Truecopy THINK - Malayalam Podcasts

മയക്കുമരുന്നിൻ്റെ ചെറിയ അളവിലുള്ള ഉപയോഗം പോലും തലച്ചോറിലും ശരീരത്തിലും വരുത്തുന്ന മാറ്റങ്ങൾ ചെറുതല്ല. കുട്ടികളിലെയും മുതിർന്നവരിലെയും ലഹരി ഉപയോഗം, വ്യക്തിതലത്തിലും സാമൂഹിക തലത്തിലും ഉണ്ടാക്കുന്ന പ്രത്യാഘാതങ്ങൾ എന്തൊക്കെയാണ്? ലഹരി പ്രയോഗം കൊണ്ടുണ്ടാവുന്ന പ്രശ്നങ്ങൾ ചികിത്സിച്ച് മാറ്റാൻ പറ്റുന്നതാണോ? വ്യക്തി മാത്രം വിചാരിച്ചാൽ മറികടക്കാവുന്ന ഒന്നാണോ ലഹരിയുടെ ആഘാതങ്ങൾ? യൂണിവേഴ്സിറ്റി ഓഫ് മെൽബണിലെ സൈക്യാട്രി, ക്ലിനിക്കൽ അസോസിയറ്റ് പ്രൊഫസർ ഡോ. ആൽബി ഏലിയാസ് ലഹരി വസ്തുക്കളുടെ ഉപയോഗത്തിൻ്റെ ശാസ്‌ത്രീയ വശങ്ങൾ സംസാരിക്കുന്നു.

ഇവിടുത്തെ പുരോഗമന യുവജന പ്രസ്ഥാനക്കാർക്കും (പുരോഗമനമില്ലാത്തവർക്കും) കണ്ടെത്താനാവാത്ത പുതിയ തലമുറക്കുട്ടികൾ പെട്ടെന്ന് ഇപ്പോൾ എവിടെ നിന്നുവന്നു?അവരിവിടെത്തന്നെ ഉണ്ടായിരുന്നു, പുനഃപരീക്ഷകൾ എഴുതുന്നുണ്ടായിരുന്നു, തൊഴിലില്ലാതെ അലയുന്നുണ്ടായിരുന്നു. ഇവരോട് സംസാരിക്കാനുള്ള ഭാഷ പക്ഷേ, നമ്മുടെ രാഷ്‌ട്രീയപ്രസ്ഥാനങ്ങൾക്ക് വശമില്ലാതെ പോയി

‘‘വേണ്ടിവന്നാൽ പ്രധാനമന്ത്രി നരേന്ദ്ര മോദിയുടെ രാജിയും ആവശ്യപ്പെടുമെന്ന അടുത്ത വാചകത്തിലാണ് ഫാഷിസ്റ്റ് ഭരണകൂടം അതിന്റെ ശരിയായ പ്രതിസന്ധി തിരിച്ചറിയുന്നത്. മുഖമില്ലാത്ത മനുഷ്യർ അവരുടെ രാഷ്ട്രീയ സാധ്യതകൾ കണ്ടെത്തുമ്പോൾ ഒരു സമൂഹം അതിന്റെ ജനാധിപത്യ ആവാസവ്യവസ്ഥയെ സൃഷ്ടിക്കാൻ തുടങ്ങുന്നു. അപ്പോൾ ഫാഷിസ്റ്റുകൾക്ക് ശ്വാസം മുട്ടിത്തുടങ്ങും. അത്തരത്തിലൊരു സംഘർഷം രൂപംകൊണ്ടുകഴിഞ്ഞിരിക്കുന്നു’’- പ്രമോദ് പുഴങ്കര എഴുതുന്നു.

ജീവിതത്തിന്റെ എല്ലാ തലങ്ങളെയും തീവ്രമായി ആശ്ലേഷിക്കുന്ന ഡിജിറ്റൽ ലോകം ഉയർത്തുന്ന പ്രതീക്ഷകളെയും ആശങ്കകളെയും കുറിച്ച് ഡോ. എ.കെ. ജയശ്രീ എഴുതിയ ലേഖനത്തിന്റെ പോഡ്കാസ്റ്റ് കേൾക്കാം

പലതരം ശബ്ദങ്ങളുടെ സിംഫണി തീർക്കുന്ന ​എറണാകുളം മറൈൻ ഡ്രൈവിൽ ഒരു പാട്ടുകാരനുണ്ടായിരുന്നു. യേശുദാസിനെയും ജയചന്ദ്രനെയും എസ്. ജാനകിയെയും നെഞ്ചിലേറ്റിയ പ്രകാശൻ. ഓടക്കുഴലാണ് പ്രകാശന് ജീവിതം നൽകിയത്. ഓടക്കുഴൽ വിറ്റും വായിച്ചും പാട്ട് പാടിയും ജീവിച്ച ഒരാൾ ഇന്ന് പ്രശസ്ത ഷെഫ് ആയ സുരേഷ് പിള്ളയുടെ RCP-യുടെ സംഗീതം തന്നെയായി മാറിയിരിക്കുന്നു. അത്യപൂർവമായ ആ പാട്ടുസഞ്ചാരം സനിത മനോഹറുമായി പങ്കുവെക്കുന്നു, പ്രകാശൻ.

സംസ്ഥാനത്ത് പിടിമുറുക്കിയ ലഹരി മാഫിയയുടെ വേരറുക്കാൻ സർക്കാർ നടപ്പാക്കുന്ന ലഹരിവിരുദ്ധപദ്ധതിയായ ‘ഓപ്പറേഷൻ തൂഫാന്റെ’ ലക്ഷ്യങ്ങളെയും അത് എങ്ങനെയാണ് നടപ്പാക്കുന്നത് എന്നും വിശദീകരിക്കുകയാണ്, പദ്ധതിയുടെ നോഡൽ ഓഫീസറും ഉത്തരമേഖലാ ഐ.ജിയുമായ പുട്ട വിമലാദിത്യ, മനില സി.​ മോഹനുമായുള്ള അഭിമുഖത്തിൽ.

ഈ ലോകകപ്പിലെ ഏറ്റവും പ്രിയപ്പെട്ട ഗോൾ. ഏറ്റവും പ്രിയപ്പെട്ട ഗോളി. പ്രിയപ്പെട്ട സേവ്. ബെസ്റ്റ് ഫ്രീ കിക്ക്. ഏറ്റവും നല്ല കോച്ച്. ഇങ്ങനെ ഇക്കഴിഞ്ഞ ലോകകപ്പിലെ, പ്രശസ്ത അന്താരാഷ്ട്ര ഫുട്ബോൾ ലേഖകനായ ദിലീപ് പ്രേമചന്ദ്രൻ്റെ ഇഷ്ടാനിഷ്ടങ്ങൾ കമൽറാം സജീവുമായി സംസാരിക്കുന്നു.

