tjabelstünj uun't raadio

Tjabelstünj teft al üüb jul, an diartu paaset uk üüs program. Wi snakke am adwentskalendern an hiar, wat at mä't julstak "Stop the Cavalry" faan Jona Lewie üüb ham hee. Bi Mä Marret an Hauke üüb't suufa gungt at - üüs uk letst feer al - am musiik faan't juar 2020 an neis ütj a musiikwäält.

A advent as entelk diar mä aal sin fein musiik! Wi snaake diaram am’t stak „Oh Tannenbaum“. Oober wi san uk al nai bi't aanj faan't juar, an so luke wi al turag üüb a musiik faan’t juar 2020. An tuletst hiar jam noch, wat a kuukenkrich wiar.

Tjabelstünj luket ham daaling de began faan en paar fiktionaal figuuren uun: Wat wiar a iarst film mä Zorro? An huar komt Indiana Jones eentelk faandaan? An „Mä Marret an Hauke üüb’t suufa“ wel wi üs en betj ferhaale.

Bi üs begant daaling al en betj a jultidj, dan wi snaake am a iarst julfilm faan't juar. At jaft intresant saagen auer't lochtpomp tu hiaren an wi snaake ens weler am musik an du jam en paar musiktips.

Heer as üüs program jin en gräen dai uun a nofembermuun: det gungt am en vampiir-seerie an hü ham mä frinjer an familje likers spoos haa kön, wan ham enöler ei meet. An wi fu tu hiaren, huar at wurd „Ghetto“ faan komt.

Wi raise weler en betj uun a histoori ambi an wel hartelk gratuliare. Det gungt am en riise, wat tu stian wurden as. Dan as diar det fraag, huar det spreegwurd „Jemand hat etwas auf dem Kerbholz“ faan komt. An dan hee de schongster Bryan Ferry noch gebuursdai.

Das feer reise wi en betj uun a twuntiger juaren an luke üs a abspan faan’t seerie „Babylon Berlin“ uun. Bi „Mä Marret an Hauke üüb’t suufa“ gungt at am a harewst an handy-spalen. An dan wiar jä noch Erntedank, diartu wiar Franziska an Mareike uun dracht onerweis, an at mösduk hed’s natüürelk uk mä.

Wi feire daaling üüs 200. sending. Man naist diartu gungt at uk noch am a harewst. Wi reise mä "Wat en Leedji fortelt" efter Hawaii an gung uun a zoo, wan't al jonk as.

Wi snaake noch ens am jul an wat lidj för puan diarmä haa (of uk ei), wat das juar so uun a streaming tiinsten spelet wurden as an huar'm noch so am snaaket, wan a feierdaar diar san.

At san noch am an bi 12 daar bit jul an jüst am sok twaalew daar gungt at das weg uk bi Wat en Leedji fortelt. Uun detdiar stak wurt wel nooch faan a 12 daar efter jul snaaket, oober det as för üüs show notes ja nü ei so wichtig. Huar wi das weg uk noch üüb luke, san filmer an seerien, wat för üs üüb arke faal tu't fulfest diartu hiar – föör, am an efter jul. An bi detdiar teema san wi uk üüb det fraag kimen, huaram lidj uun (föör aal amerikoonsk?) filmer oofting a skuar uunbehual – sogoor wan's üüb't suufa of baad sat.

Adwentskalendern, jul-shopping, jul uun't fernseen bi Dr. Who, jul uun't musiik mä Rudolph bi Wat en Leedji fortelt – jul as aueraal. An a Nikolaus komt.

Suutjis komt jul imer naier an uk wan noch nooch tidj as, am a miast presenten tu kuupin (hööbe wi tutmanst), jaft at aueraal al föl tu iidjen an tu dranken, wat för üs tu't julfest diartu hiart. An jüst diar am gungt at das weg: hü smeekt a wonter an wan nerfet a julmarkels ianfach bluat noch? Wat uuntesken uk tu't jultidj mä diartu hiart, san nei Star Wars filmer. Hör efekt üüb't musiikaalisk popkultüür wurt das weg bi Wat en Leedji fortelt naier trochnimen.

