熒光塔 Fluorescence

環遊世界係好多人嘅夢想，但又有幾多人真係會去實現？Pakling 係一個自由嘅靈魂，總喺係旅途之中，但佢睇世界嘅方法有啲唔同，佢會以踩單車，甚至乎係用徒步嘅方式嚟看世界。其他人睇佢好似好正，好似成日都喺係旅途之中，但其實背後都放棄咗好多穩定同安穩嘅生活。世界上無一種生活方式係絕對正確，或者係絕對錯誤，每種生活方式都只係自己選擇去體驗，而背後失去嘅都有所不同，只要自己接受到就係對自己嚟講正確嘅選擇！願每個靈魂都可以搵到自己滿意嘅生活方式去體驗人生💚

人係咪一定要有夢想架呢？無夢想又得唔得呢？點樣先搵到自己條路？有啲人可能只係追求一啲好微細嘅事就已經好足夠，有啲人可能連自己想要啲咩都未知，未搞清楚，唔緊要，我相信每個想尋找自己嘅人，都一定要先經歷過迷失，先會搵到自己。我都係其中一個。容許自己迷失，容許自己跌碰，容許自己嘗試，容許自己經歷。尋找嘅過程可能需要時間，甚至乎好似好無關痛癢，但相信我，所有嘅經歷都會喺滋潤你嘅養份，無一刻係浪費，無一刻係白過。

由一開始就知道自己想行咩路，係幸運嘅；但要一路堅持落去唔放棄，係需要一份信念，係對自己嘅相信，仲要有一份執着。現實中可能會有好多嘢想打擊你，分你心，但當你堅持去行你被call嘅個條路，你嘅收獲一定係最豐盛嘅，你一定係最開心嘅。當你搵到個條自己想行嘅路，勇敢咁踏上去，其他嘅一切都已經阻礙唔到你，佢哋只會令你更堅定、更加確實呢條就係自己想行嘅路。當你追到夢個一下會點呢？你係會開心一下，然後就發現，我追到啦，跟住點呢？原來係要回歸返自己嘅初心，一開始做音樂係想分享，想連結人同人，而唔係追求一啲外在嘅嘢嘅時候，你就唔會迷失係呢個遊戲入面。願每個人都可以搵返自己嘅初心❤️

每個夢想都係從一粒微細嘅種子開始、灌溉、發芽、再茁壯成長。由初初只係玩Dram So，覺得好好玩好適合自己；到後來讀APA表演再做埋全職舞台劇演員，一切都係從興趣、一切都係由一粒小種子開始。世上無絕對嘅對與錯，一切都要試過先知道適唔適合自己；唔適合嘅嘢，宇宙會自己幫你篩走，只留下適合嘅嘢俾你。Sunday就係一個好好嘅例子，唔知得唔得，但試咗先，可能得呢！唔試，就一定唔會有你想要嘅結果。唔試，就唔會知道原來宇宙想將最好嘅結果俾你！

天使下凡，都要體驗人嘅經歷，都要經歷尋找自己，再活出自己嘅藍圖。尋找自己有好多方法，亦唔一定需要付出幾多金錢上幾多堂，自己一個係房都可以搵得到。原來當搵啱自己嘅道路，所有嘢都會水到渠成，一切都會順理成章，到時就唔會唔行屬於自己嘅路。願每個人都搵到屬於自己嘅路，並有勇氣與力量活出屬於自己嘅人生！

走在夢想的路途上，我們難免會有不在狀態的日子，允許自己會有這些時候，好好擁抱自己；亦別忘了，要好好多謝那位很重要的人！

就係憑住最初想試吓做嘅心，即使睇唔到條路可以行到幾遠，都唔係咁重要。只要真係想做，就勇敢去踏出第一步。就算當下睇唔清條路，可視範圍可能只有下一步嘅距離，咁就好好咁行好眼前嘅個一步，然後就會有下一步嘅出現；再好好咁行下一步，行行下就會發現，原來自己已經行咗咁遠，原來自己可以行到咁遠。有人話：「我地只需要20秒嘅瘋狂勇氣，去做一啲你想做但唔敢做嘅事，結果一定會有意想不到嘅驚喜出現」。如果人生只得一次，你會唔會去試吓做自己真心想做嘅事？

今集繼續講喺地球學校到生活～喺我哋身邊出現，而無任何互動嘅人，就好似遊戲入面嘅NPC咁，睇落好似無關痛癢，但原來佢哋每一個都對自己好重要！另外再探討一個比較深但好有趣嘅話題，就係究竟依家身邊嘅人佢哋嘅靈魂，係咪同我哋識佢嘅時候，仲係exactly同一個靈魂嚟呢？有興趣想討論嘅都可以留言，話俾我知你哋嘅意見，一齊討論下🙂

咩嘢為之生命嘅藝術家呢？原來好好咁活出自己，分享自己嘅光，每個人都可以喺生命之藝術家。唔需要等到自己財務自由先去做自己想做嘅嘢，有人無錢都可以去世界唔同嘅角落去見識同體驗。原來只要自己夠念，全宇宙都會助你一臂之力，去成全你，行你想行嘅路，過你想要過嘅人生。只要你相信。

今集承接住上一集，繼續講喺地球學校到生活～我哋咁難得嚟到地球，用人類嘅方式嚟體驗生命，當然要好好咁把握今次嘅機會， You Only Live Once 嘛！無論今世你喺做緊咩角色，你都只會用呢嗰角色嚟地球一次，用呢個角色喺地球生活一次，所以，如果你有啲咩想做嘅，就去體驗下、試下去做！因為唔會有下一次了，所以好好好好咁珍惜呢個機會，想做就去做，捉緊每一個當下，盡情去活出自己嘅角色啦！！！願每一個靈魂都搵到自己嘅道路，有勇氣咁活出自己，做自己嘅個一點熒光✨

今集我會講吓我哋依家身處緊嘅地方 - 地球。地球真係一所好好嘅學校！生活喺地球學校，呢度有好多唔同嘅限制同埋元素，正正就係因為地球學校有咁多嘅框架同限制，令佢成為宇宙中一個咁特別嘅地方，讓我哋靈魂可以嚟到呢度體驗同學習到好多喺其他地方同維度都體驗唔到嘅嘢。請好好珍惜每一個係地球學校生活嘅當下，因為呢嗰真係一份宇宙嘅禮物嚟！💚

今集喺第一集做訪問嘅Podcast，好開心可以邀請到一位現居泰國嘅靈媒朋友 - Jay，訪問下佢究竟點樣開始踏上呢條喚醒其他靈魂嘅使者之路。由一開始接觸靈性，之後發現原來自己喺要同其他維度嘅靈體打交道去幫助佢哋，點樣由恐懼然後一步一步發現原來呢嗰技能喺一份宇宙送俾佢嘅禮物；中間又經歷咗幾多嘅掙扎，又點樣去渡過，先行到依家嘅呢一步，走出嚟幫助身邊嘅人，去清理、去喚醒佢哋嘅靈魂，踏上佢哋自己嘅道路呢？

同大家第一次見面，今集會講下點解錄Podcast同埋Podcast名稱嘅由來。