ക്ലബ്ബ് ഫുട്ബോളിൽ എല്ലാ നേട്ടങ്ങളും കൈവരിച്ചിരുന്ന ബാഴ്സലോണ, റയൽ മാഡ്രിഡ് പോലുള്ള ലോകഫുട്ബോളിലെ ഇതിഹാസങ്ങളെല്ലാം കളിക്കുന്ന ക്ലബ്ബുകൾ. യൂറോപ്പിലെ ഏറ്റവും മികച്ച ലീഗുകളിലൊന്ന്. മികച്ച കോച്ചുമാ‍ർ, കാലങ്ങളായുള്ള ഫുട്ബോൾ പാരമ്പര്യം. എല്ലാമുണ്ടായിട്ടും അന്താരാഷ്ട്ര ഫുട്ബോളിൽ ഒന്നുമല്ലാതെ നിന്നിരുന്ന സ്പെയിൻ മാറിയിരിക്കുന്നു. 2026 ലോകകപ്പിൽ എത്ര ആധികാരികമായാണ് പോർച്ചുഗലിനെയും ഫ്രാൻസിനെയും അർജൻറീനയെയുമെല്ലാം തോൽപ്പിച്ച് കിരീടം നേടിയത്. സ്പാനിഷ് ഫുട്ബോളിലെ ഈ മാറ്റങ്ങൾക്ക് പിന്നിൽ പ്രധാനമായും രണ്ട് കാരണങ്ങളുണ്ടെന്ന് പറയുന്നു അന്താരാഷ്ട്ര സ്പോർട്സ് അനലിസ്റ്റ് ദിലീപ് പ്രേമചന്ദ്രൻ. റോഡ്രി എങ്ങനെ മെസ്സിയെ മറികടന്ന് ഗോൾ‍ഡൻ ബോൾ നേടി? ബാഴ്സ വിട്ടതിന് ശേഷം എങ്ങനെയാണ് മെസ്സിയുടെ അന്താരാഷ്ട്ര കരിയർ മാറിയത്? എന്നിങ്ങനെ കാഴ്ചക്കാരുടെ ചോദ്യങ്ങളോട് പ്രതികരിക്കുന്നു ദിലീപ്. ഒപ്പം കമൽറാം സജീവും ടി. ശ്രീജിത്തും. സഫീ‍‍ർ. എസ്, സുഹൈൽ, ഹരീഷ്, മുഹമ്മദ് ജിഷാൻ, രാഹുൽ നാരായണൻ, അമൽ ഭാർഗവ്, സൂരജ് ഒതയോത്ത്, അഖിൽ പി. വർഗീസ് എന്നിവരുടേതാണ് ചോദ്യങ്ങൾ.

ഇന്ന് ഐപിഎല്ലിൽ, T20 ലേലത്തിന് വെസ്റ്റിൻഡീസിൻ്റെ ഗാരിഫീൽഡ് സോബേഴ്സിനെ വാങ്ങാൻ വിചാരിച്ചാൽ എന്തു കൊടുക്കേണ്ടി വരും? എന്തുകൊണ്ടാണ് ക്രിക്കറ്റിലെ എക്കാലെത്തയും മികച്ച ഓൾറൗണ്ടർ ആയി സോബേർസ് വിലയിരുത്തപ്പെടുന്നത് എന്ന് ചർച്ച ചെയ്യുകയാണ് പ്രശസ്ത അന്താരാഷ്ട്ര ക്രിക്കറ്റ് അനലിസ്റ്റായ ദിലീപ് പ്രേമചന്ദ്രനും കമൽറാം സജീവും.

ലയണൽ മെസ്സിയുടെ ക്ലബ്ബ് ഫുട്ബോൾ കരിയറും അന്താരാഷ്ട്ര കരിയറും രണ്ട് തരത്തിലാണ് മുന്നോട്ട് പോവുന്നത്. മെസ്സിയെന്ന അന്താരാഷ്ട്ര ഫുട്ബോളറുടെ പീക്ക് അൽപം വൈകിയാണ് നമ്മൾ കാണുന്നത്. ചുറ്റുമുള്ള കളിക്കാർ, ടീം ഒത്തിണക്കം, നല്ല ടീം അന്തരീക്ഷം സൃഷ്ടിക്കുന്ന കോച്ച് എന്നിവയെല്ലാം അതിനെ സഹായിച്ച ഘടകങ്ങളാണ്. 39ാം വയസ്സിൽ ഒരു കളിക്കാരൻ ലോകകപ്പിൽ ഇങ്ങനെ ഗോളടിക്കുകയും അസിസ്റ്റ് നൽകി ഗോളടിപ്പിക്കുകയും സ്വന്തം ടീമിനെ ഫൈനലിലെത്തിക്കുകയും ചെയ്ത ചരിത്രം ലോകഫുട്ബോളിൽ മുമ്പൊരിക്കലും ഉണ്ടായിട്ടില്ല. മെസ്സിയെ ഏറ്റവും നന്നായി ഉപയോഗിക്കാൻ സാധിക്കുന്ന ശൈലിയാണ് ഈ ലോകകപ്പിൽ സ്കലോണി സൃഷ്ടിച്ചിട്ടുള്ളതെന്ന് പറയുന്നു ദിലീപ്. സെമികളിൽ തോമസ് ടുക്കേലിനും ദിദിയർ ദെഷാംപ്സിനും എവിടെയെല്ലാമാണ് പിഴച്ചത്? രണ്ട് സെമിഫൈനലുകൾക്കും ശേഷം അന്താരാഷ്ട്ര സ്പോർട്സ് അനലിസ്റ്റ് ദിലീപ് പ്രേമചന്ദ്രൻ കാഴ്ചക്കാരുടെ ചോദ്യങ്ങൾക്ക് മറുപടി പറയുന്നു. ഒപ്പം കമൽറാം സജീവും ടി. ശ്രീജിത്തും. മുഹമ്മദ് ജിഷാൻ, വ്യാസൻ, അഫ്സ്വാഹ്, അമൽ, സാരംഗ്, അമൽ ദാസ്, ആബേൽ പീറ്റർ, ശ്രീജിത്ത്, അശ്വിൻ എം.എസ്, അശ്വിൻ, സുഹൈൽ എന്നിവരുടേതാണ് ചോദ്യങ്ങൾ.

