Matmenn

Kjartan Vídó er viðmælandi númer 28 hjá Matmönnum. Kjartan er einn af stofnendum The Brothers Brewery í Vestmannaeyjum, sem er handverksbrugghús og ölstofa. Fyrirtækið var stofnað af Kjartani og vini hans, Jóhanni Guðmundssyni, árið 2012. Bræður þeirra, Hlynur Vídó og Davíð Guðmundsson, komu upphaflega inn í teymið og þar af leiðandi var nafnið The Brothers Brewery valið. Kjartan er yfir sölu- og markaðsmálum hjá brugghúsinu, en Jóhann er framkvæmdastjóri og Hlynur bruggari. Hannes Kristinn Eiriksson er einnig einn af eigendunum og er gæðastjóri fyrirtækisins. The Brothers Brewery hefur vaxið mikið frá því að vera lítið heima brugghús í bílskúr. Það opnaði sína eigin ölstofu árið 2017 og hefur síðan þá flutt í stærra húsnæði til að sinna aukinni eftirspurn. Kjartan hefur sterkar skoðanir, það kemur skemmtilega fram í þessu spjalli við hann.

Sigurður Gíslason er viðmælandi Matmanna að þessu sinni. Sigurður, eða Siggi Gísla eins og hann er oftast kallaður, er þaulreyndur matreiðslumaður og eigandi farsæla og vinsæla veitingastaðarins Gott í Vestmannaeyjum ásamt eiginkonu sinni, Berglindi Sigmarsdóttur. Hann er þekktur fyrir ​heilnæma matargerð, en þau hjónin hafa lagt mikla áherslu á að bjóða upp á hollan og heimatilbúinn mat. Allar sósur, súpur, pasta, brauð og kökur eru gerðar frá grunni á staðnum. Veitingastaðurinn Gott er þekktur fyrir að nota ferskan fisk sem er sóttur daglega á fiskmarkaðinn í Eyjum. Þessi áhersla á staðbundið hráefni hefur vakið mikla athygli. Gott er fjölskyldurekinn staður og persónuleg nálgun Sigga og Berglindar hefur gert hann afar vinsælan hjá bæði heimamönnum og ferðamönnum. ​Áberandi hluti af ferli hans Sigga var þátttaka hans í kokkalandsliði Íslands, sem er mikill heiður og vitnisburður um hæfileika hans og kunnáttu í matreiðslu. Þetta er reynsla sem hefur mótað nálgun hans á matargerð og gæðakröfur, en það sést vel á þeirri áherslu sem hann leggur á ferskleika og heimabúið hráefni á veitingastaðnum Gott. Þau hjónin hafa gefið út nokkrar metsölubækur, meðal annars "Heilsuréttir fjölskyldunnar" og "Nýir heilsuréttir". ​Í stuttu máli er Siggi Gísla einn af máttarstólpum íslenskrar matarmenningar í Vestmannaeyjum, með áherslu á svo kallað “comfort food”.. Allir sem leggja leið sína til Eyja ættu að stoppa við á Gott og njóta frábærrar þjónustu og matreiðslu sem pakkar manni inn í gott faðmlag af góðum mat.

