Wer blastet was? Swiss Metal Podcast

Mir sind endlich wieder da! Es wird wie gwohnt über Konzert-Erlebniss glaberet und über Festivals und Bands bashet. Mission: Dass mir am Endi vode Folg cancelled werdet. Und falls eus das nöd glingt, cancelled mer eus susch eifach selber.

I dere Folg schwätzet mir mit eusem Lieblingsmetaljournalist über fast alli Festivals wos je geh het, über Bachelorette, Japan-Metal, ganz viel Vader und was es mitm Dutti-Pfoste im Z7 uf sich het.

3 Festivaltäg und 19 Aasagene spöter sind mir zum letzte mal i eusem schöne Studio und lönd eus das Bullhead Festival 2024 nomal dur de chopf gah. Ob mer au 2025 wieder am Bullhead am Start sind, ghöred ihr i dere Folg.

Endlich treffet mir eus wieder und verzellet was bi eus ide letzte Mönet so gloffe isch. Usserdem gits s'absolute Must-Hear-Preview fürs Bullhead Festival und all Gründ warum DU det ane cho söttsch!

Ihr hend alli scho vom Bullhead-Festival ghört! Dasmal isch de Sebastian aka Mr. Bullhead bi eus zu Gast und verzellt wies mitem Charity-Projekt ''We Rock For Kids'' agfange het, was es gnau mitm Wotan uf sich het und wies zude Idee vomene Festival cho isch, wo mir übrigens moderiere dörfed ;P Tickets fürs Festival Bullhead-Festival uf Instagram We Rock for Kids Website Spende ad Kinderhospiz

50 Folge Wer blastet was! Das muess mer fiire und drum sind Josh und Brian mal wieder zu Gast im legendäre Kate Effect Podcast! Als Geburtstagsgschenk hend Luki und Rada sogar es Soundboard mitbracht wo mir nach dere Folg nie meh wieder werdet benutze. Die Folg isch für alli wo s'Lebe nöd zu ernst nehmed. Ab Folg 51 sind mer wieder vernünftig. Versproche :) Losed The Kate Effect! Losed au d'Cervelats! Escuche a los Señores Extremos! Danke für eue Support!

Michel und Sandro vo Ophelia's Eye hend eus bsuecht und verratet eus es Gheimnis über de Bandname, obs sich um d'Frau ufm Albumcover tatsächlich um Corinne handlet und was sich bide Band in nächster Ziit so verändere wird. Tickets für Eye See You Festival am 25.11.2023 im Chillout Böswil Wer bi Ophelia's Eye wott mitmache, meldet sich da! Wer en potente Sänger brucht, meldet sich da!

Mit em Schmirgel und Tömli vo Comaniac redet mir über ihres neue Album ''None for All'' wo am 13. Oktober 2023 released wird. Sie erkläret eus wie all ihri 4 Albene zemehänget und dezue gahts i dere Folg au no um künstlichi Intelligenze, Wrestling und wie Drowning Pool als Foltermethode iigsetzt worde isch. Neusti Single ''Desolation Manifest'' uf Spotify Das neue Album zum bstelle! Tickets für die Show am 20.10.2023 im Kiff Aarau

Yannick Lehmann (wo die meiste vo Sacrificed with a Scythe kennet und e handvoll lüt vo Paleface Swiss) isch wieder mal zu eus go ineschneie choo. Er verzellt eus wies i sinere Band so lauft inklusive Storys vode USA-Tour. Denn wird no abgnerdet über Kreator und mir erfahret wie er Wacken 2023 erlebt het. Da ja eh jede weiss wie Paleface Swiss tönd, verzichted mer uf verlinkige. Defür gits Links zu interessante Videos: Paleface Swiss Tourbus Video Sam Carter & Oli Sykes Fight Paleface Swiss am Hellfest

