Serbski Buschfunk

 100. epizoda Serbskeho Buschfunka - jubilejne wudaće. Za to staj sej Daniel a Jakub wosebje wjele časa wostajiłoj a so z Witom Bejmakom zetkałoj. 

Jenož derje zo njejstaj Daniel a Jakub při mikrofonje zmjerznyłoj - skerje nawopak! Wobaj zaso raz horce wo aktualnych nowosćach we Łužicy diskutuja. Rjenje, zo sće tež pódla :)

 Je zyma a poprawom móhli Daniel a Jakub rjany, lóštny čas w mokrym běłym dožiwić. So smykać, sněhakować w Kyrkonošach a sej pisanosć a rjanosć žiwjenja lubić dać. Ale ně, wobaj sedźitaj zasněženaj w někotrym pukloće před mikrofonom a pumpotataj. Nahaj, wjele wjesela a wuspěšne lěto 2026 :)

 Měsac je nimo, Daniela a Jakub honitaj přez wšědny dźeń, to je lědma časa, so z temami domizny zaběrać. Ale nětko wšak bywaja dny zaso dlěše a hodowny čas lubi tójšto městna za dychanje a pryzle. Do dźěła zdar!

Nazyma je tu, Serbski Buschfunk pomału z lěćneho spara wotuća. Tójšto je so stało, jenož někotre temy móžeštaj Daniel a Jakub wobrěčeć, dalše hišće přińdu. Serbski Buschfunk zaso wusyła!

Napinace tydźenje staj Daniel a Jakub zmištrowałoj, skónčnje staj čas za zhromadny podcast namakałoj. Šibały, energiski a wótry, tak kaž dobry palenc. Na da, k strowosći!

Daniel a Jakub staj skónčnje zaso raz zhromadny čas namakałoj a tójšto temow diskutowałoj. Wudaće je tróšku politiski, ale to wšak Jakub a Daniel lubujetaj. Dajće sej lubić :)

Jutry su nimo, čas je za nowu epizodu. Dani so hórši, zo Jakuba hižo nihdźe wjac njewuhlada. Ćim wjace mataj sej k powědanju - za našich připosłucharjow :)

Apryl so na nas smějkota, jutry steja před durjemi a w Serbach so telko stała, zo Daniel a Jakub njedočinitaj, epizoda by móhła dwě hodźinje trać. To najwažniše pak staj zmištrowałoj, natočić.

Wjele k smjeću měještaj Daniel a Jakub, wosebje, dokelž njeje Jakub tónkróć te ćežke politiske temy narěčał. Ně, hdźe wo temy do přichoda, wo tójšto kooperacijow w a tež wo swójske nazhonjenja na Lipšćanskich knižnych wikach.

Swět wjerći so dale ale Daniel a Jakub hladataj do zašłosć. Što měli po krótkej přestawce nachwatać? Tójšto - to je jasnje. Tuž wobaj tróšku dlěje wo wažnych temach zasłych tydźenjow rěčitaj. Wjele wjesela :)

 Back in business - mój tu zaso smój! Daniel je so z dalokeje Srjedźneje Ameriki nawróćił a poł lěta serbsku Łužicu z daliny analyzował. Jakub je tež tróšku dale preč nóžkował, z Erfurta so přišaltuje. Jakna analyza najwažnišich podawiznow w Serbach. To skići wam nowa epizoda Serbskeho Buschfunka :)

Čas leći, nazyma je tu a nas zwjesela. Daniel je sej do Srjedźneje Ameriki wulećał a nětko při najrjeńšim přibrjoze sedźo mudrosće šěri. Runje tak Jakub, w kermušnej Łužicy a pilny wšěm nowosćam sćěhujo. Pumpkin Spice Latte zwarić a sej lubić dać :)

 Na Brězowskim jězoru, wulke njezbožo, cyła republika wo tym rěči - jenož Dani ničo wo tym njewě Hromadźe z Jakubom so přez LEAG mjerzataj a prašataj so: na što da ma wučomnik přichoda wšitko móc a kajke kmanosće měć? To wšitko w nowej epizodźe Serbskeho Buschfunka.

Žołmy šumja, pisane temy a nadrobne rozmołwy. Tak jón znajemy, naš Serbski Buschfunk. So wě, wólby w Braniborskej, Serbskeho sejma a Serbskeje rady w Sakskej su tema. Runje tak kaž Žonopowa kralowna a wandalojo ze sprayjom w Pančicach-Kukowje. Što je noweho we Łužicy - tu to zhoniće.

