Episode 204 as on 9th June 2023

from Guru Shishya Sukhsamwad · host Saurabh Kapoor

Guru Shishya Sukhsamwad as on 9th June 2023सूर्याची उर्जा हे सृष्टीच्या कार्याचे कारण आहे हे वास्तव शास्त्रज्ञांनी शोधून काढले. पण सूर्याच्या उर्जेचे मूळ श्रीहरी आहे हे संत सत्पुरुषांनी जाणले. जीवामधील चैतन्याचे मूळही श्रीहरीच आहे. तत्वज्ञांनी सुध्दा श्रीहरी हेच सत्य आहे हे मान्य केले. पण तत्वज्ञांना तत्सत् आणि शास्त्रज्ञांना चैतन्या शोध लागूनही आनंदाचा अनुभव घेता आला नाही. ते सत् व चित यामध्येच अडकून पडले. सच्चिदानंदाचा अनुभव संत सत्पुरुषांनी घेतला. चिदानंदाचा निरपेक्ष अनुभव घेत असताना संत सत्पुरुष आनंदी वृत्तीने जीवन जगले व त्यांनी तो कार्याद्वारे प्रत्यक्ष कृतीत उतरवला. दत्तप्रभूंच्या कार्यात त्यांचा निरपेक्ष आनंद कार्यान्वित झाला. अगदी एकांतप्रिय ज्ञानदेवांच्या आनंदालाही सदगुरु निवृत्तिनाथांनी कार्यान्वित केले. कार्याच्या माध्यमातून त्यांनी प्रेमीजीवांना प्रेमरसाचे प्राशन करण्यास प्रेरित केले. कारण ते जाणून होते की या प्रेमरसाचे सेवन करता करताच जीवाच्या ठायी प्रेमरस निर्माण होऊन वहायला लागला की जीवालाही आनंदाचा अनुभव घेता येईल. आणि असा आनंद जेव्हा त्याचा स्थायीभाव होईल तेव्हा त्याला जय सच्चिदानंद ही अवस्था प्राप्त होईल. अर्थात ही खूप पुढची अवस्था झाली. तोपर्यंत तो प्रेमरस सातत्याने वहात रहावा म्हणून जय परमानंद , प्रिय परमानंद नामाचे पुरश्चरण नित्यनेमाने घडायला हवे. हरी ॐ तत्सत् परमानंद

NOW PLAYING