis om saam met plaaslike akteurs daar 'n nuwe verhoogwerk te skep, wat die verband tussen die twee lande ontgin. Terrance April gesels met Greg Homann, artistieke direkteur by die Markteater oor die stuk, UNDER THE SHADE OF A TREE I SAT AND WEPT.

Die dirigent van Con Spirito Filharmonies, dr. Sjoerd Alkema, vertel van die spesiale Mozartkonsert wat hulle aanbied.

Die kunstenaar Maggie Laubser is op 14 April 1886 gebore. Deon Oliver, voorsitter van die Maggie Laubser Stigting vertel wat hulle alles op dié dag beplan in Malmesbury.

Kunskoors word in 2026 vir die tweede keer aangebied. Die kunstenaar Zuanda Badenhorst vertel waarna gehore kan uitsien in Jeffreysbaai.

Regisseur Eloise Clasen vertel van Reza de Wet se toneelstuk, Diepe grond, wat eersdaags aangebied word in Johannesburg.

André Odendaal is een van die akteurs wat Dylan Thomas se bekende UNDER MILK WOOD voorlees by vanjaar se Clarens Kunstefees. Hy vertel meer.

Die regisseur, Kerry-Anne Beldon van Pretoria Youth Theatre, vertel van hulle produksie, Charlie and the Chocolate Factory.

Die Kaapstad Filharmoniese Orkes se herfsseisoen begin op Donderdag 2 April 2026 in die Kaapstad Stadsaal. Terrance April het gaan inloer by hulle kantore, en met die bestuurshoof van die orkes, Adriaan Fuchs, gesels.

Een van die organiseerders van die Clarens Kunstefees, Elna Rossouw, gesels oor vanjaar se hoogtepunte.

Christelle Webb-Joubert kuier by die beeldhouer, Anton Smit. Hy gesels oor sy uitstalling wat te sien is by die Kunsvereniging van Pretoria.

Amanda Strydom loop reeds 'n lang pad met die KKNK. Sy doen dit weer vanjaar met 'n splinternuwe produksie. Terrance April gesels met haar en Je-ani Swiegelaar, wat die verhoog met Amanda deel.

Christelle Webb-Joubert vind meer uit oor Vonkprop, wat te sien is by die KKNK.

Die visuele kunskurator van die KKNK, Liza Grobler, gesels oor 2026 se aanbod.

Marion Holm het harsingskudding opgedoen twee weke voor die KKNK. Sy vertel, vanuit haar bed, vir Christelle Webb-Joubert hoe dit gebeur het, en van haar nuwe eenvrouvertoning, Gryp elke grasHolm.

Die kunstenaar Mieke-Louise de Villiers vertel van haar uitstalling, Carry/Keep: Stewarding the Weight of What Remains.

Die uitvoerende hoof van die Suidoosterfees, Jana Hatting, vertel van 2026 se feeshoogtepunte.

Christelle Webb-Joubert gesels met uitvoerende vervaardiger Tiaan Kirsten-Lubbe oor Scenario Produksies en die Centurionteater se planne vir 2026.

Die Kunssentrum van die Universiteit van Johannesburg is bekend vir hulle eksperimentele en vernuwende werk in verskillende kunsvorme. Terrance April gesels met die hoof van die sentrum, Pieter Jacobs, oor wat in 2026 voorlê.

Wessel Pretorius gesels oor ge-gebergtes, ‘n nuwe stuk deur dramaturg Saartjie Botha. Dié toneelstuk debuteer by die KKNK.

Die liedjieskrywer, musikant, sanger en aktrise, Frieda van den Heever, vertel van die produksie, Stille Vuur, by die KKNK. Saam met haar op die verhoog is Coenie de Villiers, Mauritz Lotz en Deon Meyer.

Terrance April gesels met aktrise Fiona Ramsay oor die toneelstuk, The Opera Singer.

Vervaardiger Carin Bester neem twee “performance art”-stukke na die My Body My Space-fees in Entokozweni. Sy vertel van Plastic Not So Fantastic en Blinker.

Vervaardiger Franco Prinsloo gesels oor Die Karoo Kunslied, wat te sien is by die KKNK.

Margit Meyer-Rodenbeck is te sien in OUMA EN DIE OU KOEIE en RONDOMTALIE by vanjaar se KKNK.

Cobus du Toit is een van Suid-Afrika se voorste fluitspelers, wat hoofsaaklik in Amerika werk en woon. Hy is tans in die land te sien in 'n reeks konserte. Terrance April het met hom gesels.

Die dramaturg en regisseur, Nicola Hanekom, vertel van haar nuwe plekspesifieke stuk by die KKNK, Die gebed van ‘n halfmens.