Tamalaat, KNR

Avannaata Qimussersua aammalu Avanersuarmi Hukatserruunneq una qaammat malisugaannarlutik ingerlanneqarput. Avannaata Qimussersuanngortoq aammalu Avanersuarmi sukkaniuunnermi aaqqissuisuusoq oqaloqatigineqarput. Aallakaatitassiortoq: Andrea Christiansen.

Peqatigiiffik Isi sisamanik konsulenteqarpoq. Konsulentillu isigiarsuttut tappiitsullu atugaanik oqilisaaqataanissaminnut siunnersuisarput. Ikiuineq assigiinngitsunik imaqarsinnaasarpoq, aallakaatitami oqaloqatigineqarpoq Filippine Thorgæussen. Aallakaatitassiortoq: Dagmar Mørch Dalager.

Ilulissani inuit pinnguaataannik unammiuaarnissaq aallartingajalerpoq, aaqqissuussap maannamut ingerlanera, sungiusaasut aammalu unammeqataasussaq oqaloqatigineqarput. Aallakaatitassiortoralugu Andrea Christiansen.

Suila tapisiassat siulliit aqagu tunniunneqartussaapput. Tapisiassat pillugit oqaloqateqarpugut, tassaammatagooq sulinissamut kajumissaarutit. Akileraartarnermut aqutsisoqarfiup pisortaq tulleq Siverth D. Larsen taakku tapit pillugit apersorparput. Aallakaatitassiortoq: Dagmar Mørch Dalager

Ukiorpassuarni politikkip iluani ilisimaneqartoq, Peter Olsen, maanna nipilersornerup silarsuaanut saqivoq, erinnamik saqqummersitsinera pillugu oqaloqatigineqassooq. Aaqqissuisoralugu Andrea Christiansen. Aaqqissuisoq: Andrea Christiansen

Nuummi bussit ullormut 18 tiimit angalasarput ukiumullu 2 millionit pallillugit ilaasoqartarlutik, bussinik aquttoq ullormut suliarisartagai qanoq isikkoqarsinnaanersut malinnaavigaarput Samuel Reimer bussinik ingerlaqatigalugu. Aallakaatitassiortoq: Dagmar Mørch Dalager

Attaveqaatit nunatta iluani pisimasut Aviaq Fleischerip februaarimi ph.d-nngussutigai, ukiuni arlariinni suliarinerani aqqusaarsimasai ilisimaligaalu pillugit oqaloqatigineqarpoq. Aallakaatitassiortoq Andrea Christiansen

Nuup Bussii suliffeqarfiuvoq assigiinngitsunik suliassartallik, tassanilu sulisut assigiinngitsut paasiniaavigaavut qanoq suliaqartarneranik pisortaa Niels Chemnitz Frederiksen kaajallaaqatigalugu. Aallakaatitassiortoq: Dagmar Mørch Dalager

Ujakkaartartut Ataatsimiititaliaat  aaqqissuussipput sungiusaqatigiinnermik Italiami ingerlanneqartumik. Taannalu qanoq imaqarnersoq sungiusaasut ilaat Pipaluk Kristensen pulaartoralugu oqaluttuartipparput. Aallakaatitassiortoq: Dagmar Mørch Dalager

Nunatsinni pisiniarfeqarfissuaq Nuuk Center allaffeqarfiani sulisunit suliarineqartartut alapernaaffigalugit pulaassavagut, tassanilu Sillimaniarnermut ulluinnarnilu aqutsisoq Ove Frank Heilmann apersorparput. Aallakaatitassiortoq: Dagmar Mørch Dalager

Qaanaami qaammariartoqqileqaaq, tamannalu nalliuttorsiutigineqarpoq alutornartumik. Avanersuup Atuarfianiit, Qimussimik sukkanniuttunut unnukkullu timersortarfimmi katerinneq pillugu oqaloqateqassaagut. Aallakaatitassiortoq: Dagmar Mørch Dalager

Atuakkiamik nutaamik saqqummersitsisoq Juaanna Platou inuttaa ilisarinerujumallugu oqaatsit tallimat aallaavigalugit oqaloqatigivarput. Aallakaatitassiortoq: Dagmar Mørch Dalager

Timersoqatigiiffik Tupilak 1941 U11-mi arsartartut pulaartoraavut. Peqatigiiffimmilu tassani sungiusaasuat Søren Olsvig sungiusaasorlu Johannes Stork peqatigiiffimmi ingerlattagaat unammiartullu oqaloqatigaavut. Aallakaatitassiortoq: Dagmar Mørch Dalager

