SBS Khmer - SBS ខ្មែរ

**លោក ដូណាល់ ត្រាំ ទៅដល់ទីក្រុងប៉េកាំង ដើម្បីពិភាក្សាជាមួយលោក ស៊ី ជីនពីង។ **មេដឹកនាំបក្សប្រឆាំង នឹងប្រើប្រាស់សុន្ទរកថាឆ្លើយតបកញ្ចប់ថវិកាលើកដំបូងរបស់លោក ដើម្បីភ្ជាប់ការទទួលយកអន្តោប្រវេសន៍ ទៅនឹងចំនួនផ្ទះសាងសង់ថ្មី ។ **ចៅក្រមសម្រេចថា ក្រុមហ៊ុន Coles បានបោកបញ្ឆោតអតិថិជននៅក្នុងយុទ្ធនាការកំណត់តម្លៃ "Down Down" របស់ខ្លួន។

មានការរំពឹងទុកជាមុនច្រើនក្រៃលែង នៅមុនពេលប្រកាសកញ្ចប់ថវិកាឆ្នាំនេះ អំពីអ្វីដែលនឹងកើតឡើងសម្រាប់អ្នកវិនិយោគលើលំនៅដ្ឋាន។ ឥឡូវនេះយើងដឹងហើយថា លោកហិរញ្ញិក Jim Chalmers មានផែនការអ្វីខ្លះសម្រាប់ការបញ្ចុះតម្លៃពន្ធលើផលចំណេញមូលធន Capital Gains Tax និងការកាត់កងពន្ធអវិជ្ជមាន Negaive Gearing ដែលពន្ធទាំងពីរនេះត្រូវបានគេបន្ទោសថា កាន់ជើងវិនិយោគិនជាជាងអ្នកទិញផ្ទះដំបូង និងធ្វើឱ្យតម្លៃអចលនទ្រព្យកើនឡើង។ សំណួរសួរថា តើឥឡូវនេះមានអ្វីកើតឡើងចំពោះទីផ្សារលំនៅដ្ឋាន និងអ្នកទិញជាសក្តានុពល?

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** រដ្ឋាភិបាលសហព័ន្ធដាក់ចេញនូវកំណែទម្រង់ពន្ធដារក្នុងបំណងជួយយុវជនអូស្ត្រាលីកាន់តែច្រើនឲ្យមានលទ្ធិភាពទិញផ្ទះ។ ** អូស្ត្រាលីដាក់ទណ្ឌកម្មថ្មីលើអ៊ីរ៉ង់ជុំវិញការបង្ក្រាបរបស់ខ្លួនលើក្រុមបាតុករ និងស្ត្រី។ ** វិស័យម្ហូបអាហារ និងគ្រឿងទេសអូស្ត្រាលីកំពុងព្រមានថា អ្នកទិញអាចប្រឈមមុខនឹងតម្លៃខ្ពស់ក្នុងពេលឆាប់ៗនេះ។

លោកហិរញ្ញិក Jim Chalmers បានចេញកញ្ចប់ថវិកាឆ្នាំ ២០២៦ របស់លោក ដែលលោកហៅថាជា «ផ្លូវដ៏លំបាកនៃកំណែទម្រង់»។ ចំណុចកណ្តាលនៃកញ្ចប់ថវិកានេះគឺការផ្លាស់ប្តូរពន្ធលើលំនៅដ្ឋាន និងការសន្សំប្រាក់ចំនួន ៣៥ ពាន់លានដុល្លារពីកំណែទម្រង់គម្រោងធានារ៉ាប់រងពិការភាពជាតិNDIS។

** កញ្ចប់ថវិកាសហព័ន្ធនឹងប្រសើរឡើង ៤៥ ពាន់លានដុល្លារក្នុងរយៈពេលបួនឆ្នាំខាងមុខ។ ** ជនជាតិអូស្រ្តាលីចុះពីកប៉ាល់ទេសចរណ៍ដែលផ្ទុះមេរោគ hantavirus ត្រូវធ្វើចត្តាឡីស័ក៣សប្តាហ៍។ ** លោក ដូណាល់ ត្រាំ បដិសេធសំណើឆ្លើយតបរបស់អ៊ីរ៉ង់ ដើម្បីបញ្ចប់សង្គ្រាមរយៈពេល ១០ សប្តាហ៍។

អ្នកនាំពាក្យរាជរដ្ឋាភិបាល នៅក្នុងសេចក្តីថ្លែងការណ៍ប្រចាំថ្ងៃ កាលពីព្រឹកថ្ងៃទី១១ ខែឧសភា បានប្រកាសជំហរច្បាស់លាស់ថា រាជរដ្ឋាភិបាលកម្ពុជា ដឹកនាំដោយលោក ហ៊ុន ម៉ាណែត មិនមានការចាំបាច់ ត្រូវចរចាជាមួយថៃ ដើម្បីបង្កើតកិច្ចព្រមព្រៀងទ្វេភាគីថ្មីណាមួយទៀតឡើយ។ ជំហររបស់កម្ពុជាដូច្នេះ គឺក្រោយពីថៃ បានសម្រេចលុបចោលជាឯកតោភាគីលើអនុស្សារណៈយោគយល់គ្នា ឬ MOU 2001 ស្តីពីព្រំដែនសមុទ្រត្រួតស៊ីគ្នា។

** ស្ត្រីអូស្ត្រាលីបីនាក់ដែលមានទំនាក់ទំនងជាមួយក្រុមរដ្ឋអ៊ីស្លាម ប្រឈមមុខនឹងការចោទប្រកាន់ដែលមានទោសជាប់ពន្ធនាគារអតិបរមា ១០ឆ្នាំ និង ២៥ឆ្នាំ។ **គណបក្សសម្ព័ន្ធបានទទួលស្គាល់ថា ការរក្សាអាសនៈក្នុងតំបន់Farrer នឹងមានការលំបាក នៅមុនពេលការបោះឆ្នោត។ **រដ្ឋញូសៅវែលប្រកាសបញ្ចប់ការងារអ្នកម៉ៅការ លើគម្រោងរថភ្លើងក្រោមដី នៃអាកាសយានដ្ឋាន Western Sydney។

