Stabili Tränene

Mer sind für de Staffelfinal wedermal im gsundheitliche Sektor unterwegs und hend de Meriton be eus wo sich guet mit allem ab de Niere uskennt :D Mit sim Wüsse über euse Körper und sim Humor hemmer e geili kombination gschaffe. Danke für euchi unterstützig au i dere Staffle und mer melde eus sobald mer selber wüsse wenns wittergoht :D Mer wünsche allne e SUPER GEILE SOMMER !!!!!!!

Tanja, ehemaligi Pflegefachfrau, git ehrlechi Iblick i de Pflegealltag. Mer rede über d’Lehr, Schichtdienst, Stress, Verantwortig und d’Realität uf de Station – nebst dem rede mer no über ihri anderi Tätigkeite wo sie Mensche hilft met Coachings und Workshops. Viel Spass! Links vo üsem Gast: 📸 Instagram: https://www.instagram.com/ringgenberg.tanja?igsh=dWJ0OWNvYnM1NXlp💼 Business:https://www.corecare.ch/

600km Challenge vom Arda Saatci isch hüt euses Theme will mer quasi i dem LiveStream glebt hend. Mer näme de Schwung und Faszination vo dere Leistig grad mit und Rede chli über die Cyborg Challenge 2026. Do dezue hemmer de Rino debi wo mit em Emre zäme au sit Jahre am Laufe sind und somit en guete Bezug zu dem Sport hend. You vs You

I dere spezielle Podcast-Folge öbernehmet Evrims besti Kollege und Emres Bekannti s’Mikro – und sorget für richtig viel gueti Luune. Euch erwarte lostigi „Entweder-oder“-Speli, spontani Challenges und unerwarteti Gsprächstheme. Dynamik i de Rundi bringt immer wieder neui Überraschige und sorgt für mega viel Lacher. En Folg, wo sich locker afühlt, aber garantiert ned langwiilig wird. Perfekt für alli, wo eifach wend abschalte und mitlache.Danke nomol an alli Jungs und viel Spass bim zuelosele!!

Us de chline Schwiz i die witi Welt mit de eigene Kunst. Das isch das was Feggy erreicht het. Mer Rolle uf was ehri Gschicht isch und wie dases dezue chunnt, dass sie mit de grösste Stars in Korea het dörfe mitarbeite und für sie Kleider gstalte. Ned nur in Korea. Au ade Street Parade het sie ehri Kunst dörfe präsentiere und de Steve Aoki isch au en riese Fan vo ihrere Kunst. Krass, ned ? Los ine und erfahr meh vode sympathische Feggy. Folget ehre uf Insta -> feggyminart

Hüt rede mer mit de liebe Marlin. Sie gilt als Gesangstalent usem Aargau und het de Muet kha be eus im Podcast mitzmache. De Evrim het sie mit deepe Frage glöcheret und mer sind i de Schaffensprozess vo ihrere Musik itaucht. Lueg da landisch direkt uf ehrere Artist-Page und chasch dich vo dene schöne Kläng lo beriesle lo --> Klick

Wahrschinlich die lustigst Zahnarztpraxis wo du je kennelerne wirsch ! Mit Lachflash des Grauens vom Reem inklusive, will mer echli zviel das Wort "oral" brucht hend :D Alles erwachseni lüt by the way....Hend Spass bim zuelose !!

Händ der euch scho mal länger über s'Thema "Tod" Gedanke gmacht ? Wenn ned, de hemmer das gemeinsam und gönd hüt ufd Reis mit de Murielle Kälin. Sie befasst sich mit Mensche wo mitem Tod konfrontiert werde und begleitet Lüt im Sterbebett wie au Hinterbliebeni und bietet ehri Hilf ah in allne Belange. Evtl isch sie sogar en Engel uf Erde. you never know...Wenn der die Folge und Arbeit vode Murielle gfallt, ünterstützed sie mitnere chline Spende unter www.regenschirmtage.chViel Spass mit dere spannende Episode

Wer het früehner au so cringy Profilnäme kha uf Netlog FaceBook und co? Was mer so kha hend erfahre der i dere Folg. Wenn öpper eusi Näme toppt, bitte gern melde.Hüt hemmer e lockeri Rundi mitnere erfahrene Content Creatorin. Mer hend eus drüber ustuuscht wie Sache ide Insta, TikTok-Welt funktionieret und wie mer eus chönnte verbessere.Lueget bim Lockekopf verbi und folget ihre :D--> de_Lockekopf

Hey Zueloselersssss :D Tränene sind zrugg mitemene neue Studio und neue Folge. Mer erkunde frömdes Gewässer und wänd meh über Eishockey erfahre. Wer chönnt eus do besser witterhelfe als en Profi ?Simon Sterchi, Stürmer bim EHC Olten stoht eus zur Site und stillt euse Wissensdurst. Unumgänglich erfahre mer natürli au meh zu sinere Person und sine Lehre us meh als 20 Jahre Eishockey.