Sant fiartig juar jaft at a trii fraageteeken uuntesken. Diarauer gungt at das weg gliks triisis (ei fiartigsis, det haa'f ei skaafet) am det, wat dön trii dringer ütj Rocky Beach so belewet haa – an wat'm mä jo üüb a büünen uun hör shows belewe kön. An diarmä't uk bi üs so en betj tradisjuun an wat konstantes jaft, haa'f uk das weg en nei episood faan Wat en Leedji fortelt, das feer am en ual ingelsk stak.

Wat en Leedji fortelt luket efter freihaid, Mareike hee en buktip am en krimi, wat uun Sleeswig-Holstian spelet an Hauke snaaket am gud an ring saagen, wat smart homes mä jo bring.

Am jil mut'm ei snaake? Du wi likes. Lidj schong uk am Babylon – det hed't iarer uk ei jewen. Oober mä pöpin wurt imer spelet.

Huar komt't sudoku-spal faandaan? Üüb a spöören faan detdiar fraag gungt Mareike das weg. Bi Wat en Leedji fortelt snaaket Franziska am det stak "In the Army Now" faan Bolland & Bolland an Hauke luket üüb staken, huar isbaaren en grat rol uun spele.

Wi luke üüb det ölerbest musiikstak an fraage üs, wat do at best wees küd, feire de dai faan a hakbraas an hiar musiik faan partisaanen.

Sant hög weg as "Systemsprenger" uun a kinos an das weg as dediar film üüs tip för jam. Diartu uk musiik, tu'n bispal "Rose of Cimarron" faan Poco uun Wat en Leedji fortelt an "Deutsche Wohnen" faan Dazzle, wat at cover faan't weg bi Marret an Hauke as. Mareike snaaket diar am, huar a Texas Rangers, huar at ja uk en tv-seerie tu jaft of jeew, auerhood faandan kaam an Marret an Hauke reege jo noch temelk ap.

#151: uun a neegentiger

Üüs 150. tjabelstünj as ütj. Niks grats – at as uk bluat en nei episood. Likes wurt en betj feiert das weg. Maner bi üs, oober bi öler lidj: uun Kiel jaft at das weg det grat feier tu de Tag der Deutschen Einheit, huar wi faan hiar, wat at för'n program jaft, jister wiar so tu saien a föftigst gebuursdai faan't Beatles album Abbey Road an Bruce Springsteen as sööwentig juar ual wurden, huar auer at das weg en gans spesjel cover-stak bi üs jaft. Trii jubilääen also. Diarmä det ei tu föl wurt för jam, haa'f oober uk noch wat ölers am spanwelen – an uk wan't iarstens ferlicht goor ei diarefter klangt, as det wel nooch uk gans intresant!

Leew lidj, detheer sending as üüs letst nomer, iar üüs grat nomer 150 ütjkomt. Oober wi bliiw gans beskiasen an gung det suutjis uun – wi liar üs iarst ens noch en betj keenen mä smalltalk. Of tutmanst snaake wi das weg diar am. Diartu fein nei musiik üüb üüs playlist an uun't sending üüb Westküste FM an Kiel FM fu’m uk noch wat am de Hobbit-dai tu weden.

Das weg bi üs: gans spesjel needler, barock daansmusiik an ianfach uk gans nei musiik.

A 6. september as ei de lokelkst dai uun't geschichte. Föl lidj san üüb dediar dai duad blewen. An am sok en traurigen dai gungt at das weg uk uun Wat en Leedji fortelt. Ünrauelk as uk de fernseentip faan Mareike. An wan det ei ales al nooch wiar, jüst üüs't en betj kääler wurden as, san uk gliks a iarst ferkeelingen diar. Diar kön't deensk königin üs uk ei halep.