Gísli Matthías Auðunsson er viðmælandi Matmanna að þessu sinni. Gísli Matt eins og hann er oftast kallaður er matreiðslumaður, athafnamaður og talsmaður íslenskrar matarmenningar. Hann er þekktastur fyrir að hafa stofnað og rekið veitingastaðinn Slippinn í Vestmannaeyjum ásamt fjölskyldu sinni, en staðurinn hefur notið mikilla vinsælda og hlotið alþjóðlega viðurkenningu fyrir nýstárlega matreiðslu sem byggir á hefðum og hráefni úr heimabyggð. Að auki hefur Gísli komið að ýmsum öðrum verkefnum eins og ​Skál í Hlemmi Mathöll, sá veitingastaður fékk viðurkenningu frá Michelin-leiðarvísinum. Eining rekur Gísli dótturstað Slippsins sem kallast Næs og fleiri veitingastaði í Vestmannaeyjum. Hann hefur líka gefið út bókina SLIPPURINN: Recipes and Stories from Iceland, sem kom út á heimsvísu í yfir 70 löndum. ​Gísli er þekktur fyrir að nota ferskt, staðbundið og sjálfbært hráefni og hefur vakið athygli fyrir skapandi nálgun sína á íslenska matargerð. Hann hefur einnig tjáð sig opinberlega um áskoranir í veitingarekstri á Íslandi. Matreiðsla varð snemma áhugi hans, hann var mjög ungur þegar hann byrjaði að elda og því lá leið hans í Menntaskólann í Kópavogi. Stór áfangi á ferli hans var opnun veitingarstaðarins Slippinn í Vestmannaeyjum árið 2012, en hann hefur eins og áður sagði, vakið gríðarlega athygli og viðurkenningu á alþjóðavettvangi. Það var í raun þar sem hann festi sig í sessi sem einn af athyglisverðustu matreiðslumönnum landsins.

Viðmælandi Matmanna að þessu sinni er Guðjón Þór Guðmundsson sem útskrifaðist árið 2001 sem matreiðslumaður, en hann lærði á Óðinsvé og í Viðey. Guðjón er matreiðslumeistari, viðskiptafræðingur, framkvæmdastjóri og eigandi fyrirtækis Núllarinn. Núllarinn er íslensk vefverslun sem sérhæfir sig í sölu á óáfengum drykkjum. Í versluninni er að finna fjölbreytt úrval af vörum, þar á meðal óáfenga bjóra eins og Núllarann sem er bruggaður af Bruggsmiðjunni Kalda. Einnig selur verslunin óáfeng vín frá framleiðendum eins og Lussory sem bjóða upp á hvítvín, rósavín, rauðvín og freyðivín, en þessi vín fara í gegnum viðkvæma og nákvæma ferla, án nokkurrar efnafræðilegrar meðhöndlunar. Það tryggir að allir góðir og heilsuvænlegir eiginleikar vínberjanna haldast óskertir. Hjá Núllaranum má einnig finna óáfengia kokteila og sterka drykki eins og gin, viskí og mezcal frá vörumerkjum eins og Monday, einnig nýju vörulínuna frá Mommos Botanicals sem hafa uppá að bjóða Amarette, Aperitive Bitter, Orange Spritz, London Gin og Limoncello svo eitthvað sé nefnt af því úrvali sem til er. Núllarinn.is leggur áherslu á að bjóða upp á vandað úrval fyrir þá sem vilja njóta góðra drykkja án áfengis, hvort sem það er í veislum, fyrir rólegar kvöldstundir eða sem heilbrigðari kost. Þar sem vörurnar eru ekki með áfengi þá getur hver sem er verslað sér þessar vörur á Núllarinn.is og fengið sent í næsta Dropp, eða pantað hjá Wolt nú eða á Heimkaup. Á heimasíðu Núllarans eru líka góðar uppskriftir af kokteilum og ýmis fróðleikur. Við mælum eindregið með að horfa líka á þennan þátt, þar sem kokteilþjónn frá fyrirtækinu Helvíti Gott hristir fram fallega og bragðmikla kokteila! Verði ykkur að góðu!

Matmenn koma hér sterkir inn og segja frá komandi uppákomum og plönum næstu mánuði. Davíð Hanssen og Bjartur Birkisson lýsa hér spenningi sínum yfir komandi viðburðum og skemmtilegar bransasögur slæðast með í þessu brosmilda spjalli þeirra. Hrist verður upp í þáttunum með nokkrum nýjungum á næstunni og gaman væri að fá að heyra í áheyrendum. Sendið endilega skilaboð á Matmenn Podcast á Facebook eða [email protected] ef þið lumið á góðri hugmynd um viðfangsefni eða getið bent á áhugaverðan viðmælanda. Stay tuned fyrir komandi þáttum.

