PODCAST · true crime
未完的案件Ks
by 廣東話podcast by Ks
《未完的案件》「未完」嘅定義可以好廣泛，可以係多年未被偵破嘅懸案；可以係進入咗司法程序，仍在審理嘅案件；甚至係已經發生咗，只係我哋亦都錯過咗嘅一啲真實故事。-不定時更新。-內容涉及敏感題材，未成年者需由家長陪同收聽。
Episodes
-
#63 新潟少女監禁事件 Nine-year Niigata confinement case [RAW版]
[RAW版 -無音樂 -無音效 -最純粹人聲版本] 九歲女仔放學行返屋企，明明得十分鐘路程，但竟然行咗足足九年。喺距離警崗得二百米嘅二樓密室，究竟收埋咗咩秘密？ 點解樓下個阿媽日日煮飯，三千幾日都無發現異常？ 今集一齊睇吓呢單震驚全日本嘅拐帶奇案。 人物列表： 佐野房子 -新潟三条市小學四年級女仔 本案失蹤主角，放學行返屋企途中無故人間蒸發。 佐藤宣行 -柏崎市無業男子，廿八歲 行為孤僻古怪，長年匿喺屋企二樓，性格陰晴不定。 佐藤媽媽 -嫌疑人母親，七十幾歲 長年住喺屋企地下一層，日常負責煮飯打理家務。 房子父母 -九年間四處奔波派單張，一直未有放棄過搵返個女。 三条市搜查本部...
-
#62 王若柏豪宅神秘遇害案 The Murder of Robert Eric Wone [RAW版][🐣版]
[RAW版 -無音樂 -無音效 -最純粹人聲版本] 上門借宿短短 79 分鐘，點解會變成一場冇人認罪嘅完美謀殺？大宅入面四個人，死者身中三刀，現場竟然乾淨到連掙扎痕跡都搵唔到。同屋三位精英口供一致，築起一道無人穿透到嘅沉默高牆。 究竟嗰晚，門後面發生過咩事？ 人物列表： Robert Wone -32 歲華裔律師，名校出身、前途無限嘅法律精英 。 Joe Price -華盛頓知名合夥人律師，人脈極廣，死者多年大學死黨 。 Victor Zaborsky -行銷總監，Joe 嘅長期伴侶，性格相對低調情緒化 。 Dylan Ward -前法學院學生、按摩治療師，三位同居伴侶中年紀最細 。...
-
#61 白禮頓雙重行李篋藏屍案 Brighton Trunk Murders [RAW版][🐣版]
[RAW版 -無音樂 -無音效 -最純粹人聲版本] 火車站行李寄存處傳出陣陣異味，撬開個篋，竟然係一具冇頭無名嘅女屍；全城大搜查之際，警察敲開一間出租屋，床尾竟赫然放住「第二個」裝住屍體嘅大篋。 同一個海濱小鎮、兩個恐怖皮篋、兩段完全唔同嘅命運。一個兇手笑住走出法庭，另一具女屍至今身份成謎——當年夏天，究竟白禮頓收埋咗啲咩見唔得光嘅秘密？ 人物列表： The Girl with the Pretty Feet -火車站篋案嘅第一位受害人，身份成謎，唯一線索係一對保養得極好嘅雙腳。 Violette Kaye -前倫敦舞台歌舞演員，後嚟搬到白禮頓生活，性情敏感，突然離奇人間蒸發。 Tony...
-
#60 萬聖節兔女郎人間蒸發案 The Disappearance of Cindy Song [RAW版][🐣版]
[RAW版 -無音樂 -無音效 -最純粹人聲版本] 2001年萬聖夜，女大學生 Cindy 著住兔女郎裝狂歡到清晨，安全返到屋企門口。洗手間留低卸好嘅假眼睫毛，手機靜靜放喺背囊——但佢同套兔女郎裝，就咁人間蒸發。 屋入面冇打鬥痕跡，人究竟去咗邊？ 當門閂埋嗰一刻，等待佢嘅唔係安睡，而係一場二十幾年未解嘅惡夢。 人物列表： Cindy Song (Hyun Jong Song) -今集主角。Penn State 大學四年級女學生，主修綜合藝術，差幾個月就畢業。萬聖夜同朋友去完 party 之後離奇失蹤。 Stacy Paik & Lisa Kim -Cindy...
