Suurchrut ond Praline

Egal öb alleine, zu zweit oder met dinere ängste Gruppe, höt bespräche mer die beste Idee för üche Ziitvertriib. Segs dehei be emne gmüetliche Kreativobe, oder met em Schatz am wellnesse, hoffentli chönd er die eint oder ander Recommendation metnäh. Was send üchi Gheimtipps för en en schöne Obe onder de Woche, oder eh spannendi Aktivität am Wochenänd - let us know! 🤗

Vo Jugendchor girls zo Jugendchor girl, eusi höttig Folg esch ganz de Musig gwidmet. Mer hend en Obe lang met de Musikerin/Journalistin (and the list goes on) Bezzy pläuderlet. Sie bringt am 7. November 2026 ehri ersti EP of Vinyl use ond fiiret ah säbigem Obe au grad ehri Plattetaufi. D'Bezzy verzellt eus wie sie zo ihrem Traum cho esch ond de Wäg wo sie uf sich gnoh hed, zom ne erreiche. Näbst de Musig erfahre mer wie ehri Sidequest Journalismus ond Kulturarbet ehre Alltag forme und was de Hugh Jackman förne Ihdruck hinderloh hed. Mer hends onglaublich spannend gfonde, ehr hoffentli ou!

Vode Midlife-Crisis redt mer jo scho lang, aber was esch eigentlech e Quarterlife-Crisis? Wär cha rächne merkt schnell, met üsne Johrgäng befende mer üs zmetzt ide Gfohrezone. I dere Folg rede mer öber Selbstzwifel, Ängst ond Drock, aber ou wie mer zo sech sälber Sorg het ond e allfälligi ersti Läbeskrise meisteret - ömu ide Theorie. Mer hend alli üsi Hörde, aber zäme semmer ✨perfekt✨.

Normalerwiis froge mer eusi Gäst ah, be eus im Podcast z'erschiine. Ned so bem Tobi ond em Thomi. Die beide hend zäme ihre Roadtrip im 2025 vo Buttisholz as Nordkapp verfilmt. Aber ned öppe för es Youtubevideo, nei. Ganz oder gar ned esch ihres Motto, darum hend sie ihri Reis direkt gross is Kino brocht! Ihre Film "Nordwärts" hend sie bereits ah de Premiere döfe innere Masse vorstelle. Etz befinde sie sich of Promotour & de ersti Stopp hends be eus gmacht! Losid ine, wie sie eus de Prozäss vonere Schnappsidee of'd Kinoliindwand erkläre ond wie sie ihres Projekt umgsetzt hend. D'Chance "Nordwärts" ou no im Kino z'gseh, hend er ih dem Johr no. Of ihrem Insta Nordwaerts_film fendet ehr scho bald sämtlichi Vorführigsdate und wär weiss, villech träffe mer euch amne Datum - mer send sicher einisch vor Ort! 😉

Ide hötige Födlifoug dräiht sech alles om Frostbüle, Schlettehönd ond Lappiwursti. D'Lisa ond d'Delia send froh, dass d'Nadine gnueg Material debi het, aber ou die zwöi hend nochli öpips döffe brechte. Jetzt entlömmer üch (ond üs) ad Fasnacht ond freued üs uf die nöchst Folg - vellecht sogar met Gäst!

Mer lönd 25 Johr Popkultur, Sportereignis, Weltgschicht, ond technischi Fortschritt lo revue passiere. Läck, wie schnell mer doch weder vergisst. Es viertel Johrhundert verzellt sech natürlech ned so gschwend, drom bechömed ehr höt grad die doppleti Dröhnig. Deför mönder nochli Gedold ha, üsi nöchst Folg chonnt de noch de Fasnacht. Vell Spass bim Lose ond uf die nöchste 25!