អ្នកម្តាយគ្រប់រូបតែងតែស្រឡាញ់កូន ប៉ុន្តែអ្នកម្តាយមួយចំនួនអាចថាឆ្លងកាត់នូវការលំបាកច្រើនជាងអ្នកម្តាយទូទៅ។ ក្នុងនាមខ្លួនឯងជាម្តាយម្នាក់ អ្នកស្រីប៊ុន ឡឺវីសេដាគិតថា អ្នកម្តាយរបស់គាត់ពិសេសជាងគេលើលោក ជាមួយនឹងអនុស្សាវរីយ៍និងការឈឺចាប់ ដែលមិនអាចបំភ្លេចបានជាច្រើនរាប់មិនអស់ ក្នុងរបបវាលពិឃាត។ ដើម្បីតបស្នងសងគុណអ្នកម្តាយ តើអ្នកស្រីបាននិងកំពុងតែប្រតិបត្តិខ្លួនបែបណាខ្លះ?

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** កញ្ចប់ថវិកាសហព័ន្ធបង្កើតប្រាក់សន្សំចំនួន ៦៤ ពាន់លានដុល្លារ។ ** ស្ត្រីបីនាក់ត្រូវបានចាប់ខ្លួន ខណៈដែលក្រុមគ្រួសារអតីតយុទ្ធជនក្រុម I-S បានមកដល់អូស្រ្តាលីវិញ។ ** ឯកអគ្គរដ្ឋទូតអ៊ីរ៉ង់ប្រចាំអង្គការសហប្រជាជាតិ បដិសេធសំណើសន្តិភាពរបស់សហរដ្ឋអាមេរិក ចំពេលមានការវាយប្រហារឡើងវិញ។

នាយករដ្ឋមន្ត្រីកម្ពុជា លោក ហ៊ុន ម៉ាណែត និងនាយករដ្ឋមន្ត្រីថៃ លោក អានុទីន ឆាន់វីរៈគុល បានជួបប្រជុំ នៅក្រៅកិច្ចប្រជុំកំពូលអាស៊ាន នៅប្រទេសហ្វីលីពីន ដើម្បីស្វែងរកដំណោះស្រាយលើជម្លោះព្រំដែន ក្រោមការសម្របសម្រួលរបស់ប្រធានាធិបតីហ្វីលីពីន លោក Ferdinand Marcos ដែលជាប្រធានអាស៊ាន។

ក្នុងវេទិកាវិនិយោគកម្ពុជា ឆ្នាំ២០២៦ កាលពីថ្ងៃទី៧ ខែឧសភា លោក ស៊ុន ចាន់ថុល អនុប្រធានទី១ក្រុមប្រឹក្សាអភិវឌ្ឍន៍កម្ពុជា បានប្រកាសថា កម្ពុជា គឺជាប្រទេសទី១ នៅក្នុងតំបន់អាស៊ីអាគ្នេយ៍ ដែលបានចុះកិច្ចព្រមព្រៀងពន្ធបដិការ ជាមួយសហរដ្ឋអាមេរិក។ កម្ពុជា នឹងបន្តចរចាជាមួយសហរដ្ឋអាមេរិក លើបញ្ហាពន្ធបដិការ ដើម្បីធានាថា សហរដ្ឋអាមេរិក នឹងមិនយកពន្ធគយលើទំនិញរបស់កម្ពុជា លើស ១៩% ឡើយ។

** ស្ត្រីអូស្ត្រាលីដែលមានទំនាក់ទំនងជាមួយក្រុមរដ្ឋអ៊ីស្លាម ប្រឈមមុខនឹងការចាប់ខ្លួននៅពេលត្រឡប់មកពីប្រទេសស៊ីរីវិញ។ ** អង្គការសុខភាពពិភពលោកនិយាយថា មេរោគ Hantavirus មិនមែនជាកូវីដថ្មីទេ ខណៈអ្នកដំណើរត្រូវបានជម្លៀសចេញពីនាវាទេសចរណ៍ដែលមានការផ្ទុះឡើងនៃជំងឺនេះ។ ** អ្នកគាំទ្ររីករាយបន្ទាប់ពីអភិបាលរដ្ឋវិចថូរៀ លុបចោលសេចក្តីសម្រេចមិនចាក់បញ្ចាំងព្រឹត្តិការណ៍ World Cup នៅ Fed Square។

Workplace discrimination, gender-based violence and financial inequality—these are just some of the reasons why women need dedicated legal services. You don’t have to navigate the legal system alone. In Australia, free legal services exist to advocate for vulnerable women in ways that are safe, confidential and culturally appropriate. - ការរើសអើងនៅកន្លែងធ្វើការ អំពើហិង្សាផ្អែកលើយេនឌ័រ និងវិសមភាពហិរញ្ញវត្ថុ — ទាំងនេះគ្រាន់តែជាហេតុផលមួយចំនួនដែលស្ត្រីត្រូវការសេវាកម្មផ្នែកច្បាប់ដែលផ្តល់ជូនជាពិសេស។ អ្នកមិនចាំបាច់រុករកប្រព័ន្ធច្បាប់តែម្នាក់ឯងនោះទេ។ នៅប្រទេសអូស្ត្រាលី មានសេវាកម្មផ្នែកច្បាប់ឥតគិតថ្លៃ ដើម្បីតស៊ូមតិសម្រាប់ស្ត្រីងាយរងគ្រោះ តាមរបៀបដែលមានសុវត្ថិភាព សម្ងាត់ និងសមស្របទៅនឹងវប្បធម៌។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ **ក្រុមស្ត្រី និងកុមារដែលមានទំនាក់ទំនងជាមួយយុទ្ធជនក្រុម IS វិលត្រឡប់មកប្រទេសអូស្ត្រាលីវិញ។ ** លោកហិរញ្ញិកទទួលស្គាល់ថា ការដំឡើងអត្រាការប្រាក់ចុងក្រោយរបស់ធនាគារកណ្តាល នឹងបន្ថែមសម្ពាធលើជីវភាពរស់នៅរបស់ប្រជាជនអូស្រ្តាលី។ ** លោក ដូណាល់ ត្រាំ ផ្អាកកិច្ចខិតខំប្រឹងប្រែងរបស់សហរដ្ឋអាមេរិកក្នុងការដឹកនាំនាវាចេញពីច្រកសមុទ្រហ័រមូស។