Endlich sind mir wieder zrugg! De Josh het paar neui Festivals usprobiert, isch aber meistens vonere gwüsse Band verfolgt worde. De Brian hets trotz em heftigste Rege wos jemals geh het wieder uf de Holy Ground am Wacken gschafft. Da mir i dere Folg eifach zu viel Bands erwähnet und es drum too much wär die all z'verlinke, tüend mir dasmal eifach 1 Band in Spotlight stelle wo mir eu wärmstens möchtet empfehle. Checked die us: Coilguns | Spotify

Mir sind iiglade worde zum es Festival moderiere! Checkeds us: Bullheadfestival ------------------------------------------------------------- De Luke Tasci isch en Allrounder wo sowohl als Produzent, Gitarrist, Tontechniker und Sänger uftritt. I de letzte folg vor eusere Festivalpause verratet er eus wie Du mit dine Songs vom komponiere bis zude fertige Ufnahm muesch umgah und es git exklusivi Infos über es Projekt wo mir scho länger nüm devo ghört hend :) Musikstudio | TASCI soundscapes | Winterthur The Atlas Frame / Her Name Was Claire / Luke Tasci / Tan Pickney / Sacrificed with a Scythe / Paleface Swiss / Anthem for a Dying Day / With One Word / Worst / Electric Callboy / People Die At The Fair / Alpha Wolf / Vicious Rain / The Kate Effect / Linkin Park / Trivium / Alter Bridge

Dasmal hend mer d'Babs vo Wazzara bi eus! Sie verzellt was es mit dem Projekt uf sich het, was Shoegaze, Blackgaze und Moongaze demit ztue het und wieso es sich trotzdem nöd in e Schublade stecke laht. Sie git eus au e chlini spannendi Gschichtslektion über Hexeverbrennige und alti Sprache. Check it out! wazzara / Caladmor / Crowbar / Forced Shadow / Mastodon / Dool / Fueled By Fear / Disparaged / Bloodbath / Paradise Lost / Eluveitie / Helrunar / Stephan Eicher / Amorphis / Bikini Kill / L7 / Hole / Nirvana / Foo Fighters / Dynamite Abortion

Wrath of Alga hend de bisherigi Rekord a Gäst toppt indem sie z'5te cho sind. Deswege hend mer eusi Frage aller Fragen ime neue Format gstellt! Zuesätzlich hend mir au Bekanntschaft mit de Göttin Alga chöne mache. Was die Band susch alles no vor het, erfahred ihr nur da! All hail the Alga! Wrath of Alga / Sons of Coherence / I, Delusionist / Before the Decay / Killswitch Engage / Lamb of God / TalkingBass - Online Bass Lessons - YouTube / Rise Of The Northstar / To The Grave / Gerhard Müller / Mani Matter / Mambo Kurt / Words of Concrete / Impact of Theia / Mind Patrol / Ophelia's Eye / Moment of Madness / Final Story

De Pat isch eus allne bekannt als de moderator vom greenfield. Wie er zu dem ehrejob cho isch, was er scho mitem corey taylor erlebt het und vieli anderi storys gits i dere folg. Check This! Five Rusty Horizons Soul Strip Mephistosystem Slipknot Stone Sour Steel Panther Hatebreed Faith No More Wolfmother Halestorm The Distillers Soundgarden Alice In Chains Pearl Jam Greenfield Festival rock4future Zurich Pop Con Fantasy Basel

I de erste Usgab vom Kate Effect Podcast sind Josh & Brian vo Wer blastet was zu eus zu Gast gsi. Sie hend eus vom Betrayers of Kamigawa verzellt und natürlich hend mir über die wichtigste Metalacts gredet: Cannibal Corpse, Taylor Swift und Alanis Morissette! Gebed eu das: The Kate Effect Cannibal Corpse Another Approach Eversis THORN. Whiteout Save Your Last Breath Heavysaurus Silent Circus Paleface Swiss Slamentation Alanis Morissette Days of Ruin Kate Bush Brutus Vanessa Carlton Natalie Imbruglia Taylor Swift Katy Perry Mycelia Cattle Decapitation

