Samstöðin

Mánudagur 11. maí Bandaríkin, ungliðar, sjávarútvegsstefna ESB, sorg og sérframboð Gauti B. Eggertsson hagfræðiprófessor í Brown-háskóla ræðir við Gunnar Smára um Bandaríki Trump, framtíð Nató, varnarsamninginn og fleira. Þrír formenn pólitískra ungliðahreyfinga ræða hlutskipti ungs fólks og um hvað verður kosið á laugardaginn. Þeir Illugi Gunnarsson, Vinstrinu 18 ára gamall, Halldór Ísak Ólafsson 26 ára sósíalisti og Jóhannes Óli, 22ja ára í Samfylkingunni, leggja spilin á borðið með Birni Þorláks. Úlfar Hauksson sjómaður og aðjúnkt í stjórnmálafræði, ræðir við Gunnar Smára um ESB og sjávarútveg. Það fylgir því sársauki að elska af öllu hjarta, segir Anna Ingólfsdóttir sem upplifði stórfenglegar tilfinningar þegar hún missti manninn sinn. Hún ræðir við Ásdísi Olsen. Þórhallur Jónsson sem klauf sig út úr Sjálfstæðisflokknum á Akureyri og stofnaði sérframboð ræðir við Björn Þorláks um hvernig það er að standa einn og utan hins gamla valdaflokks.

Sunnudagurinn 10. maí Synir Egils: Borgin, kosningamál, hneyksli og alvörumál Við byrjum á samtali við oddvita framboðanna sem njóta mest stuðnings í Reykjavík og flestir vilja sjá sem næsta borgarstjóra: Hildur Björnsdóttir oddviti Sjálfstæðisflokks, Pétur H. Marteinsson oddviti Samfylkingar og Sanna Magdalena Mörtudóttir oddviti Vinstrisins ræða kosningarnar á laugardaginn og segja okkur hvað þau vilja gera í Reykjavík. Síðan förum við yfir fréttir vikunnar og stöðu mála: Eyrún Magnúsdóttir ritstjóri Gímaldsins, Jovana Pavlović, mannfræðingur og oddviti Borgarbyggðarlistans, og Karen Kjartansdóttir ráðgjafi greina helstu tíðindi og meta stöðuna. Í lokin fara þeir bræður yfir pólitíkina með sínu nefi.

Laugardagur 9. maí Helgi-spjall: Sigmundur Ernir Sigmundur Ernir Rúnarsson er skáld, blaðamaður, pabbi, eiginmaður, útvistarmaður, þingmaður og er þá ekki allt upp talið. Hann ræðir líf sitt og feril í ítarlegu helgi-spjalli við Björn Þorláks.

Föstudagur 8. maí Vikuskammtur: Vika 19 Eins og venja er á föstudögum kemur saman gott fólk að ræða fréttir vikunnar í Vikuskammti við Rauða borðið. Að þessu sinni mæta þau Guðmundur Auðunsson, María Hjálmtýsdóttir, Margrét Lísa Gunnarsdóttir og Unnar Þór Sæmundsson til að ræða sveitarstjórnarkosningar, mótmæli, gömul og ný þrætuepli og ýmsar furðufréttir með Laufeyju Líndal. Þátturinn er tekinn upp í beinni útsendingu.

Fimmtudagur 7. maí Niðursveifla, rógsherferð, leigjendur og göngugarpur Stefán Ólafsson prófessor og sérfræðingur hjá Eflingu ræðir niðursveiflu í efnahagskerfinu, skaðlega peningamálastefnu og skort á virkri hagsstjórn við Gunnar Smára. Reynsluboltarnir Stefán Pálsson sagnfræðingur, Björk Vilhelmsdóttir félagsráðgjafi og Hallur Magnússon atvinnurekandi ræða rógsherferðir, harðnandi slag um borgina, ESB og minkabana. Björn Þorláks stýrir þættinum. Yngvi Ómar Sigrúnarson og Guðmundur Hrafn Arngrímsson, núverandi og fyrrverandi formenn Leigjendasamtakanna, ræða við Gunnar Smára um stöðuna á húsnæðismarkaði og stöðu leigjenda. Einar Skúlason forsvarsmaður gönguhópsins Vesens og vergangs ræðir við Ragnheiði Davíðsdóttur um mikilvægi útivistar og hreyfingar.

Miðvikudagur 6. maí Kjarasamningar, strandeldi, skólar, mengun, viðsnúningur og bekkurinn Gunnar Smári ræðir við Ragnar Þór Ingólfsson félags- og húsnæðismálaráðherra um kjarasamningana, verðlagsákvæði þeirra og hvað ríkisstjórnin getur gert svo samningunum verði ekki sagt upp í haust. Katrín Oddsdóttir lögmaður og náttúrusinni mætti til Sigurjóns. Saman töluðu um skuggahliðar laxeldis í sjó. Bæði hér heima sem og í Noregi. Magnús Þór Jónsson formaður Kennarasambandsins ræðir við Gunnar Smára um það samfélagslega stórhrun sem Inga Sæland mennta- og barnamálaráðherra boðaði ef skólastefnunni yrði ekki umbylt. Andrjes Guðmundsson formaður Lungnasamtakanna ræðir það sem gleymist að mestu leyti að ræða fyrir sveitarstjórnarkosningarnar; pólitískar bráðaaðgerðir sem varða loftgæði og svifryk. Umhverfismálin ættu að vera framar í samgönguumræðunni. Björn Þorláks ræðir við hann. Sturlaugur Sturlaugsson mannvinur og forvígismaður á Akranesi breytti um stefnu í lífinu eftir 50 ára stjórnunarstörf í sjávarútvegi og tók við stöðu forstöðumanns Fjölsmiðjunnar. Hann vill að Ísland verði boðberi friðar og að stofnað verði friðarráðuneyti. Búið er að leika fimm umferðir í efstu deild karla. KR-ingar hafa slegið í gegn. Unnið alla sína leiki og skorað grimmt. Víðir Sigurðsson mætti í viðtal um Íslandsmótið. Hann segir að stuðið á KR-ingum sé með því besta sem sést hefur í byrjun móts í áratugi.

