SissachCast

D'Ira May oder bürgerlich d'Iris Bösiger isch ä Soulsängerin usem Oberbaselbiet. Si verzellt im Podcast über ihri Laufbahn in dr Muusig, über ihri Dorfzuäghörigkeit und au drüber, wiä si dr Wäg mit de anderä oberbaselbiäter Muusiggrössä "Baschi" und "Sahra Jane" gchrüzt het. Mit viel Humor und spannendä Gschichtä cheu Sii jetztä ä Halbstund zrugglehnä und sich lo unterhaltä.  Ich wünsch vill Spass bim Zuälosä! Ihrä Silas

Dr Michele Linsalata isch a bekanntä Unternähmer us Sissach. Im hüttigä Podcast verzellt er, wiä er als Sanitärinstallateur gstartet isch und hüttä meheri Unternähmä bsitzt - es Imperium uffbaut het. Im Detail got er au uffs Hotel/Restaurant Sonne in Sissach ih. Lohnenswärt si au d Ihblick in Sis Läbä - als Unternähmer und Familiämensch. Ich widrhol s folgendä gärn nomoll: Lehnä Sii ä Halb-Stund zrugg und löhn Sii sich vo däm spannendä Podcast, vom Michele Linsalata und mir, lo unterhaltä.  Vill Spass bim Zuälosä! Ihrä Silas

D Heinke Torpus isch ä Künstlerin uss Sissach, wo scho an verschiedenstä Usstelligä do in euserä Region presänt isch gsii. In dr hüttigä Episodä verzellt Si us Ihrem Läbä und vo vergangenä Usstelligä. Unter anderem au d Figurä-Usstellig im Bundeshuus, wo sie sich em Thema "Aktualisierung der Schweizer Kantonswappen" gwidmet het. Löhn Sii sich au in däm spannendä Podcast lo unterhaltä und lehnä Sii zrugg - Vill Spass wünschi bim Zuälosä, Ihrä Silas

D Gmüeserei Sissach isch ä Gnossäschaftsprojekt, wo d Landwirt/innä und Konsumäntä/innä gmeinsami Sach möchä und mitänand Gmües pflanzä und pflückä. Um das Projekt für Sii z belüchtä, hannich sowohl de Gmüesgärtner Pascal Benninger, als au d Gnossäschafterin Luzia Buess dezuä befrogt. So bechömmä Sii Ihblick ind Mechanismä vo dr Gmüesi und ä Ihdruck vom ganzä Projekt. Löhn Sii sich diä nexti halb Stund unterhaltä und lehnä Sii zrugg - Vill Spass bim Loosä, Ihrä Silas!

De Hans-Rudolf Pfaff isch ä langjöhrigä Papeteriebetrieber us Sissach. In derä Episodä bechömmä Sii durch Ihn spannendi Ihblick ind Vergangäheit vo dr bewegtä Gschicht vom Pfaff und au vo eusem schönä Obrbaselbiät. Löhn Sii sich diä nexti halb Stund unterhaltä und lehnä Sii zrugg - Vill Spass bim Loosä, Ihrä Silas!

Wort im Oor mit Hut und Hoor - eurä SissachCast! Und dodemit hallo und härzlech willkommä zu mim eigenä Podcast! Ich bi de Silas Bertram uss Sissach und Sie wärdä über mi Podcast tolli Ihblick in Region Sissach und Umgäbig becho. Ich ha für Sii mehreri Podcasts zu drei verschiedenä Themä uffgnoo. Örtlichkeitä, Institutionä und Personä - alli uss dr Region! Lehnä Sii ämoll ä Halbstund zurgg und löhn Sii sich vo de spannendä Gschichtä unterhaltä. Vill Spass bim Loosä - Ihrä Silas