Gestur 23. þáttar Matmanna er Yesmine Olsson en hún er matreiðslubókahöfundur, dansari, danshöfundur, einkaþjálfari og veitingamaður. Yesmine, sem er fædd á Srí Lanka en ólst upp í Svíþjóð, hefur búið á Íslandi í rúm 20 ár. Hún hefur haft mikinn áhuga á mat og matreiðslu frá unga aldri og hefur gefið út fjórar matreiðslubækur sem sumar hverjar hafa fengið alþjóðleg verðlaun. Yesmine hefur einnig haldið fjölda matreiðslunámskeiða, sett upp Bollywood-sýningar með söng og dansi, og verið gestakokkur hjá ýmsum fyrirtækjum. Hún hefur einnig verið með eigin matreiðsluþætti á RÚV. Hún er eigandi og hugmyndasmiður veitingastaðarins Funky Bhangra, sem opnaði í Pósthús Mathöll í Reykjavík haustið 2023 og svo Funky Bhangra Express í Gnoðarvogi 44 vorið 2025. Maturinn á staðnum er blanda af indverskum kryddum og skandinavískum hefðum.

Erlendur Eiríksson er fjölhæfur maður og með margþættan feril, en Davíð og Bjartur fengu Erlend til sín í heimsókn í 22. þátt Matmanna, þar sem hann mætti með smakk af einstaklega góðum grænkeraostum. Erlendur er faglærður matreiðslumeistari, flugmaður, leikari og með meistaragráðu í lögfræði svo eitthvað sé upp talið. Hann lærði kokkinn á Lækjarbrekku árin 1992 til 1995, og hefur unnið á fjölda veitingahúsa, bæði sem stjórnandi og matreiðslumaður. Hann hefur einnig komið að leiksýningum, kvikmyndum, sjónvarpi og útvarpi sem leikari. Elli eins og hann er oftast kallaður, stofnaði fyrirtækið Livefood árið 2019 í þeim tilgangi að gera grænkera ostagerð. Fyrstu frumframleiðslu grænkeraostarnir fóru í sölu árið 2023 hér á landi, en Garri hefur verið að halda utan um sölu og dreifingu á þessum vörum og er verið að selja vörurnar í stóreldhús um land allt. Stefnan er sett á erlendan markað líka og ef öll plön ganga eftir mun það eiga sér stað árið 2026. Þessar frábæru vörur eru líka seldar í smásölu í Nándinni í Hafnarfirði, Sólskinsbúðinni á Flúðum, hjá Almari Bakara, Made in Iceland á Selfossi og í Kolaportinu. Elli sem er fæddur 22. febrúar 1970 segir hér á skemmtilegan hátt frá lífi sínu og fyrirtækinu Livefood sem er staðsett í Hveragerði.

Jón Örn Stefánsson sem er þekktur matreiðslumeistari og eigandi Kjötkompaní mætir hér til leiks í 21. þátt Matmanna. Jón er fæddur á Ísafirði 28. apríl 1965 og flutti snemma til Hafnarfjarðar. Hann stofnaði Kjötkompaní í september 2009 og rekur nú þrjár verslanir (í Dalshrauni í Hafnarfirði, á Grandagarði og á Bíldshöfða) og einnig (kjötvinnslu og stóreldhús). Kjötkompaní er sælkeraverslun sem sérhæfir sig í kjöti og hefur fyrirtækið lagt áherslu á að bjóða upp á vel valið og fullmeirnað gæðakjöt. Nautakjöt til dæmis er ekki selt fyrr en það hefur hangið í að minnsta kosti 25 daga. Auk kjötsins býður Kjötkompaní upp á forrétti, meðlæti og eftirrétti, sem gerir viðskiptavinum kleift að fá allt sem þarf fyrir veislur með litlum fyrirvara. Jón Örn hefur oft komið fram í fjölmiðlum til að gefa góð ráð um matreiðslu, sérstaklega þegar kemur að kjöti og grillmat. Hann leggur mikla áherslu á gæði hráefnis og vönduð vinnubrögð, hann hefur meðal annars gefið út matreiðslubækur, t.d. bókina Hátíðarveisla og kemur með skemmtilegar uppskriftir og ráðleggingar um matreiðslu í fjölmiðlum.

