Spitstyd

Fisantekraal is 'n gemeenskap net buite Durbanville in die noordelike voorstede van Kaapstad. Die ID-Help-projek het primêr ten doel om inwoners van Fisantekraal wat nie 'n ID het nie, by te staan om een te kry. Om beskadigde of verlore ID's te laat vervang, is redelik maklik, maar wanneer geboortesertifikate ontbreek en laat geboorteregistrasies moet plaasvind, raak die proses moeilik, uitgerek en duur. ID-Help Fisantekraal verskaf die bystand, administrasie en fondse vir mense om al hierdie struikelblokke te oorkom tot op die punt dat alle dokumentasie gereed is vir hulle om net hulle aansoek vir 'n ID te gaan indien. Ongedokumenteerde Suid-Afrikaners staar die volgende probleme in die gesig: Kan nie formeel vir werk aansoek doen nie; Het geen toegang tot enige regeringstoelaes of -hulp nie, soos SASSA-toelaes, kindertoelaes, behuising; Kan nie stem nie; Kan nie 'n bankrekening oopmaak nie; Kan nie 'n begrafnispolis besit nie; Kan nie 'n bestuurslisensie hê nie; Kan matriek skryf en 'n sertifikaat kry, maar sonder 'n geldige ID-nommer op die sertifikaat is dit niks werd nie. Nelleke Meintjes het met die projek begin.

RSG plaas die kollig op die werk wat welsynsorganisasies en sorgsentrums doen, en hulle behoeftes. Die Fisantekraal Centre for Development (FCD) is 'n Christelike nie-winsgewende organisasie in Durbanville en Fisantekraal, wat werklose mense bemagtig en oplei deur gesubsidieerde kursusse in onder meer besigheid, ambagte, gasvryheid en sorg. Die organisasie fokus op 'n holistiese benadering wat vaardigheidsontwikkeling, lewensvaardighede en praktiese werkservaring insluit om werksgeleenthede te bevorder. https://www.fisantekraal.org.za/

Martin Riekert van Momentum Life Insurance praat oor die werklikheidsreël oor aftree-inkomste, waarvan die meeste afgetredenes nog nooit gehoor het nie, en wat baie onwetend oortree. As jou lewenstandaard ‘n inkomste vereis wat die mark nie betroubaar kan lewer nie, dobbel jy met jou aftrede.

RSG plaas in Mandelamaand die kollig op die werk wat welsynsorganisasies en sorgsentrums doen, en hulle behoeftes. Zenobia Daniels se seun, Zorian Mkobane van Sanddrif in Tsitsikamma in die Oos-Kaap, benodig fondse om op 4 Augustus 2026 by Klein Kariba in Limpopo deel te neem aan die ATKV Redenaarskompetisie se finale ronde. Die totaal vir vervoer en akkomodasie beloop sowat R7 090.00.

RSG plaas in Mandelamaand die kollig op die werk wat welsynsorganisasies en sorgsentrums doen, en hulle behoeftes. Naruna Estate is 'n gemeenskap van 156 lae-inkomste behuisingseenhede. NERO is begin om minderbevoorregtes en haweloses in die Plumstead-omgewing te voed vanuit Beverley Strong se huis. NERA verskaf tee, koffie, sop en toebroodjies op ’n Donderdag, en ’n gekookte maaltyd op 'n Saterdag. Jong meisies en dames word voorsien met toiletware en terug-skool-toe-skryfbehoeftes en uniforms. Hulle probeer ook om een keer per maand basiese voedselpakkies vir seniors en enkelma-huishoudings te verskaf. NERA het ‘n Mandela-Dag veldtog wat by die plaaslike biblioteek gehou sal word.

