weder übel no hart

Hallo liebi HörendiEs isch Zit für e paar Job-Updates, denn mir hei beidi dr erschti Monet im neue Job hinter eus und chönne scho moll bitz reflektiere, was sich veränderet hett und wie mir das so finde. Mir hei beidi dringend brueflich früsche Wind brucht. D Frog isch nur: Ischs e agnehmi Bise oder e durerüttelnde Tornado? E neue Job afoh isch jedefalls für eus (und wahrschinli auf für die meischte vo euch) e riese stress und d Afangszit dementsprechend chli rough. Umso passender also, dass mir in dere Folg ine Filmbesprechig vomene Film inegange si, wo eus ähnlich fescht Hops gnoh hett. "The Drama", vom Filmemacher Kristoffer Borgli (bitte lueget euch moll e Foti vo ihm ah, you are very welccome), isch zurzit im Kino, nachdem e usklügelti Press Tour eus scho sit Monate geil uf de Film gmacht hett. Und was sölle mr sege: Dr Name isch Programm und s isch definitiv es Kinoerlebnis, wo me nid so schnell vergisst. Drum heimer au mit EUCH drüber welle rede. Bis Minute 57:00 simmer inhaltlich spoilerfrei unterwegs, nocher werde d Charte ufe Tisch glegt. Was isch euri Meinig zu "The Drama"? Lönds eus wüsse!Wennder usserdem euri beschte Wedding Storys (au anonym möglich) weit teile, do findet ihr eus uf Instagram:@annauebelhart; @larauebelhart

Ihr Liebe <3Hüt rede mir aber wirklich s letschte moll für e laaangi zit über s Thema "Umzug" (we promise). Das Kapitel isch nämlich endlich abgschlosse und d Anna offiziell e BBB - Bad Basel Bitch. Welcome to the Club! Ca. 7 Johr hett eus e zweistündigi Zugfahrt trennt; jetzt sis no 10 Min. Fuessmarsch. Wie mr mit eusere Sorg, dass mr spötischtens jetzt weirdi Twins werde, umgönge, hemmer alässlich dere Nöchi au no schnell welle aspreche. Sone Umzugsprozess bringt viel Ballascht ufe, wo me cha abwerfe, wenn me will; oder me entscheidet sich, dass de im Podcast teilt wird. Drum hett d Anna eus ganz spontan e Iblick in es Produkt us ihrer Vergangeheit geh: ihres alte Tagebuech vo 2009. Und mir hei denn no e Schlenker ine chli es darkers Thema gmacht, wo mir eusi Gedanke zu Trauma und Mental Illness Porn teilt hei.Lönd eus gern eures Feedback, bitz Liebi, konstruktivi Kritik und neugierigi Nochfroge do. UND GOOD WEDDING STORIES!!!!do findet ihr eus uf Instagram:@annauebelhart; @larauebelhart

Ihr LiebeNachere Pause letscht Wuche melde mir eus mit paar Updates und mache e aktuelle Mood-Check. Mir si eus beidi grad chli dure Alltag am kämpfe und hei eusi eigene Päckli z träge. D Anna darf momentan 15 Stund vo ihrer Lebenszit pro Wuche im Zug verbringe und bereitet sich ufe Umzug vor, während d Lara grad es intensivers Thema mit ihrer Psyche hett und sehnlichscht uf paar verschriebeni Droge hofft. S isch grad nid so easy, aber mir hei e sehr potenti Coping Strategy: Humor. Vilicht no bitzli sponsored vo eusem Schlofmangel.Eus hett de Yap uf jede Falll guet doh und mir hoffe, dass es au euch chli Unterhaltig cha biete, falls ihr vilicht grad  au chli e herusforderndi Phase heit. Just keep swimming, s chunnt guet. <3"weder übel no hart" uf IG:@annauebelhart; @larauebelhart

Hallo zemme <3Dr Zuestand vo eim vo de Hosts hett dere Episode möglicherwis e verkaterte und dezent "unhinged" Touch geh. Denn nachere chli wilde Partynacht, viel Tanze und wenig Schlof, hemmer hüt über euse Umgang mit Usgang welle rede. De hett sich nämlich über d Johre gwandlet und isch us verschiedenschte Gründ moll chli meh, moll chli weniger wichtig gsi. Und moll chli meh oder weniger unhinged. Mittlerwile gsehnd mr sehr viel positivi Aspekt am unhinged si, wenns achtsam igsetzt wird. Was mir mit dem paradoxe Konzept meine? We'll tell you.Mir hei aber au no über dr Anna ihre Neustart im Job gredet, paar aktuelli Food Obessions besproche (LEUTE, Senf?!???) und natürlich - mir lönd euch doch nid hange - zwei geili Empfehlige useghaue, wo eus die Wuche versüesst hei.Viel Spass bim Inezieh und denket dra: eifach moll wieder chli losloh."weder übel no hart" uf IG:@annauebelhart; @larauebelhartEmpfehlige:ZDFunbubble "13 Fragen"Ely Oaks uf Spotify

Hallo ihr Liebe :)Weder mir no wahrschinlich ihr hei immer d Kapazitäte für ernschti, schweri Theme. Drum gits hüt e gueti alti Plauderfolg. Mir bespreche irrelevanti und trotzdem wichtigi Theme wie s Reguliere vo dr Airpod-Lutstärki, eusi Blockade bim Wohnig irichte, eusi Meinig zu Kino oder Museum als Date-Idee und was füre Fiebertraum sone Ikea-Trip cha si; vor allem mit raging unmedicated ADHD. Usserdem haue mr paar nice Empfehlige und Hacks use, wo euch s Lebe villicht nit eifacher, aber sicher besser mache:Malen nach ZahlenAktuelli Usstellig im Kunstmuseum NeubauFilm: Train Dreams uf NetflixFilm (aktuell no im Kino): Marty Supreme Trailer uf YTDanke fürs drilose <3"weder übel no hart" uf IG:@annauebelhart; @larauebelhart