Wie sechs ghört chond vo eus gägs Johresändi en wiehnachtsinspirierti Folg - för üch, met üch! 🫱🏻‍🫲🏿 Ehr hend eus verzellt, was euchi schlimmste Wiehnachtsgschänk gse send ond wie ehr euch musikalisch sowie kulinarisch ihstemmed. Wältwiit werd s'Fäst vo de Liebi anderst gfiired ond wenn esches öberall ergendwie chli ähnlech. Nämli met vell Ässe, Musig ond de Härzensmönsche! 🤍

I dere Folg hend mer zwöi Ehregästinne dörfe begrüesse. Nämlech de Delia und de Nadine ehri Mamis. Sie hend üs verzöut us ehrere Erfahrig us Mamis und was sie alles met üs dürläbt hend. Moderiert vo de Lisa chömed ehr e Iblick i zwöi Muetter-Tochter Gspann öber. Mer wönsched üch vöu Vergnüege!🫶🏼

Ahoi allersiits!  Mer brechted höt vo üsne eigete Relation-Ships ond gönd red ond green Flags ufe Grond. Secher ned ganz unbekannti Gwässer ond glich schwemme mer doch alli mängisch chli was s'Thema Liebi ahgod. Also schnapp der de Rettigsreng ond chom zo üs is Wasser, es esch super schön do! 🛟

Mer nähmed höt ned nor amene neue Ort uf, mer hend ou vöu neus z'brechte. Näb Momänt vode Dankbarkeit ond chline Alltagshörde hemmer ou einigi wechtigi Ahköndigonge: zom Bispel heisse mer euse Meme-Master weder härzlich willkomme zrogg in Action! Osserdem wärdid ehr üs in Zuekonft neu no einisch im Monet ghöre - deför recherchierter ond besser ufbout. 💡 Mer freued üs!

Es esch weder Mäntig-Obe…das heisst üchi drüü Chaotinne vom Dienst träffed sech einisch meh zum zäme öber die zwöi vergangene Woche plaudere. Höt gohds um fätzigi Fäscht, meditativi Mandalas und neu entfachti Nostalgie! E wöudi Kombi wo för Gspröchstoff sorgt. Losed ine i üsi neu Folg 🫱🏼‍🫲🏽

Und zägg da semmer weder: aso ämu so haub. Nach ere chliine Pouse ufeme Huusboot und z’Amsti esch ou d‘Delia weder a Board. Natürlech hed sie vöu z‘verzöue öber ehri Karriere as Co-Kapitöse 🫱🏼‍🫲🏽 Ou d‘Lisa ond d‘Nadine hend wie emmer zueverlässig s‘Leid und d‘Fröid klagt und äbesoo hend mer no üchi WG No-Gos diskutiert. Drom losed ine!🥳

Zu zweit alleine melde mer eus höt weder einisch ohni eusi dritti Höufti d’Delia. Sie esch momentan of hohe Kanäl de Huusboot-Lifestyle am gniesse. Camping mal anders. Vom campe cha ou d’Lisa grad es Liedli singe. Sie hed die letschte 2 Woche of de Campingplätz vom Heitere ond Gampel verbrocht. Die guete Pralines hend ihre grad d’Sproch verschlage. Deför cha eus d’Nadine vell öbers WG-Läbe verzelle. Wie emmer geds so weder 1 stond lang öpis of euchi Ohre. 🙌🏻

S‘Thema vo höt: Luutstärchi! Ih de Nadine ihri vergangene Ferie hend nämlii en zöpftige Lärmpegel gha. Ou ih de Delia ehres Praline cha wenn nötig grossi Tön ahschloh. Ond d‘Lisa hed vell Lärm om Kopenhagen gmacht. För Details mosch etz ihnelose! 😎 Enjoy! 📣

Könnsch de Dave? D'Delia ou ned. Aber d'Nadine verzellt, womer ne WERLKLI fendt ond sie erklärt ändlech, wieso Livorno scheisse esch. Währenddesse esch d'Lisa verwirrt ond d'Delia im Züg. No Froge? In diesem Sinne - Kinder Pingui.