Þriðjudagur 5. maí Heimurinn, fjölskyldustefna, snýr aldrei aftur, gervigreind og kónguló Magnea Marinósdóttir alþjóðastjórnmálafræðingur ræðir við Maríu Lilju um stöðu heimsmála. Guðný Eydal, prófessor í félagsráðgjöf og Ásdís Arnalds, lektor í félagsráðgjöf ræða fjölskyldustefnur á Íslandi og hverju er ábótavant í framfylgd hennar og framkvæmd við Laufeyju Líndal. Jón Óðinn Waage sem flutti til Svíþjóðar eftir hrun segir að saga Íslendinga sé saga þjóðar sem elskar eigin mistök. Hann flytur drápu við Rauða borðið í símtali við Björn Þorláks. Gervigreind sem persónulegur aðstoðarmaður gefur þér forskot og sparar þér tíma og fé, segir Fjalar Sigurðarson í viðtali við Ásdísi. Doktor Ingi Agnarsson dýrafræðingur er á leið til Madagaskar með nemendahóp frá HÍ. Hann greinir Birni Þorláks frá sterkasta efni náttúrunnar sem finnst í kónguló.

Mánudagur 4. maí Ritlaun, heiðursborgari, umhverfissálfræði og urriðaveiði Margrét Tryggvadóttir, formaður Rithöfundasambands Íslands, bregst við gagnrýni Vals Gunnarssonar sagnfræðings og rithöfundar á úthlutun ritlauna. Björn Þorláks stýrir umræðunni. Guðjón Friðriksson sagnfræðingur og rithöfundur er heiðursborgari Reykjavíkur. Gunnar Smári ræðir við hann. Ásdís Ólsen ræðir við Pál Jakob Líndal um umhverfissálfræði. Jón Aðalsteinn Þorgeirsson tónlistarmaður er handinn veiðiástríðu. Hann ræðir við Björn Þorláks um Laxá í Aðaldal, einkum urriðasvæðið og sögu veiðanna aftur í tímann.

Sunnudagurinn 3. maí Synir Egils: Fréttamaður, formaður, framkvæmdastjóri og forsætisráðherra Þrjár konur mæta í Vettvang dagsins að þessu sinni. Berghildur Erla Bernharðsdóttir fréttamaður, Rósa Björk Brynjólfsdóttir, formaður VG og Sigríður Ingibjörg Ingadóttir framkvæmdastjóri BSRB. Af nógu er að taka. Til að mynda fagnar Rósa Björk því að VG, flokkurinn hennar, mælist loks með þingmenn. Það kom fram í nýjustu skoðanakönnunum. Annars er farið vítt yfir sviðið. Núna þegar pólitíkin er að ná athygli nánast allra. Enda er kosið eftir tær vikur. Kristrún Frostadóttir er sannarlega upptekin þessi dægrin. Hún sá af tíma sínum til að koma til okkar. Því ber að fagna. Margt ber á góma. Ríkisstjórnin, efnahagsmálin, þjóðaratkvæðagreiðslan, þingið, breyttur heimur, og það til hins verra, utanríkismál og fleira og fleira.

Laugardagur 2. maí Helgi-spjall: Baldvin Snær Baldvin Snær Hlynsson tónlistarmaður býr til stjörnur úr góðum efnivið. Hann er það sem kallað er Artist Developer og leitar nú að íslenskum vonarstjörnum sem vilja slá í gegn! Hann er kallaður til Hollywood eða London til að semja tónlist fyrir kvikmyndir eða pródúsera nýja tónlistarmenn. Ferilskráin er stjörnum prídd en núna er hann heima á Íslandi að hljómsveitarstýra Ormstungu í þjóðleikhúsinu.

Fimmtudagur 30. apríl Fólkið í borginni: Íþróttir eru límið í samfélaginu Herra Fram – Daði Guðmundsson, starfsmaður Knattspyrnufélagsins Fram ræðir um störf íþróttafulltrúa borgarinnar og hvernig íþróttastarf getur gagnast til inngildingar. Hvernig var að taka þátt í uppbyggingu nýs borgarhverfis og hvernig geta íþróttafélögin okkar hjálpað til við að skapa hverfisanda? Erum við að gefa börnunum okkar næg tækifæri til að velja sér íþróttagreinar? Hvernig komum við börnum með fötlun inn í íþróttastarf?’’ Umsjón: Stefán Pálsson

Miðvikudagur 29. apríl Fólkið í borginni: Hinsegin félagsmiðstöðin Í þessum þætti fræðir Snæ Humadóttir, framhaldsskólanemi þáttastjórnandann Ástu Þórdísi Skjalddal um hinsegin félagsmiðstöðina og hvaða máli hún skiptir unga fólkið okkar.