നാല്പതു വയസ്സുമുതൽ എഴുപതുകളിൽ എത്തിനിൽക്കുന്ന സ്ത്രീകൾ പോലും അതീവ ഉത്സാഹത്തോടും ആത്മവിശ്വാസത്തോടും കൂടി ഇന്ന് നൃത്ത അരങ്ങുകളിൽ ചുവടുവെക്കുന്നു. ഈ മുന്നേറ്റം സമകാലിക കേരളത്തിലെ ലിംഗബന്ധങ്ങൾ, സ്ത്രീകളുടെ ശാരീരികാവബോധം, സ്വത്വബോധനിർമ്മിതി, സ്വാതന്ത്ര്യം, വിനോദം എന്നിവയിൽ വന്ന ആഴത്തിലുള്ള മാറ്റങ്ങളെയാണ് സൂചിപ്പിക്കുന്നതെന്ന് എഴുതുന്നു, നർത്തകിയും ഗവേഷകയുമായ ഡോ. ലേഖ എൻ.ബി. എഴുതിയ ലേഖനത്തിന്റെ പോഡ്കാസ്റ്റ് കേൾക്കാം

ഇന്ത്യൻ ഫുട്ബോൾ പരിതാപകരമായ സാഹചര്യത്തിലൂടെയാണ് കടന്നുപോവുന്നത്. അനാവശ്യ ഇടപെടലുകളും പക്ഷപാതിത്വവുമെല്ലാം നമ്മുടെ ഫുട്ബോളിനെ തകർത്തുകൊണ്ടേയിരിക്കുകയാണ്. നല്ലൊരു ഫുട്ബോൾ സ്റ്റേഡിയം പോലും ഉണ്ടാക്കാൻ നമുക്ക് സാധിക്കുന്നില്ല. എത്ര കാലമായി നാം അതിന് വേണ്ടി കാത്തിരിക്കുന്നു. നമ്മുടെ ഫുട്ബോളർമാർക്ക് എന്ത് സുരക്ഷിതത്വമാണ് ഇവിടുത്തെ അസോസിയേഷനുകൾ നൽകുന്നത്? നല്ല ഒരു ഗ്രൗണ്ട് ഉണ്ടാക്കാൻ പോലും സാധിക്കാത്തിടത്ത് എങ്ങനെയാണ് ഒരു ഇന്ത്യൻ ടീമിനെ വാർത്തെടുക്കാൻ പോവുന്നത്? മുൻ ഇന്ത്യൻ ഗോൾകീപ്പർ കെ.പി. സേതുമാധവൻ സംസാരിക്കുന്നു. ലോകകപ്പിലെ പുതിയ പരിഷ്കാരങ്ങളെക്കുറിച്ചും മത്സരങ്ങളുടെ നിലവാരത്തെക്കുറിച്ചുമെല്ലാം കമൽറാം സജീവുമായുള്ള സംഭാഷണത്തിൻെറ രണ്ടാം ഭാഗത്തിൽ അദ്ദേഹം വിശദീകരിക്കുന്നു.

കോഴിക്കോട് ഒരു കാലത്ത് ഇന്ത്യയിൽ തന്നെ ഏറ്റവും കൂടുതൽ ഫുട്ബോൾ ആരാധകരുള്ള നഗരമായിരുന്നു. ഫുട്ബോൾ കോഴിക്കോടൻ സംസ്കാരത്തിന്റെ ഭാഗമായിരുന്നു. പഴയകാലത്തെ നാഗ്‍‍ജി ടൂർണമെൻറിന് അതിൽ വലിയ പങ്കുണ്ടായിരുന്നു. ഒളിമ്പ്യൻ റഹ്മാൻ എന്ന കേരളത്തിൻെറ ഇതിഹാസ ഫുട്ബോളറുടെ പ്രാധാന്യം ഇപ്പോഴും പലർക്കും അറിയില്ല. റഹ്മാന് കോഴിക്കോടോ കേരളത്തിലോ വേണ്ടവിധത്തിൽ ഒരു സ്മാരകം പോലുമുണ്ടായോ? കോഴിക്കോട് മെഡിൽക്കൽ കോളേജ് സ്റ്റേഡിയത്തിന് ഒളിമ്പ്യൻ റഹ്മാൻെറ പേരിടാൻ നടത്തേണ്ടി വന്ന പ്രയത്നത്തെക്കുറിച്ചും ഓർക്കുകയാണ് മുൻ ഇന്ത്യൻ ഗോൾകീപ്പർ കെ.പി. സേതുമാധവൻ. ഇന്ത്യൻ ഫുട്ബോൾ ഇന്നെത്തിനിൽക്കുന്ന സാഹചര്യങ്ങളെക്കുറിച്ചും അദ്ദേഹം കമൽറാം സജീവുമായി സംസാരിക്കുന്നു.

നഷ്ടപ്പെടാൻ ഇനി ഒന്നുമില്ലെന്നും, ഭരണകൂടത്തിന്റെ കെടുകാര്യസ്ഥത തങ്ങളുടെ യൗവനവും ഭാവിയുമാണ് കവർന്നെടുത്തതെന്നുമുള്ള തിരിച്ചറിവ് ഉദ്യോഗാർത്ഥികളുടെ നിസ്സഹായതയെ കടുത്ത രോഷത്തിലേക്കാണ് നയിച്ചുകൊണ്ടിരിക്കുന്നത്

T20 ലോകകപ്പിൽ നമ്മൾ കണ്ടതാണ്. ഏതാണ്ടൊരു ലയണൽ മെസ്സി ലൈക്ക് ഷോ ആയിരുന്നു സഞ്ജുവിൻ്റേത്. ഇന്ത്യക്ക് സഞ്ജു കാരണം കപ്പും കിട്ടി. മറവിക്ക് മാസങ്ങൾ വേണ്ട. ഇപ്പോൾ എന്താണ് സഞ്ജുവിനെതിരായ പുതിയ കോൺസ്പിരസി. പ്രമുഖ സ്റ്റോർട്സ് അനലിസ്റ്റും വിസ്ഡന്‍ ഇന്ത്യയുടെ മുൻ എഡിറ്ററുമായ ദിലീപ് പ്രേമചന്ദ്രനും കമൽറാം സജീവും സംസാരിക്കുന്നു.

കേരളത്തിലെ ഉന്നത വിദ്യാഭ്യാസമേഖലയിലുള്ളവർ നിരവധി പ്രതിസന്ധികളാണ് ഇന്ന് നേരിടുന്നത്. അവിടെനിന്ന് ​തൊഴിലന്വേഷകരായി എത്തുന്നവരെയും അതിലും വലിയ പ്രതിസന്ധിയാണ് കാത്തിരിക്കുന്നത് എന്നു വരുന്നത്, ഭരണകൂട- രാഷ്ട്രീയ സംവിധാനങ്ങളെക്കുറിച്ചു മാത്രമല്ല, കേരളീയ സമൂഹത്തിന്റെ ഭാവിയെക്കുറിച്ചുകൂടി ആശങ്കാജനകമായ ചോദ്യങ്ങളാണ് ഉയർത്തുന്നത്- നിഖിൽ സജി തോമസ് എഴുതിയ ലേഖനത്തിന്റെ പോഡ്കാസ്റ്റ് കേൾക്കാം.