-
#59 英國精神病院與沉默孖生女 The Silent Twins [RAW版]
[RAW版 -無音樂 -無音效 -最純粹人聲版本] 國犯罪史上最邪門嘅「沉默孖生女」，立誓唔同全世界講嘢，唯獨喺密室入面瘋狂寫小說。被困高牆十一年，佢哋竟然立下血色契約：「我哋兩個，只能活一個。」就喺重獲自由嗰一日，細妹離奇猝死，家姐奇蹟開口…… 究竟係命運嘅解脫，抑或一場無形嘅獻祭？ 人物列表： June Gibbons -孖生姊妹入面嘅家姐，同細妹差十分鐘出世。自細對住所有外人徹底保持緘默，唯獨關埋房門之後，會將所有思緒同創作力瘋狂宣洩喺日記同小說入面。 Jennifer Gibbons...
-
#58 印度豪門母女變姊妹命案 The Sheena Bora Murder Case
全家福入面企最開嘅「妹妹」，原來係佢親生女？ 2012年孟買，年輕女子希娜登上生母架私家車後離奇人間蒸發。三年後司機落網，荒山焦屍同豪門謊言先至被逐層撕開。 當母親親手抹殺骨肉，法庭至今未有終局——到底嗰個晏晝，車廂入面發生咗咩事？ 人物列表： Sheena Bora -23 歲地鐵公司人事部職員。喺孟買上流社交圈一直被介紹做 Indrani 嘅「妹妹」，但真實身世藏住一個極大秘密；2012 年 4 月突然音訊全無。 Indrani Mukerjea -印度傳媒界極具影響力嘅名媛女強人。對外長年維持單身無仔女嘅光鮮形象，背後卻擁有幾段極其複雜嘅感情史同刻意隱瞞嘅過去。 Mikhail...
-
#57 愛爾蘭海灘最完美臨終計畫 The Peter Bergmann Mystery
一個優雅嘅神秘老人帶住假名走入愛爾蘭小鎮 。三日內十三次避開全鎮天眼，逐件剪走衣服標籤、徹底抹乾淨一生痕跡，最後平靜伏屍海灘 。現場冇兇手、冇打鬥，全歐洲竟查無此人 。佢究竟係邊個？一場教科書級嘅精密人間蒸發 。人物列表： Peter Bergmann -全案核心神秘人；操流利德語口音英文、舉止儒雅斯文，自稱嚟自維也納嘅長者 。 Arthur & Brian Kinsella -一對晨跑嘅本地父子，喺愛爾蘭 Rosses Point 海灘晨練時嘅第一目擊者 。 Gerard Higgins -Sligo 本地的士司機，曾接載該神秘男子前往海灘一帶 。 Dr. Valerie…
more -
#56 倫敦街頭雨傘謀殺案 The Assassination of Georgi Markov
1978 年倫敦滑鐵盧橋，人潮入面一下微痛、一句「Sorry」，以為只係畀把遮篤親？點知四日之內，一個大隻作家離奇器官衰竭斃命。法醫喺佢大腿肉夾出粒比芝麻仲細嘅金屬珠，背後到底牽涉邊個國家級情報暗殺？呢把遮真係兇器，定係一場玩足四十年嘅世紀障眼法？ 人物列表： Georgi Markov -49 歲流亡作家兼 BBC 記者，喺倫敦街頭遇上離奇「碰撞」後，陷入難以解釋嘅極速生理崩潰。 The Umbrella Man -滑鐵盧橋上留整齊鬚、著長風褸嘅神秘男人，留低一句「Sorry」之後即刻搭的士消失喺車流入面。 Annabel Markov -Georgi...