Nittartakkakkut inuit naapeqatigiittarfiisigut inuit assigiinngitsut saqqummersitsisartut nunatsinneersut arlaqarput, uanilu aallakaatitami angalanerminni videonik saqqummersitsisartut ilaat tusarfigissavarput. Pilunnguaq Jørgensen nunani allani angalaleruttortut oqaloqatigaavut. Aallakaatitassiortoq: Dagmar Mørch Dalager

Sinersortaatip Sarfaq Ittuup allaffeqarfiani sulisunit suliarineqartartut alapernaaffigalugit pulaarparput, tassanilu pisortaq Taitsiannguaq Olsen oqaloqatigalutigu. Aallakaatitassiortoq: Dagmar Mørch Dalager

Ilinniartitsisut atuartunut ilinniartitsinerminni atorsinnaasaannik Kivitsiaminngaanniit saqqummertoqaqqammerpoq, tassanilu ilinniusiortoq Ivaaq Kriegel aamma Kivitsisaminngaanniit Magdaline Abelsen qanoq atorsinnaaneranik aammalu atuartunut qanoq atorneqarsinnaanera pillugit oqaloqatigineqarput. Aallakaatitassiortoq: Dagmar Mørch Dalager

Ullumikkut Tamalaani aallakaatitsinitsinni Isigiarsuttut Tappiitsullu peqatigiiffiata Isip siulersuisuni siulittaasua Hans Peter Larsen peqatigiiffiup nammattagaaniittut alapernaaffigalugu pulaarneqarnera. Aallakaatitassiortoq: Dagmar Mørch Dalager

Ukioq kingulleq Ilulissani inuit pinnguaataannik Timersoqatigiiffik Nalluunnguaq aallartippaat. Peqatigiiffimmilu tassani sungiusaasuat Louisa Clasen inuit pinnguaataannik sungiusartarneq, misilittagariligaallu pillugit oqaloqatigaavut. Aallakaatitassiortoq: Dagmar Mørch Dalager

Nittartakkakkut inuit naapeqatigiittarfiisigut inuit assigiinngitsut saqqummersitsisartut nunatsinneersut arlaqarput, uanilu aallakaatitami nunatsinni videonik saqqummersitsisartut siullerpaat ilaat pulaarlugu piffissap ingerlanerani sulerisarsimanersoq tusarfigissavarput. Nivikka Falksen namminersortutut sulivoq, tassanilu ilusilersuisartuuvoq aammalu kukilerisarluni. Aallakaatitassiortoq: Dagmar Mørch Dalager

Tamalaat ullumikkut aallakaatinnerani alapernaalluta pulaagaqarluta susoqartarneranik paasiniaassaagut. Ullumikkullu Nuummi innuttaasut illuat pulaassavarput, Illorput qanoq ilaatigut atorneqartarnersoq paasiniaalluta Illorpumi aqutsisoq Poul Erik Isaksen oqaloqatigalugu. Aallakaatitassiortoq: Dagmar Mørch Dalager

Ullumikkut Tamalaani oqaloqatigineqartussaq tassaavoq Tunumiut qimussinut qamutaasa assinginik assitalinnik frimærkinik saqqummersinneqaqqammersunik qalipaasoq Nuka K. Godtfredsen. Aaqqissuisoq Frederik Lund.

Januarip 26-iat Ilulissani Timersullammat ingerlanneqarpoq, nersorneqartullu ilaat ullumikkut aallakaatitsinitsinni oqaloqatigissavarput Jooruaraq Jakobsen N-48-meersoq Ataqqinaammik nersorneqartoq. Aallakaatitassiortoq: Dagmar Mørch Dalager

Nunatsinni ikiuinikkut allatigullu suliniuteqatarnikkut ilagiit suleqataasarnerat annertusarneqartussanngorpoq. Tamalaani oqaloqatigineqassaaq Biskop Paneeraq Siegstad Munk. Aaqqissuisoq Frederik Lund.

Savat meqqui naqqaniit suliarisarpai neriutaatali annersaa tassaavoq Qaqortumi savat meqquinik fabrikkeqalernissaq. Nuka Lyberth Simonsen KNR Kujataani pulaartoralugu aallakaatitassiaq Sika Frederiksenimit.