അർജന്റീനയും ഈജിപ്തും തമ്മിലുള്ള മത്സരത്തിനിടെ കോച്ച് ഹൊസം ഹസ്സൻ വംശീയ വിരുദ്ധതയ്ക്കെതിരായ ‘X’ ആംഗ്യം കാണിച്ചതിനുള്ള കാരണം എന്തായിരുന്നു? ഇത് ശരിയായ അർത്ഥത്തിൽ കണക്കിലെടുക്കുകയോ പരിഗണിക്കപ്പെടുകയോ ചെയ്തോ? കളിക്കിടയിൽ എന്തെങ്കിലും സംഭവിച്ചിട്ടുണ്ടെങ്കിൽ അപ്പോൾ തന്നെ നടപടി എടുക്കേണ്ടതുണ്ടെന്ന് പറയുന്നു അന്താരാഷ്ട്ര സ്പോർട്സ് അനലിസ്റ്റ് ദിലീപ് പ്രേമചന്ദ്രൻ. കളി തടസ്സപ്പെടുത്തുന്ന സാഹചര്യത്തിൽ ഉണ്ടാവുന്ന അനാവശ്യ ഫൗളിനെതിരെ ഹോക്കിയിലെ പോലെ താൽക്കാലിക സസ്പെൻഷൻ നൽകുന്ന രീതി വന്നാൽ അതിനോട് തനിക്ക് യോജിപ്പുണ്ട്. ക്രിക്കറ്റിലെ പോലെ ഡി.ആർ.എസ് കൊണ്ടുവന്നാലും അതിനോടും യോജിപ്പാണ്. VAR വിവാദത്തിൻെറ മറ്റ് തലങ്ങളും ചർച്ച ചെയ്യുന്നു. കാഴ്ചക്കാരുടെ ചോദ്യങ്ങൾക്ക് മറുപടി പറയുകയാണ് ദിലീപ്. ഒപ്പം കമൽ റാം സജീവും ടി. ശ്രീജിത്തും. ഇഹ്ജാസ് എൻ.സി, അശോക് ഉണ്ണി, അക്ഷയ് എസ്.എച്ച്, സജി കുഴിച്ചാലിൽ, ഇജാസ് മിർസാൻ, അക്ഷയ് ജയകുമാർ, ശ്രുജിത്ത് സി, സച്ചിൻ ബാബു, ബേസിൽ, ഷെമിൻ. കെ, മഹേഷ് എസ്, ബിബിൻ എന്നിവരുടേതാണ് ചോദ്യങ്ങൾ.

ഡൊണാൾഡ് ട്രംപ് ഇതുവരെ കളിക്കളത്തിൽ പോയി FIFA WORLD CUP കണ്ടിട്ടില്ല. ഒരു റെഡ് കാർഡ് ക്യാൻസൽ ചെയ്യിപ്പിച്ചതുൾപ്പെടെ, കളത്തിനു പുറത്തിരുന്ന് കളിക്കുന്നുമുണ്ട്. അമേരിക്കയുടെ കളിയല്ല ഈ ഫുട്ബോൾ. എന്നാൽ ഒരു സ്പെക്റ്റക്ക്ൾ എന്ന രീതിയിൽ, അമേരിക്കയിലെ പല രാജ്യക്കാർ, ഈ ലോകകപ്പിനെ ഒരു മഹോത്സവമാക്കി മാറ്റിയിരിക്കുകയാണ്. ന്യൂയോർക്കിൽ മാധ്യമ- അന്താരാഷ്ട്ര വിദഗ്ധനായ ഡോ. കൃഷ്ണ കിഷോറും കമൽറാം സജീവും സംസാരിക്കുന്നു.

മാസ്മരിക മെസ്സി, നക്ഷത്ര മെസ്സി, മാജിക്കു പോലെ അർജൻ്റീനയെ, ജയിപ്പിച്ച ഇന്നലത്തെ കളി… എന്നാൽ, എന്തോരം ആരോപണങ്ങളാണിപ്പോൾ. റഫറി പക്ഷം പിടിച്ചു, VAR പറ്റിച്ചു… ഈജിപ്തിൻ്റെ കോച്ച് പറയുന്നു: “മെസ്സിക്കു വേണ്ടി ഫിഫ കളിക്കുന്നു. ഞാനിനി ഈ ടൂർണമെൻറിലെ ഒരു കളിയും കാണില്ല.” വളരെ ഹീറ്റഡാണ് പ്രശ്നം. എന്താണ് സത്യം? ട്രൂകോപ്പിയിൽ, ആധികാരികവും ആഴത്തിലുള്ളതുമായ ഡെയ്ലി ഫുട്ബോൾ വിശകലനം തുടരുകയാണ് പ്രശസ്ത അന്താരാഷ്ട്ര ഫുട്ബോൾ അനലിസ്റ്റ് ദിലീപ് പ്രേമചന്ദ്രനും കമൽറാം സജീവും.

റിസർവ് ബെഞ്ചിലടക്കം നിറയെ പ്രതിഭാശാലികളാണ് ഫ്രാൻസ് ടീമിൽ. പതിറ്റാണ്ടുകളായി മികച്ച കളിക്കാരെ സംഭാവന ചെയ്യുന്നുണ്ട് അർജന്റീന. പ്രതിഭകളെ വളർത്തുന്നതിൽ ഇത്തരം രാജ്യങ്ങളിൽ നടക്കുന്ന അക്കാദമി രീതികളും ക്ലബ്ബ് പരിശീലന പദ്ധതികളുമെല്ലാം എന്തെല്ലാമാണ്? ക്ലബ്ബ് ട്രാൻസ്ഫർ പ്രശ്നങ്ങൾ നിലവിൽ ലോകകപ്പ് കളിക്കുന്ന ടീമുകളെ ഏതെങ്കിലും തരത്തിൽ ബാധിക്കുന്നുണ്ടോ? ഏറെക്കാലമായി ഫ്രാൻസ് ടീമിനെ പരിശീലിപ്പിക്കുന്നത് ദിദിയർ ദെഷാംപ്സാണ്, അദ്ദേഹം മാറി സിദാൻ വന്നാൽ ടീമിനെ അതെങ്ങനെയായിരിക്കും ബാധിക്കുക? കാഴ്ചക്കാരുടെ ചോദ്യങ്ങൾക്ക് ഉത്തരങ്ങളുമായി അന്താരാഷ്ട്ര സ്പോർട്സ് അനലിസ്റ്റ് ദിലീപ് പ്രേമചന്ദ്രൻ. ഒപ്പം കമൽറാം സജീവും നിവേദ്യ കെ.സിയും. ജിതിൻ ദാസ്, മുഖ്താർ അലി, മുഹമ്മദ് ഷമീം, മിഷാബ്, അബി സെബാസ്റ്റ്യൻ, എന്നിവരുടെതാണ് ചോദ്യങ്ങൾ.