Hallo mitenandHüt gits am Afang e chline Recap zumene Event, wo mir bsuecht hei, wo euses obsessed Fan-Herzli zum höcher schloh brocht hett: e HEATED RIVALRY PARTY. Mir verzelle euch, warum mir's geil finde, wenn's im Nachtclub e Liinwand mit Videoprojektion git, was e Party, wo Kesha und Chappell gspielt wird, miteme Techno Rave gmeinsam hett und wie d Vibes vo de Girls, Gays und Theys denn so gsi isch.Nach dere chline Yap Session simmer denn zumene ernschtere Thema witergschwenkt und ich ha d Anna dörfe mit Froge zu ihrer Arbeitslosigkeit als jungi 20-something-Person löchere. Sie hett mir muetig Red und Antwort gstande zu dem Thema und au die unbequeme Aspekt nid usklammeret (s RAV ghört überraschenderwis nid in die Kategorie, wild). Ich bi sicher, das Gspröch wird euch d einti oder anderi Reality Check, aber au wertvolli Tipps und e chline Hoffnigsschimmer geh. Cause, you know, as the hot priest knows: it'll pass. Danke fürs Zuelose!"weder übel no hart" uf IG:@annauebelhart; @larauebelhart

Hallo ihr LiebeMir hei eus gar nonig so richtig vom feministische Kampftag UND em Abstimmigssunntig chönne erhole und scho haut dr Timothée Chalamet e Kontroverse use, wo d Gmüeter online ordentlich erhitzt hett - zu Recht? Zum Glück hemmer uf das abe au paar Feel-good-Tipps und chönne euch als wunderbare Eskapismus zwei romantischi Serie ans Herz legge. Und füre chline Dopamin-Kick gits e Song-Empfehlig, wo vor churzem au als Performance z bewundere gsi isch und definitiv e Itrag ind Gschichtsbüecher verdient hett. Danke, mother of Opere-Techno, Rosalía, geheiligt werde deine Cunt-Energy. Usserdem hemmer hüt usnahmswis au no e mega nützliche Erwachsene-Tipp teilt; Sache gits.Enjoy <3"weder übel no hart" uf IG:@annauebelhart; @larauebelhartLinks:Berghain Remix uf SporityHoly Rosalía Performance (BRIT Awards 2026)Unkommerzieller Marktplatz Basel"Love Life" uf Netflix"Bridgerton" uf Netflix

E fascht 90 Minute lange Deep Dive in e 136-minütige Film finde mr fair, oder? Das isch uf jede Fall genau das, was euch in dere Episode erwartet. Mir hei eus beidi "Wuthering Heights" im Kino geh und tja, mir hei OPINIONS. Und zwar vieli drvo. Wie so ziemlich s ganze Internet, wo vom Jacob Elordi sim Ohreringli, zerdrückte Eier und Outdoor Masturbation träumt. Und vilicht au ihr? Drum heimer euch de Fiebertraum vo Film in dere Episode nöcherbrocht. S git paar Spoiler, will mr über spezifischi Szene rede, aber mir verrote nid alles. Falls dr de Film aso nonig gseh hend, chönnet ihr die Folg trotzdem lose; oder ihr sparet sie euch für drnoch uf, damit dr gmeinsam mit eus das ganze chli chönnet verarbeite. Egal wie, wo, wenn: Danke fürs Zuelose, enjoy!"weder übel no hart" uf Instagram:@annauebelhart@larauebelhart

...aber ihr münd scho d Episode lose, zum usefinde, was. Und au, warum das sone grossi sach isch. Nebe denne ufregende News heimer aber au nomoll churz Bezug uf die letschti Episode gnoh, will eusi Konversation über Icks schiinbar doch bitz kontrovers gsi isch. Und denn hemmer wiedermoll paar Rubrike bedient und über bold Moves, Dankbarkeite und ADHD-Ussetzer gredet. Das lieferet au d Antworte druf, warum d Anna grad es High und d Lara sich die Wuche richtig beschisse gfühlt hett. Und warum das glich beides mit grosse Wins ztue hett."weder übel no hart" uf IG:@annauebelhart@larauebelhart

Hüt liefere mir euch d Ick-Episode aka d Episode wo du no gar nid gwüsst hesch, dass du sie bruchsch, aber erlüchtet drus use wirdsch goh. Gmeinsam hemmer das Konzept "Icks" usenandergnoh zum usefinde, was es eigentlich genau bedütet und welli Ufgob Icks für eus au inehme. Mir präsentiere euch aso EUSES Verständnis vo dem Phänomen. Ame hilft do aber am meischte, wenn me mit Bispiel schafft und die heit IHR für eus abgliferet, aber sowas vo! Dank euch hemmer e sehr unterhaltsami, random und eifach herrlichi Ick-Lischte dörfe präsentiere.Viel Spass bim inezieh!<3"weder übel no hart" uf IG:@annauebelhart@larauebelhart

Hoi zemmeDie hütigi Episode isch wieder moll chli e Mischmasch (unterschätzts Wort?!) us verschiedene Theme. Mir rede drüber, was eus grad chli s Lebe schwer macht und wie mr trotzdem uf eusi Gsundheit achte - mit paar unpopular Takes, wo für eus aber e grosse Unterschied mache. Trotzdem sind mir in letschter Zit paar Highlights begegnet und drum heimer au die einti oder anderi Empfehlig für euch drbi.Enjoy <3"weder übel no hart" uf Instagram:@annauebelhart@larauebelhartEmpfehlige:Frankenstein uf NetflixGirls uf HBO Maxnickycbell uf InstagramPolitischi Bildig zur SRG-Initiative mitem Flavien Gousset