Mir hend Bsuech becho vom Brian sinere absolute Lieblings-Local-Band! Sascha (Vocals), Laube (Bass) und Yannick (Gitarre) sind bi eus gsi und hend eus Storys verzellt us 15 Jahr Lotrify! Die 15 Jahr gits natürli zfiire und zwar am 1. April im Royal in Baden! Tickets: Lotrify / 01.04.2023 / Kulturhaus Royal - Baden / PETZI Checked au das us: Lotrify | Spotify CLIT COMMANDER | Spotify Emuqa | Spotify Comaniac | Spotify Broken Fate | Spotify Atropas | Spotify Radwaste | Spotify DEFENVER | Spotify Tonstudio | Iguana Studios Open Air Gränichen Lotrify - Xenophobic (OFFICIAL MUSIC VIDEO) - YouTube

Moritz und Dave vo Save Your Last Breath erkläred eus, was für Vorbilder sie zu ihrem einmalige Sound inspiriert hend. Usserdem versueched mer usezfinde was es mit de Betrayers of Kamigawa uf sich het und ob d'Metalheads in Kuba au so hert abgönd wie bi ois. Tickets fürs Konzert am 25.3.2023 im Werk21 gits da BETRAYERS OF KAMIGAWA | 25.03.2023 (eventfrog.ch) De Sound isch leider nöd so guet usecho i dere Folg, wiil mer zum erste Mal mit neuem Gear gschaffet hend, aber das chunt ;) Wer en super Fotograf oder Videoproducer suecht meldet sich bim Silvan Pawli Silvan (@silvan.pawli) • Instagram Silvan Pawli Und gebed eu all die geile Bands Save Your Last Breath THORN. Invoker Another Approach Eversis

I dere Rundi isch de Silä, Gitarrist vo Days of Ruin, bi eus zum Bsuech choo. Er het eus vo sinere Band und anderne Projekte verzellt und au allgemein über Metal und de CH-Szene philosophiert.  Für die wo nöd wüssed was ''Teabagging'' isch und was lerne wend: Im Real Life ischs orali Stimulation vom Hode. In Online-Games wird das au als Witz verwendet, indem me mit sinere Figur über en besiegte Gegner id Hocki gaht. Spotify Links: Days of Ruin Shadows Fall Anthem for a Dying Day Ophelia's Eye Irony of Fate Nice To Eat You 7. Wer Blastet Meine Cervelat? (feat. Josh & Brian vo Wer Blastet Was Podcast) – Metal Cervelat

Im neue Jahr redet mir mit de Jungs vo Extreme Music Switzerland über folgendi Bands und Musiker: Consumed by Vultures, Soulline, Avalanche of Blood, Avalanche, Tylangir, Echo Vom Aathal, Conquering Basilea, Endark the Brightness, Zeal & Ardor, Sepultura, Soulfly, SNRTPZRNR, Eluveitie, Promethee, Dreamshade, Final Story, Paleface, Comaniac, gurD, XONOR, Black Bulls, Buried Side, A Lost Game, Shield Breaker, Onerous, A Small District, Eversis, Chaoseum, Frank Needs Help, Pollen, Nubia, Sink or Swim, I, Delusionist, Moment of Madness, Anaesthetist, THORN., Artifiction, Nervosa, Lazarus A.D., Grofból, Kakothanasy, Rectal Depravity, I Cut Out Your Name, Discomfort Of Existence, Speck, Napalm Death, Terror

Ide letzte folg vom Jahr 2022 lueged mir nomal zrugg und waged en Blick nach füre. Mir erinneret eus no a die dunkle Ziite mit 2G+ und hend au no de ein oder anderi Festivaltipp für 2023. Im Hintergrund het no e Band gfunde sie müend probe, passiert leider wenn me nöd es richtigs Studio het.