In conversation with Asha Achi Joseph, Colin Gonsalves argues that political interference by the ruling party at the Centre has reached alarming levels over the past 11 years, undermining the independence of the judiciary. He says that women seeking justice are often failed by a system influenced by political power. Emphasizing the need for collective action, Gonsalves advocates large-scale, non-violent public mobilization as the most effective path for women to secure timely justice.

മലയാളത്തിന്റെ പ്രിയ കഥാകാരൻ വൈക്കം മുഹമ്മദ് ബഷീർ പ്രമേയമാകുന്ന ദീർഘ കവിത. ഇന്ന് വൈക്കം മുഹമ്മദ് ബഷീറിന്റെ ഓർമദിനം.

ഡിജിറ്റൽ കേരളത്തിൻ്റെ സാധ്യതകളെക്കുറിച്ച് പറയുകയാണ് ഡിജിറ്റൽ യൂണിവേഴ്സിറ്റി വൈസ് ചാൻസലർ ഡോ: സജി ഗോപിനാഥ്. കേരളത്തിൻ്റെ സ്‌റ്റാർട്ടപ്പ് ഇക്കോസിസ്‌റ്റം എങ്ങനെയൊക്കെ മാറിയെന്നും പറയുന്നു. ദീർഘാഭിമുഖത്തിൻ്റെ അവസാന ഭാഗം.

കളിക്കാരേക്കാൾ ഒരു മാനേജരിൽ വിശ്വാസ‍മർപ്പിച്ച ബ്രസീൽ ടീം ലോകകപ്പ് ചരിത്രത്തിൽ മുമ്പെങ്ങുമുണ്ടായിട്ടില്ല. കാർലോ ആൻസലോട്ടി ഈ ടീമിന് വലിയ പ്രതീക്ഷയാണ് നൽകുന്നത്. ക്വാർട്ടറിൽ ബ്രസീലിന് എതിരാളികളായി ഇംഗ്ലണ്ട് വരുമോയെന്ന കാര്യത്തിൽ പോലും തനിക്ക് സംശയമുണ്ടെന്ന് പറയുന്നു ദിലീപ് പ്രേമചന്ദ്രൻ. ജർമ്മനി ലോക ഫുട്ബോളിൽ ഒന്നുമല്ലാതായി പോവുന്നതിന് പല കാരണങ്ങളുണ്ട്. Bundesligaയിലോ ദേശീയ ടീമിലോ ജർമ്മൻകാരനായ ഒരു സ്ട്രൈക്കറെ നിങ്ങൾ ഈയടുത്തെന്നെങ്കിലും കണ്ടിട്ടുണ്ടോ? ഗംഭീരമായി ആക്രമണ ഫുട്ബോൾ കളിക്കുന്ന ഫ്രാൻസിൻെറ പ്രതിരോധനിരയും ശക്തമാണ്. അത്രയ്ക്ക് മികച്ചതാണ് അവരുടെ റിസർവ് ബെഞ്ച്. നോക്കൗട്ട് മത്സരങ്ങളിൽ വിജയിയെ നി‍ർണയിക്കാൻ ഗോൾഡൻ ഗോൾ പുനരവതരിപ്പിക്കുന്നതിനോട് തനിക്ക് യോജിപ്പാണ്. ആഫ്രിക്കൻ ടീമുകളിൽ മൊറോക്കോ കുതിപ്പ് തുടരുന്നതിൽ പ്രത്യേക കാരണമെന്തെങ്കിലും ഉണ്ടോ? നിലവിലെ സാഹചര്യത്തിൽ സെമിയിലെത്താൻ സാധ്യതയുള്ള ടീമുകളെ പ്രവചിക്കാൻ സാധിക്കുമോ? കാഴ്ചക്കാരുടെ ചോദ്യങ്ങൾക്ക് വിശദമായ ഉത്തരങ്ങളുമായി പ്രശസ്ത അന്താരാഷ്ട്ര ഫുട്ബോൾ ലേഖകനായ ദിലീപ് പ്രേമചന്ദ്രൻ. ഒപ്പം കമൽറാം സജീവും ടി. ശ്രീജിത്തും. ആൽവിൻ ഐസക്ക്, സഫുവാൻ, അമൽ പി.ആർ, ശ്രീജിത്ത്. ആ‍ർ, വൈഷ്ണവ് ടി.കെ, മുഹമ്മദ് ഷാഫി സി.പി, അരുൺ രാമകൃഷ്ണൻ, ചാൾസ്, മുഹമ്മദ് സലാഹ്, കാജ, ശ്രീറാം കെ.വി എന്നിവരുടേതാണ് ചോദ്യങ്ങൾ.

In this conversation, Dr. Rishikesh K.B sits down with Dr. Chef Avin Thaliath - baker, educator, author, and founder of Lavonne - for a wide-ranging exploration of what it means to build a life's work at the intersection of craft and conviction. The dialogue moves fluidly between the technical and the philosophical, between the quiet discipline that underwrites every act of creative expression and the often-invisible architecture of failure that precedes any visible success. Dr. Avin reflects candidly on his journey from chef to institution-builder, on what it takes to train not just skilled professionals but thinking ones, and on why, in a landscape increasingly crowded with shortcuts and spectacle, authenticity remains baking's most undervalued ingredient. The conversation widens further still - into the cultural moment we find ourselves in, where indigenous traditions compete with imported aesthetics, where recognition can either ground or unmoor a person, and where the distinction between knowledge and wisdom grows more urgent in an age of instant information and emerging automation.What emerges is not merely an interview about baking, but a meditation on mentorship, legacy, and the inner discipline of staying curious long after the titles have arrived - a reflection on patience, purpose, and the courage it takes to choose a craft that rewards persistence over speed. A conversation well worth your time, for anyone building something meant to last.

വോട്ടിങ് കണക്കുകളിലെ കൃത്യമായ പ്ലാനിംഗും തെരുവിലിറങ്ങിയുള്ള ശക്തമായ സമരവീര്യവും ഇല്ലാത്ത ഒരു രാഷ്ട്രീയമുന്നണിക്ക്, ഇന്ത്യയിലെ ഏറ്റവും വലിയ കേഡർ പാർട്ടിയായ ബി.ജെ.പിയെയും അവരുടെ ഭരണസംവിധാനങ്ങളെയും നേരിടുക എളുപ്പമാകില്ല. ഈ നയപരമായ ശൂന്യതയും ഐക്യമില്ലായ്മയുമാണ് ഇന്ത്യ മുന്നണിയെ ജനങ്ങൾക്കുമുന്നിൽ വിശ്വസനീയമായ ഒരു ബദലല്ലാതാക്കി മാറ്റുന്നത്-

ഗൗരവാവഹമായ പ്രതിരോധങ്ങൾക്ക് മുൻകൈയെടുക്കാൻ കോൺഗ്രസിനും ഇന്ത്യാമുന്നണിയിലെ മറ്റ് കക്ഷികൾക്കും കഴിയേണ്ടതുണ്ട്. അതിനെ ആശ്രയിച്ചുതന്നെയാണ് അതിന്റെ ഭാവി നിർണ്ണയിക്കപ്പെടുന്നത്. കെ.ടി. കുഞ്ഞിക്കണ്ണൻ എഴുതിയ ലേഖനത്തിന്റെ പോഡ്കാസ്റ്റ് കേൾക്കാം.