Sali zemeDating isch es Thema, wo eifach nie langwilig wird und vo so vill site cha agluegt werde. Mir hei eus drum hüt moll drzue entschide, nach Gründ z sueche, warum die jewils Anderi solids Dating Material isch. Was nacheme witzige Task tönt, isch tatsächlich recht tiefsinnig und schön gsi, will me so s Gegenüber usere ganz andere Perspektive aluegt und beschribt. Und so hetts au paar Überraschige geh. Am Schluss hei mir no paar vo unsere grösschte aktuelle Dating Struggles useghaue, will ganz ehrlich: Hemmer die nid alli? Dr Anna ihri Anti-Buech-Empfehlig: D Serie "Blood and Ash" und "Flesh and Fire" vo dr Jennifer L. Armentrout"weder übel no hart" uf Instagram:@annauebelhart@larauebelhartFeel free to send a DM, like, share or comment, danke ihr Schätz!

Sali zämme Wie versproche folgt hüt dr Deep Dive in es popkulturells Phänomen, wo nid nur eus in sin Bann zoge hett, sondern internationali Welle gschlage hett. E agheizti Rivalität, zwei Ishockeyspieler und lots of queer Sex; die Mischig hett e regelrechte Hype usglöst, wo aso wirklich überall spürbar isch. Mir hei eus in dere Episode gfrogt, was d Gründ drfür chönnte si und hei eus ufere inhaltliche, aber au ufere Meta-Ebeni mit "Heated Rivalry" usenandergsetzt. Was klar isch: We are OBSESSED and we are definitely not the only ones.Achtung: In dere Folg hetts einigi Spoilers; mir würde euch also empfehle, sie erscht NACH em Luege vo dr 1. Staffle HR z lose. Viel Spass euch!"weder übel no hart" uf IG:@annauebelhart@larauebelhart

Hallo ihr LiebeIn dr hütige Episode erwartet euch thematisch wiedermoll e wilde Mix. Mir rede über öpis, wo sehr underrated isch und mir viel z spot als Gamechanger in euses Lebe integriert hei: Fuesspfleg. Nie meh ohni. Aber gern für immer ohni Nagelpilz. Usserdem teile mr e Buechtipp vomene Schwizer Autor, wo grad ufere verdiente Famewelle darf rite (mir GÖNNE) und e Serietipp, wo grad 80% vo euse Hirnkapazitäte inimmt. Und d Anna hett im Vorfeld vo dr Ufnahm vo euch hett welle wüsse, was Sport mit euch macht; die phänomenale Takes vo dr Community hemmer euch natürlich nid welle vorenthalte. Enjoy!<3"weder übel no hart" uf IG:@annauebelhart@larauebelhartBuech-Empfehlig: Lázár - Nelio Biedermann

Hallo zemmeNachdem mir übers vergangene Wuchenend e Twin-Trip nach Amsti gmacht hei, hett sich's abote, in dere Episode drvo z verzelle. Mir hei nämlich einiges erlebt. Drum nehme mir euch durch eusi High- und Lowlights mit, teile eusi beschte Tipps und gebe euch e Iblick dri, wie mir literally durch die paar Täg gschlitteret sind. Und natürlich teile mr au no im Detail, wie mr eusi erschti Clubnacht sit ... vieeelne Mönet erlebt und knapp überlebt hei. Am Schluss gits no eusi Romantisierige vo dr Wuche, wo mr ufgrund vo dr chalte, trischte Johreszit mehr als nötig hei und wo eus dure Winterblues helfe.Enjoy!<3"weder übel no hart" uf Instagram:@annauebelhart@larauebelhartEmpfehlige:- Petit Lou- SLA- Veganees- Moco Museum

Hallo zemmeNachdem mir vor paar Wuche anere Lesig vo ihre gsi si und ihri drei bisher erschienene Bücher eus sehr beidruckt und berührt hei, hemmer eus hüt dr Caroline Wahl gwidmet. Sie isch e jungi Bestseller Autorin us Kiel, wo einiges chli anderscht macht und d Literaturszene mit ihrem Debütroman "22 Bahnen" ordentlich ufgmischt hett. Sie hinterloht vor allem mit ihrer direkte, selbstsichere und humorvolle Art e blibende Idruck. Mir hei sie als Autorin genauer unter d Lupe gnoh; usserdem verzelle mr chli öpis zu ihrne Büecher und ordne es paar dört uftauchendi Theme und au Kritik an dr Caro Wahl und ihrem Schribe ih. Falls dir Luscht heit, euch selber mit ihre und ihrem Werk usenanderzsetze, hemmer euch do paar Inhält verlinkt:- Dr Caroline Wahl ihre unterhaltsami Insta-Account- 22 Bahnen, Windstärke 17, Die Assistentin - D Caroline Wahl im Hotel Matze Podcast 2024 und do 2025- und sie verzellt do vo ihrem Wuchenendi imene Zeit-Podcast"weder übel no hart" uf Instagram:@annauebelhart@larauebelhart

Ihr Liebe <3Für die letschti Episode 2025 luege mr uf das Johr zrug und reflektiere bitz de Fiebertraum, wo’s für eus beidi definitiv chli gsi isch. Zeme mit euch gömmer durch d Highs und Lows, nehme euch mit durch eusi grösschte Challenges, aber au stolzischte Moment. Wills aber au für EUCH e intensivs Johr gsi isch, lese mr no euri grösschte Wins vo dem Johr vor, und was sölli sege: Die hei eus au sehr berüehrt. Und mir blicke scho moll schüch ins nögschte Johr. Hach, mir liebe Silvester und dass es eus e Moment vo dr Reflexion und Orientierig git. Nehmet euch gern e Portion vo dere Freud mit und rutschet guet übere. Bis nögscht Johr! 👯‍♀️„Weder übel no hart“ uf Instagram:@annauebelhart@larauebelhart