នៅថ្ងៃទី៥ ខែឧសភា ឆ្នាំ២០២៦ លោកនាយករដ្ឋមន្ត្រី ហ៊ុន ម៉ាណែត បានប្រកាសតាមបណ្តាញសង្គមថា រាជរដ្ឋាភិបាលកម្ពុជា បានសម្រេច នឹងប្រើប្រាស់យន្តការនៃការផ្សះផ្សារដោយចាប់បង្ខំ (Compulsory Conciliation) ដែលស្ថិតនៅក្រោមអនុសញ្ញាអង្គការសហប្រជាជាតិ ស្តីពីនីតិសមុទ្រ (UNCLOS) ដើម្បីស្វែងរកដំណោះស្រាយដោយសន្តិវិធី ផ្អែកលើមូលដ្ឋានច្បាប់ ក្នុងការដោះស្រាយតំបន់ទាមទារដែនសមុទ្រត្រួតគ្នារវាងកម្ពុជា និងថៃ បន្ទាប់ពីភាគីថៃ បានប្រកាសជាផ្លូវការ សម្រេចដកខ្លួនដោយឯកតោភាគី ចេញពីអនុស្សរណៈនៃការយោគយល់គ្នា រវាងកម្ពុជា-ថៃ រឺហៅកាត់ថា MOU 2001 (ឬដែលភាគីថៃ ហៅថា MOU44) ។

** អូស្ត្រាលី និងជប៉ុនសម្រេចបានកិច្ចព្រមព្រៀងដើម្បីពង្រឹងទំនាក់ទំនងសន្តិសុខ និងសេដ្ឋកិច្ច។ ** មានការអំពាវនាវឱ្យដោះស្រាយបញ្ហាភាពគ្មានផ្ទះសម្បែងរស់នៅ បន្ទាប់ពីការស្លាប់របស់ទារកនៅក្នុងតំបន់ជនបទ រដ្ឋញូសៅវែល។ **រដ្ឋមន្ត្រីក្រសួងសុខាភិបាល អះអាងថា អ្នកដែលមានជំងឺអូទីសឹមនឹងនៅតែមានសិទ្ធិទទួលបាន NDIS។

** ស្តេច Charles មានបន្ទូលអំពីសារៈសំខាន់នៃប្រជាជាតិដែលធ្វើការរួមគ្នា នៅក្នុងសុន្ទរកថាប្រវត្តិសាស្ត្រមួយទៅកាន់សម័យប្រជុំរួមរបស់សភាសហរដ្ឋអាមេរិក។ ** អតីតមន្ត្រី OPEC ថា ការសម្រេចចិត្តចាកចេញរបស់អារ៉ាប់រួម អាចធ្វើឱ្យអង្គការនេះចុះខ្សោយ។ ** កូរ៉េខាងត្បូង និងអូស្ត្រាលីយល់ព្រមពង្រឹងកិច្ចសហប្រតិបត្តិការលើថាមពល។

បន្ទាប់ពីឆ្លងកាត់ការប្រកួតប្រជែង ក្នុងឈុតសម្លៀកបំពាក់ប្រពៃណីខ្មែរ ចោមពុងសារុង និងរាត្រីសមោសរ ព្រមទាំងឆ្លើយសំណួរយ៉ាងស្វិតស្វាញ កាលពីរាត្រីថ្ងៃសៅរ៍ ទី៤ ខែមេសា កញ្ញា ហ៊ន រចនា បានក្លាយជាម្ចាស់ជ័យលាភី នៅក្នុងកម្មវិធីប្រឡងបវរកញ្ញាខ្មែរអូស្រ្តាលី ឆ្នាំ២០២៦ ដែលរៀបចំឡើងដោយសមាគមខ្មែរនៃរដ្ឋវិចថូរៀ។ កញ្ញា រចនា គឺជាកូនខ្មែរមួយរូបដែលធំធាត់ឡើងនៅក្នុងតំបន់ជនបទដាច់ស្រយាល ក្នុងរដ្ឋវិចថូរៀ ដែលតែងតែព្យាយាមផ្សារភ្ជាប់ជាមួយសហគមន៍ និងវប្បធម៌ខ្មែរ ព្រមទាំងចូលរួមនៅក្នុងកិច្ចការងារស្ម័គ្រចិត្តជាច្រើន។ បច្ចុប្បន្នកញ្ញាគឺជាបុគ្គលិកផ្នែកទំនាក់ទំនងនៅមណ្ឌលបណ្តុះកូនឈើមួយកន្លែងក្នុងទីក្រុងមែលប៊ន។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ **សេចក្តីអំពាវនាវឱ្យមានភាពស្ងប់ស្ងាត់នៅ Alice Springs បន្ទាប់ពីការស្លាប់របស់ក្មេងស្រីអាយុ៥ឆ្នាំម្នាក់។ ** អ៊ីរ៉ង់គម្រាមឆ្លើយតបដោយ "ការវាយប្រហារដ៏វែងឆ្ងាយ និងឈឺចាប់" ប្រសិនបើអាមេរិកបន្តវាយប្រហារមកលើប្រទេសខ្លួន។ ** អតីតមេដឹកនាំមីយ៉ាន់ម៉ា លោកស្រី អ៊ុង សានស៊ូជី ត្រូវបានផ្លាស់ប្តូរពីពន្ធនាគារយោធា ទៅឃុំខ្លួននៅក្នុងផ្ទះ។