RSG plaas in Mandelamaand die kollig op die werk wat welsynsorganisasies en sorgsentrums doen, en hulle behoeftes. Attie Heyns is 'n direkteur by KJH Law in Ceres. Hy is 'n passievolle langafstandatleet, iemand vir wie hardloop nie net 'n stokperdjie is nie, maar 'n lewenstyl en 'n manier om homself te toets. Op 31 Julie 2026 sal Attie die Washie 100 Miler aanpak, een van Suid-Afrika se mees uitdagende ultramarathons. Hierdie 160 kilometer lange roete strek van Cathcart in die Oos-Kaap tot by Oos-Londen en vereis maande se voorbereiding, opoffering en uiterste deursettingsvermoë. Vir Attie gaan dit oor meer as 'n wedloop. Dit gaan oor mense. Dit gaan oor teruggee. Dit gaan oor die bejaardes in Ceres wat hul lewe gewy het aan die opbou van hulle gemeenskappe en wat nou sorg en ondersteuning nodig het. Huis PJ Strauss en Huis Maudie Kriel is tehuise wat Attie na aan die hart lê, en hy het besluit om sy passie vir hardloop te gebruik om iets tasbaars vir hierdie inwoners te doen. Die doel van die veldtog is om R50 000 in te samel vir Huis PJ Strauss en Huis Maudie Kriel in Ceres. Vir anonieme skenkings kan individue 'n e-pos stuur aan [email protected] of gaan na https://www.backabuddy.co.za/campaign/100-myl-vir-huis-pj-strauss-huis-maudie-kriel

Willem Pelser gesels met papiersnykunstenaar Florence Kruger oor haar kuns.

RSG plaas in Mandelamaand die kollig op die werk wat welsynsorganisasies en sorgsentrums doen, en hulle behoeftes. Abba Spesialis Aanneming en Maatskaplike Dienste wil 'n direkte impak maak op die lot van die kwesbaarste kinders in die samelewing. https://www.abbaadoptions.co.za

'n Vars en herkenbare stem van moderne Suid-Afrikaanse musiek. Sy het haar as die hoofsanger van die bekroonde groep, BlackByrd, gevestig voordat sy haar eie suksesvolle sololoopbaan aangepak het. Gebore en getoë in Kaapstad, het sy van 'n jong meisie met 'n droom ontwikkel in 'n kunstenaar wat nie net musiek maak nie, maar ook haar eie handelsmerk bou in 'n wêreld waar kunstenaars vandag soveel meer as net sangers moet wees. Sy is sangeres, liedjieskrywer, aktrise en entrepreneur. Sy praat oor die werklikheid van die moderne musiekbedryf, die uitdagings van sukses, die druk van sosiale media, en die lesse wat sy langs die pad oor geld, werk en die lewe geleer het.

RSG plaas die kollig op die werk wat welsynsorganisasies en sorgsentrums doen, en hulle behoeftes. The Children Their Faces is 'n geregistreerde organisasie sonder winsbejag in Reigerpark, Boksburg. Hulle ondersteun kwesbare kinders en gesinne, en fokus daarop om die siklus van beperkings te verbreek deur strukturele platforms vir jeugontwikkeling te bied. https://www.tctf.org.za

Henco Kruger praat met Eric McLaren, ’n gids, oor die staptogte in die Visriviercanyon wat gestaak moes word weens al die reën, en die sowat 100 stappers wat ontruim moes word.

Henco Kruger praat met Eric McLaren, ’n gids, oor die staptogte in die Visriviercanyon wat gestaak moes word weens al die reën, en die sowat 100 stappers wat ontruim moes word.

25 Junie 2026: Willem Pelser gesels met Eben Prinsloo, ’n blinde boer.

'n Vars en herkenbare stem van moderne Suid-Afrikaanse musiek. Sy het haar as die hoofsanger van die bekroonde groep, BlackByrd, gevestig voordat sy haar eie suksesvolle sololoopbaan aangepak het. Gebore en getoë in Kaapstad, het sy van 'n jong meisie met 'n droom ontwikkel in 'n kunstenaar wat nie net musiek maak nie, maar ook haar eie handelsmerk bou in 'n wêreld waar kunstenaars vandag soveel meer as net sangers moet wees. Sy is sangeres, liedjieskrywer, aktrise en entrepreneur. Sy praat oor die werklikheid van die moderne musiekbedryf, die uitdagings van sukses, die druk van sosiale media, en die lesse wat sy langs die pad oor geld, werk en die lewe geleer het.