Ihr Liebe <3Hüt bringe mr die akündigti Filmdiskussion von "Babygirl" (aktuell uf Netflix streambar) mit. Falls dr de popkulturell heiss diskutierti Film also nonig gseh hend, schnappet euch am beschte über d Feschttäg es Spassgetränk of Choice und ziehnd en euch ihne, damit dr au wüsset, was Sach isch. Me chas aber au guet ohni Vorwüsse lose und mir hei probiert, nid allzu hert z spoilere. Material bietet de Film jedefalls meh als gnueg, zum en usenanderneh. Aschliessend widme mr eus no usgiebig em Konzept "Spassgetränk" und teile d Liebling vo euch Hörende, natürlich nid ohni ungfrogti Bewertig vo eusere Site. Am Schluss führe mir no e neui Rubrik ih und luege chli ind Zuekunft. On that Note: Mir wünsche all euse tolle Hörende Merry Crisis, eeeeh Christmas, viel starki Nerve und cute Wholesomeness. Bis bald!"weder übel no hart" uf Instagram:@annauebelhart@larauebelhart

Hallo MitenandHüt spille mr dr Tea nid nur, sondern trinke en au flissig. Fascht so flissig wie d Lara bim Aperöle am Wiehnachtsesse gsi isch und drbi grad no so d Kurve kratzt hett, bevors en Schämmer geh hett. Wobi mir jo finde, dass Spass mitem Arbetsteam au drzueghöre söll und e schöni Arbetskultur förderet. D Frog isch nur: Wo ligge d Grenze? Drum hei mr do moll chli drüber gredet. Denn heimer no s komplexe Thema "Schmerze" gstreift, will dr Anna mitere Nackestarri wieder moll bewusst gmacht worde isch, dass es halt glich langsam geg die 30gi goht. Und mir rede drüber, warum bi Schmerze Schone nid immer sinnvoll isch. Usserdem haue mr euch wiedermoll paar Empfehlige umd Ohre und gebe euch no e feministische Take mit ufe Weg.Wiedermoll e Bluemestrüssli an Theme, take what you want and enjoy!<3"weder übel no hart" uf IG:@annauebelhart@larauebelhart

Hoi zemmeHüt lifere mir euch wiedermoll e breiti Palette an Content. Es git es paar Buech- und Serieempfehlige, sowie e Anti-Empfehlig miteme Rant über eini vo de us eusere Sicht schlechtischte Serie das Johr. Mir verzelle, wie mir aktuell euse Alltag romantisiere, weli Black-Friday-Bstellig live im Podcast gliferet worde isch und wieso mir s Konzept vo "Friendsmas" toll finde. Viel Spass bim Lose <3"weder übel no hart" uf IG:@annauebelhart@larauebelhart

Hallo ihr LiebeHüt gits e gueti alti Yap-Session uf euri Ohre. Mir rede düber, was eus momentan dr Alltag versüesst, inkl. Musik-, Serie- und Buechempfehlige. Und denn hett eus usgrechnet d Kim Kardashian ine Diskussion über d Qualität vo Schauspiel- und Casting-Entscheidige bugsiert. So viel sig gseit: Ganz einig si mir eus nit worde.S isch also e bunti Episode worde, wo für alli öpis drbi sött si. Enjoy xxDo findet dir eus uf Instagram:@annauebelhart@larauebelhart

Hallo zemeIm Aschluss an die letschti Episode hemmer nomoll s Thema ADHS ufgriffe und si chli konkreter druf igange, wie mir d Symptom im Alltag erlebe. Mir verzelle, wenn sie eus hindere, wenn sie sich aber au mengisch wiene Stärki afühle. Drbi heimer, ganz authentisch und passend zum Thema, ganz viel gar nid agsproche, wo's no z sege gäbti und mir eus teilwis au eigentlich vorgnoh hei. Drum ganz wichtig: Die Episode isch e Iblick in eusi Lebenswelt als Mensche mit ADHS und zeigt nur e chline Iblick ohni Aspruch uf Vollständigkeit. Mir hoffe aber, dass es hilft, Verständnis z schaffe und em Thema Sichtbarkeit z geh. Lönd eus wüsse, falls dr no offeni Froge oder Amerkige drzue heit.Do findet dir eus uf Instagram:@annauebelhart@larauebelhart

Liebschti Hörendi <3Das Thema, wo mr hüt arisse, brennt eus scho wirklich lang unter dr Zunge. Aber wills eus au nid ganz liicht fallt, drüber z rede, hei mr uf e richtigi Zitpunkt gwartet – und de isch JETZT.ADHS – in de letschte Johr isch d Ufmerksamkeit um die Diagnose definitiv gstiige und dr Begriff in die allgemeini Wohrnehmig vo dr Gsellschaft grutscht. Au für eus isch er plötzlich relevant worde, gfühlt usem Nüt und (nid nur für eus) unerwartet.Warum mir usgrechnet jetzt drüber uspacke und wie ADHS euses Läbe und Sii prägt, ghöret dir in dere Episode.viel Spass bim Lose!"weder übel no hart" uf Instagram:@annauebelhart@larauebelhart

Ihr Liebe <3In dr hütige Folg gits e spicy Rückblick uf die vergangene drei Wuche, will DAMN isch viel abgange. Mir hei eusi Wettkampfsaison nomoll in volle Züg gnosse, chöme miteme volle Rucksack an geile Moment us dere Phase use und setze e Punkt. Wettkampfsaison? CHECK. Und jetzt? Wie gohts witer? Do nehme mr euch natürlich mit und teile eusi erschte Gedanke und Wünsch für die nögschti Zit. Eis chönne mr do scho moll sege: E neus Kapitel bringt Änderige mit sich. Und ihr werdet natürlich uf de Weg mitgnoh."weder übel no hart" uf IG:@annauebelhart@larauebelhart