តុលាការសាលាឧទ្ធរណ៍ កាលពីព្រឹកថ្ងៃទី៣០ ខែមេសា បានប្រកាសសាលដីកា លើសំណុំរឿងក្បត់ជាតិរបស់លោកកឹមសុខា ដោយតម្កល់ការសម្រេចរបស់តុលាការសាលាដំបូងរាជធានីភ្នំពេញ ទុកជាបានការ។ ពោលគឺអតីតមេដឹកនាំបក្សប្រឆាំង លោក កឹម សុខា ត្រូវបានផ្តន្ទាទោសឱ្យជាប់ពន្ធនាគារចំនួន ២៧ឆ្នាំ ពាក់ព័ន្ធនឹងទោសក្បត់ជាតិ។ លើសពីនេះ តុលាការសាលាឧទ្ធរណ៍ បានបន្ថែមទោស មិនឲ្យមេដឹកនាំអតីតបក្សប្រឆាំងរូបនេះ ចេញពីប្រទេសកម្ពុជា ក្នុងរយៈពេល ៥ឆ្នាំ។ ក៏ប៉ុន្តែលោកកឹមសុខា មិនត្រូវបានចាប់ខ្លួន នាំទៅឃុំឃាំងនៅពន្ធនាគារទេ។ គឺលោកកឹមសុខា ត្រូវបានឃុំខ្លួន នៅក្នុងផ្ទះ និងមិនអាចធ្វើនយោបាយឡើយ។

Rising fuel prices are putting pressure on household budgets across Australia, and for many people, it’s changing the way they travel. So what can you do to reduce your fuel costs without giving up your daily routine? Here are some simple, practical ways to save money on petrol. - ការកើនឡើងនៃថ្លៃប្រេងឥន្ធនៈកំពុងដាក់សម្ពាធលើកញ្ចប់ថវិកាគ្រួសារនៅទូទាំងប្រទេសអូស្ត្រាលី ហើយសម្រាប់មនុស្សជាច្រើន វាកំពុងផ្លាស់ប្តូររបៀបដែលពួកគេធ្វើដំណើរ។ ដូច្នេះតើអ្នកអាចធ្វើអ្វីបានខ្លះ ដើម្បីកាត់បន្ថយថ្លៃប្រេងឥន្ធនៈរបស់អ្នក ដោយមិនបោះបង់ចោលទម្លាប់ប្រចាំថ្ងៃរបស់អ្នក? នេះគឺជាវិធីសាមញ្ញៗ និងជាក់ស្តែងមួយចំនួន ដើម្បីសន្សំសំចៃប្រាក់លើប្រេងសាំង។

**សហរដ្ឋអាមេរិកនិយាយថា ខ្លួននឹងបិទផ្លូវទឹករបស់អ៊ីរ៉ង់រហូតដល់កិច្ចព្រមព្រៀងមួយត្រូវបានសម្រេចលើកម្មវិធីនុយក្លេអ៊ែររបស់ខ្លួន... ** រដ្ឋមន្រ្តីការបរទេសជំរុញឱ្យប្រទេសចិនបន្តលក់ប្រេងឥន្ធនៈយន្តហោះឱ្យប្រទេសអូស្ត្រាលី ខណៈដែលវិបត្តិផ្គត់ផ្គង់កំពុងខិតជិតមកដល់... ** លោកនាយករដ្ឋមន្ត្រីនិយាយថា លោកនឹងអនុម័តអនុសាសន៍ទាំងអស់ពីរបាយការណ៍របស់រាជគណៈកម្មការ ស្តីពីការប្រឆាំងនឹងពួកយូដា។

ប្រទេសអារ៉ាប់រួម UAE បានប្រកាសថា ខ្លួននឹងចាកចេញពីអង្គការនៃប្រទេសនាំចេញប្រេង ឬ OPEC ចាប់ពីដើមខែឧសភានេះតទៅ។ ក្រុមអ្នកវិភាគនិយាយថា ការសម្រេចចិត្តនេះឆ្លុះបញ្ចាំងពីការបែកបាក់កាន់តែខ្លាំងឡើង ជាមួយអារ៉ាប៊ីសាអូឌីត និងទំនាក់ទំនងកាន់តែរឹងមាំជាមួយសហរដ្ឋអាមេរិក។ ដូចដែលមាននៅក្នុងសេចក្តីការណ៍ ផលប៉ះពាល់ណាមួយលើតម្លៃប្រេង ទំនងជាផ្តើមឡើងដោយការបិទច្រកសមុទ្រ Hormuz ដែលនៅតែបន្ត ។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ **អតិផរណាកើនឡើងខ្លាំងដោយសារសង្គ្រាមនៅមជ្ឈិមបូព៌ា - ហើយអាចនឹងមានរឿងកើតឡើងអាក្រក់ជាងនេះទៀត។ ** ការស្វែងរកកុមារអាយុប្រាំឆ្នាំដែលបាត់ខ្លួន នៅតែបន្តនៅក្នុងដែនដីភាគខាងជើង។ **ការប្រយុទ្ធគ្នានៅតែបន្តរវាងអ៊ីស្រាអែល និងក្រុមហេសបូឡា នៅលីបង់ ទោះបីជាមានបទឈប់បាញ់ក៏ដោយ។

ក្នុងពេលទៅចូលរួមកិច្ចប្រជុំរដ្ឋមន្ត្រីការបរទេសអាស៊ាន និងសហភាពអឺរ៉ុប នៅប្រទេសព្រុយណេ កាលពីថ្ងៃទី២៧ ខែមេសា ប្រមុខការទូតកម្ពុជា លោក ប្រាក់ សុខុន បានជួបទ្វេភាគី ជាមួយលោក ស៊ីហាសាក់ ភួងកេតកែវ (Sihasak Phuangketkeow) រដ្ឋមន្រ្តីការបរទេសថៃ។ ក្នុងកិច្ចប្រជុំទ្វេភាគីនេះ ក្រសួងការបរទេសកម្ពុជា បានប្រកាសថា លោកប្រមុខការទូតកម្ពុជា លោក ប្រាក់ សុខុន បានប្រាប់ប្រមុខការទូតថៃថា ការរក្សាបាននូវសន្តិភាពយូរអង្វែង ទាមទារឱ្យមានការគោរពពេញលេញចំពោះច្បាប់អន្តរជាតិ។ ចំណែកកាសែតថៃ The Nation បានរាយការណ៍ កាលពីថ្ងៃអង្គារថា ក្នុងកិច្ចប្រជុំទ្វេភាគីនេះ រដ្ឋមន្ត្រីការបរទេសថៃ បានជម្រាបជូនកម្ពុជាថា ប្រទេសថៃ កំពុងបន្តដំណើរការលុបចោលអនុស្សរណៈយោគយល់គ្នា ឆ្នាំ២០០១ ឬហៅថា MOU លេខ ៤៤ ដែលនិយាយពីព្រំដែនសមុទ្ររវាងកម្ពុជា និងថៃ។