Fimmtudagur 30. apríl Stríðsástand, líf í hjólastól, reynsluboltar, borgarmálin og fyrirmyndir Hilmar Þór Hilmarsson, prófessor við Háskólann á Akureyri, ræðir fyrst óöryggið í heiminum, alvarlegar afleiðingar Íransstríðsins, krísu Trump og fleira í samtali við Björn Þorláks. Víðir Þorsteinsson hefur verið í hjólastól frá 1980. Ragnheiður Davíðsdóttir ræðir við hann og eiginkonu hans, Sigríði Sóleyju Friðjónsdóttur um lífið og tilveruna. Víðir Þorsteinsson hefur verið í hjólastól frá 1980. Ragnheiður Davíðsdóttir ræðir við hann og eiginkonu hans, Sigríði Sóleyju Friðjónsdóttur um lífið og tilveruna. Nokkrir efstu fulltrúar Viðreisnar í Reykjavík ræða nokkur kosningamál og áherslur í samtali við Björn Þorláks. Davíð Sól Páls, Arna Magnea Danks og Chaiwe Sól Patiwa Drífudóttir eru öll kennarar í grunnskólum og hafa víðtæka reynslu í að koma til móts við börn með mismunandi bakgrunn og þarfir. Þau tala um skólastarfið, börnin, takmarkanir og áskoranir skólakerfisins í heild, og ekki síst um mikilvægi þess að börn hafi sterkar fyrirmyndir í skólastarfinu og samfélaginu öllu. Laufey Líndal Ólafsdóttir ræðir við þau í lok þáttar.

Miðvikudagur 29. apríl Húsnæðispakki, fasteignasala, gervigreind, lágkúra, rauða hverfið. Yngvi Ómar Sigrúnarson formaður leigjendasamtakanna ræðir húsnæðispakka tvö við Maríu Lilju og möguleg áhrif aðgerðanna á kjör leigjenda. Hvaða áhrif skyldi sú ákvörðun ríkisstjórnarinnar hafa á fasteignamarkaðinn að byggja 1400 íbúðir á ríkislóðum? Páll A. Pálsson fasteignasali svarar því. Björn Þorláks ræðir við hann. Margrét Tryggvadóttir, formaður rithöfundasambandsins vakti athygli á pistli stjórnmálamanns í vikunnu sem margt bendir til að hafi verið ritaður af gervigreind. Hún fer yfir málið og fleira því tengt með Sigurjóni Magnúsi. Pólitísk umræða er rislítil, ómálefnaleg og stundum lágkúruleg nú þegar korter er í sveitarstjórnarkosningar. Þetta segir Atli Þór Fanndal í samtali við Björn Þorláksson. Ari Logn er talsmanneskja Rauðu regnhlífarinnar, samtaka kynlífsverkafólks. Hán er ekki sátt við umfjöllun Kveiks um vændi og mansal á Íslandi. Þau María Lilja fara yfir núansana í líflegu spjalli.

Þriðjudagur 28. apríl Rótin, menguð jörð, spilling, vakning og verðhækkanir Rótin hefur sent kæru til úrskurðarnefndar um upplýsingamál vegna synjunar Sjúkratrygginga á aðgangi að upplýsingum í samningi stofnunarinnar við SÁÁ. Kristín I Pálsdóttir ræðir við Maríu Ragnheiður Þorgrímsdóttir, íbúi í Hvalfirði, segir að mengun frá stóriðjusvæðinu á Grundartanga sé orðin að dragbít sem hamli framþróun hjá sveitarfélaginu. Björn Þorláks ræðir við hana. Gísli Tryggvason lögmaður ræðir spillingu og lagaleg álitamál sem tengjast fréttum líðandi stundar í samtali við Björn Þorláks. Gunnar Dan uppljómaðist eftir taugaáfall en hann segir sjálfsblekkingu, fals, lygar og ofbeldi hafa einkennt líf sitt fram að því. Ásdís Olsen ræðir við hann. Verðhækkanir virðast á fullu þessa dagana og takmörkuð bjartsýni gagnvart komandi verðbólgumælingum. Breki Karlsson, formaður Neytendasamtakanna, fer yfir tillögur að úrbótum í samtali við Björn Þorláks.

Þriðjudagur 28. apríl Fólkið í borginni: Fátækt í Reykjavík Í þessum þætti af Fólkið í borginni ræðir Finnur Ricart Andrason við þau Elísabetu Hauksdóttur íbúa í Fellahverfi og Kolbein H. Stefánsson íbúa í Laugardalnum um fátækt í Reykjavík. Umræðan þeirra á milli er afslöppuð, einlæg og jarðbundin; hún er bæði persónuleg og fræðileg og til þessa fallin að fræða áhorfendur um hinar ýmsu hliðar fátæktar sem allt of mörg upplifa sem sinn daglega raunveruleika í okkar fallegu og ríku borg.