Es gaht mal wieder um Metal und Games! Mitem Game-Experte und Twitch-Streamer negan_d1993 reded mir über das Spiel Metal Hellsinger und über d'Lüt wo hinder dem Game und em Soundtrack stecked. Losed ine und findet use welli bekannte Stimme usem Metal da alles mitgwürkt hend. Folged am Negan D. Instagram Twitch Metal Hellsinger - Soundtrack (Gits leider nöd uf Spotify, die huere Lackaffe) METAL HELLSINGER - Official Game Soundtrack OST (Full Album) - YouTube Iron Maiden Game für Android Iron Maiden: Legacy Beast RPG – Google Play

Mir hend Bsuech vo de extreme Dudes vo Extreme Music Switzerland! Eus zuvor nur als Instagram-Siite bekannt gsi, findemer jetzt use was da eigentlich für Lüüt dehinder stecket. Mir redet mit de beide Herre Roman und Joel über Social Media allgemein, krieged e Lektion wie me sich als Band oder Podcast guet chan im Netz präsentiere und diskutiered über Music, Bands und susch alles was so unter dem Begriff ''Extrem'' fallt. Wie zum Bispiel Nickelback. Huahuahua. Extreme Music Switzerland (@extrememusicswitzerland) • Instagram Nickelback Spotify Instagram I, Delusionist Spotify Instagram Anaesthetist Spotify Instagram SNRTPZRNR Spotify Instagram

Cveti vo Irony of Fate beehrt eus nomal e Stund und verzellt eus chli öppis über ihri Band. Sie verratet au was einigi vo ihrne Songs so für Hintergründ hend und was sie so alles inspiriere tuet. Und dasmal wird no chli über Marvel-Comics abgschweift. Irony of Fate Irony_Of_Fate (@ironyoffateofficial) • Instagram-Fotos und -Videos Spotify – Irony of Fate Eye See You Festival Eye See You - Winter 2022 | Konzert | Konzert / Hard Rock & Heavy Metal | 19.11.2022 (eventfrog.ch) Exhortation Reloaded Gig Exhortation & Axxelerator LIVE | Konzert | Konzert / Hard Rock & Heavy Metal | 12.11.2022 (eventfrog.ch)

Am Brian sin absolute Wunschgast Cveti (Sängerin vo Irony of Fate) hets endlich zu eus gschafft! Das mal gits en spezielle Mix vo verschiedene Theme unter anderem Jasse, Disneyland, Raclette, Skifahre, Fisting und no viel meh! Lose uf eigeni gefahr lel Irony of Fate Irony_Of_Fate (@ironyoffateofficial) • Instagram-Fotos und -Video Spotify – Irony of Fate Eye See You Festival Eye See You - Winter 2022 | Konzert | Konzert / Hard Rock & Heavy Metal | 19.11.2022 (eventfrog.ch) Exhortation Reloaded Gig Exhortation & Axxelerator LIVE | Konzert | Konzert / Hard Rock & Heavy Metal | 12.11.2022 (eventfrog.ch)

Zrugg vode viel zu lange Summerpause simmer wieder ume und verzelled vo allne Konzert wo mir gsi sind siit de letzte Folg. Fokus ufs Nova Rock und ja de Teil mitm Wacken und Meh Suff bhaltet de Brian no für es anders mal uf wiil die Folg suscht eifach viiiiiiel zu lang worde wär. Und jetzt gits erschmal en Kafi.

Was lauft so?

Dasmal nemed mir eus Ziit zum 2 brandneui Releases z'reviewe. Mir fühled eus us verschiedene Gründ i eusi Teenie-Jahre zruggversetzt und merket, dass mir das mitem Fazit vome Review nonig so druff hend. Usserdem git de Josh es Preview zu sim soebe erschienene Exhortation-Album ab (zum Ziitpunkt vode Ufnahm hemmer nonig gwüsst dass es jetzt dusse isch) und am Brian isch wieder emal es Malheur amene Hiphop-Konzert passiert.