-
#55 尚斯維爾異獸大屠殺 The Zanesville Animal Massacre
如果有一日你望出窗，見到隻幾百磅非洲公獅同你四目交接，你以為係幻覺？2011年雨夜，美國小鎮突然湧出50隻猛獸，農場主吞槍身亡，屍體更被白虎撕咬。到底係絕望自殺，定係一場拉全鎮陪葬嘅瘋狂血祭？ 人物列表： Terry Thompson -佔地 73 英畝私人農場嘅主人，越戰退伍老兵兼重型機械專家，一生狂熱收集極度危險嘅嘢。 Marian Thompson -Terry 嘅妻子，陪伴佢多年打理農場，喺事發前夕選擇離開。 Dolores Kopchak -住在農場隔籬嘅 84 歲老婦人，案發當日最先打 911 報案嘅關鍵鄰居。 Jonathan Merry...
-
#54 香港8月連環狗隻襲擊事件 The August Dog Attacks
短短五日，全港連環爆發巨犬失控襲擊。由新界貨倉、鬧市商場到豪宅區，家貓被圍剿、小狗當街撕碎，最終更演變成三十年未見嘅奪命慘劇！究竟平日「好乖」嘅毛孩點解會瞬間化身猛獸？係致命巧合，定係一早埋下嘅制度黑洞？ 人物列表： Jojo（黃祖兒） -33 歲，打鼓嶺「Pawsgate 毛界限」寵物酒店及訓練學院女負責人兼資深狗義工。 張先生 -「Pawsgate 毛界限」合夥人，案發當日透過閉路電視發現異樣並報警。 伍先生 -52 歲男狗主，涉案獒犬混種巨犬「拉里」的飼主。 外傭姐姐與單車男 -石澳村路衝突事件中的同行外傭與途經受傷單車手。 張女士...
-
#53 酸葡萄世紀假酒案 The Connoisseur Rudy Kurniawan
一個連半個葡萄園都冇嘅神秘青年，憑神級味蕾橫掃紐約頂級拍賣會，連億萬富豪都爭住奉佢為神。直至一張從未存在過嘅名莊酒標曝光，FBI 破門而入，先揭開廚房洗碗盆入面，那個捲走過億嘅世紀謊言…… 你飲緊嘅，到底係傳奇，定係純粹嘅自負？ 人物列表： Rudy Kurniawan -橫空出世嘅年輕收藏家，外號「Dr. Conti」，憑神級味蕾同豪爽出手迅速打入頂級名酒圈。 John Kapon -老牌拍賣行 Acker Merrall & Condit 掌門人，將傳統名酒拍賣打造成名流雲集嘅狂熱競價場。 Laurent Ponsot -法國傳奇酒莊 Domaine Ponsot...
-
#52 整形醫生大西洋上空棄屍案 The Murder of Gail Katz
無兇器、無血跡，甚至連屍體都搵唔返——1985年曼克頓，前途無量嘅外科醫生老婆人間蒸發。一本被塗改嘅飛行日誌、一趟飛往大西洋嘅神秘航程，同埋三十五年後監獄入面令人心寒嘅自白。到底佢點樣喺兩萬呎高空，抹走一個人嘅痕跡？ 人物列表： Robert Bierenbaum (Bob) -紐約著名醫院外科住院醫生，熱愛飛行並擁有私人飛行員執照。喺外人眼中前途一片光明，但喺親密關係入面控制慾極強。 Gail Katz Bierenbaum -Bob嘅太太，長島大學臨床心理學博士生。性格情感豐富、渴望獨立，喺失蹤前正努力為自己嘅人生做重大規劃。 Alayne Katz...
-
#51 大西洋76天教科書級漂流事件 The Steven Callahan Ordeal
一個人，一隻得五呎半嘅橡皮艇，喺大西洋中央漂流 76 日。身邊冇糧冇水，仲要面對鯊魚同嚴重漏氣；九艘大貨輪喺眼前駛過，點解全部見佢唔到？當所有求救訊號石沉大海，最後救返佢一命嘅，竟然係深海一條奇異嘅生態鏈？ 人物列表： Steven Callahan -29 歲美國造船工程師（Naval Architect），獨自揸自製帆船橫渡大西洋時遇上嚴重意外。 Napoleon Solo -Steven親手設計兼打造嘅 21 呎單桅木製帆船。船名取自 60 年代經典間諜劇主角。 Rubber Ducky III -Steven為船上配備嘅六人充氣救生筏所起嘅花名。內部直徑僅約 1.7...