Gloria Lanzyna bydli 6 dnjow we WG wěrje w Berlinje, to je nowy format ZDF. Što je dožiwiła, kak je so jej lubiło a što je so za kulisami stawo - Daniel a Jakub chcetaj to wědźeć!

Kokot smě so woswjećić hdźe to tež z gumijowy honač? Pohladamoj hišće raz na CSD w Budyšinje a Lipsku, tež wo kubłanje zaso raz diskutujemoj. A: serbski marketing w nakupowanskich centrumach po cyłej Němskej?

Što je lós w Radworju, prašataj so Radworčanaj, Daniel a Jakub. Derje, zo staj informowanaj, to rady z nami dźěla. Tež na wólby so wobaj přihotujetaj a podataj so do Roma, młodaj ministrantaj we wěčnym měsće. 

Fenki, fenki a hišće raz fenki sydaja we Łužicy za strukturnu změnu. Tola tež za wšitkich we Łužicy? Dale prašataj so Daniel a Jakub, kak Serbske je Serbske mustwo abo tola skěrje jenož łužiske mustwo? A klima so přeměnja, ekstremy přiběraja…To wšo w nowym wudaću Serbskeho Buschfunka.

 Krasny tydźeń chila so na kónc, Daniel a Jakub mataj čas ze sobu bachtać. A kak: tłóčace temy, chwalby a nostalgiske wokomiki. To wšo w najnowšim wudaću Serbskeho Buschfunka.

Što by to wěrił, zašłe wólby do europskeho parlamenta runje tak kaž do komunalnych parlamentow njeje najnuzniši problem Serbow. Sakska chce zaso šulske rjadownje šmórać. Njejsmy da ničo ze stawiznow wuknyli?

Horjany přeproša, to je žurla pjelnjena. Pola nas rěka wona Hanka, do kina so namka. Serbja a AfD? Oh jejminej! 

Bijeńca w nocy jutrońčki so dale pleće, nowe dopóznaća a dalše pady su tema wusyłanja. Nimo toho: Dopomnjenki na koparsku karieru a kulturny přinošk tež njesmětej falować.

Za što trjebaš přihot? Jutrowne wusyłanje raz cyle spontanje - nó derje, wjele dožiwiłoj staj... To ći rjane wusyłanje - na kóždy pad sej naposkać :)

Tute epizoda je jara wótra - połnych dźiwow, wuměnow a prowokacije. Analyst Daniel a aktiwist Jakub mataj chětro wužadace temy, kajki to čas. Rjany start do kónca tydźenja :)

Što, Budyski křižerjam Domowina a Załožba konja zapłaći? To je Jakub w zašłych tydźenjach zasłyšał a wonu bladu sobu do podcasta nosył. Nimo toho dźe wo iniciatiwu Serbow, chcyć we wójnje w Ukrainje za měr jednać, wo kubłanskej debaće a jutrownych přihotow w Budyšinje.

Jutrowne jejka so wóskuja abo tež škrabaja - Jakub měješe to za směšnje, dla toho nětko tež w titulu. Kajke to dźěćkace činki. Cyle nawopak w najnowšej epizodźe: Serbska debata wo přichod Serbow, wosebje wo infrastrukturje so zaso raz rěči a Daniel je někotre artikle hłupych paduchow namakał. To wšo a wjele wjac w nowym wudaću Serbskeho Buschfunka.

Kulow, Helau! Tola nic jenož w Kulowje, ale tež w dalšich kóncach Łužicy. Nimo toho rěčimy wo TCM, wo młodych wandrowskich a wo dalšich njeskutkach.

SKANDAAAL? Abo što je so stało. Ničo dokładneho ale wjele dopomnjenkow - to w poslednim dźělu Serbskeho Buschfunka. Tójšto politiki wězo tež syda. Facit: poskać!

Što je jenož lós w našim kraju? Wšudźe so demonstruje, a to nic runjewon za demokratiju ale husto přećiwo njej. Dale so w Lipsku hejsuje, a we Łužicy bjesaduje. A tež pola naju - Daniel a Jakub - Serbski Buschfunk.