កាលពីថ្ងៃអង្គារ ទី២៨ ខែមេសា ឆ្នាំ២០២៦ ក្រសួងការពារជាតិកម្ពុជា បានសម្របសម្រួលដំណើរទស្សនកិច្ច ជូនក្រុមអនុព័ន្ធយោធាបរទេស (MACPP) ប្រចាំកម្ពុជា ធ្វើដំណើរ ចេញពីមុខក្រសួងការពារជាតិ ក្នុងរាជធានីភ្នំពេញ ទៅកាន់ខេត្តមួយចំនួន ក្នុងតំបន់ព្រំដែនកម្ពុជា-ថៃ ក្នុងអំឡុងពេលដែលកំពុងអនុវត្តបទឈប់បាញ់រវាងប្រទេសទាំងពីរ។ ក្រសួងការពារជាតិ មិនបានប្រកាសថា មានអនុព័ន្ធយោធាបរទេស ប៉ុន្មានប្រទេស ទៅកាន់តំបន់ព្រំដែនកម្ពុជា-ថៃ ជាថ្មី នាពេលនេះទេ។ ប៉ុន្តែតាមរូបថត ដែលបានផ្សព្វផ្សាយ មានអនុព័ន្ធយោធាជប៉ុន ចិន ឡាវ ជាដើម។

** អ៊ីរ៉ង់ស្នើឱ្យបន្ធូរបន្ថយការបិទច្រកសមុទ្រហ័រមូស។ ** គ្រូបង្រៀនម្នាក់មកពីរដ្ឋកាលីហ្វ័រញ៉ា ត្រូវបានចោទប្រកាន់ពីបទប៉ុនប៉ងធ្វើឃាតប្រធានាធិបតីអាមេរិក។ ** របាយការណ៍មួយរបស់ចក្រភពអង់គ្លេសបានលើកឡើងពីការព្រួយបារម្ភជាបន្ទាន់លើកតិកាសញ្ញាការពារជាតិ AUKUS។

** លោក ដូណាល់ ត្រាំ ប្រកាសពីការបន្តបទឈប់បាញ់រវាងអ៊ីស្រាអែល និងលីបង់ បីសប្តាហ៍ទៀត។ ** នាយករដ្ឋមន្រ្តីអូស្រ្តាលី ការពារកំណែទម្រង់គម្រោងធានារ៉ាប់រងពិការភាពជាតិ-NDIS។ ** ASIC ចេញសេចក្តីជូនដំណឹងព្រមាន ដល់អ្នកមានឥទ្ធិពលខាងផ្នែកហិរញ្ញវត្ថុនៅលើប្រព័ន្ធផ្សព្វផ្សាយសង្គម ចំនួនបួនរូប ។

Each year Australians gather on ANZAC Day to remember those who served in wars, conflicts and peacekeeping missions. But whose stories are we remembering? Are there stories we don’t always hear? In this episode we explore an important part of Australia’s history that has often been overlooked—the service of Aboriginal and Torres Strait Islander peoples. - ជារៀងរាល់ឆ្នាំ មនុស្សម្នាជួបជុំគ្នានៅទិវា ANZAC ដើម្បីរំលឹកដល់អ្នកដែលបានបម្រើការក្នុងសង្គ្រាម ជម្លោះ និងបេសកកម្មរក្សាសន្តិភាព។ ប៉ុន្តែ តើយើងកំពុងចងចាំរឿងរ៉ាវរបស់នរណាខ្លះ — ហើយតើមានរឿងរ៉ាវអ្វីខ្លះដែលយើងមិនសូវឮ ឬមិនធ្លាប់ឮដែរឬទេ? នៅក្នុងរបាយការណ៍នេះ យើងស្វែងយល់ពីផ្នែកដ៏សំខាន់មួយនៃប្រវត្តិសាស្ត្ររបស់ប្រទេសអូស្ត្រាលី ដែលតែងតែត្រូវបានគេមើលរំលង — សេវាកម្មរបស់ប្រជាជនជនជាតិដើមភាគតិច Aboriginal និងអ្នកកោះ Torres Strait។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** ជនជាតិដើមភាគតិចអូស្ត្រាលី មានការព្រួយបារម្ភអំពីកំណែទម្រង់គម្រោងធានារ៉ាប់រងពិការភាពជាតិ-NDIS។ ** បទឈប់បាញ់រវាងប្រទេសលីបង់ និងអ៊ីស្រាអែលត្រូវបានបន្តរយៈពេលបីសប្តាហ៍។ ** តុលាការអន្តរជាតិចោទប្រកាន់អតីតប្រធានាធិបតីហ្វីលីពីន ពីបទឧក្រិដ្ឋប្រឆាំងមនុស្សជាតិ។

ក្នុងកិច្ចប្រជុំពេញអង្គគណៈរដ្ឋមន្ត្រី កាលពីព្រឹកថ្ងៃព្រហស្បតិ៍ ទី២៣ ខែមេសា លោកនាយករដ្ឋមន្ត្រី ហ៊ុន ម៉ាណែត បានប្រកាសផ្ទាល់មាត់ ដាក់បទបញ្ជាយ៉ាងម៉ឺងម៉ាត់បំផុត ឱ្យសមត្ថកិច្ច និងកងកម្លាំងពាក់ព័ន្ធទាំងអស់ បន្តបង្ក្រាបបទល្មើសឆបោកតាមប្រព័ន្ធបច្ចេកវិទ្យា Scam online ដោយគ្មានបង្អង់ដៃឡើយ។

