#23 洛杉磯閣樓情人謀殺案 The Lover in the Attic

如果天花板傳來微弱嘅腳步聲，你以為係老鼠，定係……一個人？1922年，洛杉磯富商喺豪宅中槍身亡，妻子被反鎖衣櫃。看似普通劫殺案，但真相極度瘋狂：女主人竟然喺丈夫頭頂嘅閣樓，秘密圈養咗個少男情夫整整十年！人物列表：Dolly Oesterreich -本案女主角。一位充滿魅力、生活奢華嘅上流社會闊太。表面上擁有令人羨慕嘅人生，但喺大屋嘅四面牆內，卻藏住一顆極度空虛、渴望被狂熱愛慕嘅心。Fred Oesterreich -Dolly 嘅丈夫。白手興家嘅紡織廠富商，典型嘅工作狂。為人嚴肅、經常飲酒應酬，對妻子嘅心理需求近乎一無所知。Otto Sanhuber -只有 17 歲嘅工廠維修小學徒。性格內向、未見過世面，因為一次上門修理衣車嘅機會，對高高在上嘅老闆娘產生咗無可救藥嘅迷戀。Roy Klumb -荷里活電影製片人。Dolly 一家搬到洛杉磯後，喺社交圈結識嘅親密男伴。Herman Shapiro -Dolly 嘅私人代表律師。專門幫佢處理各種大大小小嘅事務，係 Dolly 極度信任嘅身邊人。