Valdís Ósk Margrétardóttir er tuttugasti viðmælandi Matmanna. Valdís er þriggja barna móðir og afskaplega skemmtileg, hún er faglærður framreiðslumaður og hefur starfað sem slíkur í mörg ár. Hún hefur unnið sem þjónn á Fosshótel Reykjavík og Gamla Bíó sem dæmi, en í dag er hún eigandi og framkvæmdarstjóri fyrirtækisins Viðburðarþjónar, en þar eru 70 manns á skrá og er fyrirtækið í sífelldum vexti. Viðburðarþjónar taka að sér ýmsa smærri og stærri viðburði, s.s. fermingar, útskriftir, brúðkaup, Þorrablót, árshátíðir og villibráða- og jólahlaðborð.  Ef þig vantar þjóna í veisluna þína þá mælum við með að hafa samband við þau í gegnum www.vidburdathjonar.is, þarna eru fagmenn að verki. Við mælum með að hlusta á spjall okkar við Valdísi þar sem við fræðumst um störf þjóna og heyrum áhugaverðar sögur af þeim.

Kristinn Bjarnason er nítjándi viðmælandi okkar Matmanna, en hann er tveggja barna faðir og einn af eigendum North West Restaurant & Guesthouse  í  Víðigerði, þar sem hann og fjölskyldan hafa verið iðin við að byggja upp starfsemina undanfarinn 14 ár. Víðigerði er staðsett við Þjóðveg 1 í Víðidal í Húnaþingi vestra  og hefur uppgangur staðarins kostað bókstaflega blóð,svita og tár. Þau vildu frá upphafi leggja áherslu á að bjóða góðan gæða mat og ekki að fara í einhvers konar samkeppni við vegasjoppur, en hjá þeim er hægt að fá t.d. steik, fisk og borgara. Kristinn tók grunn deildina í matreiðslu en kláraði hana ekki, hann fór svo að læra hárgreiðslu og vill hafa starfsfólkið hárprútt í kringum sig. Kristinn býr í Mosfellsbæ og hefur verið dálítið strembið að halda úti þessu ferðalagi á milli landshluta með rekstur fyrir norðan og búsetu fyrir sunnan. Orðsporið sem að Víðigerði hefur í dag er alveg með ólíkindum, þar sem æ fleiri velja að stoppa þar við á leið sinni og fá sér góðan mat. Nú, svo ekki  sé minnst á sveita fólkið í nágrenninu, sem er alsælt með þennan valmöguleika í mat og drykk.  

Arthur Pétursson matreiðslumeistari,  yfirkokkur á Hard Rock Cafe Reykjavík og skáti í húð og hár er átjándi viðmælandi Matmanna. Arthur eða Túri eins og hann er betur þekktur,  var yfirkokkur á stærsta Hard Rock stað í heimi sem staðsettur er í Orlando á Flórída. Sá staður tekur 1.040 manns í sæti og er sölumetið þar hvorki meira né minna en 11.800 máltíðir á einum degi.  Áður en haldið var til Bandaríkjanna  hafði hann starfað í fimm ár á gamla Hard Rock Cafe í Kringlunni, en Túri hóf störf þar árið 1989 sem var upphafið af skemmtilegum tíma í hans lífi og einnig botnlausri vinnu. Túri hefur ferðast um allan heim til að aðstoða við opnanir á yfir 20 Hard Rock stöðum um víða veröld. Í þessum þætti fáum við að hnýsast aðeins bakvið tjöldin og heyra af ævintýralegum atvikum sem margir hefðu ekkert á móti að upplifa. Sem dæmi er Shaquille O‘Neal algjör prakkari sem fær Túra af og til heim til sín að elda fyrir sig og vini sína, þar á meðal Adam Sandler, þar sem þeir fela áhöldin fyrir Túra svo hann geti ekki eldað og reka á eftir honum í gríni. Hér er bráðskemmtilegur þáttur á ferð sem engin ætti að láta framhjá sér fara.