Hallo mitenand!Hüt hani mi sehr schwer do, dr Inhalt vo dem Gspröch zemmezfasse und am Schluss bini bi folgendem Fazit glandet: Die Episode isch wiene Flying Tiger Store; es hett irgendwie vo allem öpis drbi und trotz viel random Abzwigige und thematischer Vielfalt hett alles glich irgendwo e klare rote Fade?? Aso, i probiers glich nomoll chli detaillierter: Am Afang gits wie immer e chlises Bodybuilding-Update, schliesslich simmer immer no zmitzt in eusere Wettkampfsaison drin und uf de Fiebertraumtrip nehme mr euch bis zum bittere Endi natürlich mit.  d Lara isch grad vom Flughafe ind Podcast-Ufnahm gstopleret und d Anna bereitet sich scho uf ihri Reis nach Ungarn vor. Trotzdem lönd mir's eus nid neh, euch mit heisse Podcast-, Serie- und Büechertipps z versorge. Wennder weit wüsse, welli Shonda Rhimes Serie eusi Nr. 1 isch, welles queere Buech dr Lara ihres heteronormativ verstopfte Herzli berüehrt hett und warum sich d Anna gern s Sexlebe vo Collegestudent*inne inezieht, denn gönnet euch die Folg.Enjoy!"weder übel no hart" uf IG:@annauebelhart@larauebelhart

Hallo ihr Liebe, welcome back zunere neue Episode.D Lara isch us England zuegschalte, wo sie churz vor ihrem nöchschte Wettkampf stoht, und au bi dr Anna stoht gli e Solo-Wettkampftrip ah. Nebe eusne Updates stoht hüt aber vor allem ei Thema im Zentrum, wo perfekt in eusi Rubrik "Cultural Rant" inepasst: S Theater Basel bringt d Theaterproduktion "Jeanne Dark" uf d Bühni, in dere Laiedarsteller*inne mitwirke, wo an Anorexie erkrankt si. Mir hei eus über das Stück vo dr Regisseurin Lies Pauwels ustuscht, wo ab November wird laufe, und eus unter anderem gfrogt: "Was darf Kunst und wo ligge d Grenze?"Bi eus het das Thema uf jede Fall für Redebedarf gsorgt. Teilet gern au euchi Gedanke in de Kommentär oder via DM.Viel Spass bim Lose!"weder übel no hart" uf Instagram:@annauebelhart@larauebelhart

HallihalloNachem Wettkampfwuchenend simmer wieder zrugg im Alltag und verdaue s Erlebte unter anderem in dere Episode. Denn die Reis isch e emotionali Achterbahnfahrt gsi, wo sini Highlights, aber au Lowlights mit sich brocht hett. Wies eus ergange isch und wie mir grad au mit de schwierige Moment umgönge (oder s irgendwie halt versueche), hemmer ganz transparent zeme besproche. E ehrliche Blick hinter d Kulisse vom Leischtigssport.Viel Spass bim Lose!"weder übel no hart" uf Instagram:@annauebelhart@larauebelhart

Hoi hoi ihr LiebeIn dr hütige Folg gohts wiedermoll chli usführlicher um Bodybuilding, alässlich em Start vo eusere Wettkampfsaison. Mir si nämlich mittlerwile beidi das Johr endlich wieder uf dr Bühni gstande und hei eus imene Glitzerbikini und bruner Farb loh bewerte, während mir eusi Müskeli gflext hei. In dem Gspröch brichte mir ungfilteret vo euse Erfahrige, unter anderem vo de Highlights am Showday, vo euse Erwartige und Wünsch, und verzelle au, was in de kommende Wuche no so plant isch.Viel Spass bim Lose!"weder übel no hart" uf Instagram:@annauebelhart@larauebelhart

Hoi ihr LiebeWill d Anna uf Interview-Entzug isch, het sie sich die Wuche e paar (sehr random ups) Froge überleit, wo mir gmeinsam besproche hei. Wie mir als Chinder euses Ken-Barbie-Dilemma glöst hei, uf weles Produkt im Küehlschrank mir nie würde verzichte und in weli Insta-Rabbit-Holes mir am liebschte abtauche – das und mehr gits in dr neuschte Episode. Schön, dass ihr witerhin am Start sit und schribet doch in d Kommentär ine, welles Tier ihr wäret.Shoutouts vo dr Wuche:@styledbyniclas uf Instagramund dr Film "Flexing Harder" vo dr Julia Schelbert: https://youtu.be/h4d13SwuKfI?si=llNY82INIVm6LQWKMuch love <3"weder übel no hart" uf IG:@annauebelhart@larauebelhart

Hallo ihr LiebeIn dr hütige Episode erwartet euch e bunte Struss an Theme. Mir rede einersits über Büecher, ihres Design und was sie süscht no guet macht. Anderersits hemmer zu de letschte zwei Folge no e sehr wichtige Nochtrag z bespreche gha, wo d Beziehig zum Körper nomoll ine anders Liecht rückt. Und zu guter Letzt helfe mir euch no mit em nid ganz so eifache Übergang vom Hot Girl Summer in'd Hoa Hoa Hoa Season. Have fun listening!"weder übel no hart" uf IG:@annauebelhart@larauebelhart

Hoi ihr LiebeHüt sind mir zrugg mitem zweite Teil zum Thema "Beziehig zum Körper". Dasmoll stönde aber nit eusi sondern d Erfahrige vo euch Hörer*inne im Zentrum.Wie isch d Beziehig zu euchem Körper aktuell?Was het die Beziehig im Lauf vo dr Zit beiflusst?Die Froge hei mir an d Community gstellt und d Antworte teile und bespreche mir in dere Episode.Viel Spass bim Lose!„weder übel no hart“ uf IG:@annauebelhart@larauebelhart