Üsi hötige Gäst hend de wiiti Wäg vo Rickebach uf sech gnoh. Aber die zwei send sech vöu grösseri Gömp met vöu müehsamere Transportmittel gwöhnt: De Rian und de Luki send nämli metem Longboard uf Barcelona düset. Ond do hend mer natürlech ganz vell Froge gha. Sie hend üs ond üch vell Tipps chönne metgäh. Allne vorah: Gönd metem Velo. 🚴‍♀️

Euse Podcast mäldet sich höt metere ganz neue Konstellation. Eusi Nadine verbringt nämli ihri verdiente Ferie grad of Büslireis dör Italie. 🇮🇹1 Drom hend Delia & Lisa d’Ufnahm höt ohni bewährti Tontechnikeri mösse öber Bühni brenge. Wenn ehr das do lesid, hed zom Glöck alles klapped & ehr chönd en neui Folg voller Ups & Downs us üsne Läbe gnüsse. Life is halt life, he. Na Na Na Na Na. ☀️🌧️

Gugusali zäme! Mer mälde eus fast pönktlich zrogg met Gschichtene us üsne Läbe. So esch eusi Nadine ih de vergangene 2 Woche ih de Skiferie, of Safari ond ih de Wüesti gseh - glichzytig. Wie sie das gschafft hed, mönder sälber lose. Au d‘Lisa esch of Reise ond hed z‘Dütschland d’Festival Season eröffnet. D'Delia esch do es betzli lokaler blobe ond hed die schön Schwiiz nochli besser könne glehrt. Mr. Worldwide wär stolz!🤡

Ändlech melde mer eus wieder einisch live us de big city Horw! Ih de Folg 64 esch aber nüd wie emmer. Delia esch neu als Djane onderwägs, während d‘Nadine för d‘Luutstärchi verantwortlich esch. Ah eusem Entertainment hemmer aber nüd gänderet. Au höt geds weder die wildeste Erläbnis us eusne Läbe. So hed Delia als Prinz Lozärn eroberet und d‘Lisa cha neu of verschiedensti Art ond Wiise de Mittelfinger zeige. Ganz nochem Motto: Let us entertain you! 🤌🏻

Together it’s better! Drom send mer meh als nor froh, semmer weder vereint ond Delia zrogg vo ihrere Reis! 🫶🏻Sie verzellt eus vo de erläbte Suurchrut ond Praline’s in Japan und Südkorea ond natürli - es wär ned Delia wenn ned - vo gaanz vöu ässe! 🤤Ou d‘Nadine ond d‘Lisa hend einigi ups and downs erläbt. Ganz vöu Spass bem zuelose!

Es letschts mou semmer s’zwöite för üch vor d’Mikrofon ghöcklet. D’Delia hed wedermau met ihrne Reiseziel z’Japan und Südkorea gflexet, doch öber Ostere send üchi Hostie i drüü verschedene Länder gse. Dementsprechend hend ou d’Lisa und d’Nadine s'eint oder andere erläbt und z’verzöue gha. Vo de Sonderbar in Köln wo s’Tanzverbot am Karfriitig gekonnt ignoriert hed, öber s’Loch Ness wo z’Schottland d'Lisa ignoriert hed. Es esch weder mal alles debii…Mer wönsched üch vöu Spass ☺️

Höt hend d'Lisa und d'Nadine för üch weder mal alles gää. Näbst de Ussekorrespondänz us Japan vo de Delia esches nämmli weder eisch deep worde. Mer hend öber s'Läbe und wie mers sött Läbe philosophiert und dass es ou mau okay esch, wenn mer eifach macht, was mer wett. Was mer usserdem i dere Folg glehrt hend; Wenn er im Rigigebiet gönd go wandere: Nänd es Holzchugeli met und läsed die cheibe Wägwiiser.P.S.: Mer hend «d'Chugle gää» doch ned us guete Folgetitel erachtet 😅😉

Eusi Serie «Delia god of Reise ond lod eus ellei» Teil 1 esch dosse. Näbst de Langezyt noch de Delia, verarbeite mer ih de Folg 60 ou anderi gsondheitliche Wehwehli. Ond ou mer Zroggblibne hend echli öpis vo de Welt gseh. Während d’Nadine Arosa onsicher gmacht hed, esch d’Lisa en St. Moritz met de Schöne ond Riche live ah de Freestyle-WM met debi gseh. Das ond es chlises Update vo de Delia ghörid er etz öberall wo’s Podcasts ged. 🗺️