Viðmælendur okkar í þessum sautjánda þætti Matmanna, eru hjónin Jóna Sigríður Gunnarsdóttir hjúkrunarfræðingur og Guðmundur Magnús Níelsen garðyrkjumaður. Jóna er frá Vopnafirði þar sem hún ólst upp við bakstur í hópi kvennfélagskvenna og nýtir sér reynslu sína þaðan í fyrirtækinu sínu í dag sem ber heitið Rósakaffi og er í Hveragerði. Rósakaffi býður upp á kökuhlaðborð alla sunnudaga milli kl.14-17 en þar eru á borðum  ca. 17-20 tegundir af kökum á sanníslensku kökuhlaðborði. Á Rósakaffi er heimilislegt yfirbragð, en þar er á ferð  fjölskyldurekið fyrirtæki þar sem hlýlega er tekið á móti manni. Guðmundur, eiginmaður Jónu, er frá Hveragerði og er hann venjulega á hlaupum til að halda öllu fínu í salnum og passa upp á að fylla á kökuhlaðborðið með góðri hjálp frá tveimur börnum þeirra. Á hverjum sunnudegi koma 250+ manns til að gæða sér á góðgætinu hennar Jónu svo það er nóg að gera. Þau hafa verið gift frá því 2006 og tóku við fyrirtækinu árið 2019, sem var áður rósaræktun í garðskálanum. Þau eru með opið alla virka daga í hádeginu, þar sem hægt er að fá heimilismat af hlaðborði og panta sér af grillinu ef svo ber undir. Við mælum með að skella sér í bíltúr og smakka hjá þeim kræsingarnar.

Villi meistara kokkur er sextándi viðmælandi Matmanna að þessu sinni, en skírnarnafn hans er Vilhjálmur Sveinn Guðmundsson frá Reykjavík. Ferillinn hans byrjaði sem sextán ára piltur á Einar Ben í miðbæ Reykjavíkur þar sem hann hóf samning sinn í matreiðslu til tveggja ára og kláraði svo seinni tvö árin á Hilton Hótel. Villi útskrifaðist með sveinsbréfið árið 2012 og fór svo að starfa á stöðum á borð við Grillmarkaðinn, Sjávargrillið og Grand Hótel Reykjavík. Hann fékk svo meistarabréfið sitt árið 2024, og hefur starfað sem yfirkokkur hjá Finnson Bristro í Kringlunni og einnig hjá Hótel Natúra (gamla hótel loftleiðir). Í þessum skemmtilega spjall þætti er farið aðeins yfir eldhús málin og hvaða mat menn myndu vilja sem sýna síðustu death row máltíð í lífinu, áhugaverðar pælingar hér á ferð.

Sigmar Vilhjálmsson, oftast kallaður Simmi Vill er fimmtándi viðmælandi Matmanna. Hann er mikill frumkvöðull, hefur skemmtilega sköpunargáfu og nóg af skoðunum á flestum málum. Simmi hefur verið iðinn við frumkvöðlastörf árum saman, eða allt frá því hann lauk skólagöngu sinni við Menntaskólann á Egilsstöðum. Í dag fæst hann við fyrirtækin Eldum gott, Mamma Mía, Kjötborðið, Brauðfélagið og Mínigarðinn, en það sem kom honum á kortið í veitingabransanum voru fyrirtækin sem hann hefur stofnað eins og Íslenska Hamborgarafabrikkan, Keiluhöllin, Shake & Pizza og fleiri slík. Simmi hefur einnig starfað hjá 365 miðlum, Landsbankanum, Hlöllabátum, Stórveldinu, Lava, Miklagarði og Bankanum svo eitthvað sé nefnt. Farið er um víðan völl í þessum þætti Matmanna, sem endaði í aðeins lengra lagi en vanalega hjá okkur. Í honum bendir Simmi okkur m.a. á að prófa lakkrís vængina í Mínigarðinum, sem gætu verið að fara af matseðlinum bráðlega. Honum fannst líka hlaðvarpskakan góð!