Hüt waaged mir mal öppis neus! Zersch werded mir fascht vo es paar Hochstapler imitiert und aaschlüssend chömed ihr in Gnuss vo eusem allererste Live-Interview wo mir im radio15.ch hend dörfe mache. De Jona (bekannt us de Bands The Tomorrows und Seiko sowie als Organisator vom Sub Divo Festival) isch en superinteressante Gast gsi wo nöd nur Music macht sondern au Music lebt! D'Rechte fürd Songs wo i dere Folg abgspielt werded, ghöred am radio15.ch The Tomorrows • Instagram SEIKO • Instagram Sub Divo Festival http://subdivo.ch/

Als Ostergschenk het eus de Chahid Stuber no mit ere zweite Folg beehrt. Dasmal philosophiered mir nöd über d'Music allgemein, sondern es gaht dasmal um ihn als Musiker und Sänger und mir diskutiered über sini Tätigkeit als Vocal Coach. Au mit einige Storys vom Josh wo mal sin Schüeler gsi isch. Wer interessiert isch, Unterricht bi ihm zneh dörf sich über folgende Link bi ihm melde: (1) „The Voice Beyond Your Soul“ | Facebook Fueled by Grace Spotify – Fueled By Grace Fueled By Grace (@fueled_by_grace) • Instagram-Fotos und -Videos

I dere Folg wirds mal chli deeper. Zeme mitem Chahid Stuber (Sänger vo Fueled by Grace und Vocal-Coach) philosophieret mir mal über die Gründ warum mir überhaupt Music losed und au was das mit eus macht. Au redet mir über de Sinn vo Lyrics und au was de Zweck vo brutale Theme im Metal isch. Dezue ane gits no en churze Talk über d'Foo Fighters und dene ihre Schlagzüger Taylor Hawkins, wo leider vo eus gange isch. Rest in Power, Taylor. Fueled by Grace Spotify – Fueled By Grace Fueled By Grace (@fueled_by_grace) • Instagram-Fotos und -Videos

Das momentani Thema rund um de Chrieg gaht natürli au nöd a eus spurlos verbii. I dere Folg diskutiered mir es bitzli über die Sach aber vergesset natürli au nöd eusi Lieblingsmusik. So redet mir über die beste Bands vo Russland und de Ukraine und de Josh verzellt au no es bitz öppis über sini Tour wo er in Russland gha het. Es isch natürlich wichtig, dass me au helfe tuet wenn me chan. Drum hend mir für eu 2 Links parat für die wo möchtet Spende um ukrainischi Betroffeni z'unterstütze. https://www.caritas.ch/de/news/nothilfe-fuer-die-menschen-aus-der-ukraine.html https://razomforukraine.org/ #Makelovenotwar

I dere Folg verzellt eus de Marco Böhlen (Sänger vo Fueled by Fear und Exhortation Reloaded) spannendi Anekdote über sis Musikerlebe. Er verzellt zum Biispiel wie Exhortation in e falschi Richtig schubladisiert worde isch. Mir waged au en Usblick uf die Ziit nach de Pandemie und wieso es für schwiizer Metalbands eher schwer wird a Gigs anezcho. Fueled by Fear Spotify – Fueled By Fear FUELED BY FEAR (@fueled_by_fear_official) • Instagram-Fotos und -Videos Exhortation Reloaded Spotify – EXHORTATION Reloaded EXHORTATION RELOADED (@exhortation_reloaded) • Instagram-Fotos und -Videos

Bi eus isch de charmanti Silvan Bella zu Gast. Ihn kennt me unter anderem vo de Nu-Metal-Band Eversis und em Pop-Punk-Projekt Matchbox Whispers. I dere ganz churze Folg wird es bitzli über Metalcore diskutiert und no sust 1-2 lustigi Storys vom Silvan verzellt. Dezue gits no d'Uflösig vom Janus Christus Wettbewerb.  Eversis Spotify – Eversis Eversis (@weareeversis) • Instagram-Fotos und -Videos Matchbox Whispers Spotify – Matchbox Whispers Matchbox Whispers (@matchboxwhispers) • Instagram-Fotos und -Videos