Haale'm noch ens at sanbral an en smoken rok ütj – an luas iin uun't aachterboon! Paaset ei gans tup of gungt jüst ei? Do harke'm ianfach bluat tu, wat wi das weg mäbroocht haa. Tu'n bispal en starken maan, wat auer öler maaner laachet, wan's roker dreeg. Diarbi skul hi eentelk uunkeen, det det goorei so lacht as. Wat as do auerhaupt lacht? So üüs at ütjschocht, as't ei lacht, en sanbral an drachten tu dreegen. Tutmanst jaft at do gau protest. So üüs bi det ian of öler aachterboon, wat tu gruuselig as. Dach wilems täär't goorei at aachterboon wees – at teemenwäält trinjam kön föl grusliger wees. Man wees'm ei baang, wi san bi jam!

Föl musiik an gud neis haa'f das weg för jam. Tatsechelk snaake wi en mase am musiik. Uun Wat en Leedji fortelt jaft at en klasiker, wat ham am en hotel drait, oober wi haa uk föl nei musiik. Jam finj nei musiik faan Jay Som, Nick Murphy (Chet Faker) an Storzy üüb üüs playlist, oober uk en stak faan Faber, wat nei ütjkimen as an huar'f kurt am snaake. An diar wi haa ütfünjen, det at ja uk hög gud an hög lustig cover staken jaft – wilems uun en gans öler genre, huar ham ferlicht goor ei iarst am toocht hed. Faan nü uf uun ferschük Marret an Hauke, regelmiatig uk gud cover staken mätubringen. Det tu't musiik. Ölers haa'f – üüs wi al ferspreegen haa – ütjreegent, hö föl CO2 at koostet, wan ham en efter Griechenlun an turag flocht an hü ham det uun relasjuun saat kön. An at jaft gud neis am en fögel, wat gans nögen ütjschocht, oober böös gefäärdet wiar, ütjtusterwen: a kakapo. Faan dediar fögel jaft at nü weler hög muar eksemplaaren – an wan jam ham noch ei kään, do skel'm üüb arke faal at video faan Stephen Fry beluke (komplet of det lustig dial), wat hi an sin team mä de kakapo belewet haa. Jam finj det üüb üüs website!

Leew lidj, at dee üs würelk iarig – det letst sending faan üs küd üüb Kiel FM ei sendet wurd, auer … joa … wi haa ferjiden, det sending tu a sender tu stjüüren. Noch ens skal üs det so gau ei malööre, oober wan jam üs heer uunhiar, as det ja so of so nian probleem för jam. Das weg haa'f tau buktips för jam an noch en betj wat tu't amwäält an kliima. Ian faan a buken spelet uun a iarst wäältkrich, huar't uun't buk oober gans ölers ütjschocht üüs at domools ütjsiig. Det öler buk komt ütj en kult-seerie am trii detektiiwen, wat jüst a tauhonertst faal bewerket haa, "Die drei ???". Natüürelk snaake wi oober uk kurt am det hiarspal-fulig diartu an diar am, wat ham du kön, wan ham ens en rais mä en fliiger maage skal, oober eentelk lefst doch goor ei so föl CO2 diarbi maage wal.

Wi san turag ütj at somerpaus an snaake am't amwäält. Diar wurt ja föl am snaaket oober bi üs gungt at das weg ei am a grat fraagen, man dön letj probleemen, wat ham arke dai so hee an ideen, wat ham ferlicht noch en betj uun't aanj leewent ferbeedre küd. Huaram mut ham nian büüdeln ütj bioplastik iin uun't kompost-tan smitj? Hü kön ham maner mül uun't baaserüm maage? An skal arken perfekt öko lewe? Oober det as noch ei ales. Wi luke uk üüb en gans ual teootertradisjuun turag, huar uk daaling efter bal fiiwhunert juar imer noch wat auerblewen as.

Spiitigerwiis wiar de tiitel "dranken uun't gemianskap, perspektiiwwaksel uun't konsert & podcasts uun't somerpaus" tu lung weesen. Oober jüst det as't, huar at das weg bi üs am gungt. En miks ütj det, wat wi a letst daar so belewet haa, recherche am staken an tips för a somer. Apropos somer, heer komt en wichtigen henwis:

Nirgenthuar wurt at das weg so rocht meekelk bi üs an doch wal'm uk ei ütjnei – bi Wat en Leedji fortelt haa wi en anti-krich-stak, det oober uk gans fein as, at jaft en nei smartphone-spal, huar uun föl monstern san, likes maaget at en mase spoos, Mareike hee en ual iidjwaarenskandool ütjgreewen, huar bi at am solts an rocht eekelk saagen ging, an aktuel jaft at en nei seerie, wat mä en ünhiamelk dystopii werket, man ham hee uk spoos bi't lukin. Haa jam uk föl spoos bi't tuharkin!