Mánudagur 27. apríl Fólkið í borginni: Lifir listin í borginni? Árni Már Þórdísar Viðarsson, einn stofnenda Gallerýs Ports, segir frá menningarlífi borgarinnar og þróun listarýma á undanförnum árum. Við ræðum hvað þarf til þess að listarými geti dafnað í borgarumhverfi og hvernig rými móta upplifun okkar af list. Um leið veltum við fyrir okkur hversu miklu tómlegra borgarlífið væri án listar og hvernig borgir verða skapandi og mannvænni þegar grasrótin fær rými til þess að skapa. Umsjón Sanna Magdalena Mörtudóttir.

Mánudagur 27. apríl Kosningar, ritskoðun, tantra og rödd ársins Regína Ásvaldsdóttir, Pétur Marteinsson og Steinunn Gyðu og Guðjónsdóttir af lista Samfylkingarinnar í RVK ræða við Maríu Lilju um áherslumálin. Valur Gunnarsson rithöfundur og sagnfræðingur leggur spilin á borðið og segir frá því hvernig það er að fá sjaldnast ritlaun, sem byggi á geðþóttaákvörðun. Björn Þorláks ræðir við Val. Matilda Gregorsdóttir kennir landsmönnum að virkja kynorkuna og opna fyrir möguleikavíddina. Ásdís ræðir við Matildi um kynorkuna og orkufullnægingu. Halldóra Ósk Helgadóttir söngkona ræðir töfra tónlistarinnar. Hún var meðal ungra einleikara sem komu fram í Hörpu um helgina með Sinfó. Sól Björnsdóttir og Björn Þorláks ræða við hana.

Sunnudagurinn 26. apríl Synir Egils: Ráðherrar, kennarar, kosningar og ESB Í Vettvang dagsins komu þau Magnús Þór Jónsson, formaður Kennarasambandsins, og Nanna Margrét Gunnlaugsdóttir þingkona Miðflokksins og Sigurður Örn Hilmarsson, Sjálfstæðisflokki og varaþingmaður fyrir Áslaugu Örnu Sigurbjörnsdóttur. Margt ber á góma í fyrri hlutanum. Mest þó um stjórnmál og samband ráðherra og kennara. Árangur þessa þingvetrar, komandi byggðakosningar, og hvernig þau meta afgreiðslu mála þessa þingvetrar. Eins verður snertilending á ESB. Í seinni hlutanum mæta þau Haraldur Ólafsson og Helga Vala Helgadóttir sem eru fjarri sammála um Ísland og ESB. Við höldum áfram að heyra ólík sjónarmið í þessu viðkvæma máli.

Laugardagur 25. apríl Helgi-spjall: Karl Ágúst Ásdís Olsen ræðir við fyrrum eiginmann sinn, Spaugstofumanninn, leikskáldið og leikarann Karl Ágúst í persónulegu og einlægu viðtali.

Föstudagur 24. apríl Vikuskammtur: Vika 17 María Lilja tekur á móti gestum Vikuskammtsins á öðrum degi sumars, en að þessu sinni mæta að borðinu þau Katla Ásgeirsdóttir, Silja Sóley Birgisdóttir, Margrét Rós Sigurjónsdóttir og Freyr Rögnvaldsson.

Fimmtudagur 22. apríl Sjávarútvegsspjallið 81. þáttur Gestir Grétars að þessu sinni eru þeir Björn Ólafsson og Jón Baldvin Hannibalsson.

Miðvikudagur 22. apríl Heimskreppa, innsæi, Bieber og kórsöngur Hilmar Þór Hilmarsson, prófessor við Háskólann á Akureyri, ræðir ýmis utanríkismál, pattstöðu í Íransstríðinu, líkur á alvarlegri heimskreppu, skuldir Bandaríkjanna og fleira í samtali við Björn Þorláks. Ásdís Olsen ræðir við Hrund Gunnsteinsdóttur um innsæi. Helga Þórey Jónsdóttir og Arnar Eggert Thoroddsen ræða um Bieber á coachella við Maríu Lilju. Ásta Magnúsdóttir og Lára Ruth Clausen ræðir við Björn Þorláks um kórastarf og listina að syngja sig í gegnum lífið, ekki síst meðal ungs fólks.

Miðvikudagur 22. apríl Græna borðið 11. þáttur - Græna gangan Græna borðið er tileinkað grænu göngunni að þessu sinni. Fulltrúar náttúruverndarsamtaka hringinn í kring um landið ræða um hvaðan samtökin eru sprottin og hvaða viðfangsefni eru brýnust í dag. Rakel Hinriksdóttir, formaður Samtaka Um Náttúruvernd á Norðurlandi (SUNN) stýrir þættinum. Gestir eru Guðrún Óskarsdóttir, formaður Náttúruverndarsamtaka Austurlands (NAUST), Davíð Arnar Stefánsson, meðstjórnandi Náttúruverndarsamtaka Suðvesturlands (NSV) og Þorgerður María Þorbjarnardóttir, formaður Landverndar. Þau ræða meðal annars tíðarandann, tilgang með umsögnum og vonbrigði með núverandi umhverfisráðherra.