ബി.ജെ.പി വിരുദ്ധ സഖ്യത്തിന് കോൺഗ്രസ് അനിവാര്യമാണെങ്കിലും, പ്രാദേശിക സഖ്യകക്ഷികളെ കരുത്തോടെ നയിക്കാനാവശ്യമായ സംഘടനാശക്തി ഇന്ന് കോൺഗ്രസിനില്ല. ഡോ. ടി.ടി. ശ്രീകുമാർ എഴുതിയ ലേഖനത്തിന്റെ പോഡ്കാസ്റ്റ് കേൾക്കാം.

ഇന്നുവരെ 40% വോട്ടുപോലും നേടാൻ കഴിയാത്ത, 2025- ൽ കേവല ഭൂരിപക്ഷം പോലും കിട്ടാത്ത ഒരു ഭരണമുന്നണിയെ എന്തുകൊണ്ട് പ്രതിപക്ഷത്തിന് നേരിടാനാകുന്നില്ല? പ്രതിപക്ഷ പാർട്ടികളെ പിളർത്തി, പാർലമെന്റിൽ മൂന്നിൽ രണ്ട് ഭൂരിപക്ഷം ഒപ്പിച്ചെടുക്കാനുള്ള ബി.ജെ.പി മിഷന്റെ പാശ്ചാത്തലത്തിൽ, രാധാകൃഷ്ണൻ എം.ജി. എഴുതിയ ലേഖനത്തിന്റെ പോഡ്കാസ്റ്റ് കേൾക്കാം.

ഡിജിറ്റൽ ലോകം അത്ഭുതകരമായും എല്ലാത്തരം അതിർത്തികളെയും അപ്രസക്തമാക്കിക്കൊണ്ടും ഓരോ നിമിഷവും മുന്നോട്ടു പൊയ്ക്കൊണ്ടിരിക്കുമ്പോൾ കേരളത്തിലെ ഡിജിറ്റൽ യൂണിവേഴ്സിറ്റിയുടെ അനന്തമായ സാധ്യതകളെക്കുറിച്ച് സംസാരിക്കുകയാണ് വൈസ് ചാൻസലർ ഡോ. സജി ഗോപിനാഥ്. കേരളത്തിൻ്റെ അക്കാദമിക് രംഗത്തു മാത്രമല്ല, സമ്പദ് വ്യവസ്ഥയിലും മാനവവിഭവശേഷിയിലും സാമൂഹിക ചലനങ്ങളിലും ക്രിയാത്മകമായി ഇടപെടാനുള്ള സാധ്യതകളാണ് നിലനിൽക്കുന്നത് എന്ന് അദ്ദേഹം രണ്ട് ഭാഗങ്ങളുള്ള ഈ ദീർഘാഭിമുഖത്തിൽ പറയുന്നു. അഭിമുഖത്തിൻ്റെ ആദ്യ ഭാഗം.

ആദ്യകാല ഷൂട്ടിംഗ് സെറ്റുകളിലെ ഒത്തുചേരലുകളും സൗഹൃദങ്ങളും, തന്റെ സിനിമാ ജീവിതം, നടൻ സുകുമാരന്റെ സിനിമാജീവിതവും വ്യക്തിപരമായ സ്വാധീനവും, A.M.M.A-യിലെ ഭിന്നത തുടങ്ങിയ കാര്യങ്ങൾ തുറന്നുപറയുന്നു, സനിത മനോഹറുമായുള്ള അഭിമുഖത്തിൽ, നടി മല്ലിക സുകുമാരൻ.

ഇന്ദിരാഗാന്ധി എന്ന രാഷ്ട്രീയ നേതാവിൻ്റെ സ്വാധീനം തലമുറകൾ കടന്നുവരുമ്പോൾ ഉണ്ടായ മറവികൾക്കും, ഓർമകൾക്കും ഇടയിൽ ജനിച്ച തലമുറ ഇന്ദിരാഗാന്ധിയെ ആരാധിച്ചിരുന്നു, ഞാനും. എല്ലാവരും ഉള്ളിൻ്റെയുള്ളിൽ അറിയാതെ ഒരു ഏകാധിപതിയെ ഇഷ്ടപ്പെടുന്നു, ഇന്ത്യയിൽ ജനിച്ചവർ പ്രത്യേകിച്ച്’

‘‘ഇന്ദിരാഗാന്ധി എന്ന രാഷ്ട്രീയ നേതാവിൻ്റെ സ്വാധീനം തലമുറകൾ കടന്നുവരുമ്പോൾ ഉണ്ടായ മറവികൾക്കും, ഓർമകൾക്കും ഇടയിൽ ജനിച്ച തലമുറ ഇന്ദിരാഗാന്ധിയെ ആരാധിച്ചിരുന്നു, ഞാനും. എല്ലാവരും ഉള്ളിൻ്റെയുള്ളിൽ അറിയാതെ ഒരു ഏകാധിപതിയെ ഇഷ്ടപ്പെടുന്നു, ഇന്ത്യയിൽ ജനിച്ചവർ പ്രത്യേകിച്ച്’’

ആഗോള സാഹോദര്യത്തെയും മനുഷ്യാവകാശങ്ങളെയും ഉയര്‍ത്തിക്കാട്ടാന്‍  ലക്ഷ്യമിടുന്ന ലോകകപ്പ്, അസംഘടിത- കുടിയേറ്റ തൊഴിലാളികളുടെ വ്യവസ്ഥാപിത ചൂഷണത്തെയും വിയർപ്പിനെയും ആശ്രയിച്ചാണ് നിലനിൽക്കുന്നത്. സുസ്ഥിര തൊഴിൽ സാഹചര്യങ്ങളെയും സാമ്പത്തിക നീതിയെയും കുറിച്ചുള്ള ആഗോള പ്രഖ്യാപനങ്ങൾ കോർപ്പറേറ്റ് ലാഭത്തിനുമുന്നിൽ എങ്ങനെ നിഷ്പ്രഭമാകുന്നു എന്ന് പരിശോധിക്കേണ്ടത് സമകാലിക തൊഴിൽ പഠനങ്ങളിൽ അനിവാര്യമാണ്-