Eedelstianer san ei wörelk det teema bi üs das weg – oober jo san uk ei gans ünwichtig. Wi haa nemelk en buktip faan Mareike, föl muar en rä faan buken, wat ale efter eedelstianer nemt san. At gungt uk ei direkt am a USA, oober am en stak, huar uun schongen wurt, det hoker uun a USA bäären wurden as. Of det so patriootisk as, üüs ham det tuiarst uunhiart, fu wi bi Wat en Leedji fortelt tu weden. An do haa'f uk noch üüs festival-tips, wat wi ferleeden weg al ferspreegen haa mä üüs faworiiten ütj ale line-ups.

Loftpompen kön gans ianfach an dom wees, wan's waant, oober diar stäänt doch noch föl muar diarbeeft. Franziska hee nü salew belewet, det en loftpomp ei ianfach bluat en loftpomp wees skal an hat hee'm ens mä det hial temaatik am loftpompen ütjnöler saat – an diarbi uk gans lustig saagen ütjfünjen. Ölers hee Mareike det ferleeden weg ferbroocht. Hat hee det preskonferens faan't spalenmese E3 ferfuligt an komt ei bluat mä aktuel infos diarfaan, man uk mä öler grat news: at jaft en nei stafel faan't Clone Wars seerie. An bi Marret an Hauke dreit ham das weg ales am't wenin üüb letjen grün – an of't för jo mögelk wiar, uun en tiny house tu wenin.

We hääwe en iirdäi foon e Carmina Burana, dåtheer wärk foon Carl Orff wårt nämlik jarling 82 iir üülj. Än wat en leedji fortelt hoonelt foon en jiddisch stuk ma e noome dos kelbl, wat ham uk as donna donna kånd.

Diling hääwe we böktip for jam, deer gungt et am en paralelwråål än fantasy. Dan koon huum seede, dåt we sunt en tou waage en nai rubrik hääwe, wat nü di noome „neel än twjarn“ feet. Deer foue jam diling wat ouer pjarsjoorne tu waasen. Än dan jeeft natörlik nuch foole musik.

Das weg mä: Eurovision Song Contest Tip: Jane the Virgin Wat en Leedji fortelt Nian werbung för hög lunen uun't u-boon faan London En royalen gebuursdai

Okay, det mä't daansin paaset ferlicht ei gans so hunertprosentig, auer det nei musiik faan Vampire Weekend, wat wi das weg uun't sending haa, ei bluat gud as, am diartu tu daansin – oober at luanet ham likes, een ens wat faan det nei album, wat jüst ütjkimen as, uuntuhiaren. Wat tu laachin haa'f oober uk, auer wäältlaachdai as, an wi snaake en mase am snüüwtubak. Hü det komt, hinget mä en nüürig ferteling ütj at britisk parlament tup.

Eentelk skul de tiitel das weg het "wat bi en speleinj ei waant mut, wat en letjen koonker belewet & wat as uun Nuurdirlun luas?" – oober det wiar do doch en betj tu lung, auer ham ja imer üübpaase skal, det uk ales ianigermooten iin uun't design paaset heer. Aanert oober niks diaram, huar am snaaket wurt.

Siisen as en fiin tjüch – dach huar komt at eentelk faandaan? Franziska beluket ham det das weg ens. Wat Marret ham beluket hee, as det nei episood faan Game of Thrones, huar faan nü det letst stafel ütjkimen as. An tup mä Hauke luket hat uk üüb fein iidjen, wat ham üüb a markels iidj kön. Diartu jaft at en mase fein musiik, wat jam uk üüb üüs playlist finj!