Episode 50 liebi Zueloselers!! & zuesätzlich en altbekannte Griech wedermol bi eus im Studio. Was wär d`Schwiz ohni Albaner? Was machsch wenn en Muus ide Wohnig hesch? Hesch Panikattackene oder blibsch cool? settigi Themene und vieles meh ide letschte Episode vo dere Staffel! Danke viel mol fürs Zuelose und bis Bald. Grüess gönd use <3

„TeleToni bide stabile Tränene ! Me kennt ne vo sine legendäre Videos und er het mengi lüt mit sine sprüch prägt. Immer lustig und immer gueti luune. Mer hend versuecht ihn mal zverzelle loh wie unter anderem das ganze überhaupt enstande isch, ob er casino-deals wür mache und wie sini Zuekunftsplän so usgsehnd :D loset ine, lachet mit und gnüssets.“

ih dere Episode nehme mer euch mit uf Kanada! De Emre verzellt vo sinere Reis - Begegnige mit Bäre, Whale-Watching ufem Meer und sehr viel anderi Themene Rund um Emre sini Ferie. Loset dri und viel spass!!

ih dere Episode froge mer eus: Wieviel Unterhose brucht me fürd Ferie? Tönt simpel, isch aber zur Grundsatzdiskussion wurde.Nachher gohts um die vergangeni Fraue-EM 2025 wo ide Schwiz stattgfunde het. isch de Hype echt und verhebt er nachhaltig? Aschliessend simmer mit de Trend-Welle witter und hend eus gfrogt ob de Vibe am Frauefeld-Festival tot esch - usgschmückt mit eusne Festival Erfahrige.Natürlich zwüsche dure mit viele andere Themene. No en chlini Amerkig: Ab de Minute 28 isch leider keis Bild meh sichtbar – de Ton lauft aber wie gewohnt witter. Viel Spass mit dere Episode. Grüess gönd use!

ih dere Episode wirds ehrlich und direkt - mer näme eus kontroversi Theme vor, ohni Filter und ohni Gast. Mir rede über Theme wo vieli en Meinig händ aber lieber nüt säge :D Parat für en Folg mit Riibig und en prise Humor?Grüess gönd use!!

wies scho im Titel stoht goht die Episode unter d'hut. Zäme mitem Alessio rede mer intensiv übers tättowiere. Er het es eigets Tattoostudio wo unter anderem au gnutzt werd für Workshops etc. Tschegget tattoogarden.aarau ab uf Instagram. Grüess gönd use! cæcæ

Feindlichi übernahm chame glaub scho sege dasmal. Die Folge isch ned wie üblich vo mer und mim Brüeder hostet worde sondern vode zwei labile Tränene. Verantwortig isch ganz und allei be ehne gsi und mer hend über Themene gredt wo mer sust amigs ned wörde aspreche. sind gspannt :D

Sali Zäme ih de hüttige Episode rede mer mitem Lukas übers Kommentatore sii. Mer rede über sini Afäng als Kommentator bis zu sim erste Champions League Spiel woner het döfe kommentiere. Sehr en spannendi Episode! Natürlich goht am Emre und am Evrim do s`Herz uf.

Today Onlycars ! Ok, vellecht ned nume Autos aber mit dene beidne Jungs chame sich sehr guet unterhalte :D Der erfahret wenn Evrim sini aggressivi site zeigt, wie Egi und Rocco ehres Gschäft ufbaut hend und was Zuekunftsplän vo ihne sind. Zwüschedüre natürli au viel Gelaber 😇 Viel Spass und folget de Jungs uf Insta und TikTokInstagramTikTok

Hallo liebi Zueloselers und willkomme ide neue Staffle. Mer môche wie gewohnt witter und hüt hemmer die wichtige Frage vom Lebe beantwortet. 100 männer vs 1 gorilla ? Wer günnt ? Warum ? Wer isch de Verröter vo eus ? Es wird lustig :D Viel Spass

Endlich isch er cho :D Als Staffelendi hemmer e guete Kolleg iglade und es lockers, spielerischs und informativs Finale gstaltet.Hüt isch die 40. Folge und somit gits jetzt e chlini Pause. Witteri Infos, wie es wird wittergoh, gäbe mer bekannt sobald mers selber wüsse :D Grüess gönd use und blibet gsund

Mer hend es ganz es tolls Pärli be eus döfe begrüesse. Mer sind quasi Nachbare und sie leite und füehre Skincure.chHaarentfernig, Haarpigementierig und viles meh rund um eusi Gsundheit hemmer besproche und diskutiert. Natürli mit eusere Lockerheit und immer e priise Humor inbegriffe.Viele Dank ad Paola und am Michel für ehri OffeheitViel Spass bim zuelose

Choas pur i dere Folg! Mer hend es Paar vo eusne Kollege iglade und sie hend döfe Themene und Speli vorbereite und die Episode gstalte. Totali Blamage oder puuri Unterhaltig? Mer glaube es isch beides. Alli wo mitgmacht hend, hend au bereits e Folg i dem Podcast. Viele Dank a alli und liebe Grüess gönd use!Loset dri:JoshYannikLorisLeloIvanRino

mer diskutiere über d`Herusforderige ide Psychiatrie sowie Theme wie Schizophrenie, Depressione und Patientevertraue. Viel Spass!