Juhu, äntlech semmer zrogg! Nochere rüüdige Fasnachtspause mäude mer üs metere neue Folg, ganz velle Updates, Follow ups ond schöschtige Gschichte em Gepäck. 🧳Apropos Gepäck, Delia hed nor es chorzes Comeback, sie verabschiedet sich för acht Woche ih die grossi, wiiti Wält. Zur Feier der Reise hemmer direkt en neui Rubrik is Läbe gruefe! 🥳 Aber keine Panik, d‘Nadine ond d‘Lisa sind wiiterhin för euch do, ih dem Sinn, Sayonara Hasta la vista und à tout à l‘heure. 👋🏻

Hött kümmere mer üs weder mal um üsi Suurchrut und Pralines vo de vergangene Woche. Näbscht dem hemmer üsi Marketingkenntnis under Bewiis gstöut idem mer Slogans vo (meistens) bekannte Marke errate hend. Aber di eigentlechi Frog vo dere Folg esch ja: Wördsch das de Cro oder de Drake ou froge?

Mer hend die Woche d'Meli z'Bsuech. Sie esch studierendi Hebamme und hed üs gaanz vöu Froge beantwortet und neui la ufp(l)oppe. hehe! Öppis för aui süesse Suurlüütli da osse wo sech wönd wiiterböude oder fortpflanze – oder beides. 

Salamander metenander!👋🏼Mer hend weder vöu z'verzelle. Mer brechtet direkt vom Lauberhorn, vode Vorfasnacht ond vo ned gläsne Büecher. Mer reded vom Trenke, vom Schmenke, ond vom usläre. Während die eint Kaffi perfektioniert, duet ne die ander pousiere.Chorzi Frog ah dech ah dere Stell; besch ou z‘Wänge gseh, wie so mänge?

Höt semmer weder einisch full force onderwägs. Zäme met üsem befröndete Podcast Sprudelwasser lüte mer s'neue Johr ih, in gewohnt chaotischer Manier met ennere ghörige Spur schlächte Wortspiel hemmer aber ou s‘eint oder andere ernste Thema behandlet. Drom möchids euch gmüetlich, schnappid euch es Pack Praline ond es guets Sprudelwasser & gnüssids. 🫶🏻

Guets Neus metenand, so lang mer's no döf säge! Mer hend's üs höt rechtig gmüetlech gmacht ond schwelged zäme chli im alte Johr. Ond so originell wie mer send, hemmer no Wiehnachte ond Silvester dörekätschet. Same procedure as every year, i guess. Ond natürli freue mer üs uf alles wo s'2025 bietet. Hoch die Gläser!

Ih de hötige Folg werds gar ned so besinnlich wie mer ofgrond vo de Johresziit chönnt dänke. Denn mer hend einiges ah Frust zom loswärde! Delia ond d‘Lisa rächnid met ihre Gym-Feinde ab und d‘Nadine rekapituliert ehri Montreux Heifahrt. Tipps & Tricks wie mer met Hater cha omgoh, send ah dere Stell sehr willkomme! Osserdem gämmer euch no en chliine (wilde) Usblick ofs neue Johr. Mer danke üch för es wiiters grandioses Podcastjohr ond freuid eus ofs 2025! Bes gli - euchi Suure Hostie 😏

Helloou together 👋🏻 Noch enere gfühlte Ewigkeit mälde mer üs ändlech weder zrogg! Met im Gepäck hemmer vöu gsammleti Erinnerige ond Momänt vo de vergangene 6 Woche. Ou er hend ih dere Ziit einiges erläbt ond eus ih dere Folg met verschednigste Themene zum dänke agregt. Vo plumpe empirische Fachsimpeleie bes zu Diskussione öber s'Gfühl vom verlore si, mer bieted üch weder mou die ganz Palette a Emotione.