Dołhi tydźeń je so minył, tójšto je so we Łužicy hibało. Wo tym chcemy rozprawjeć a zajimałe temy rozjimać. Serbski Buschfunk za was rozprawja.

Daniel sedźi zaso raz na nuzniku, zwukowa kwalita je katastrofalna. Ale njehladajo toho je tójšto zajimawych temow, nic jenož we Łužicy ale wosebje tež w najnowšim wudaću Serbskeho Buschfunka.

Nowe lěto nowe ideje a nowe wudaće Serbskeho Buschfunka. Po krótkej přestawce dźe dale, tež dokelž njeje so wšitko w prěnim pospyće krótko do hód zešlachćiło.

Hód bliža so, čas wam měrny čas tróšku wobohaćić z tójšto połojčnej wědu, pobrachowacymi faktami a hłupymi idejemi. To so wam spodoba? Nó do, do podcasta zdar!

Haj, je pozdźe. Jara pozdźe samo, hdyž nic samo pře pozdźe. Ale wšo trjeba swój čas. Wosebje, hdyž ma dobre być. A to je najnowša epizoda Buschfunka na kóždy pad. Znajmjeńša a z naju wida! Dajće so přeswědčić :)

Je zyma wonka a tola zwažištaj so Daniel a Jakub na horco diskutowane temy. Zo su burja chětro hněwni na saksku ratarsku politiku, zo je sejm swoje 5. narodniny woswjećił a kak je tuchwilne zhromadne žiwjenje mjez Němcami a Serbami? To wšitko su temy noweho wudaća našeho podcasta.

Zymny počas je tu, wotpowědna je tež nalada pola Serbskeho Buschfunka: podamy so do kuchnje a pječemy, wozmjemy sej knihu a čitamy a swjećimy w ćopłym hač do nocy. To wšo w nowym wudaću SB, Serbskeho Buschfunka :)

Dani ma połnu motiwaciju, Jakub je tróšku nazymnjeny - ale žadyn korona! So nadźija. To wšak zaso někak wokoło chodźi. Ale to je kaž přeco: šćipaty temy, dobre zjimanja a hłupe komentary. To je naš Serbski Buschfunk!

W Drježdźanach so zetkałoj, za podcast dołho rěčałoj. Daniel a Jakub měještaj dołhi tydźeń, tróšku zapozdźeni. Ale je so tójšto stało, wjele steji před durjemi. Wjele wjesela při poskanju.

Karusel na kermuši w Chrósćicach je su dowjerćał, šera nazyma nas trapi. Jakub je so tróšku nazymnił, hač drje je staroba na tym wina? Daniel čuja so kaž zaso w šuli a temy su chětro kontrowersne. Do podcasta zdar!

To tola raz za prawym serbskim napismom klinči, abo? Z cyłej serbskej mocu so Daniel a Jakub zaso wróćo přizjewitaj. Daniel zaso wróćo z wukraja a Jakub, kotryž je sej runje hakle do wukraja dojěł. Inkluziwnje Jetlag ;)

Napinacy kónc tydźenja to bě a haj smój so tróšku dliłoj. Ale nětko je zaso čas za jenički a najwuspěšniši podcast Łužicy, ně samo cyłeho swěta. Wjele wjesela!

Móst přez Sprjewju, fenki Załožby abo počesćowanje sławneho Serba - pisany hornc nowosćow komentowane wot najwjetšich hamplow, kiž je serbski swět hdy widźał. Do dźěła zdar!

Dobre temy, dobra nalada a dobra zwukowa kwalita. Serbski Buschfunk startuje z čerstwym elanom a wulkim wjeselom do druheje sezony. Waš tydźenski update zaso wusyła!

Prózdniny su nimo a dypkownje startuje tež zaso Serbski Buschfunk. Dani je so wočerstwił, Jakub so poćił. A tež hewak bě w Serbach tójšto lós. Wo tym wězo tež w podcastu rěčimoj.

Haj, lěćny čas, wšě so poćimy. Tuž póndźemy, je čas za krótku přestawku :) Wot awgusta smy zaso za was On Air!

Skónčnje wón to je: Folklorny festiwal! A wězo pytataj Daniel a Jakub za zajimawymi stawizničkami, kotrež wopytowar takle scyła njezhoni. To jedne je nětko hižo jasne: Folklorne skupiny su hórše hač kóžda znata rockowa skupina. A tež to je wažne: při natočenju njeje so ani kapka alkohola piła!