RSG plaas die kollig op die werk wat welsynsorganisasies en sorgsentrums doen, en hulle behoeftes. ONS TUIS bied bekostigbare, gehalteverblyf aan persone ouer as 55 jaar. https://onstuis.org/

Waarop dui verlede jaar se lewensversekeringseise werklik, en is ons voorbereid op wat werklik gebeur? Joretha Bothma van Momentum Life Insurance ontleed die jongste eisestatisitek, die risiko's om lewensveranderende gebeure te onderskat, en die belangrikheid van finansiële voorbereiding vir onverwagte gebeure.

Vir baie mense was hy die man met die helder kleure, speelse dorpstonele, gesinne, blomme, verliefde paartjies en die kunswerke wat vreugde gebring het in duisende huise. Hy het ’n besondere vermoë gehad om mense welkom te laat voel en om hulle potensiaal raak te sien lank voordat hulle dit self kon sien. Toe Kuns Met Kontant vyf jaar gelede op RSG begin het, was Portchie ons tweede gas op die program. Ter nagedagtenis aan Portchie gaan ons terug in tyd en luister na ’n gedeelte van die gesprek wat ons destyds met hom gevoer het.

RSG plaas die kollig op die werk wat welsynsorganisasies en sorgsentrums doen, en hulle behoeftes. https://www.afrikanerbond.co.za/

Willem Pelser gesels met Andries Keyser, wat miniatuur stoomenjins bou.

Hy is een van die mees gerespekteerde pianiste en musikale begeleiers in Suid-Afrika. Coenraad Rall is die man agter die klavier vir van Suid-Afrika se grootste kunstenaars. Hy is veral bekend vir sy jarelange pad saam met Amanda Strydom. Hoe bou ’n mens oor dekades ’n loopbaan in die kunste? Hoe oorleef ’n musikant finansieel in ’n wêreld van onsekere inkomste, feeste, produksies en applous wat nie altyd die rekeninge betaal nie? Coenraad Rall praat oor hoe maklik dit is om net die applous raak te sien, maar agter elke noot en elke produksie lê daar jare van opoffering, dissipline en geloof in sy kuns.

RSG plaas die kollig op die werk wat welsynsorganisasies en sorgsentrums doen, en hulle behoeftes. Gereformeerde Skool Dirk Postma is n onafhanklike skool in die hartjie van die Moot (Pretoria) wat deur ouers uit die plaaslike gemeenskap gestig is. Die destydse droom om ‘n eie reformatoriese skool te begin, waar leerlinge Bybelse onderrig en -opvoeding deur roepingsgetroue onderwysers kon ontvang, het tot dade oorgegaan met 42 leerders en drie onderwysers wat die eerste klein tree getrou in 1986 gegee het. Vandag ontvang kinders van klein tot groot uitnemende onderrig wat hul uitstekend vir hul roeping voorberei. Met ’n Bybels geïntegreerde kurrikulum, word leerders toegerus om met hart en siel ligdraers met karakter te wees. https://www.gsdp.co.za/

Die lesse wat jou ouers jou oor geld geleer het, was vir ’n ander soort finansiële wêreld ontwerp. Hoe moet spaar vir aftrede vandag lyk? Ons praat hieroor met Therese Havenga van Momentum Savings.

Willem Pelser gesels met Reinet Koornhof in Valparaiso in Chili oor haar wêreldwye avonture.

Hy is een van die mees gerespekteerde pianiste en musikale begeleiers in Suid-Afrika. Coenraad Rall is die man agter die klavier vir van Suid-Afrika se grootste kunstenaars. Hy is veral bekend vir sy jarelange pad saam met Amanda Strydom. Hoe bou ’n mens oor dekades ’n loopbaan in die kunste? Hoe oorleef ’n musikant finansieel in ’n wêreld van onsekere inkomste, feeste, produksies en applous wat nie altyd die rekeninge betaal nie? Coenraad Rahl praat oor hoe maklik dit is om net die applous raak te sien, maar agter elke noot en elke produksie lê daar jare van opoffering, dissipline en geloof in sy kuns.