Chilligi und lustigi Folg mitem Mondetto. Er isch en Musik-Produzent us Aarau und verzellt eus bizzli vom Alltag und wies im Gschäft so lauft.

Halbzit idere Staffel ! Wedermal en Brüeder-Talk mitemene halbe, zuesätzliche Gast. Mer hend eus erlaubt bizzli was mit euch usteste. Viel Spass bim zuelose und am Evrim witterhin e gueti Besserig :D

Lockere Talk mitem Päscu über StockX, Nike, Adidas und co. Er selber kennt sich ide Szene us und het sogar e coole Lade in Solothurn. Viel Spass !

Es goht weder los. Mer starte mitnere chline, härzige Verlosig i die Staffle wo der alli au chönet mitmache. Zudem gits nömm nur was für uf'd Ohre sondern au was für d'Auge :D Viel Spass

Mer hend no e Bringschuld be euch offe. Zum abgrundete Staffelfinale hole mer no de verloreni Teil vode Folg 25 noche :D Viel Spass !

En richtig guet vorbereitete Gast hüt. De Evrim het für eus spannendi Themene parat. Und mer lerne de Oli glaub alli besser kenne. Viel Spass !

Mer hend scho immer en Kamermaa welle bi eus im Podcast ha. Mit ihm rede mer tiefgründig über Pessimismus und Realismus. Viel Spass !

Sehr viel Liebi ide Luft ide hüttige Episode. Evrim het sini Fründin d'Sophie iglade und mer versueche sie beidi besser kenne z'lerne :D Viel Spass !!

Hüt hocke mer mitem Sivan zäme wo unter anderem i sinere Freizeit Kampfsport betribt. Spannendi iblick und e iladig fürnes Probetraining hemmer vo ehm becho :D

Naja, irgendwenn hets müesse passiere...De letschti Teil isch leider verlore gange aber deför isch das wo übrig isch sehr sympathisch vom hüttige Gast. Viel Spass

Welcome Back ! Dasmal schlendere mer dur verschedeni Themen wo de Evrim uf sine Notize het. Wie wärs zum Bispel mitnere 4-Tage-Arbeitswoche ? Viel Spass !

Dasmal sind Lachflashes garantiert :D Wedermal en spielerische Asatz und es sind definitiv paar stabili Träne gflosse vor Lache. Viel Spass !

Ide höttige Episode tauche mer mittem Miguel ih sini Profikarriere ih und erkunde sin neue Lebensabschnitt - voller Humor und tiefgründige Froge.

Back in Business. Nach de lange Sommerpause goht's jetzt weder wöchentlich witter. Mitem Lelo hemmer en super Gast zum langsam weder inecho i das Ganze. Viel Spass !!!

Folge zwänzg bedütet StaffElendi :D Themene sind krüz und quer durrenand und mir gäbe witteri Infos zu dem Podcast. Mer ghöre eus nach de Sommerferie weder ! GGU

ih dere Episode hämmers vom Schwizer Wetter, wo sich schneller dreit als d‘Sittene vo NZZ und 20 Minute. Usserdem rede mer öber en Gsundheits-Check-up. Wer wott scho im Rege stoh ohni fit zsi? Grüess gönd use!

Ih dere Episode nehme mer dütschi Direktheit und humorvolli Sprüch mit ufd Baustell. Grüess gönd use und gniessets!

"Bruder es isch ziiit" für ne langi, unstrukturierti Folg :D Mit Abstand die längsti und die wildisti Episode bis jetzt mit allne mögliche Themene. Viel Spass !

Hüt rede mer unter anderem über verschedeni Ängst und de Evrim isch so ehrlich wie nonie. Grüess gönd use und viel Spass !

Das mal hemmer e richtig spannendi Lehrstund becho und dörfe glichzitig e Premiere fiire :D Viel Spass ! Zu eusem Instagram --> stabili.traenene

Hüt versueche mer en spielerische Asatz mit verschiedene "Würdisch du eher...?"-Frage nachem Zuefallsprinzip. Viel Spass ! Zu eusem Instagram --> stabili.traenene

Liebi Loselers Hüt sind griechischi vibes ume ;) Seltene Bsuech usem Usland. Hemmer grad müesse e Folg mache. Viel Spass ! Instagram

De Evrim nimmt eus ufne Zugfahrt mit und wott über gwüssi Lebensabschnitt Sache erfahre und priisgä. Viel Spass bim zuelose !

Hüt in eigener Sach: Wie gohts eigentlich jetzt witter ? Mer wänd euch komplett abhole und informiere was eusi Plän sind mit dem Podcast. Viel Spass !