SAREAN

IKERLANEN misioa transferentziako proiektuen bitartez, gure ezagutzak industriari helaraztea da. Beraz, BIEMH ekitaldian egongo gara hainbat hitzaldiekin eta gure asmoa da industriari gure teknologia hurbiltzea. Agenda: https://www.ikerlan.es/eu/agenda/ekitaldia/biemh-2022

IKERLAN eta MULTIVERSE COMPUTING aliantza aurrendaria osatu dute konputazio kuantikoa industria-alorrera eramateko. Teknologia horrek fabrikazio aurreratuaren eremuko prozesuetan irregulartasunak segidan detektatzeko duen potentziala ikertzen ari dira. Mikel Azkarate ikerlariak, SAREAN programan egon da konputazio kuantikoa eta aliantzaren erronkak azaltzeko.

Irune Agirre eta Irune Yarza ikerlariak, Euskadi Irratiko SAREAN irratsaioan azaldu dute UP2DATE proiektu europarraren xehetasunak. Drone eta robot autonomoen urruneko eguneratze ziberseguruan ari dira lanean, IKERLANEK gidatzen duen proiektu honetan. Horizon 2020 programak UP2DATE proiektuarengatik apustu egin du, ekimena finantziatuz.

Automobilgintza sektoreak mugikortasun eredu seguru, iraunkor eta konektatuago bat lortzeko erronka teknologikoa daukate. Testuinguru horretan, IKERLANek, IDNEO teknologia-konpainiarekin batera, aurrerapauso handia eman dugu hardware baten garapenaren bidez. Honek, ibilgailuei gidatze autonomoko funtzioak segurtasunez egiteko aukera emango die. Leire Rubio eta Ane Irazusta gure ikerlariek, Euskadi Irratiko Sarean saioan partekatu zituzten proiektuaren xehetasunak.

Mireia Olave ikerlariak, Euskadi Irratiko SAREAN irratsaioan azaldu du IKERLANek gidatzen duen INNTERESTING proiektu europarraren xehetasunak. Proiektuak metodologia berritzaile bat garatzea du helburu, turbina eoliko handienen osagai kritikoen fidagarritasuna frogatzeko, dimentsio handiagoko saiakuntza-bankuak eraiki beharrik gabe eta ingurumen- eta ekonomia-inpaktuak murriztea ere lortuz.

IKERLAN zentro teknologiko aitzindaria izan da 1985etik adimen artifizialeko teknologien garapenean, industria-sarearen beharrei etengabe erantzuteko. Josu Bilbao, IKT arloko arduraduna, Euskadi Irratiko Sarean saioan izan da, adimen artifizialaren inguruko azken garapenak eta industrian izango dituzten ekarpenak partekatzen.

IKERLANetik kontrolagailu logiko programagarri (PLC) pertsonalizatu bat diseinatu dugu Dutt-entzat (Pasaban Taldea). Kontrolatzaile hori papera ebakitzeko makinetan integratzen ari da jada, eta merkatuko komunikazio-ahalmenik handiena du. Edurne Palacio eta Ane Irazusta ikerlariek garapenaren xehetasunak eman dituzte Euskadi Irratiko Sarean irratsaioan.

IKERLANetik, FRACTAL, adimen artifizialean oinarritutako proiektu europar aitzindaria gidatzen dugu. Hemen garatutako teknologiek, makinei adimena eta gaitasun kognitiboak eman diezazkieke, hainbat sektoretan, hala nola energian, garraioan eta industrian. Aizea Lojo koordinatzaileak eta Nerea Ayestaran ikerlariak Euskadi Irratiko Sarean saioan azaldu dituzte xehetasunak.

ÉGIDA, Segurtasun eta Pribatutasun Teknologien Bikaintasun Sare Nazionala da eta ikerketa aplikatua indartzeko asmoz sortu da. Gradiant-ek gidatuta, IKERLANetik Fidesol eta Vicomtech-ekin batera hartzen dugu parte. Hona hemen Aitor Urbietak, IKERLANeko zibersegurtasun taldeko arduradunak, SAREAN saioan partekatutakoa.

Unai Viscarret IKERLANeko EIKT unitateko zuzendariak, Tecnalia eta Vicomtech-ekin batera garatzen ari garen RAPID metodologia azaldu du Euskadi Irratiko SAREAN saioan. Helburua, enpresetan, lanera itzultzean COVID-19aren inpaktua murriztea oinarritzen da.