កិច្ចប្រជុំ លើកទី១ នៃយន្តការកិច្ចសន្ទនាយុទ្ធសាស្ត្រ «២+២» រវាងរដ្ឋមន្ត្រីការបរទេស និងរដ្ឋមន្ត្រីការពារជាតិកម្ពុជា និងចិន បានធ្វើឡើង កាលពីរសៀលថ្ងៃទី២២ ខែមេសា ឆ្នាំ២០២៦ នៅទីស្តីការក្រសួងការបរទេសកម្ពុជា នៅក្នុងរាជធានីភ្នំពេញ។ ក្នុងកិច្ចប្រជុំដោយបិទទ្វារនេះ ចិន បានបង្ហាញពីការគាំទ្រលើវិស័យយោធាកម្ពុជា ក្នុងការចូលរួមលើកកម្ពស់កិច្ចសហប្រតិបត្តិការយោធា និងធ្វើទំនើបកម្មយោធា ដែលនឹងពង្រឹងខឿនការពារជាតិកម្ពុជា ទាំងដែនទឹក ដែនគោក និងដែនអាកាស។ នេះបើតាមលោក ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា ដែលបានចូលរួមកិច្ចប្រជុំ។

រដ្ឋាភិបាលសហព័ន្ធបានប្រកាសពីការផ្លាស់ប្តូរដ៏សំខាន់មួយលើគម្រោងធានារ៉ាប់រងពិការភាពជាតិ- NDIS ក្នុងកិច្ចខិតខំប្រឹងប្រែងដើម្បីកាត់បន្ថយការក្លែងបន្លំ និងការចំណាយនៅក្នុងកម្មវិធីដែលចំណាយប្រាក់ប្រាំម៉ឺនលានដុល្លារនេះ។ ដោយស្វាគមន៍ចំពោះទិដ្ឋភាពមួយចំនួននៃកំណែទម្រង់នេះ ក្រុមអ្នកតស៊ូមតិសម្រាប់ពិការភាពនិយាយថា ត្រូវតែមានភាពច្បាស់លាស់បន្ថែមទៀតជុំវិញការកាត់បន្ថយការគាំទ្រ និងសិទ្ធិទទួលបាន ដោយមានការភ័យខ្លាចថា អ្នកដែលខ្វះខាតនឹងបាត់បង់សិទ្ធិទទួលបានការគាំទ្រសំខាន់ៗ។

** អ៊ីរ៉ង់ប្តេជ្ញាថានឹងមិនបើកច្រកសមុទ្រហ័រមូសឡើងវិញទេ ដរាបណាមានការបិទផ្លូវពីកងទ័ពជើងទឹករបស់អាមេរិក។ **គណៈរដ្ឋមន្ត្រីជួបប្រជុំពិភាក្សាអំពីវិបត្តិប្រេងឥន្ធនៈ។ ** eSafety ទាមទារឱ្យវេទិកាហ្គេមអនឡាញធំៗ ពន្យល់ពីរបៀបដែលពួកគេការពារកុមារពីរ៉ាឌីកាល់និយម។

ការអូសបន្លាយនៃសង្រ្គាមនៅមជ្ឈិមបូព៌ា បានបណ្តាលឱ្យមានវិបត្តិប្រេងឥន្ធនៈជាបន្ត នៅទូទាំងពិភពលោក។ ខណៈឯការផ្លាស់ប្តូរទម្លាប់បន្តិចបន្តួច មិនត្រឹមតែកាត់បន្ថយក្តីបារម្ភបានខ្លះនោះទេ ប៉ុន្តែវាក៏ផ្តល់នូវផលវិជ្ជមានដល់សុខភាពផងដែរ។ សូមស្តាប់បទសម្ភាសន៍ជាមួយប្រជាពលរដ្ឋខ្មែរមួយចំនួន នៅទីក្រុងមែលប៊នអំពីក្តីព្រួយបារម្ភពីតម្លៃប្រេងសាំង។

អ្នកនាំពាក្យរាជរដ្ឋាភិបាលកម្ពុជា លោក ប៉ែន បូណា បានប្រកាសថា ការងារការទូត សង្គម សេដ្ឋកិច្ច របស់រាជរដ្ឋាភិបាលកម្ពុជា នៅតែបន្តសកម្មភាពរស់រវើកឥតបង្អែរបង្អង់ឡើយ ទោះបីជាដៃម្ខាង ត្រូវដោះស្រាយបញ្ហាបូរណភាពទឹកដី បន្ទាប់ពីក្រសួងការបរទេសកម្ពុជា បានប្រកាសពីការបន្តរំលោភបំពានរបស់យោធាថៃ លើទឹកដីកម្ពុជា ក្នុងអំឡុងពេលចូលឆ្នាំ កន្លងមកនេះ។

**នាយករដ្ឋមន្រ្តីអូស្រ្តាលីនឹងជួបជាមួយថ្នាក់ដឹកនាំរដ្ឋ និងដែនដី ខណៈដែលការរំខាននៅច្រកហ័រមូស ធ្វើឱ្យតម្លៃទំនិញឡើងថ្លៃ។ ** អង្គការលើកលែងទោសអន្តរជាតិព្រមានថា ប្រព័ន្ធសិទ្ធិសកលជិតដល់ចំណុចបំបែកហើយ។ ** រដ្ឋវិចថូរៀជាប់ជារដ្ឋដែលមានបំណុលខ្ពស់ជាងគេ គឺជិត២សែនលានដុល្លារ។