Ólöf Ólafsdóttir konditor er fjórtándi viðmælandi Matmanna. Ólöf lærði á sínum tíma hjá Hafliða Ragnarssyni í Mosfellsbakarí og eftir það fór hún að læra konditorinn hjá ZBC Zeland Business College í Danmörku. Ólöf var hluti af kokkalandsliðinu 2024 sem vann til glæsilegra verðlauna á Ólympíuleikunum (gull í Chef's Table, gull í Restaurant of Nations og þriðja sætið All Over). Þessi kraftakona var þó hvergi nærri hætt, heldur hristi svo fram úr erminni eitt stykki eftirréttabók sem ber nafnið Ómótstæðilegir Eftirréttir. Bókin er hin glæsilegasta og eitthvað sem allir nautnaseggir og matgæðingar ættu að eiga. Ólöf hefur verið í fremsta flokki í veitingabransanum í eftirréttagerð á stöðum eins og t.d. Apótekinu og Monkey‘s þar sem hún sá um þróun eftirrétta og á stórt hrós skilið fyrir frábæran afrakstur. Við mælum með að þið hlustið á þennan skemmtilega og áhugaverða þátt.

Áslaug Ragnarsdóttir Thorarensen er þrettándi viðmælandi okkar Matmanna. Hún lærði heimspeki í Oslóarháskóla, og er einnig uppeldis-og menntunarfræðingur frá Háskóla Íslands. Til að fjölga skírteinunum aðeins meira, fór hún líka í Make up og Beauty skólann í Reykjavík þaðan sem hún útskrifaðist sem förðunarfræðingur. Áslaug er eigandi og framkvæmdastjóri fiskvinnslunnar Djúpið sem staðsett og starfrækt er að Fiskislóð 28 úti á Granda. Þar er unnið með gamla íslenska handbragðinu sem Áslaug telur mikilvægt að varðveita og er allur fiskur handflakaður á staðnum. Handtökin lærði hún af gömlum sjómönnum á sínum tíma og hefur síðan þá haldið ótrauð áfram. Mjög áhugaverður viðmælandi sem kallar ekki allt ömmu sína!

Í tólfta þætti Matmanna fengum við Adam Karl Helgason í skemmtilegt spjall.  Adam sem  er mikill matgæðingur, er best þekktur fyrir TikTok klippurnar sínar um mat og veitingastaði.  Hann vinnur að frumkvöðlastarfi í fyrirtæki sem hann er meðeigandi að og ræðir meðal annars við okkur um það og  það hvernig honum tókst að verða sá áhrifavaldur sem hann er orðinn í dag. Honum Adam er margt til lista lagt og fannst okkur mjög fróðlegt að heyra um sveppaframleiðsluna og bætiefnaútrásina sem er eitt af þeim verkefnum sem hann hefur verið að undirbúa seinustu 4 árin og er nú orðið að veruleika. Bætiefnið sem um ræðir er hágæðavara sem m.a.  læknar taugafrumur í líkamanum, bætir einbeitingu og vinnur á kvíða en  fyrirtækið heitir North Tropics.

