18 Jul 2012

Twee groot stemme uit die Afrikaanse en Nederlandse literêre geledere het stil geword – dié van Gerrit Komrij en PH Nortjé. Anke Marais (14jr) van Kaapsche Hoop vertel hoekom sy so baie hou van The Hunger Games, ‘n trilogie van jeugboeke wat al weke op die beste verkooplys is. ‘n Gesprek met Willie Burger oor die literatuur en hoe stories inmekaar steek – hierdie keer oor openingsinne. Terrance April vertel meer oor die skrywer Wole Soyinka. In die laaste gedeelte van die program gesels die bekende letterkundige Joan Hambidge met die skrywer André le Roux. Hy is digter, romanskrywer, rubriekskrywer en ‘n eerlike op-die-man-af-verteller. ‘n Onlangse gedig wat op die internet verskyn het, word ook voorgelees.