Wi san das weg uun huuger sfäären onerwais mä Trekkies, en dai, huar föl am raisen iin uun't wäältal tu eranret wurt an soföl limo mä kofeiin, det wi uk saner rümskep gau iin uun öler wäälten raise.

Wi haa heer ja a letst wegen al am werbung kiiwet, man wilems komt bi werbung uk wat guds ütj. Auer Mareike jüst aueraal werbung för det öler stafel faan "American Gods" bi Amazon Prime schocht, hee't ham ens de roman uunluket, huar at seerie üüb basiaret. Bi Wat en Leedji fortelt snaaket Franziska am de pub-klasiker "Whiskey in the Jar", wat – üüs arken, wat detdiar rubriik al käänt, fermuude küd – nian stak as, huar uun at diar am gungt, hü hal a schongstern dediar snaps liis mei. An bi Hauke gungt at am tabuus uun't konst, wat diar breegen wurd, am diarmä ei bluat stilistisk efekten hentufun, man huarmä uk wilems rocht gud konst maaget wurt, wat üs likes iritiaret.

Wi kem das weg noch ens turag üüb tau teemen ütj at letst sending, auer's doch noch gans aktuel san: seksismus uun't werbung an a demonstrasjuunen jin at nei urheberrocht. Oober wi haa uk wat nais belewet: Mareike an Franziska wiar uun't Vollplaybacktheater an Marret an Hauke auerlei, hü's Marret san uarklauer wechjaage kön. Bi't seksismus uun't werbung gungt at am a nei anongsen faan't Bundesverkehrsministerium. Am welhelmer haa'f heer bi tjabelstünj al ens snaaket (Helem of airbag?, Teknik uun de wel-helem), am seksismus tuletst ferleeden weg.

För tau weg wiar wäältwüfendai, das weg wiar equal pay day – tau daar, wat diar üüb henwise, det wel nooch ale mensken likedening föl wäärt san, det jüst det uun't seelskap an a ualdai oober ei imer so lewet an praktisiaret wurt. Wi snaake am likberochting an chauvinismus. An wi luke uk üüb tau teemen, huar ham uun a uugenblak föl faan mäfeit, auer föl demonstriaret wurt. Huarjin ham wilems uk demonstriare mei, as at weder, fööraal wan't ring as, ham oner en taakwöning leit an ianfach bluat sliap wal, oober a rinj a hiale tidj jin at wöning tapelt.

Wat as för jam wichtig, wan jam iin uun öler steeden raise? Wel jam at klasisk tuuristen-program ufspele of haa jam jau aanj program? Wat för Marret an Hauke wichtig as, fu jam das weg tu weden. Mareike täär goor ei widj wech keer, am wat tu belewin – hat skal diarför ianfach bluat ütj tu äärnin. Uk diar kön en mase pasiare an en mase lidj wat tu dun fu. An apropos äärnin – blaft bi jam uk wat wech, wan jam nü äärne gung? Karneval as föörbi an a feest hee begand. Uk diar am snaake wi das weg.

We hääwe diling wider en program, wat gåns bröket as. Dåt gungt am stuftiire, amt saien, am music än am en ferteeling, weer huum önj gefåår kamt. Ålsü wat heerfoon än wat deerfoon, sü as et kamt. Huum brükt jå ai åltens süwat as en rüüdjen trädj, en lait chaos as ouf än tu uk gåns fain. Heute haben wir wieder ein Programm, das ein bisschen hiervon und ein bisschen davon hat: Musik, eine Kurzgeschichte, Stofftiere und den Gedanken beim Nähen. Viel Spaß.

Musiktip: The Long and Winding Road (The Beatles) Filmtip: Vaiana Buskeeren uun Kiel Kölsch musiik tu karneval Wat en Leedji fortelt: All You Need Is Love (The Beatles)

Mareike an Franziska san das weg onerwais troch at muunskiin – haa jam de grat muun sen? At siig würelk böös smok ütj. Wat jo belewet haa, hiar wi do das weg. Huar faan wi uk imer föl hiar, san plooner, en müür tesken a USA an Mexiko tu bauen. A miast grensen, wat wi daaling tesken lunen keen, san ja noch goor ei so ual – so schocht det uk tesken a USA an Mexiko ütj. För bal tauhonert juar as diar föl am streden wurden – diar skal Mareike en betj am fertel. An do haa wi noch en mase am tidjsleufen, filmer an hiarspalen. Also wees’m späänd! Grenzkriege zwischen den USA und Mexiko und Zeitschleifen beschäftigen uns heute. Lasst euch davon nicht abschrecken, denn es wird ganz interessant. Viel Spaß!