Kapisilinni nunaqqatigiit nunaqarfitsik ukiorisseruttoraa torersarlugu iliuuseqarput. Tassanilu angusaqangaatsiarput. Qanoq ingerlasimanersut Neriunami savaatilik Angutimmarik Hansen toqqaannartumik oqaloqatigineqassaaq.

NAPAp inersimasunut allannermik unammisitsinerani ajugaasutut toqqarneqartoq Viktoria Joelsen oqaatsit tallimat aallaavigalugit inuttaa ilisarinerujumallugu oqaloqatigineqarpoq. Aallakaatitassiortoq: Dagmar Mørch Dalager

Qaqortumi illu kialaarfik tassaasoq angerlarsimaffeqanngitsut ornittagaat pillugu paasisassarsiorpugut. Aaqqissuisoq: Sika Frederiksen, KNR Kujataa.

Apriilip aallaqqaataani nunatsinni ilagiit sinniisaanni ilaasortassanik qinersisoqartussaavoq. Ilagiit sinniisaanni suut suliarineqartarnersut tusarniaavigalugit Tamalaani oqaloqatigineqarput Sisimiuni ilagiit sinniisaanni siulittaasoq Aanannguaq Aronsen aamma Sisimiuni palasi Paulus Christensen. Aaqqissuisoq Frederik Lund.

Amerikami præsedentinngortussap Donald Trumpip ernera Donald Trump Jr. januarip 7-ani Nuummut tikippoq. Tikinnera nunatsinniinaangitsoq aalaasassimaartitsivoq. Qaqortumi inuuttaasut ilaannut Donald Trump Jr.-ip tikinnera Sika Frederisenip paasisassarsiorfigaa.

Timmisartunik angallassinerit ulluni makkunani assigiinngitsunik peqquteqartumik kinguaattoorfiupput. Pissutsit killiffissiorlugit Tamalaani oqaloqatigineqassaaq Air Greenland-imi piujuartitsinermut attaveqaqatigiinnermullu pisortaq Inga Dora G. Markussen. Aaqqissuisoq Frederik Lund.

Ukiut 15-it matuma siorna 32-nik ukioqarluni isigisaaruppoq, tassa tappingerpoq. Tappingernermi misigisat aqqusaakkallu uani aallakaatsitami eqqartorneqassapput. Peqatigiiffiullu Isi, tassa isigiarsuttut tappiitsullu peqatigiiffia pillugu eqqartuissalluni. Bibi Dora Sikkemsen Sika Frederiksenimit KNR Kujtaanit oqaluttuartinneqarpoq.

Mitaartut unnugu unnuap qeqqanut kiinappaartussaapput taamaattumik sumiiffinni assigiinngitsuniit oqaloqateqassaagut mitaartarneq sammillugu. Aallakaatitassiortoq: Dagmar Mørch Dalager

Piviusulersaarut ivikkisartoq kingulleq filmiliortup Arina Kleistip suliaa Qaqortumi Decembarip 17-ani takutinneqarmat pisunut malinnaavugut. Aallakaatsitassiortoq: Sika Frederiksen

Kalaallit Arsartartut Kattuffiani atorfinittussaq Lisa Møller-Lund oqaatsit tallimat aallaavigalugit inuttaa ilisarinerujumallugu toqqaannartumik oqaloqatigineqarpoq. Aallakaatitassiortoq: Dagmar Mørch Dalager

Timersoqatigiit Kattuffiat ukioq 2024-imi suliarisartagai assigiinngitsut ingerlanneqarsimasut Timersoqatigiit Kattuffiani pisortaq Jonas Jensen peqatigalugu tusarfigissavagut. Aallakaatitsisoq: Dagmar Mørch Dalager

Juullernissaanut piareersarnerit assigiinngitsut ingerlanneqaleruttorput. Ilaatigullu Katersortarfik atorluarneqartartut ilagaat. Ulluni makkunani ullut ilaatigut qanoq innersut alapernaaffigiartorlugit Nuup Katersortarfia pulaarparput. Aallakaatitsisoq: Dagmar Mørch Dalager.