RSG plaas die kollig op die werk wat welsynsorganisasies en sorgsentrums doen, en hulle behoeftes. Lighthouse bied 'n plek van veiligheid aan kwesbare kinders. Hulle sorg tans vir 25 kinders tussen die ouderdomme van 1 maand en 12 jaar. https://lighthousekids.co.za/

Vyf dekades lank vertel sy al stories wat Suid-Afrikaners laat lag, huil, dink… en onthou. Van die verhoog in Kaapstad as jong skoolmeisie, tot televisie- en filmrolle wat haar een van die land se mees geliefde en gerespekteerde aktrises gemaak het - Vinette Ebrahim se loopbaan is veel meer as net ’n lys rolle. Dit is die verhaal van deursettingsvermoë, waardigheid, oorlewing en ’n liefde vir die kunste wat nooit verdwyn het nie. Sy gesels oor die werklikheid van die Suid-Afrikaanse vermaakbedryf in die 1980’s en 1990’s - ’n tyd waarin diskriminasie teen vroue en bruin akteurs diep gewortel was. Sy vertel openhartig van die ongelyke behandeling wat kunstenaars ervaar het, hoe respek nie altyd vanselfsprekend was nie en hoe sy eenvoudig moes aanhou veg vir haar plek in die bedryf. Sy vertel eerlik hoe kunstenaars van produksie tot produksie moes leef, hoe onseker die inkomste dikwels was en hoe liefde vir die kunste hulle deur moeilike tye gedra het. Sy praat oor 7de Laan, Kelders van Geheime, teater, mentorskap, die veranderinge in die bedryf en oor waarom sy glo dat ware rykdom nie noodwendig in geld lê nie, maar in mense, stories en betekenisvolle werk.

RSG plaas die kollig op die werk wat welsynsorganisasies en sorgsentrums doen, en hulle behoeftes. Die alumni-gemeenskap van die SA Gidshondvereniging bestaan ​​uit honderde hanteerders en hulle hoogs opgeleide hulphonde. Hierdie netwerk verteenwoordig suksesvolle vennootskappe regoor Suid-Afrika, wat individue met siggestremdhede, outisme-ondersteuning of fisiese mobiliteitsbehoeftes die onafhanklikheid bied om aktiewe, selfversekerde lewens te lei. https://www.facebook.com/people/SA-Guide-Dogs-Association-Alumni/100065481933849/ https://guidedog.org.za/

Momentum wil jou help verstaan wat deur jou groepversekering se werknemersvoordele gedek word as jou inkomste opdroog – en is dit genoeg om jou lewenstandaard te beskerm? Werknemervoordele kan baie waardevol wees, maar slegs as werknemers verstaan watter beskerming dit bied. Lynette Uys, ‘n finansiële afrigter by Momentum, verduidelik.

Alta Maré van die Choral Celebration Network Foundation praat oor haar passie vir kore.

Vyf dekades lank vertel sy al stories wat Suid-Afrikaners laat lag, huil, dink… en onthou. Van die verhoog in Kaapstad as jong skoolmeisie, tot televisie- en filmrolle wat haar een van die land se mees geliefde en gerespekteerde aktrises gemaak het - Vinette Ebrahim se loopbaan is veel meer as net ’n lys rolle. Dit is die verhaal van deursettingsvermoë, waardigheid, oorlewing en ’n liefde vir die kunste wat nooit verdwyn het nie. Sy gesels oor die werklikheid van die Suid-Afrikaanse vermaakbedryf in die 1980’s en 1990’s - ’n tyd waarin diskriminasie teen vroue en bruin akteurs diep gewortel was. Sy vertel openhartig van die ongelyke behandeling wat kunstenaars ervaar het, hoe respek nie altyd vanselfsprekend was nie en hoe sy eenvoudig moes aanhou veg vir haar plek in die bedryf. Sy vertel eerlik hoe kunstenaars van produksie tot produksie moes leef, hoe onseker die inkomste dikwels was en hoe liefde vir die kunste hulle deur moeilike tye gedra het. Sy praat oor 7de Laan, Kelders van Geheime, teater, mentorskap, die veranderinge in die bedryf en oor waarom sy glo dat ware rykdom nie noodwendig in geld lê nie, maar in mense, stories en betekenisvolle werk.

