#10 Skautafélag Akureyrar, Hamrarnir og Hafdís Sigurðardóttir frjálsíþróttakona

Jón Benedikt Gíslason og Björn Már Jakobsson frá Skautafélagi Akureyrar, Rakel Óla og Björk Nóa frá Hömrunum og Hafdís Sigurðardóttir frjálsíþróttakona eru gestir Skúla Braga í þessum þætti af Taktíkinni. Skautafélag Akureyrar, Víkingarnir, fóru í Evrópukeppni og gerðu sér lítið fyrir og unnu alla þrjá leikina sína! Kvennalið Hamranna var stofnað árið 2014 með það fyrir augum að vera til staðar fyrir þær stelpur sem vildu spila fótbolta en höfðu ekki alveg tíma í vinnuframlagið sem Þór/KA fer fram á. Björk og Rakel voru í þeim hópi og tóku af skarið og stofnuðu bara nýtt lið. Nú er komið á öflugt samstarf milli Þórs/KA og Hamranna og kvennafótboltinn á Akureyri nýtur góðs af. Hvernig er að vera afreksíþróttakona sem tekur sér pásu til að eignast barn? "Mér finnst það hafa gert mig sterkari. Bæði líkamlega og andlega,“ sagði Hafdís Sigurðardóttir frjálsíþróttakona m.a. í þættinum.