Þriðjudagur 21. apríl Nauðgunarmenning, móðir, sveitastjórnarkosningar, hugvíkkandi, tónleikar Fregnir bárust um liðna helgi af vefsíðu þar sem karlar skiptust á ráðum og myndefni af nauðgunum sofandi kvenna, í flestum tilfellum eiginkvenna eða kærasta.Drífa Snædal og Guðný S Bjarnadóttir ræða við Maríu Lilju um þetta samfélagsmein. Alma Hrönn Hrannardóttir er reið. En hvers vegna? Jú, vegna þess hvernig hluti samfélagsins okkar virkar - eða virkar ekki. Of mörg orð eru sögð en aðgerðir eru engar. Þau Arna Magnea Danks, Guðmundur Ingi Þóroddsson, Sigurður Rúnarsson og Oktavía Hrund Guðrúnar Jóns eru í hringiðu sveitastjórnarkosninga. Þau ræða um fólk, regnbogafána ofl. við Maríu Lilju. Ný forsetatilskipun Donalds Trump um hugvíkkandi efni er mikla stefnubreytingu í heilbrigðismálum Bandaríkjanna segir Frímann Kerúlf, formaður félagsins Hugvíkkandi í viðtali við Ásdísi Olsen. Afmælistónleikar Björgvins Þ. Valdirmarssonar eru framundan. Hann fer yfir ferilinn og ræðir tímamótin í spjalli við Björn Þorláks.

Mánudagur 20. apríl Kynferðisofbeldi, mannréttindi, útgerðarspilling, Ríkisútvarpið og píanóleikur Steinun Ólína Þorsteinasdóttir leikkona hefur gefið út Ólínuskjölin þar sem hún segir frá hlutum sem legið hafa í þagnargildi, kynferðisofbeldi gegn henni sjálfri. Hún ræðir við Björn Þorláks um mein íslenska samfélags. Viðar Eggertsson leikstjóri og Sigríður Nanna Heimisdóttir, aðstoðarskólastjóri Hagaskóla, bregðast við umræðu Snorra Mássonar Miðflokksmanns um regnbogamenningu í skólum. Björn Þorláks ræðir við þau Þingmaðurinn Sigurjón Þórðarson og varaþingmaðurinn Grétar Mar Jónsson, Flokki fólksins, ræða spillingu í sjávarútvegi. Björn Þorláks ræðir við þá. Tekjur Samstöðvarinnar voru innan við eitt prósent af þeim tekjum sem Ríkisútvarpið naut á árinu 2025. Stefán Jón Hafstein, formaður stjórnar Rúv, ræðir við Björn Þorláks um gæði dagskrár, traust og fleira. Pálmi Sigurhjartarson píanisti gefur út fyrstu píanóplötu sína eftir nokkra daga. Covid varð honum uppspretta hugmyndar að útgáfunni. Björn Þorláks ræðir við hann.

Bridgeþátturinn 19. apríl: Hvert stefnir? Matthías Imsland framkvæmdastjóri Bridgesambands Íslands og Magnús E. Magnússon landsliðsmaður og starfsmaður BSÍ ræða horfurnar fram undan í keppnisbriddsheimi Íslendinga. Úrvalsdeildina, landsliðsverkefni fram undan og úrslit Íslandsmótsins í sveitakeppni ber á góma. Þátturinn er í umsjá Björns Þorláks.

Sunnudagurinn 19. apríl Sveitarstjórnir, skólamál og ESB Það verður gestkvæmt í Sonum Egils þennan sunnudaginn. Í fyrri hluta þáttarins, það er Vettvang dagsins, koma fjórar konur: Kolbrún Þorsteinsdóttir kennari, Eyrún Magnúsdóttir ritstjóri, Eva H. Önnudóttir prófessor og Sóley Tómasdóttir kynja- og fjölbreytileikaráðgjafi. Í síðari hluta koma þingmennirnir Guðlaugur Þór Þórðarson og Pawel Bartoszek. Þeir skiptast á skoðunum um Evrópusambandið og hvort við eigum erindi þangað eða ekki. Í fyrri hlutanum verður örugglega eitthvað rætt um komandi kosningar, til sveitarstjórna og hvort við eigum að halda áfram viðræðum við ESB eða ekki. Menntamál og Inga Sæland munu örugglega verða til umræðu. Sem og ýmislegt annað.

Föstudagur 17. apríl Vikuskammtur: Vika 16 Gestir Björns Þorlákssonar í Vikuskammti í beinni útsendingu á Samstöðinni klukkan 16 í dag verða Brynjar Níelsson, frambjóðandi Sjálfstæðisflokksins, Sanna Magdalena Mörtudóttir borgarfulltrúi, Jóhannes Óli Sveinsson, formaður ungs jafnaðarmannafólks og Björg Eva Erlendsdóttir, Landvernd. Til umræðu verða ný fylgiskönnun í borginni, umdeildur málflutningur Miðflokksins gagnvart minnihlutahópum, vorið, efnahagurinn, kosningastrategíur og ESB svo nokkuð sé nefnt.