RSG plaas die kollig op die werk wat welsynsorganisasies en sorgsentrums doen, en hulle behoeftes. Family Support for Schizophrenia is 'n gesinsondersteuningsgroep, wat emosionele en praktiese inligting en ondersteuning bied aan die familielede en versorgers van mense wat met skisofrenie leef. Hulle bestaan al langer as 40 jaar, en het waardevolle kennis en netwerke opgebou op die gebied van geestesgesondheid. https://familysupport.org.za/ [email protected]

Wêreldreisiger Gerrie Pretorius gesels vanuit Edinburgh oor die ryk die geskiedenis van dié stad, lyke steel en whisky.

Willem Pelser gesels met Franciske Venter, ’n gestremde swemmer en atleet.

Ná byna 200 onderhoude met van Suid-Afrika se bekendste name, draai Kuns met Kontant die mikrofoon om. In ’n unieke rondetafelgesprek sluit Willem Pelser en regisseur Carla Mackenzie by Henco Kruger aan. Hulle deel hulle herinneringe, verrassings en persoonlike insigte ná jare se gesprekke oor sukses, mislukking, risiko, skuld, rykdom en die lewe self. Watter gaste het hulle die meeste geraak? Watter geldlesse het by hulle gebly? En hoe verander byna 200 gesprekke ’n mens se eie verhouding met geld? Dis ’n eerlike, warm en soms verrassende blik agter die skerms van een van Spitstyd se gewildste insetsels.

RSG plaas die kollig op die werk wat welsynsorganisasies en sorgsentrums doen, en hulle behoeftes. (Start Well Stigting)

Marietjie du Plessis het 30 jaar se ervaring van valskermspring en vertoonspronge. Sy deel haar wye kennis met Willem Pelser.

Ná byna 200 onderhoude met van Suid-Afrika se bekendste name, draai Kuns met Kontant die mikrofoon om. In ’n unieke rondetafelgesprek sluit Willem Pelser en regisseur Carla Mackenzie by Henco Kruger aan. Hulle deel hulle herinneringe, verrassings en persoonlike insigte ná jare se gesprekke oor sukses, mislukking, risiko, skuld, rykdom en die lewe self. Watter gaste het hulle die meeste geraak? Watter geldlesse het by hulle gebly? En hoe verander byna 200 gesprekke ’n mens se eie verhouding met geld? Dis ’n eerlike, warm en soms verrassende blik agter die skerms van een van Spitstyd se gewildste insetsels.

RSG plaas die kollig op die werk wat welsynsorganisasies en sorgsentrums doen, en hulle behoeftes. (Frontier Fire Assist)

Willem Pelser praat met arbeidsterapeut Riekie Stroebel.

Deel 2: Hy het begin as ’n klubpro en PGA-afrigter met ’n kamera in sy hand. Vandag volg miljoene mense wêreldwyd sy reis op die gholfbaan. Rick Shiels het homself gevestig as een van die invloedrykste stemme in moderne gholf, waar hy nie net die spel speel nie, maar dit ook op ’n toeganklike en vermaaklike manier verduidelik. In hierdie spesiale onderhoud gesels ons nie net oor gholf nie, maar ook oor die besluite agter die sukses — risiko, geld en hoe ’n mens ’n passie kan omskep in ’n volhoubare besigheid.

RSG plaas die kollig op die werk wat welsynsorganisasies en sorgsentrums doen, en hulle behoeftes. (25:40)