Ileqqoq kusanartoq Hotel Qaqortup juulleriartornerani ileqquliussimasaa tassalu Qaqortumi utoqqaat peqatigiiffiata julefrukkornissaannut qaaqqusisarneq. Hotel Qaqortup julefrukkortitsinerani utoqqaat peqataasut oqaloqatigillattaallugit aallakaatitassiaq kiisalu hotellip pisortaanik julefrukkortitsisarnerat pillugu oqaloqateqarneq. Aallakaatitsitassiortoq Sika Frederiksen KNR Kujataa

Tamalaat aallakaataatinneranni ullumikkut Provsteeqarfik Qeqqanut Dom provst Looqi Ludvig Fleischer pulaarparput, tassani Provsteqarfik qanoq ingerlariuseqarnersoq Palasillu qanoq suleqatigiittarnersut alapernaaffigalugit. Aallakaatitassiortoq: Dagmar Mørch Dalager

Oqaaseqatigiit tallimat najoqqutaralugit oqaloqatigiinnermi ullumikkut oqaloqatigineqarpoq Air Greenland-imi piujuartitsinermut attaveqaqatigiinnermullu pisortaq Inga Dora G. Markussen. Aaqqissuisoq Frederik Lund.

Juulleriartornerani pisut ilagaat Sisimiuni Minngortuunnguup Atuarfiani atuartut sammmisaqartinneqarnerat. Tamatuma malitsigisaanik atuartut tallimanngormat siuliani saqqummiisinneqarlutillu tuniniaapput ilaallu soorlu kalattoornermik takutitsillutik. Aaqqisssuisoq Frederik Lund.

Juulleriartornerani sumi tamaani ulapputtut utoqqat illuani Ajarsivasimmi utoqqaat sulisullu oqaloqatigiartulaarpavut. Aallakaatitassiortoq: Sika Frederiksen

Juulleriartornerani nunatsinni sumiiffiit ilarpassuini oqaluffinni tusarnaartitsisoqartarpoq. Tusarnaartitsinissat ilaat qanoq pileraaruteqarfigineqarnersut Tamalaani ullumikkut tusagassarsiorfigissavagut. Aaqqissuisoq Frederik Lund.

Ullumikkut atuarfik pulaassavarput. Kangerlussuarmi Qinnguata Atuarfia alapernaaffigiartorlugu pulaarparput. Atuarfik ulluinnarni qanoq atorneqartarnersoq, aammalu sunngiffimmi qanoq atorneqartarnersoq paasiniarlugu. Aallakaatitassiortoq: Dagmar Mørch Dalager

Januarimi pisussat ilaat nuannarineqarluartoq tassaasoq Unnuk Kultoorisiorfik piareersaleruttorneranni pulaarpavut, piareersartarneq qanoq ingerlasarnersoq alapernaaffigalugu. Aallakaatitassiortoq: Dagmar Mørch Dalager

Nunatta Danmarkillu akornanni timmisartuussisarnermi Kangerlussuup mittarfittut atorneqarnera ippassaq marlunngornermi naggataarnersiorneqarpoq. Ulluni makkunani pisut Tamalaani sammineqarput. Aaqqissuisoq: Frederik Lund

René Ingemann saqqummersitaa Niaqorut tusarfigisarlugu saqqummersitsisua oqaloqatigaarput. Aallakaatitassiortoq: Dagmar Mørch Dalager

Ukiorpassuarni Kangerlussuaq tassaavoq silaannakkut angallassinermi nunatta avataaniiit isaaviit pingaarnersaat. Sapaatip akunnerata tulliani Air Greeenland-ip timmmisartuutaa Tuukkaq pissutsit sungiusimasagut malillugit nagggammik Kangerlussuarmut timmisartuussissaaq. Tamalaani oqaloqatigineqarput Kangerlussuarmi najugaqartut Johan Lange aamma Manasse Mølgaard. Aaqqissuisoq Frederik Lund.

Novembarip ulluisa 15-iat nunatsinni aalisartut piniartullu ukiumoortumik ullorsiorfigaat. Tamalaani oqaloqatigineqarput Sisimiuni Aalisartut Piniartullu Peqatigiit siulittasuat, Qaqortumi Aalisartut Piniartullu Peqatigiiffianni siulittaasoq, kiisalu aamma KNAPK-mi siulittaasoq. Aaqqissuisoq Frederik Lund.

Isiginnaagassiaq Inngili Qernertumi inuttaasut ilisisarinerujumallugit inuttai pillugit aliikutassiaanerusumik toqqaannartumik pulaartoralugit oqaloqatigaavut. Aallakaatitassiortoq: Dagmar Mørch Dalager.

Dene Gamesimi sungiusaasuuneq Alfred Lindenhann oqaatsit tallimat aallaavigalugit toqqaannartumik oqaloqatigineqarpoq. Aallakaatitassiortoq: Dagmar Mørch Dalager