Gabríel  Kristinn Bjarnason er nýkrýndur kokkur ársins 2025 og er ellefti viðmælandi  MatManna. Gabríel hefur verið iðinn við kokkakeppnir hérlendis og erlendis frá unga aldri, hann er einnig í kokkalandsliðinu og hefur gríðarlegan metnað til að komast í gullið í næstu heimsmeistara keppni. Í dag starfar hann hjá fyrirtækinu Fastus sem sölumaður, en Gabríel lærði á Geira Smart Restaurant. Að undanförnu hefur hann haldið úti TikTok síðu um matseld í anda Jamie Oliver, en mottóið hjá okkar manni er að ef maður er ekki í fyrsta sæti þá er maður í því seinasta.

Sigurður Haraldsson er marg verðlaunaður kjötiðnaðarmeistari og einn af lífseigustu mönnum bransans, hann er tíundi viðmælandi Matmanna og hefur frá mörgu að segja. Siggi, eins og hann er gjarnan kallaður,rekur og á kjötvinsluna Kjötpól og einnig kjötbúðina Pylsumeistarann við Laugarlæk í Reykjavík, þar sem áhersla er lögð á gæðavörur og handverk í fremstu röð.  Siggi hefur unnið til tuga verðlauna fyrir vörurnar sem hann hefur til sölu í búðinni sinni (Pylsumeistarinn), þeir sem hafa komið við í búðinni hans vita að veggirnir þar eru fullir af viðurkenningum, medalíum og bikurum. Hann hefur starfað  í kjötbransanum lengur en flestir og hefur séð ýmislegt breytast í gegnum tíðina. Í þættinum rekur hann sögu sína í smáatriðum, segir frá skemmtilegum atvikum og kúnstinni að reka kjötbúð í dag. Siggi er sannkallaður meistari í sínu fagi og lifandi sagnagripur íslensks kjötiðnaðar.

Ingibergur Sigurðsson er bakari og Íslandsmeistari í glímu, hann er níundi viðmælandi Matmanna og hefur frá ýmsu að segja. Beggi eins og hann er oftast kallaður, rekur og á Reykjavík Bakarí  sem er heildsölu og framleiðslu bakarívinnsla. Þar er bakað fyrir veisluþjónustu fyrirtæki og bakarí. Beggi hefur starfað á Grand Hótel Reykjavík í tæplega 9 ára og sá um allan bakstur í því bakarí, einnig sá hann meðal annars um rekstur tveggja annara bakarí hér í Reykjavík. Svo er hann líka fyrverandi Íslands meistari í glímu 14 ár í röð og hefur einnig sjö sinnum unnið Grettisbeltið eftirsótta, sem glímukóngur Íslands í þeirri íþrótt.

Jón Gísli Jónsson er viðmælandi Matmanna í þessum áttunda þætti okkar.  Hann er faglærður kjötiðnaðarmaður og  vinnur í dag sem verslunarstjóri hjá Kjötkompaní á Höfða.  Hann er einnig landsliðs fyrirliði í kjötiðn en liðið er nýbúið að keppa í heimsmeistara kennini í París í þeirri grein.  Jón Gísli útskrifaðist frá Menntaskóla Kópavogs árið 2015. Í dag heldur hann úti instagram síðunni @theicelandicbutcher þar sem má sjá mikið af allskyns fróðleik um kjöt og meðhöndlun þess. 

Heiðrún Mjöll Jóhannesdóttir er viðmælandi Matmanna í þessum sjöunda þætti okkar.  Hún er faglærður framreiðslumaður og/eða þjónn eins og svo oft er sagt. Hún hefur lokið WSET 3 (Wine & Spirit Education Trust) og hefur margra ára reynslu í veitingageiranum. Í dag rekur hún, ásamt vinkonu sinni Brynhildi, fyrirtækið Vínvísar (vinvisar.is) þar sem þær mæta með vínsmökkun til fólks og fræða þátttakendur um vín á sama tíma og smakkað er. Heiðrún er einnig framkvæmdarstjóri Port 9 bar í miðbæ Reykjavíkur sem staðsettur er við Veghúsastíg 9. Hún Heiðrún bjó um tíma í Nicaragua þar sem hún lærði að vinna með romm sem framleitt er þar og þykir ótrúlega gott á heimsvísu. Hjá Heiðrúnu fræðumst við heilmikið um vín og vínframleiðslu, en hvaða vín ætli parist best með pylsum? 