Hoi zemeHüt rede mr über die einzigi lebenslangi Beziehig, wo mir hei: die zu eusem Körper. Das macht sie nid nur enorm wichtig, sondern au zunere nie endende Herusforderig. Imene erschte Teil stige mir hüt mit euse eigene Erfahrige ih. Natürlich kriegeter aber au no es chlises Lebensupdate und e brandneui Rubrik.Enjoy!„weder übel no hart“ uf IG:@annauebelhart@larauebelhart

Ihr Liebe So heiss wie'd Temperature zum Zitpunkt vo dr Ufnahm si aus eusi Tipps in dr hütige Episode, denn mir gebe euch es paar Empfehlige an'd Hand, mit dene ihr hoffentlich immerhin mental chli us dr Summerhitz, oder was süscht grad euche Hauptstressor isch, chönnet flüchte. Hoch leben Eskapismus und Popkultur.Zu de hotte Empfehlige:-> The Gilded Age uf sky: https://www.justwatch.com/ch/Serie/The-Gilded-Age/Staffel-1-> Love Is Blind UK uf Netflix: https://www.netflix.com/title/81676358-> The Vulture - TV Recaps: https://www.vulture.com/tv-recaps/-> Educated. A Memoir - Tara Westover: https://www.orellfuessli.ch/shop/home/artikeldetails/A1062824765-> Winterthurer Musikfestwochen: https://musikfestwochen.ch/-> Alexandra Stanic uf Instagram: https://www.instagram.com/alexandra_stanic?utm_source=ig_web_button_share_sheet&igsh=NGlkajZtaHNzaWw1"weder übel no hart" uf IG:@annauebelhart: https://www.instagram.com/annauebelhart@larauebelhart: https://www.instagram.com/larauebelhart

Sali zeme :) Mir alli sind teil vo ihre, schwimme im Strom mit oder wehre eus gege sie, aber freimache chönne mr eus nie ganz drvo: d Hustle Culture. Es Strebe nach Fortschritt oder Perfektion tribt sie ah und mit dem entstoht Leischtigsdruck. Und mir identifiziere eus mit dem Erfolg, wo sie eus verspricht, wenn mr eus jo gnueg astrenge. Mir bespreche hüt, wo eus und euch die Dynamike begegne, was das für Folge hett und wie mr drmit versueche, e Umgang z finde. Und drbi stelle mr eus au e ganz zentrali Frog: Wo ligt d Linie zwüsche guetem Hustle, wo s Lebe cha berichere und toxischem Druck, wo mr eus sötte drgege stelle?Es isch e ziemlich astrengende, intensive Talk worde, wo für eus in dem Fall aber de Hustle s absolut wert gsi isch."weder übel no hart" uf instagram:@annauebelhart@larauebelhart

Hallihallo ihr Liebe Wie gönge mir mit Ungwüssheit um? Und was, wenn mir grad inere Lebensphase stecke, wo Unsicherheit oft präsent isch und eusi Entscheidige lähmt? Mit wertvollem Input vo euch gönge mir dem Thema noch und bespreche verschiedeni Szenarie und möglichi Sichtwiise uf das Thema. Mir befreie Unsicherheit us sinere negative Konnotation, identifiziere Ungwüssheit als Konstante und teile Strategie, wie mr selber aktiv meh Sicherheit chönne kultiviere. Nebe dem thematische Teil gits no e neui Rubrik und es verpeilts Update zu eusem aktuelle Gmüetszuestand, wo s Hauptthema vo dr Episode au e Gastuftritt hett.Enjoy!"weder übel no hart" uf instagram:@annauebelhart@larauebelhart

Hello Strangers, kennet ihr eus no? Mir hoffes doch und süscht lernet ihr eus (wieder) kenne, because we're back, Bitches. Und nid nume mit 1,5 Johr meh Lebenserfahrig ufem Buggel und vieeeel Redebedarf (some things never change), sondern au mit paar inhaltliche und sturkturelle Veränderige im Gepäck. Mir verzelle euch, was bi eus sit eusere letschte Episode so passiert isch und was mir mit "weder übel no hart" vorhend. Viel Spass bim Lose, Lache, Flueche, Brüele und Cringe. Alles erlaubt, let's be bold, grateful, obsessed and unhinged together."weder übel no hart" uf IG:@annauebelhart@larauebelhart

Hallo ihr LiebeMir melde eus zrug usere längere Pause und mitere Entscheidig. In dere letschte Podcastfolg verzelle mir euch, wieso mir dr Entschluss gfasst hei, mit "weder übel no hart" ufzhöre. Usserdem blicke mir uf euses 2023 zrugg und rede über die wichtigschte und prägendschte Moment vo dem Johr. Am Schluss widme mir eus no em wichtige Thema ADHS und d Lara git e Iblick in ihri Erfahrige mit dr Psychotherapie und was die Diagnose für sie bedütet. Falls euch nur gwüssi Aspekt interessiere, do d Timestamps:00:00-08:10: Wieso mir mitem Podcast ufhöre08:11-41:30: Rückblick uf euses 202341:31-51:30: Therapie, Diagnostikverfahre und ADHS51:31-52:45: AbschlussDanke an alli, wo sitem Afang vo dem Podcast mitglost und eus unterstützt hei und au immer wieder tolli und berüehrendi Nochrichte gschribe hei. Mir si chli trurig, aber vor allem mega dankbar für alles, wo mir durch de Podcast hei dörfe erlebe. Und wer weiss, villicht gits jo irgend wenn es übel harts Comeback. Bis denn wünsche mir euch allne e schöne rescht vom Johr. Big Hug!"weder übel no hart" uf IG:@annauebelhart@larauebelhart