Diar as för das weg en mase tup kimen. Haa’m valentiinsdai feiert? Wi snaake diar am, hü föl de dai eentelk uk nerfet. An wi snaake föl am musiik: musiik, wat faan en ünlokelk liibe hanelt (paaset ja uk tu de valentiinsdai), wat en grammy fingen hee of üüb Heinz Erhard (hoker das weg 110 juar ual wurden wiar) henwiset. An bi Wat en Leedji fortelt kön’m wat auer de indiaaner Geronimo hiar. Bål as uk uurs än da festivals kaame wider, weer Marret ål aw teewt. Bai sü en festival koon foole schaie, wat gödj unti uk hinj as än e prise schal huum uk ai ferjeese. Än tuleest foue jam noch en filmtip, nämlik tu di naie film Alita: Battle Angel, weer et am Cyborgs gungt. Wir haben diesmal eine Menge im Programm, von Musik über eine unglückliche Liebe bis zu dem Indianer Geronimo, vom Valentinstag über Festivals bis zu einem Film über Cyborgs. Viel Spaß!

Bi tjabelstünj 121 drait ham das weg ales am naibüüren, jo lidj, wat för högen tu best frinjer wurd an för ölern a gratst fiinden san; am en film, huar uun at onerskiaselk spriaken jaft, wat jo ufwaksle; am horoskoopen an wat diar tatsechelk so beeft stäänt an am en stak musiik, huar uun tau lidj troch’t kuul krich faan arkööder trend san, wat oober uk feeststel, det’s doch goorei so onerskiaselk san. In unserer Nummer 121 dreht sich diese Woche alles um Nachbarn, Horoskope, einen Film, in dem mehrere Sprachen gesprochen werden und ein Lied, in dem der Kalte Krieg zwei Leute zwar trennt, sie aber merken, dass sie doch gar nicht so verschieden sind. Viel Spaß!

At wurt en betj iarnster das weg: wi wel am stalking snaake, wat wilems dach en betj tu romantisiaret uunsen wurt – of tutmanst wurt at wurd en betj tu romantisiaret brükt. Bi Wat en Leedji fortelt gungt at am tau imigranten, wat henrachtet wurden san, huar oober föl lidj faan teenk, det's tu ünrocht ferurdialet wurden san. An wi snaake am de ual druum faan en aanj bar.

Wi san das weg jip uun a tachentiger juaren. Uun en filmtip faan Franziska spele kompjuuterspalen ütj a tachentiger en grat rol, Mareike hee a spalen faan domools üüs smartphone-apps testet an uun a tachentiger juaren spelet uk de seerientip faan Hauke, huar en programiarer ferschükt, en gans neien typ faan spal tu maagin. An uk de muusiker Nick Cave wiar uun a tachentiger al gud onerwais, hee oober iarst för hög juaren faan "hiding songs" skrewen. Wat det genau wees skal an wat Nick Cave sin Hiding Songs san, det fu jam das weg bi üs tu weden.

Escape Rooms an Exit Games jaft at noch goor ei so lung, alikewel san's oober gans populäär. Wi snaake diar am, wat wi bi jo spalen hal liis mei – an ferklaar uk kurt, wat det auerhood as, wan diar hoker noch nimer faan hiard hee. Wat jam woorskiinelk noch ei sen haa, as en rocht ualen Sherlock Holmes, wat imer noch riadlisen apliaset. Huar jam ham sä kön, det fertäält Mareike jam uun san filmtip. An bi Wat en Leedji fortelt gungt at das feer am en stak, huar uun hoker gans huuch flä wal.