Heii ehr geile Üle 🦉! Wie hender's?Mer hend die letscht Woche s'Nachteulen-Festival unsicher gmacht ond ganz ungewohnt för eus, es paar Konzärtli glost. Zwinker. Euses Feedback zo dem Festival ond de vergangene zwöi Woche chönder etz ih euere neue Folg nochelose. Gu(hu)ets drii lose!

Logischerwiis eschs ou i dere Foug weder wöud worde. Mer send nämlich weder einisch z'dritte vor de Mikrofon ghöcklet. Näbe autbekannte Theme wie Konzärt hemmer weder mau versuecht, üch öppis neus z'liefere. Öb mer meh glaferet hend aus glieferet, cha jede för sech säuber beurteile. Mer öbernähmed kei Haftig. Seelsorgendi ond sech sehr sorgendi Grüess – üches OK vo Suurchrut ond Praline.

Hött send d'Lisa und d'Nadine s'zwöite för üch vors Mikrofon ghocket. Aber mönd ja ned meine es sie wäg dem weniger chaotisch gse! Öber en witeri Konzärtpanne und weder esch en Ufnahmepanne esch aues debii gse. D'Delia hed als die rasende Reporterin uf Kroatische Autobahne Frage för üs iigschickt und mer hend die meh oder weniger ou beantwortet. Id Folg gschafft heds leider ned alles wo mer besproche hend. Mer wünsched üch vell Spass met de Upps die Nadine & Lisa-Show. 🫠

Noch sinere Via Alpina Tour hed euse Wander-Influencer de Jona no en Abstächer ih üse Podcast gmacht. Onder sim Insta Name @tschouna_ bringt de usbildet Sozialpädagog sine Follower d‘schwiizer Natur nöcher. Das macht är so erfolgriich, dass er das inzwösche sogar hauptbrueflech chan mache. Wöu är ih sinere Jugend wie mer ou de Jugendchor bsuecht hed, könnt är eusi Nadine. Ond wöu d‘Delia & d‘Lisa die cooli Socke Nadine könne, hend sie de Jona döffe könne lehre. Ond well er Suurchrut & Praline könnid, döfid er etz en Stond met ehm of de Ohre verbringe. Vell Spass ond emmer d‘Schueh guet ihlaufe, gällid! 🥾

För ungloublechi Momänt wo mer weder erläbt hend! För so tolli Mönsche i üsem Läbe (ja ou DU wo das grad lesisch)! För cooli Gäscht i üsem Podcast bis hött ond die wo no chömed! För üsi Fröndschaft wo mer met üch all zwöi Woche chönnd zelebriere ond ehr mittlerwiile Teil devoo send! Ond natürlech för ungloublechi 10'000 Streams! Churz und Bündig: EIFACH DANKE! 💕

Bim Thema Partyoutfit, Serie oder Pickel uf üchem Piiip. Wie emmer semmer üche Service Public för schlächti Empfählige. Mer fröie üs wenn ehr ou i üsi Folg Nommere 46 losed. 

D'Era vo üsere Taylor Swift Vorfreud esch etz beändet, wöu mer hend sie etz ändlech gseh. Ond ned nor sie hemmer gseh i de letschte zwöi Woche, sondern ou d'Jungs vo Sprudelwasser wie ehr hoffentlech scho ghört hend. D'Lisa esch froh weiss sie das no, es hed bi ehrem Churztrip nämmli ned nome Wasser gsprudlet. D'Delia esch deför ufem Wasser gsprudlet währends de Nadine a Wasser fählt. För Was? Losed ine ☺️

Weder einisch met männlicher Verstärchig mälde mer eus noch nor einer Woche scho weder zrogg. Zämme met em Darius ond em Mäx vo Sprudelwasser gömmer em wiibleche & männliche Gschlächt ofe Grond ond besitige debi ned nor Klisches, sondern schaffid sogar rechtigi Fröndschafte. För kompetänts Fachwösse schaltet wiiter, för Humor ond eh gueti Ziit losid etz ihne ih eusi neu Folg.

Mer send's, üche Lieblingspodcast... Zockerhuet ond ...Rosmarin? Egal, Houptsach d'Chrüter send suur ond d'Praline chogurond!