‘‘കഴിഞ്ഞ ഏതാനും പതിറ്റാണ്ടുകളായി ലോകാരോഗ്യ രംഗത്തെ ഏറ്റവും വലിയ ആശങ്കകളിൽ ഒന്നാണ് പുതിയ വൈറൽ രോഗങ്ങളുടെ ഉദയം. മൃഗങ്ങളിൽ നിന്ന് മനുഷ്യരിലേക്ക് പകരുന്ന (Zoonotic) രോഗങ്ങൾ ഇതിൽ പ്രധാനമാണ്’’

രോഗം വന്നശേഷം അറിയുന്ന ഒരു ആരോഗ്യസംവിധാനത്തിൽനിന്ന് രോഗം വരുന്നതിന് മുമ്പ് അറിയുന്ന ഒരു പൊതുജനാരോഗ്യ സംവിധാനത്തിലേക്കുള്ള മാറ്റമാണ് കേരളത്തിന്റെ അടുത്ത വലിയ വെല്ലുവിളി

ഗുരുവിനെ ഹിന്ദുവൽക്കരിക്കണമെന്ന മനോഭാവമുള്ളവർക്ക് ഗുരു ഹിന്ദുവും ഹിന്ദുസന്യാസിയുമാണ്. ഗുരുവിന്റെ തകർന്ന ചില പരീക്ഷണങ്ങളുടെ ചുവടുപിടിച്ചാണ് ഇക്കൂട്ടർ നിലയുറപ്പിക്കുന്നത്.

2026-ലെ ഫിഫ ലോകകപ്പിൽ ആഫ്രിക്കൻ ഫുട്ബോൾ താരങ്ങളുടെ വർദ്ധിച്ച സാന്നിധ്യത്തിന് സവിശേഷമായ ഒരു രാഷ്ട്രീയമാനം കൈവരുന്നതായി ടി.വൈ. വിനോദ് കൃഷ്ണൻ.

‘വള്ളത്തോൾ ഗ്രന്ഥാലയം’ മലയാള പ്രസാധനചരിത്രത്തിൽ നടത്തിയ സാംസ്കാരിക ഇടപെടലുകളെക്കുറിച്ചും വിശദീകരിക്കുന്നു, ഡോ. ശ്രീകുമാർ എ.ജി.

റോബർട്ടോ ബാജിയോ എടുത്ത കിക്ക് ഗോൾ പോസ്റ്റിനുമുകളിലൂടെ പുറത്തേക്ക്! ഹൃദയം തകർന്ന്, തല കുനിച്ച് ബാജിയോ റോസ് ബൗൾ മൈതാനത്തിൽ നിൽക്കുന്ന കാഴ്ച വേദനാജനകമായിരുന്നു. ‘ദ മാൻ ഹൂ ഡൈസ് സ്റ്റാൻഡിങ് ’ എന്ന രീതിയിൽ ഈ നിൽപ്പ് പിന്നീട് അറിയപ്പെട്ടു. ബ്രസീലിനെ തോൽപ്പിച്ച് ലോകകപ്പ് ഇറ്റലിയിലേക്ക് കൊണ്ടു വരുമെന്ന് അച്ഛന് കൊടുത്ത വാക്ക് അദ്ദേഹത്തിന് പാലിക്കാൻ കഴിഞ്ഞില്ല- ഉബൈദ് പി.ബി. എഴുതുന്നു.

അദ്ഭുതകരമായ പാസുകളിലാണ് കളിയുടെയും ജീവിതത്തിന്റെയും സൗന്ദര്യം. വേദനയറിയാത്ത കളിക്കാരൻ കാൽപന്തിലില്ല. വേദനയറിയാത്തവരാരും ജീവിതത്തിലുമില്ല. വി. പ്രവീണ എഴുതിയ ലേഖനത്തിന്റെ പോഡ്കാസ്റ്റ് കേൾക്കാം

‘‘ഫിഫയുടെ നോട്ടം തങ്ങൾക്കുവന്നുചേരുന്ന പണത്തിന്റെ കിലുകിലാരവത്തിലാണ്. ഈ 'കളി'യിൽ അവർ ഒന്നര ലക്ഷം കോടി രൂപ വരുമാനം പ്രതീക്ഷിക്കുന്നുണ്ട്. അതിന്റെ 70 ശതമാനം അവരുടെ ബാങ്കുകളിലേക്ക് എത്തിച്ചേരും. 48 ടീമുകളുടെ ഫോർമാറ്റ് അവരുടെ പണപ്പെട്ടി നിറയ്ക്കാനുള്ള നിഗൂഢതന്ത്രം മാത്രമാണ്’’- എം.പി. സുരേന്ദ്രൻ

ഗായകനായി മാറാനുള്ള യാത്രക്കിടയിൽ തന്റെ ജീവിതം തന്നെ മാറ്റിമറിച്ച മുഹമ്മദ് റഫിയുടെ ഒരു പാട്ടിനെക്കുറിച്ച് കെ.കെ. നിഷാദ് സംസാരിക്കുന്നു. യേശുദാസിന്റെ ആലാപനത്തിലെ പ്രത്യേകതകളെക്കുറിച്ചും മലയാള സിനിമാഗാനങ്ങളുടെ ഭാവുകത്വത്തെ ചിട്ടപ്പെടുത്തിയ സംഗീതസംവിധായകരെക്കുറിച്ചും, പുതിയ കാലത്തുനിന്ന് ഒരു ഗായകൻ സംസാരിക്കുന്നു. സനിത മനോഹറുമായുള്ള അഭിമുഖത്തിന്റെ അവസാന ഭാഗം.

ആമീൻ നെയ്‌ഫെ സംവിധാനം ചെയ്ത 200 മീറ്റേഴ്സ് പലനിലകളിൽ ഇപ്പോഴും പ്രസക്തമായ പലസ്തീനിയൻ സിനിമയാണ്. ഒരു ജനതയുടെ അതിജീവനത്തിനായുള്ള തത്രപ്പാടുകളെ ഹൃദയഭേദകമാംവിധം കാട്ടിത്തരുമ്പോഴും പലസ്തീൻ ജീവിതത്തിന്റെ ഉൾക്കരുത്തും എല്ലാ സംഘർഷങ്ങൾക്കും അപ്പുറത്തുള്ള ജീവിതത്തോടുള്ള സരളമനോഭാവവും ഈ സിനിമ കാട്ടിത്തരും.

കടക്കൂ പുറത്ത്. ഇത് വേൾഡ് കപ്പാണ്! ഒരു പാട് രാഷ്ടങ്ങൾ…. വലിയജനസമൂഹം….ജനസഞ്ചയം….പക്ഷേ, സൊമാലിയൻ റഫറി ടെററിസ്റ്റ് ബന്ധമുള്ളവൻ.. ഇറാഖി ടീം സ്റ്റാഫ് ഭീകരതയ്ക്ക് വളം വെച്ചവൻ.. മൊറോക്കോ ഫാൻസിനെ പേടി..ഫിഫയുടെ FOR EVERY ONE എന്ന മുദ്രാവാക്യം കടപുഴകുന്നു. നിരവധി മനുഷ്യാവകാശ പ്രശ്നങ്ങൾ…ഫുട്ബോളിൻ്റെ അമേരിക്കൻ വൽക്കരണമെന്ന ആരോപണങ്ങൾ. ഈ ലോകകപ്പിലെ രാഷ്ട്രീയ അസ്വാരസ്യങ്ങൾ ചർച്ച ചെയ്യുകയാണ് പ്രശസ്ത അന്താരാഷ്ട്ര ഫുട്ബോൾ അനലിസ്റ്റ് ആയ ദിലീപ് പ്രേമചന്ദ്രനും കമൽറാം സജീവും.