Looking to step into a new career? You're not the only one, the stats suggest. No matter your age, background or whether English is your first language, a career change at some point is almost inevitable nowadays. In Australia, support is available to help you through the process. - វាជារឿងធម្មតាទេក្នុងការគិតឡើងវិញអំពីជីវិតការងាររបស់អ្នក។ អ្នកខ្លះកំពុងស្វែងរកឱកាសថ្មីៗ។ អ្នកផ្សេងទៀតចង់បានការងារដែលសមស្របទៅនឹងមុខជំនាញ គុណតម្លៃ ឬកាលៈទេសៈរបស់ពួកគេ។ ការផ្លាស់ប្តូរអាជីពអាចជាកិច្ចការដ៏លំបាកមួយ មិនថាអ្នកនៅដំណាក់កាលដំបូងនៃដំណើរការងាររបស់អ្នក ឬមានបទពិសោធន៍ច្រើនឆ្នាំនៅពីក្រោយអ្នកនោះទេ។ នៅក្នុងរបាយការណ៍នេះ យើងពិនិត្យមើលថាតើការផ្លាស់ប្តូរអាជីពនៅក្នុងប្រទេសអូស្ត្រាលីអាចពាក់ព័ន្ធនឹងអ្វីខ្លះ? កន្លែងដែលត្រូវស្វែងរកព័ត៌មានដែលអាចទុកចិត្តបាន ការគាំទ្រអ្វីខ្លះដែលមាន និងរបៀបចូលទៅជិតដំណើរការប្រសិនបើភាសាអង់គ្លេសមិនមែនជាភាសាកំណើតរបស់អ្នក។

**បទឈប់បាញ់រយៈពេល ១០ ថ្ងៃរវាងអ៊ីស្រាអែល និងលីបង់ចូលជាធរមាន។ ** រដ្ឋមន្ត្រីក្រសួងការពារជាតិ ការពារសម្ព័ន្ធភាពរបស់ប្រទេសអូស្ត្រាលីជាមួយសហរដ្ឋអាមេរិក។ ** លោកនាយករដ្ឋមន្រ្តីប្រកាសថា អូស្ត្រាលីទទួលបានការនាំចូលប្រេងម៉ាស៊ូតបន្ថែមចំនួន ១០០លានលីត្រ។

ប្រជាពលរដ្ឋខ្មែរនៅទីក្រុងស៊ីដនីបន្តរួមគ្នាយ៉ាងសកម្ម ក្នុងការរៀបចំពិធីបុណ្យចូលឆ្នាំថ្មី ប្រពៃណីខ្មែរ ដោយឆ្នាំនេះ នៅតាមបណ្តារត្តអារាមនានា មានការរៀបចំតុបតែងលំអរប្លែកពីឆ្នាំមុនៗ។ សូមស្តាប់បទសម្ភាសន៍ជាមួយ លោកគួរ វឌ្ឍនា ហៅជេម ដែលជាប្រជាពលរដ្ឋខ្មែរ រស់នៅទីក្រុងស៊ីដនី។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** លោក ដូណាល់ ត្រាំ «មិនសប្បាយចិត្ត» ជាមួយនឹងការចំណាយលើវិស័យការពារជាតិរបស់អូស្ត្រាលី និងតួនាទីនៅចក្រហ័រមូស។ ** បទឈប់បាញ់នៅលីបង់បង្កើនក្តីសង្ឃឹមនៃការធ្លាក់ចុះតម្លៃប្រេងឥន្ធនៈនៅក្នុងប្រទេសអូស្ត្រាលី។ ** ប្រមុខរដ្ឋស្តីទី លោក ហ៊ុន សែន បញ្ជាក់អះអាងជាថ្មីម្តងទៀតពីការបន្តបិទច្រកព្រំដែនកម្ពុជា-ថៃ។

នៅជ្រុងម្ខាង លើសួនច្បារមុខវត្តបទុមវត្តី ខាងត្បូងព្រះបរមរាជវាំង ក្នុងរាជធានីភ្នំពេញ ផ្ទាំងគំនូរ “សិល្បៈដើម្បីសន្តិភាព” នៅតែតាំងបង្ហាញមហាជនឱ្យចូលទស្សនា ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ។ ផ្ទាំងគំនូរ ដើម្បីសន្តិភាព បានបើកសម្ពោធជាផ្លូវការ កាលពីល្ងាចថ្ងៃទី៣ ខែមីនា ឆ្នាំ២០២៦។ ផ្ទាំងគំនូរនេះ មានទទឹង ៥ម៉ែត្រ បណ្ដោយ ៣៥ម៉ែត្រ ដែលសិល្បករស្រីប្រុស មានទាំងព្រះសង្ឃផង បានប្រើពេលគូរ ១២ថ្ងៃ ដើម្បីបង្ហាញពីការឈឺចាប់ ការប្រមាថ ការមើលងាយ ការជាន់ឈ្លី ការធ្វើទុក្ខបុកម្និញ និងរឿងអយុត្តិធម៌រាប់មិនអស់ ក្នុងភ្លើងសង្គ្រាម ដែលថៃ បានបង្កឡើង លើទឹកដីកម្ពុជា កាលពីខែធ្នូ ឆ្នាំ២០២៥។

កម្ពុជា តាមរយៈលោក ហ៊ុន សែន ប្រមុខរដ្ឋស្តីទី និងជាប្រធានគណបក្សប្រជាជនកម្ពុជា ដែលកំពុងដឹកនាំប្រទេស បានប្រកាសជាថ្មី ពីការបន្តបិទច្រកព្រំដែនកម្ពុជា-ថៃ។ ក្នុងសារតាមបណ្តាញសង្គម លោកហ៊ុនសែន កាលពីថ្ងៃទី១៦ ខែមេសា ដែលជាថ្ងៃចូលឆ្នាំ ថ្ងៃទី៣ និងជាថ្ងៃចូលឆ្នាំចុងក្រោយ ក៏បានព្រមានដល់អ្នកនាំទំនិញថៃ ចូលកម្ពុជា ត្រូវបញ្ឈប់ជាបន្ទាន់។

លោក Angus Taylor មេដឹកនាំគណបក្សប្រឆាំងបានគូសបញ្ជាក់ពីផែនការរបស់លោកក្នុងការដកជនអន្តោប្រវេសន៍ចេញពីប្រទេស ប្រសិនបើពួកគេមិនបង្ហាញពីអ្វីដែលលោកពិពណ៌នាថាជា "គុណតម្លៃអូស្ត្រាលី"។ ផែនការនេះទទួលបាននូវការរិះគន់យ៉ាងទូលំទូលាយ និងការថ្កោលទោសយ៉ាងខ្លាំងក្លាពីក្រុមអ្នករិះគន់ រួមទាំងគណបក្សលេប័រ និងក្រុមសិទ្ធិមនុស្សផងដែរ។