Fimmtudagur 16. apríl Flóttabörn, flóðahætta, reynsluboltar, öldrun og tónlistarnemar Tótla I. Sæmundsdóttir hjá Barnaheillum ræðir við Maríu Lilju um mál barnanna sem liggja utan kerfis, án þjónustu, eftir að málefni umsækjenda um alþjóðlega vernd voru færð frá sveitafélögunum yfir til ráðuneyta og undirstofnanna. Einar Sveinbjörnsson veðurfræðingur varar við stórkostlegri byggð á Noðurnesinu á Álftanesi. Það liggur lágt yfir sjó og varnargarðar sem þar eru rofna iðulega undan ágangi sjávar. Einari líst ekki vel á og rifjar upp skaða sem hafa orðið á síðustu öld vegna mikilla flóða sem hafa orðið þarna. Guðmundur Andri Thorsson rithöfundur, Páll Valur Björnsson skólamaður og Gísli Tryggvason lögmaður renna yfir fréttir líðandi stundar með Birni Þorláks. Berglind Indriðadóttir iðjuþjálfi ræðir farsæla öldrun í samtali við Björn Þorláks. Draumur um að syngja eða spila í Hörpu í fyrsta skipti rætist hjá ungu fólki þessa dagana en útskriftartónleikar efnilegra tónlistarmanna í Menntaskóla í tónlist fara nú fram. Birna Hallgrímsdóttir píanókennari, Theódóra Sæmundsdóttir söngkona, Freyja Sigríðardóttir básúnuleikari og Ásgeir Helgi Ásgeirsson gítarleikari ræða við Björn Þorláks um áfangann, sigrana og framtíðina.

Miðvikudagur 15. apríl Líknardauði, krónan, sveitarstjórnarspenna, Íran, píratar og Kúba Vala Höskuldsdóttir listakona segir Ásdísi Olsen frá einstakri reynslu sinni af líknardauða móður sinnar í Reykjavík, sem leiddi til handtöku og vistunar í fangaklefa. Þröstur Ólafsson þjóðhagfræðingur segir í samtali við Björn Þorláks að íslenska krónan sé mikið mein og standi framförum fyrir þrifum.. Kjartan Orri Thorsson, miðausturlandafræðingur og sérfræðingur í málefnum Íran, ræðir stöðu mála við Maríu Lilju. Ólafur Þ. Harðarson ræðir fall Orban, spennandi baráttu milli vinstris og hægris hér á landi, Flokks fólksins og fleira sem tengist stjórnmálum í spjalli við Björn Þorláks. Alexandra Briem, Unnar Þór Sæmundsson, Oktavía Hrund Guðrúnar Jóns ræða stefnu pírata í borginni við Maríu Lilju. Eyjólfur B. Eyvindsson og Niuvis Sago Suceta ræða stöðu Kúbu við Maríu Lilju en Eyjólfur er nýkominn frá landinu eftir að hafa tekið þátt í að rjúfa herkvína ásamt hundruðum annarra aðgerðasinna.

Þriðjudagur 14. apríl Stjórnmáladoði, áfengisáhrif, ögranir og tónlist Lítill áhugi virðist meðal almennings á sveitarstjórnarkosningunum fram undan ef marka má óformlega athugun Samstöðvarinnar. Fæstir segjast þora að tjá sig um viðkvæm pólitísk deilumál. Árni Guðmundsson forvarnafulltrúi ræðir réttarhöld og tímamótadóm í sakamáli gegn Smáríkinu. Ólögleg sala einnar hvítvínsbelju gæti orðið þúfa sem veltir þungu hlassi. Björn Þorláks ræðir við Árna. Brynhildur Ólafsdóttir er óhrædd við ögrandi og sársaukafull ævintýri í óbyggðum. Hún hefur stundum verið nær dauða en lífi eins og kemur fram í samtali hennar við Ásdísi Olsen. Tónlistarskólarnir í Reykjavík verða með opið hús í Ráðhúsinu um helgina. Björn Þorláks ræðir við Önnu Rún Atladóttur um uppskeruhátíðina fram undan.

Mánudagur 13. apríl Íransstríðið, vinstrið, fíkn, húsbyggingar og sjálfsvinna Hilmar Þór Hilmarsson, prófessor við Háskólann á Akureyri, ræðir fall Orban í Ungverjalandi og fíaskóið sem Íransstríðið virðist vera fyrir Trump. Björn Þorláks ræðir við hann. Svenný Kristins, Davíð Arnar Stefánsson og Esther Bíbí Ásgeirsdóttir ræða við Maríu Lilju sem fulltrúar nýs framboðslista vinstrisins í Hafnarfirði. Ragnheiður Davíðsdóttir ræðir við Áslaugu Einarsdóttur, móður sem hefur glímt við fíknisjúkdóm og misst bæði forsjá og umgengni við barn sitt. Ingvar Jónsson byggingameistari ræðir við Björn Þorláks í tengslum við breytt landslag húsbygginga hér á landi og ber aumingjaskap landsmanna á góma. Ásdís Olsen ræðir við Helgu Snjólfsdóttur verkfræðing sem opinberaðist sjálfri sér eftir að hafa keyrt á vegg.

Laugardagur 28. mars Helgi-spjall: Brynja Péturs Dansarinn og frumkvöðullinn Brynja Pétursdóttir segir Maríu Lilju frá ástríðu sinni fyrir hipp hopp tónlist og dansi, en hún hefur helgað líf sitt því að kenna ungu fólki á íslandi allt um þann dans og menninguna sem hann sprettur úr.