സംസ്ഥാനത്ത് ഷിഗല്ല വീണ്ടും വ്യാപിക്കുകയാണ്. വയനാട്ടിലും കൊല്ലത്തുമാണ് ഇതിനോടകം നിലവിൽ രോഗം റിപ്പോ‍ർട്ട് ചെയ്തിരിക്കുന്നത്. ഷിഗല്ലെയുമായി ബന്ധപ്പെട്ട് പലതരം ആശങ്കകൾ ജനങ്ങൾക്കിടയിൽ രൂപപ്പെട്ടിട്ടുണ്ട്. ഷിഗല്ല ബാക്ടീരിയയെക്കുറിച്ചും അത് പകരാനുള്ള സാഹചര്യങ്ങളെക്കുറിച്ചും പ്രതിരോധ നടപടികളെക്കുറിച്ചും വിശദീകരിക്കുന്നു ഡോ:നവ്യ തൈക്കാട്ടിൽ

അമ്മാതിരി ടീമാണ് ഇത്തവണത്തെ ലോകകപ്പിനെത്തുന്നത്, complete team. ഫുട്ബോളിലെ സൂര്യവംശിയായ ലാമീൻ യമാലിൻ്റെ തകർപ്പൻ പ്രകടനത്തിന് കാത്തിരിക്കുന്ന കാണികൾ. ഇത്തവണത്തെ ചാമ്പ്യൻമാർ സ്പെയിൻ ആയിരിക്കുമോ? എല്ലാ കാലത്തും കളിക്കു മുമ്പേ കിട്ടാറുള്ള കറുത്ത കുതിരപ്പട്ടം ബെൽജിയത്തിന് ഇത്തവണ കിട്ടാത്തത് എന്തുകൊണ്ട്? എന്താണ് പാരഗ്വെയുടെയും ഉറുഗ്വായുടെയും തുർക്കിയുടെയും ഈജിപ്തിൻ്റെയും ഇറാൻ്റെയും സൗദിയുടെയും സാധ്യതകൾ? എന്തായിരുന്നു ലോകകപ്പിലെ സോവിയറ്റ് യൂണിയൻ? സൗദിയുടെ അൽ ഒവൈരാൻ ബെൽജിയത്തിനെതിരെ ഓടി നേടിയ ഗോൾ ഒന്നൊന്നര മറഡോണ ഗോൾ ആണെന്ന് പറയപ്പെടുന്നത് എന്തുകൊണ്ടാണ്? ഹോളണ്ടിനെതിരെ സ്പെയിൻ ജയിച്ചപ്പോൾ ഷർട്ടൂരിയ ഇനിയെസ്റ്റ എന്താണ് നെഞ്ചിൽ കാണിച്ചത്? പ്രശസ്ത അന്താരാഷ്ട്ര ഫുട്ബോൾ ലേഖകനായ ദിലീപ് പ്രേമചന്ദ്രനും കമൽറാം സജീവും സംസാരിക്കുന്നു.

ഇന്ന് ഒട്ടുമിക്ക അധ്യാപകരും ബൗദ്ധികമായ ആവേശത്തോടെയോ ആത്മവിശ്വാസത്തോടെയോ അല്ല ക്ലാസ് മുറികളിലേക്ക് നടക്കുന്നത്; നിതാന്ത ജാഗ്രതയോടും, പ്രതിരോധമനോഭാവത്തോടും, ഭയത്തോടും കൂടിയാണ്. ഈ ഭയം നമ്മുടെ വിദ്യാഭ്യാസ വ്യവസ്ഥിതിക്ക് സംഭവിച്ച ആഴത്തിലുള്ള സാമൂഹിക, രാഷ്ട്രീയ, സാമ്പത്തിക, സാങ്കേതിക പരിവർത്തനങ്ങളുടെ അനന്തരഫലമാണ്- താജ് മൻസൂർ എഴുതിയ ലേഖനത്തിന്റെ പോഡ്കാസ്റ്റ് കേൾക്കാം

പെലോത്ത മാജിക്കയിൽ ഈ എപ്പിസോഡിൽ ജർമ്മനിയുടെയും കാനഡയുടെയും പോർച്ചുഗലിൻ്റെയും സാധ്യതകൾ വിശകലനം ചെയ്യുന്നു. ഈ ലോകകപ്പിൽ കപ്പടിക്കാനുള്ള സാധ്യത ഏറെ കൽപിക്കപ്പെടുന്ന ടീമാണ് പോർച്ചുഗൽ ടീം. ഒരു പക്ഷേ, ഇന്നത്തെ റൊണാൾഡോയേക്കാൾ മികച്ച കളിക്കാർ ഉള്ള സമ്പൂർണ ടീമാണ് പോർച്ചുഗലിൻ്റെത്. ജർമനിയാവട്ടെ പതിവുപോലെ വമ്പൻ ടീമുമായിത്തന്നെയാണ് ഇത്തവണയും എത്തുന്നത്. കൂടെ, ലോകകപ്പ് മത്സരങ്ങളിലെ എക്കാലത്തെയും മികച്ച മത്സരങ്ങളിലൊന്നായി റാങ്ക് ചെയ്യപ്പെട്ട 1982 ലെ പശ്ചിമ ജർമനി - ഫ്രാൻസ് മത്സരവും 1990 ൽ യുഗോസ്ലാവിയക്കെതിരെ ലോതർ മത്തേവസ് നേടിയ ഗോളും സ്പെയിനെതിരെ 2018ൽ CR7 നേടിയ ഫ്രീകിക്കും വിശകലനം ചെയ്യുന്നു.

പരമ്പരാഗത രാഷ്ട്രീയപാർട്ടികളും ഭരണകൂടങ്ങളും പരിഗണിക്കാത്ത പുതിയ തലമുറയുടെ പ്രശ്നങ്ങളെ മുൻനിർത്തിയുള്ള ഇടപെടൽ, പുതിയ കാലത്ത് അനിവാര്യമായ ഒരു രാഷ്ട്രീയപ്രവർത്തനം കൂടിയാണ്. രാഹുൽ പി. സി എഴുതിയ ലേഖനത്തിന്റെ പോഡ്കാസ്റ്റ് കേൾക്കാം.