Im zweite Teil mitem Dödelrapper Janus Christus nehmed mir sis neue Album "Vum Mediamatiker zum MDMA-Ticker" usenand und er verzellt eus spannendi Gschichte zu sine Connections zum Slash, Celtic Frost und Drachenlord. Janus Christus Spotify – JANUS CHRISTUS 𝙅𝘼𝙉𝙐𝙎 𝘾𝙃𝙍𝙄𝙎𝙏𝙐𝙎 (@janus_christus) • Instagram-Fotos und -Videos

De Janus Christus macht Hip Hop, isch jedoch au im Metalbereich aktiv. Wie er vo eusem Lieblingssound is Rapgame iigstige isch und de Schwiizer Rap jetzt ordentlich mit viel Humor und no meh Blödsinn ufmischt, erklärt er i dere Folg vo Wer belastet was. ;) Janus Christus Spotify – JANUS CHRISTUS 𝙅𝘼𝙉𝙐𝙎 𝘾𝙃𝙍𝙄𝙎𝙏𝙐𝙎 (@janus_christus) • Instagram-Fotos und -Videos

Es isch Ziit worde, dass mir endlich mal richtig über die Bands chönd abhate, wo mir echt nöd möged. Da wird natürli au bitzli underenand gstritte. Da mir aber au fairi Podcaster sind, verratet mir eu au es paar Bands wo ihr unbedingt all müend kennelerne.

I dere Folg nehmed mir us aktuellem Aalass Stellig zur Tragödie am Travis Scott-Festival. Dezue diskutieret mir wie me sich a Konzert allgemein sicher fühle chan und was für brenzligi Situatione mir scho erlebt hend.

I dere Folg wird sich endlich kläre ob de Mike (Vocals bi WHITEOUT) würkli en Brasilianer isch oder ob er de Josh nur verarscht het. Dezue erfahred mir no was im Lager vo WHITEOUT so abgaht und de Ricky verratet eus, was es mit sim Projekt DEMIGOD UNLEASHED uf sich het und wie me als ufstrebende Künstler im digitale Ziitalter e Riichwiiti chan erreiche. Whiteout Spotify – Whiteout Whiteout (@whiteoutband) • Instagram-Fotos und -Videos Demigod Unleashed Spotify – Demigod Unleashed Demigod Unleashed (@demigod_unleashed) • Instagram-Fotos und -Videos

I dere Folg wird de Brian grad mit 2 Latinos konfrontiert. De eint devo isch de Ricky Bonn Garcia. Er isch Musiker und Produzent und au massgeblich ad Entstehig vo dem Podcast beteiligt gsi. Er verzellt sini Gschicht, wie er unter anderem zu WHITEOUT cho isch. Dezue gits au vom Josh einigi Storys us de Ziit bi SWAS. Usserdem simmer amene grosse interne Gheimnis vo WHITEOUT draa... Whiteout Spotify – Whiteout Whiteout (@whiteoutband) • Instagram-Fotos und -Videos Demigod Unleashed Spotify – Demigod Unleashed Demigod Unleashed (@demigod_unleashed) • Instagram-Fotos und -Videos

Hüt hemer de Manuel Schütz bi eus! Er isch Tourfotograf, Modedesigner und warschinli sogar au no en Gheimagent oder Astronaut. Er verzellt eus ganz vieli Gschichte über das was er so alles macht. Und i dere Folg verzeled mir au zum erste mal was mir NÖD blastet! MANUEL SCHÜTZ (@manuel_schuetz_photography) • Instagram-Fotos und -Videos

Lebe macht wieder Sinn! Au wenn de Josh nochli Müeh mit Mensche het, isch de Brian bereits wieder i alti Muster vode Konzertsucht zrugg gfalle. Er haut eu ordentlich Reviews um d'Ohre und de Josh verratet exklusiv wer sini neu Groove-Metal Band isch! Usserdem het sich no en Secret-Guest inegschliche.