Gestur Matmanna að þessu sinni er hin margverðlaunaði matreiðslumeistari Snædís Xyza Mae Jónsdóttir, sem er nýtekin við sem yfirmatreiðslumaður á Fröken Reykjavík Kitchen og Bar. Hún er einnig þjálfari íslenska landsliðsins í matreiðslu. Snædís er sú yngsta sem hefur hlotið Cordon bleu orðu hjá Klúbbi matreiðslumeistara á Íslandi. Hún er í raun svakaleg afrekskona sem hefur mikinn keppnisferil að baki og fræðumst við meðal annars aðeins um það í þessum þætti.

Jóhann Gunnar Arnarson sem kemur frá Akureyri er viðmælandi Matmanna. Í þessum þætti er farið yfir, hvað í ósköpunum butler gerir? Hann Jóhann útskrifaðist úr brytaskólanum „The International Butler Academy“ í Hollandi, sem sér hirðum konungsfjölskyldna í Hollandi, Jórdaníu og Sádi-Arabíu fyrir butler, ásamt því að reka öfluga ráðningarþjónustu.„Skólinn er rekinn í suðurhluta Hollands, rétt hjá Maastricht, en hann er þar í gömlu munkaklaustri, sem er aðeins 7.500 fermetrar að stærð, en þar er jafnframt heimili eigandans. Þessi áhugaverði maður er einnig fyrrum danskennari, og dómari í vinsælu sjónvarps þáttunum Allir Geta Dansað. Ferillinn hjá viðmælanda matmanna er skemmtilegur að því leitinu til, að hann vann á Bessastöðum sem ráðsmaður og staðarhaldari á tíma Ólafs forseta og leysti einnig töluvert af þegar Guðni var við völd.  Vann hann einnig sem briti hjá landhelgisgæslunni, en í dag rekur hann og eiginkona hans Kristín Ólafsdóttir veiðihús við Selá í Vopnafirði og einnig veiðihúsið við Hofsá. Þessi þáttur er mjög áhugaverður að því leitinu til, að þarna skignumst við inn í líf og störf butler og hvað felst í því.

Gestur Matmanna er að þessu sinni Emil Hallfreðsson fyrrverandi landsliðsmaður í fótbolta og einn af eigendum Olifa. Hér er rætt um líf Emils á Ítalíu og vörurnar sem hann flytur inn til landsins. Spurningin er, hefur Emil lent í ítölsku mafíunni og hver er uppáhalds maturinn hans, kanski Bjúga?

Dóra Svavarsdóttir er formaður Slow Food Iceland einnig er hún menntaður landvörður og matreiðslumeistari svo er hún líka kennari í Hótel og Matvælaskóla Kópavogs.Dóra hefur rekið sinn eigin veitinarstað og veisluþjónustu culina  og heldur reglulega matreiðslunámskeið fyrir hópa og einstaklinga, í samstarfi við fagfélög, stéttarfélög, Vakanda, Landvernd og Kvennfélagasamband Íslands. „Eldað úr öllu“ er markmið til að minnka matarsóun, og hefur hún farið fyrir Íslands hönd á Terra Madre á vegum Slow Food Iceland samtakana.

Gestur Matmanna í dag er Ívar Örn Hansen einnig þekktur sem Helvítis Kokkurinn. Ívar kom með eldpiparsulturnar sínar og tók Bjart í sultu útgáfuna af "Hot ones". Umræðurnar fóru út um víðan völl allt frá ferðalaginu hans í sjónvarpið til stóru spurningarinnar er pulsa samloka?

Þórir er tvöfaldur forseti. Hann er forseti Klúbbs Matreiðslumeistara, ásamt því að vera forseti Nordic Chefs Association.