** អគ្គីភ័យដ៏ធំមួយធ្វើឱ្យខូចខាតធ្ងន់ធ្ងរដល់រោងចក្រចម្រាញ់ប្រេងមួយក្នុងចំណោមរោងចក្រចម្រាញ់ប្រេងពីរចុងក្រោយរបស់ប្រទេសអូស្ត្រាលី។ ** រដ្ឋ និងដែនដីនានាព្យាយាមសម្រាប់ទុនបម្រុងប្រេងឥន្ធនៈផ្ទាល់ខ្លួនរបស់ពួកគេ ខណៈពេលដែលកំពុងប្រឈមមុខនឹងវិបត្តិផ្គត់ផ្គង់។ ** ទិន្នន័យរបស់ការិយាល័យស្ថិតិអូស្ត្រាលីបង្ហាញថា អត្រាគ្មានការងារធ្វើនៅតែមានស្ថេរភាពនៅ ៤,៣%។

ថ្ងៃចូលឆ្នាំថ្មី ឆ្នាំមមី អដ្ឋស័ក ពស ២៥៧០ រយៈពេលបីថ្ងៃ ចាប់ផ្តើមនៅថ្ងៃអង្គារ ទី១៤ មេសា វេលាម៉ោង ម៉ោង ១០ និង ៤៨នាទី ព្រឹកថ្ងៃ ម៉ោងនៅប្រទេសកម្ពុជា ឬម៉ោង ១និង៤៨នាទីថ្ងៃរសៀល ម៉ោងស្តង់ដារអូស្រ្តាលីខាងកើត នៅតាមទីវត្តអារាមនានា ទូទាំងប្រទេសអូស្រ្តាលី គេឃើញមានការរៀបចំបុណ្យចួលឆ្នាំថ្មីប្រពៃណីជាតិខ្មែរយើង តាំងពីចុងសប្តាហ៍មុនមកម្ល៉េះ ហើយក៏នឹងបន្តនៅក្នុងសប្តាហ៍នេះ។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** ការព្រមានដ៏ធ្ងន់ធ្ងរមួយពីហិរញ្ញិកសហព័ន្ធអំពីទស្សនវិស័យសេដ្ឋកិច្ចរបស់ប្រទេសអូស្ត្រាលី... ** ក្រុមហ៊ុនអាកាសចរណ៍ធំទីពីររបស់អូស្ត្រាលីនិយាយថា ខ្លួននឹងដំឡើងថ្លៃសំបុត្រយន្តហោះ និងកាត់បន្ថយលទ្ធភាពដើម្បីឆ្លើយតបទៅនឹងការកើនឡើងនៃតម្លៃប្រេង... ** អង្គការសហប្រជាជាតិយល់ថា ការចរចាដើម្បីបញ្ចប់សង្គ្រាមអ៊ីរ៉ង់ ទំនងជានឹងចាប់ផ្តើមឡើងវិញ ក្នុងពេលឆាប់ៗនេះ។

ក្នុងឱកាសឆ្នាំថ្មី ប្រពៃណីជាតិខ្មែរ នាពេលនេះ យ៉ាងហោចណាស់ មានទូតបរទេស ចំនួន ៤ រួមមាន អាមេរិក បារាំង អូស្ត្រាលី និងចិន បានផ្ញើសារដាច់ដោយឡែកពីគ្នា បង្ហោះតាមហ្វេសប៊ុក អបអរសាទរ និងជូនពរឆ្នាំថ្មី ព្រមទាំងផ្ញើសារថ្វាយព្រះពរព្រះមហាក្សត្រ សម្តេចព្រះបរមនាថ នរោត្តម សីហមុនី ឆាប់បានជាសះស្បើយពីព្រះរោគាពាធ។

នៅប្រទេសកម្ពុជា ទាំងនៅទីក្រុងភ្នំពេញ និងនៅតាមបណ្តាខេត្តនានា មានការជួបជុំប្រារព្ធពិធីបុណ្យចូលឆ្នាំថ្មី ប្រពៃណីជាតិយ៉ាងអធិកអធម។ ពិសេសនៅភ្នំពេញ ក្នុងឱកាសពិធីបុណ្យចូលឆ្នាំថ្មីនេះ មានរៀបចំព្រឹត្តិការណ៍នគរសង្ក្រាន្ត ដែលដឹកនាំរៀបចំដោយលោកឧបនាយករដ្ឋមន្រ្តី ហ៊ុន ម៉ានី ចាប់ពីថ្ងៃចូលឆ្នាំ ថ្ងៃទី១ ត្រូវនឹងថ្ងៃទី១៤ ខែមេសា បន្តរហូតដល់ថ្ងៃអាទិត្យ ទី១៩ ខែមេសា។ ពោលគឺព្រឹត្តិការណ៍នគរសង្ក្រាន្ត នៅភ្នំពេញ ពេលនេះ មានរយៈពេល ៦ថ្ងៃ គឺច្រើនជាងថ្ងៃចូលឆ្នាំ ដែលមានតែ ៣ថ្ងៃប៉ុណ្ណោះ។

** ការបិទផ្លូវកំពង់ផែអ៊ីរ៉ង់របស់សហរដ្ឋអាមេរិកនៅច្រកសមុទ្រហ័រមូសចាប់ផ្តើមហើយ។ ** លោកនាយករដ្ឋមន្ត្រីស្វែងរកភាពប្រាកដប្រជានៃការផ្គត់ផ្គង់ប្រេងឥន្ធនៈ នៅក្នុងដំណើរទស្សនកិច្ចទៅកាន់ប្រទេសជិតខាងរបស់អូស្ត្រាលី។ ** គណបក្សប្រឆាំងគូសបញ្ជាក់ពីគោលនយោបាយអន្តោប្រវេសន៍របស់ខ្លួន រួមទាំងអំណាចនិរទេសកាន់តែខ្លាំងក្លា។