Hallo zemme! :)Mir melde eus miteme nötige Update, denn d Zit fliegt, einiges isch im Wandel und es stönd vieli ufregendi Events ah. D Lara isch wieder zrugg in Basel und versuecht, sich noch und noch izlebe und "heimzchoh". Nid die eifachschti Transition. Glichzitig isch bi dr Anna langsam aber sicher die heissi Phase vo ihrer Wettkampvorbereitig abroche. Nüm lang und denn dörf sie ihri harti Arbet uf dr Bühni präsentiere. Ihri Täg si duretaktet und let's be real: sehr astrengend. Warum sie trotzdem jede Tag gniesst, verzellt sie in dere Episode. Mir rede au wieder moll über s wunderbare Thema Körperfett und warum mir das so gern hei und usserdem gits e chline Teaser uf zwei Folge, wo mr für euch plant hei. So, stay tuned."weder übel no hart" uf IG:@annauebelhart@larauebelhart

In dere Episode hei mr vo eusere aktuelle Situation verzellt, wo bi beidne vo viel Veränderig und Herusforderige prägt isch. Und mir hei drüber gredet, wie mir mit Social Anxiety und em Leischtigsdruck in euserer Kultur umgönge. Usserdem gits in dere Folg e absoluti Premiere: Mir hei tatsächlich es Thema gfunde, wo mir eus nid ganz einig si! Loset dri, wennder meh weit wüsse."weder übel no hart" uf IG:@annauebelhart@larauebelhart

Hallo ihr LiebeMir melde eus zrugg miteme Update us eusem Lebe. Was lauft in Wien und in Winti? Was beschäftigt eus grad? Mir rede unter anderem über eusi Ziel in de nögschte Mönet, über Bodybuilding (of course), erkläre euch s Konzept von Online-Coaching und d Lara präsentiert euch ihri Wientipps. Viel Spass bim Lose!"weder übel no hart" uf IG:@annauebelhart@larauebelhart

Ihr LiebeWie versproche isch do dr zweiti Teil vo dem Format. Mir si au in dere Episode uf verschideni Szenarie igange, wo ihr eus gschickt heit. Egal ob lost im Job nachem Studium, e ungsundi Beziehig zu Esse, Zwifel in dr Beziehig oder verliebt am Arbeitsplatz – mir hei euse Senf drzuegeh. Und teilwis hei mir mehr als dütlichi Wort für euch gfunde. Enjoy!"weder übel no hart" uf IG:@annauebelhart@larauebelhart

Hoi zeme!Für die hütigi Episode hei mir vo euch es paar Szenarie, Struggles und Froge zuegsendet bechoh, wo mir nach beschtem Wüsse und Gwüsse kommentiert hei. Vo mentaler Gsundheit, Prüefigsstress, über Liebeserklärige bis zu Sexproblem isch alles bitz drbi gsi und mir heis e sehr cools Gspröch gfunde. Hoffentlich gohts euch glich und mir chönne euch vilicht sogar witerhelfe, oder immerhin unterhalte.Viel Spass bim Lose und stay tuned for Part 2!"weder übel no hart" uf IG:@annauebelhart@larauebelhart

Hello hello mitenandHappy New Year und mir starte das Johr grad mitere coole Gastepisode. Mir hei dörfe mit em Noel Bieli es Gspröch über sin Lebensstil führe. Er hett nämlich e sehr strenge Alltag, e körperlich und mental herusfordernde Job und schaffts glich, au no Fründ*inne, Familie, Bodybuilding und no anderi Hobbys unter ei Huet z bechoh. Kei eifachi Ufgob, aber er hett offebar e Weg gfunde, wie das klappe cha und spricht mit eus drüber. Eus drei verbindet natürlich die gmeinsami Liebi zum Sport, aber mir hei gmerkt, dass mir au grundsätzlich e zimlich ähnlichi Sicht ufs Lebe hei. In dere Folg rede mr über eusi Lebensistellig und wie mir Entscheidige treffe, wo nicht ganz so eifach si.Viel Spass bim Lose!

Hallo liebi Zuehörer*inneNachere sehr intensive Phase im Lebe vo eus beidne gits endlich wieder moll es Lebenszeiche und uff, das Gspröch isch NEEDED gsi. Eus beidne hetts nämlich richtig guet do, über s Thema vo dere Episode z rede, will mir beidi uf eusi eigeni Art und Wiis grad richtig mit dem struggle. Schlagwörter, wos ganze ganz guet zemmefasse: Überforderig, Erwartigshaltig, Druck, Hustle Culture. Mir froge eus unter anderem, was es überhaupt heisst, "produktiv" zsi und warum das sone Ideal in eusere gegewärtige Gsellschaft isch. Und warum muess me do eigentlich so mitmache? Verliere mir durch de Hustle nid vilicht au us de Auge, was eus im Lebe WIRKLICH wichtig isch? Drzue gebe mr au no es Update, was bi eus grad so lauft und was astoht. Viel Spass bim Lose :)"weder übel no hart" uf IG:@annauebelhart und @progressing.anna@larauebelhart und @lara.grows

Hallo zeme :)In dere Episode bringe mir euch wiedermoll ufe aktuelli Stand vo eusne jewilige Bodybuilding-Journeys. D Lara stoht nämlich churz vor ihrem erschte Wettkampf in England und lütet so ihri erschti Season ih. Währenddesse isch d Anna grad am andere Endi vom Spektrum, tief in ihrem Ufbau, ihri eigene Grenze täglich am pushe. Aber au bi ihre gits nach dere lange Phase bald ufregendi Veränderige, vo dene sie in dere Folg chli verzellt. Will mir beidi grad an zwei sehr verschiedene Pünkt stecke, wo aber beidi inere Art "Extremzueständ" darstelle, heimer moll es paar Verglich agstellt. Was si d Challenges, wo ligge Gmeinsamkeite und wo die grösschte Unterschied? Und warum brucht beides so viel Disziplin und mentali Stärki?Mir hoffe, euch gfallt de Iblick in eusi grossi Lideschaft, viel Spass bim Lose!"weder übel no hart" uf IG:@annauebelhart@larauebelhartFür meh Bodybuilding-Content:@lara.growshttps://www.youtube.com/channel/UCEbpbaEAjD-vDw-xoVxwmMA