Föstudagur 27. mars Vikuskammtur: Vika 13 Gestir Laufeyjar Líndal eru að þessu sinni Ægir Máni Bjarnason, listarmaður og aðgerðarsinni, Davíð Sól Páls, kennari og aktivisti, Miriam Petra Ómarsdóttir Awad, sérfræðingur og ráðgjafi og Hjálmtýr Heiðdal, formaður félagsins Ísland-Palestína og eftirlaunamaður.

Staða mála.

Fimmtudagur 26. mars Samstöðvarsigur og litróf listarinnar Þátturinn er stuttur í kvöld, en veðurofsi fyrri part dags setti dagskrána aðeins úr skorðum, svo í þessum síðasta þætti Rauða borðsins fyrir Páska bjóðum við upp á tvö viðtöl við tvo góða gesti. Fyrst fær Björn Þorláks til sín góðvin Rauða borðsins, Gísla Tryggvason. Innslagið Réttur er settur, sem þeir félagar hafa haldið úti í vetur fjallar í þetta sinn um sigur Samstöðvarinnar í meiðyrðamáli sem Gísli rak fyrir dómi nýlega fyrir hönd miðilsins. Sýningin „Þegar ég sé þig, sé ég mig” var nýlega sýnd á sviði Borgarleikhússins, en sýningin var samsett úr sögum Íslendinga af blönduðum uppruna, sem sjálfir sögðu sögu sína á sviðinu. Skúli Issac Qase er einn af leikurum í sýningunni, en hann ræðir sýninguna og sína sögu við Laufeyju Líndal, ásamt broti úr sögu móður sinnar, Amal Rúnar Qase, sem var áberandi í íslensku samfélagi á tíunda áratug síðustu aldar.

Fimmtudagur 26. mars Sjávarútvegsspjallið - 80. þáttur: Hafró Grétar Mar og Ólafur Jónsson ræða við Jón Kristjánsson.

Miðvikudagur 25. mars Húsnæðislán, Reynsluboltar, Trump-tíminn og alþjóðamál Marinó G Njálsson ráðgjafi hefur verið skipaður af ráðherra formaður stýrihóps um nýtt húsnæðislánakerfi. Marínó vill losna við verðtryggingu. Björn Þorláks ræðir við hann. Viðar Eggertsson leikari, Ólafur Arnarson blaðamaður og Margrét Tryggvadóttir formaður Rithöfundasambands Íslands kryfja fréttir og þjóðmál í umræðuþættinum Reynsluboltar í umsjá Björns Þorláks. Mogginn, hagstjórn og ESB til umræðu. Trumptíminn verður á sínum stað. Gestir í dag eru Bjarni Randver Sigurvinsson guðfræðingur og Margrét Valdimarsdóttir afbrotafræðingur, Björn Þorláks ræðir við þau. Hilmar Þór Hilmarsson prófessor við Háskólann á Akureyri ræðir alþjóðamál og ekki síst áhrif stríðsins í Íran í samtali við Björn Þorláks.

Miðvikudagur 25. mars Græna borðið - 7. þáttur: Deilt um vindorkuver Sveitarstjórn Dalabyggðar er hætt að vinna að því að vindorkuver franska fyrirtækisins Qair rísi á Laxárdalsheiði. Sveitungum líst ekki vel á orkuver á heiðinni. Skipulagsstofnun gaf verkefninu falleinkunn en Qair er ekki af baki dottið og fer fram á nýtt mat. Sveitarstjórn kallar eftir skýrri og nákvæmri vindorkustefnu frá stjórnvöldum fyrir náttúru og samfélag. Kristín Helga Gunnarsdóttir og Björg Eva Erlendsdóttir stjórna þættinum.

Þriðjudagur 24. mars Fréttir og pólitík, fordómar, dánaraðstoð og falleinkunn Aðalsteinn Kjartansson fréttastjóri Heimildarinnar og Sigmundur Ernir Rúnarsson komu til að ræða pólitík og helstu fréttir. Þarna voru vanir menn sem fóru vítt og breytt um fréttasviðið hér og út í hinum stóra heimi. Grímur Atlason hjá Geðhjálp ræðir könnun um fordóma, geðsjúkdóma og fíkn. Krísur ungs fólks ber á góma sem og tilgang lífsins. Björn Þorláksson ræðir við hann. Svanur Sigurbjörnssson læknir kom til okkar. Umræðuefnið var dánaraðstoð og hvar hún er leyfð og hvað þarf að koma til svo sjúklingur geti fengið dánaraðstoð. Jón K. Jacobsen, faðir drengsins sem lést í brunanum á Stuðlum, segist hvorki reiður né finna hatur þótt hannn myndi sjálfur jafna Stuðla við jörðu ef hann kæmist til áhrifa í meðferðarstarfi. Björn Þorláks ræðir við hann.

Mánudagur 23. mars Opinberir starfsmenn, kulnun, listin og sagan Sonja Ýr Þorgeirsdóttir, BSRB og Helga Rósa Másdóttir, formaður Félags íslenskra hjúkrunarfræðinga, ræða neikvætt viðhorf gegn opinberum starfsmönnum og atlögu að vernd þeirra í starfi. Inniskór koma við sögu. Björn Þorláks ræðir við þær.Flosi Þorgeirsson, gítarleikari í Ham með meiru, ræðir eigin kulnun og hlaðvarpið Draugar fortíðarinnar í samtali við Björn Þorláks.Unnur Elísabet Gunnarsdóttir ræðir framtakið Segðu þína sögu. Hvernig vekur maður tilfinningu hjá öðrum með frásögn? Björn Þorláks ræðir við hana. Sóley Smáradóttir fiðluleikari lýkur framhaldsstigi á fiðlu innan skamms. Hún ræðir við Björn Þorláks um listir, heiminn, Ísland og rasisma.