Mer hend abgmacht, das mer übere kommendi Festivalsommer reded (Spoiler: Hemmer ned gmacht). Deför hemmer aber gseit rede mer erst öbere Europa-Park wenn d'Nadine nöchst mal gse esch. De Europa-Park hemmer natürlech usdiskutiert. Ehr merked: Mer send guet i üs Sache vornää aber nachher ned halte. Wie z.B. Stüüre üsfülle -> WE SEE YOU und hend säuber es schlächts Gwösse. 👀

I dere Folg gahds wiit wäg. Vo Holland öber Ägypte sogar id Länk. Mer drüü Reisefüdle hend das mau weder vöu z'verzöue gha. Mer hends dasmau vo verschissne Suurchrüter, onvergässleche Praline ond blotte Bröscht. Vöu Vergnüege bim inelose. Spezielle Dank gahd a alli wo das läsed. 🫶🏻

Es esch ja augemein bekannt, das mer als üche Wissenspodcast fungiered. Mer send üs i dere Verantwortig natürlech bewusst und hend üch weder mal en Themefolg zu komische Fiirtige ufgnoo. Äbesoo fende mer, dass ou de guet aut Quooker en eigete Tag verdienet hed. Dass jede Tag öppe füüf Fiirtige hed, hemmer I dere Folg also glehrt und vellecht geds ja scho baud e Suurchrut & Praline-Tag.

Mer hend zwöi mal i dere Folg vo Babys gredt. Das muess länge.  Bi üs esches aber eher prächtig als trächtig. Ab jetzt sogar weder de Lisa ehri Haar. 💇🏽‍♀️ A dere Stöu grüessed mer d'Linda härzlech. Linda mer wössed, du lesisch üs. I üsem Läbe esch ou die letschte zwöi Woche vöu passiert. Mer wünsched der vöu Spass bi üsere neue Folg. A alli andere wo das ou läsed: Natürlich ou üch vöu Vergnüege 🫶🏻

Frönde, da esch si! Die lang ersehnt Folg met de Joya. Üsi erscht Gästin verzouberet met ehrere Stimm ned nome eis Publikum am andere, sondern ou die Podcastfolg. 🪄 Mer wünsched üch vöu Vergnüege. Lönd ou ehr üch loh verzoubere. ✨

Hött werds erotisch. Nachere chliine Läsig vo de Lisa, serviere mer ou Läbeswiisheite vo de Nadine ehrne Grosseltere. Näb dene schlüpfrige Themene erkläre mer ou no einisch wie as mers gschafft hend, dass nächst Mal d'Joya Marleen üse Gast esch. 

Nei. Niemmer vo üs hed sech verlobt. Mer hend üs e chliine Clickbait erlaubt. We're sorry not sorry. Chaotisch wie emmer gahds i üsere neue Folg zue und här. Aber wär wörklech JA zu üs gseit hed – losed ine ond spetzed d'Ohre.

I dere Foug werds nerdy. Hemmer bi de Flora und Fauna agfange, bi de Serieempfählige wiitergmacht und send am Schluss imne länge Musiktalk gändet. Wie ehr merked, e wie gewohnt wöude Ritt à la Suurchrut und Praline.

Ändlich esch es so wiit - die Titanen der schweizer Podcastszene träffid ufenand! Zämme met em Ivo und em Fäbu vo “nähme mer eis” hemmer en Spezialfolg ufgnoh ond öber eusi Podcast-Wärdegäng pläuderlet. Ou euchi Froge hemmer beantwortet ond send debi ih #deepi Gefilde abdrifted. Enjoy!

Fast gsund und zemmli monter mäude mer üs zrugg us de Fasnachtspouse. Die Lücke gfüllt hed de Voumond. Wöu ou de darf mer spinne und ned nome a de Fasnacht. Um de Fade ned z'verlüüre gahds natlos wiiter met tanti auguri - oder so. I dem Sinn Häbbi Börsdei Delilah, Neidin und allne wo mer je vergässe hend z'gratuliere.P.S.: Eifach dass ehrs ou mal gehört hend: MER SCHÄNKED ÜS NÜME! (So etz wär das ou protokolliert).