Hoi mitenander!In dere 25-igschte Episode simmer glichzitig sehr konkret, aber au abstrakt bis zu hochphilosophisch worde. Das liegt aber glaub weniger an eus, sondern eher am Thema vo dere Folg, denn mir hei über Identität gredet und was mir drunter verstönde. Froge, wo eus drbi beschäftigt hei, sind unter anderem: Wie definiere mir eus selber? Warum chönne mir anderi Mensche nie ganz "fasse", sondern nur Bruchteil vo ihne? Wie kreiere mir bewusst oder au unbewusst eusi, aber au d Persönlichkeit vo Anderne? Drbi simmer uf Beerdigunge und Truur, Tinder und Social Media und au sehr persönlichi Erfahrige igange.Gebet eus gern Feedback, ob euch die Form vo Podcastepisode gfallt!Viel Spass bim Loose :)"weder übel no hart" uf IG:@annauebelhart@larauebelhart

Hoi zemme :)In dr hütige Folg hei d Anna und ich eus vo de Podcast-Profis Felix Lobrecht und Tommi Schmitt e bitz Inspiration abgholt und zwar in dr Form vomene Chartespiel. Mir si nämlich stolzi Hackis und hei drum gfunde, dass mr doch eifach e bitz Hack-Froge chönne recycle, ganz im Sinne des ökologische Lebenstils. Folgendi Froge und Antworte erwarte euch:03:54: Vo wellere Sach, vo dere du dir au die türeri chönntisch leischte, nimmsch du immer die günstigsti?07:00: Welles Buech hesch du scho ewig im Regal stoh, chunnsch aber nit dzrue, s z lese, oder schiebsch es vor dir her?10:58: Was isch dini Lieblingshunderasse?14:16: Was stresst dich mehr: Wenns imene Ruum es bitzli z hell oder es bitzli z dunkel isch?15:15: Was schribsch du immer per Hand?19:40: Welli App benutzisch du nie, löschisch sie aber au nit?22:23: Weli Huusarbeit befriedigt dich am meischte, wenn sie erledigt isch?24:18: wenn du im Usland bisch, was vo dr Schwiz vermissisch am meischte?26:34: Bi wellere Tätigkeit fühlsch du dich am lebendigschte?29:35: Was findisch du wahnsinnig arrogant?33:58: Welli Beleidigung, wo politisch nit/nümm korrekt isch, rutscht dir trotzdem immer wieder use?Mir hoffe, dass euch die Episode mindestens halb so guet unterhaltet wie eus. Enjoy!"weder übel no hart" uf IG:@annauebelhart@larauebelhart

Hallo liebi Hörer*inneHüt gits e churzi und knackigi Episode zumene Aspekt, wo für eus im Alltag e extreme Unterschied bezüglich eusere Zfriedeheit und Lebensqualität macht: Dankbarkeit. Als Chinder hei mir alli moll glernt, flissig "danke" und "bitte" z sege, aber Dankbarkeit isch viel mehr als e churzes Wort. Für eus ischs eher e Lebensistellig. Und sie isch nid öpis, wo eus passiert, sondern mir chönne sie aktiv in euses Lebe integriere. Wie mir das mache und was eus die aktive Handlige langfristig bringe, ghöret dir in dere Episode. Viel Spass!"weder übel no hart" uf IG:@annauebelhart@larauebelhart

Hellöle ihr LiebeNachere längere Pause gits wiedermol es Lebeszeiche vo eus! Mir chöme beidi usere intensive Zit, wo mr tbh aber au immer no chli dinstecke. Nichtsdestotrotz weimer wieder chli regelmässiger Folge für euch (und für eus) usehaue, will mrs eifach liebe und vermisst hei, zeme über alles mögliche "on air" z quatsche. Füre Wiederistieg hei mir es paar Froge vo euch beantwortet. Es goht u.a. um eusi aktuelle Ziel, wie mirs Studium überlebe, was mir vo Crossfit halte, eusi Struggles im Zemmehang mit euse sportliche Ambitione, ob mir Tattoos geil finde und inwiefern Bodybuilding politisch isch. Aso chli e bunte Mix, wo sicher öpis interessants für euch drbi isch.Viel Spass bim Lose und let us know, falls ihr euch freuet, dass "weder übel no hart" back im GAME isch!"weder übel no hart" uf IG:@annauebelhart@larauebelhart

Hoi ihr liebeHüt gits vo eus e chlises Life-Update. Mir verzelle euch, was bi eus grad so lauft, was so astoht und wies eus goht. Dr Hauptteil vo dere Podcastepisode dreiht sich aber um es Thema, wo in eusere Gsellschaft selte und wenn denn nur imene negativ Kontext belüchtet wird. Und zwar gohts hüt ums Zueneh (vo Körpergwicht). Mir rede drüber, warums e GUETI Idee cha si, zuezneh und warum au DU s in Betracht söttisch zieh, moll bewusst zuezneh, statt die nögschti Diät z probiere. Au rede mir über s gsellschaftliche Bild vom Zueneh im Verglich zum Abneh. Viel Spass bim Lose!"weder übel no hart" uf IG:@annauebelhart@larauebelhartdr Lara ihre YouTube-Kanal: https://www.youtube.com/channel/UCEbpbaEAjD-vDw-xoVxwmMA/featured