Sunnudagurinn 22. mars Bridgeþátturinn - Kvennasigur Inda Hrönn Björnsdóttir, x og x ræða við Björn Þorláks um bridds. Þær stöllur eru glóðvolgir Íslandsmeistarar kvenna í sveitakeppni og þær ræða spilið, keppnina, kynjabaráttu og fleira.

Sunnudagurinn 22. mars Synir Egils: Stýrivextir, kjarasamningar, átök og Sjálfstæðisflokkurinn Fyrst koma Halla Gunnarsdóttir formaður VR, Lilja Dögg Alfreðsdóttir, formaður Framsóknarflokksins og Þorsteinn Víglundsson forstjóri BM. Vallár og formaður Samtaka iðnaðarins koma til okkar í fyrri hluta þáttarins. Efnahagsmálin verða í forgrunni, og er víst að þessir fínu gestir okkar hafa margt um það að segja. Hvers vegna sökkvum alltaf í sama vesenið. Sama hvaða fólk stýrir landinu og hvað fólk er í stafni hjá launafólki og atvinnurekendum. Guðrún Hafsteinsdóttir kemur vel nestuð frá flokkstjórnarfundi Sjálfstæðisflokksins. Víst er að flokkkurinn eigi mikið undir hvern til tekst nú í aðdraganda sveitarstjórnarkosninganna.

Laugardagur 21. mars Helgi-spjall: Brynhildur Guðjóns Brynhildur Guðjónsdóttir leikari fer yfir ævi og störf. Bernskan, áskoranir, listin og gleðin verða til umræðu. Björn Þorláksson ræðir við Brynhildi.

Föstudagur 20. mars Vikuskammtur: Vika 12 Gestir mæta við Rauða borðið til að ræða fréttir vikunnar sem að þessu sinni einkenndust af meiri stríðum, meiri öfgum, meiri átökum og hærra vaxtastigi, en einnig af tónlist, sveitarstjórnarkosningum og ýmsu öðru. Þau Arna Magnea Danks, leikkona og kennari, Jasmina Vajzovic, ráðgjafi, Bjarki Hjörleifsson, Varaformaður VG og Bogi Reynisson, hljóðmaður tækla þessi umræðuefni með Laufeyju Líndal.

Fimmtudagur 19. mars Efnahagsóvissa, ESB, eldhugi og áföll Finnbjörn A. Hermannsson, forseti ASÍ, bregst við umælum fjármálaráðherra í dag um að of miklar launahækkanir séu aðalhvati verðbólgunnar. Finnbjörn segir í samtali við Björn Þorláks stöðuna ekki bjarta og ræðir málin með gagnrýnum hætti. Magnús R. Einarsson leiðsögumaður og fyrrum dagskrárgerðarmaður til áratuga á Rúv, ræðir samanburð lífskjara á Íslandi og á meginlandi Evrópu. Honum finnst umræða stjórnarandstæðinga heimóttarleg eins og kemur fram í samtali hans við Björn Þorláks. Ragnheiður Davíðsdóttir ræðir við Svein Rúnar Hauksson lækni um ævi, störf og áhugamál. Dr. Sigrún Sigurðardóttir hefur skrifað bók um áföll sem er ansi skýr og aðgengileg almenningi. Hún ræðir bókina og farangurinn sem mörg okkar bera í spjalli við Björn Þorláks.

Fimmtudagur 18. mars Sjávarútvegsspjallið - 79. þáttur: Útflutningur og verkun Grétar Mar ræðir við þá Hannes Sigurðsson og Arnar Atlason.

Miðvikudagur 18. mars Spilling, Trump, Reynsluboltar og leiklist Útboðsspilling, einkum tengd verkfræðistofum, er fyrsta umræðuefni Rauða borðsins í kvöld í samtali Björgvins Víglundssonar byggingarverkfræðings við Björn Þorláksson. Dæmi eru um að hið opinbera greiði meira en tuttugufaldan verkkostnað vegna tengsla. Finnur Dellsén heimspekingur, Sveinn Máni Jóhannesson sagnfræðingur og Þorsteinn Þorgeirsson hagfræðingur ræða við Gunnar Smára um Donald Trump og áhrif hans á heiminn og hugmyndir okkar. Oddný G. Harðardóttir, fyrrum þingkona og ráðherra, Jón Trausti Reynisson blaðamaður og Lárus Guðmundsson miðflokksmaður ræða fréttir og átök líðandi stundar. Hagstjórnun, ofurvextir, heimsófriður og fleira verður til umræðu. Björn Þorláks stýrir umræðunni. Leikararnir og höfundarnir Davíð Þór Katrínarson, Unnsteinn Manuel Stefánsson og Jónmundur Grétarsson og leikstjórinn Þóra Karítas Árnadóttir ræða við Gunnar Smára um sýninguna Gæðablóð sem fjallar um hvernig það er að vera litaður í íslensku samfélagi.