In dieser Folge wird ausnahmsweise nicht Schweizerdeutsch gesprochen, sondern Hochdeutsch (zumindest versuchen wir das...). Dieses mal haben wir Kat Fox zu Gast, die auf Instagram unter dem Namen ''thefoxandthesquirrel'' bekannt ist. Mit uns redet sie über ihren Instagram-Kanal, ihrem Influencer-Dasein und über ihre Plattensammlung. Josh verrät hier nebenbei auch noch woher er die Inspiration für diesen Podcast her hat. kat (@thefoxandthesquirrel) • Instagram-Fotos und -Videos

Hüt endlich en wiitere Gast: De Yannick Lehmann bekannt vo PALEFACE und NICK oder au us dem Projekt wo er mal mitm Josh gha het SACRIFICED WITH A SCYTHE! Eifach mal e gmüetlichi Talkrundi unter Kollege mit ganz viel Insiderinfos und Erinnerige yeah. Paleface Spotify – Paleface PALEFACE (@palefaceswiss) • Instagram-Fotos und -Videos Nick Spotify – Nick NICK (@nickrockmusic) • Instagram-Fotos und -Videos Sacrificed with a Scythe Spotify – Sacrificed with a Scythe Sacrificed with a Scythe (@sacrificedwithascytheofficial) • Instagram-Fotos und -Videos

Endlich gits mal wieder e neui Folg. Summerpause isch verbii, het zwar kei Festivals geh ...und mitm Joey Jordison isch en grosse Musiker vo eus gange. Mir redet es bitzli über ihn aber hend au no anderi Theme: Zum Bispiel wieso de Brian zum Raver mutiert isch.

I dere Folg isch de David Ellefson vo MEGADETH bi eus zu Gast, dezue gits no en Rückblick uf die erste 10 Folge vom Podcast und en Usblick uf de Festivalsummer 2021 - ohni Festivals... defür mit ere Hypothese wie d'Menschheit untergah wird.

Josh und Brian hend das mal überhaupt kei Idee gha für die Folg. Drum hends gfunde dass sie jetzt use uf de Balkon gönd und mal eifach so frei Schnauze druf los laberet. Die Folg isch für alli wo wend wüsse, wer die Lieblingspornstars vo dene beide Dudes sind.

Am Josh sini grössti Liideschaft nebe de Music sind Videogames. Und drum gits hüt e Folg wo mir eu erkläred was de Jack Black, Ozzy Osbourne, Dio und Mötley Crüe mit Games ztue hend! Und zuesätzlich gits i dere Folg no 2 Film wo de Brian eu NÖD empfiehlt zum luege.

I dere Folg hemmer euse ersti Gast Arran Sheppard (Vocals bi With One Word) an Bord. Er redet über d'Produktion vo ihrem Debut Album ''HYDE'' wo neu usecho isch und was für Uswürkige Corona uf de Release gha het. De Josh verzellt vo sim tragische Unfall wo vom Babypuder usglöst worde isch und mir beantwortet no Frage us de Community. With One Word Spotify – With One Word WITH ONE WORD (@withoneword) • Instagram-Fotos und -Videos

Mir stelled eus hüt dfrag obs de Metal so wie mirs hüt kenned no lang wird geh und decked Missständ im Metal-Business uf! Usserdem het de Josh Problem mit sim Soloprojekt.

I dere folg gahts um Bands wo mir vermissed, wiil sie leider nüme existieret. En Titel isch eus nöd iigfalle. Sorry. Und au no es Sorry wegeme mögliche Hörschade. Sorry.