-
#50 阿特拉斯疑似吸血鬼案 Lilly Lindeström case
1932年斯德哥爾摩，一名女子伏屍整齊到得人驚嘅睡房入面。現場冇打鬥痕跡，兇手卻離奇消失，只喺廚房洗碗盆留低一把疑似沾血嘅湯殼。 究竟係變態殺手嘅嗜血儀式，定係被流言包裝咗九十幾年嘅都市傳說？ 真相隨時超乎你想像。 人物列表： Lilly Lindeström -今集案件死者，31 歲。喺 Atlas 區一棟大廈嘅細單位獨居，以電話接客維生。1932 年春天喺自己房內遇害。 Mimmi Jansson -Lilly 嘅鄰居兼同行好姊妹，住喺同一棟大廈低層。案發前曾借出物資畀 Lilly，亦係案發後第一位察覺唔對路而報警嘅人。 神秘男客（未知名稱）-4 月 30 日傍晚曾打電話畀...
-
#49 南瓜小鎮18年匿名信懸案 Circleville Letters Case
有一種恐怖，係打開自己個信箱。 1970年代，美國南瓜小鎮 Circleville 掀起一場長達 18 年嘅匿名信風暴。信入面冇勒索，只有對收信人最私密嘅監視。呢啲全大楷嘅信件，最終搞出人命，甚至有人為此坐足十年監。 但最心寒嘅係：當疑犯被單獨囚禁、完全與世隔絕嘅時候，小鎮嘅信箱，竟然繼續收到信。 寫信嗰個人，究竟係咪一直企喺你背後？ 《未完的案件》，今集為你拆解。 人物列表： Mary Gillespie -黃色校巴司機。原本過住平靜嘅家庭主婦生活，直到收到第一封全大楷嘅匿名信，成為成場恐嚇風暴嘅核心目標。 Ron Gillespie -Mary...
-
#48 美國內戰時期40年通靈騙局 The Rochester Rappings
1848年，一間漏風小木屋，每晚牆壁都會傳出神秘敲擊聲。 「如果你係死者，請敲三下。」 牆後，真係響起三下回音。 兩個未成年少女憑住呢幾下怪聲，掀起席捲全球嘅通靈熱潮。但四十年後，佢哋竟然企上舞台親口承認：一切只係一場把戲？咁地窖掘出嚟嗰堆無頭骨骸，到底又係邊個？ 最心寒嘅，究竟係一間識聽人話嘅凶宅，定係活人對亡靈嘅執念？ 《未完的案件》今集同你回到起點，拆解一宗連「死者」都未必存在嘅百年懸案。 人物列表： John Fox & Margaret Fox -兩夫婦。太太 Margaret 最先嘗試同「牆壁」對話，無意中制定咗同靈界溝通嘅敲擊密碼。 Maggie Fox（約 14 歲）&...
-
#47 深水埗五歲男童餓死虐待案 Hong Kong starving son to death case
較血腥犯罪細節時間點： 10:51-12:35 ( 如抗拒此類內容，可根據時間點快速跳過 ) 深水埗一間不足百呎嘅劏房入面，一個五歲男童，點樣喺有人出入、有人記錄嘅城市中慢慢消失？由長期缺課、突然關掉嘅網課，到凌晨終被打開嘅一道房門，警方、法醫與法庭拼湊出令人窒息嘅真相。 今集《未完的案件》，帶你追問：那些早已出現嘅警號，點解始終冇人及時睇得見？ 人物列表： Z -本集核心人物，一名五歲男童 LST -Z的母親 X -Z的家姐 Y -Z的細佬 劉女士 -與這個家庭有來往的朋友
-
#46 消失23年紐約醫院偷嬰奇案 The Kidnapping of Carlina White
十九日大嘅 BB 因高燒被送入紐約醫院，幾個鐘後，病床竟然空無一人。冇人聽到尖叫，冇人知道佢被帶去邊。二十三年後，一張交唔出嘅出世紙，令一個年輕媽媽開始懷疑自己身世。當佢查到一宗舊失蹤案，先發現：原來自己一直追緊嘅，可能係被偷走嘅人生。人物列表： Carlina White -故事核心人物；一個關於身分、真相與尋根的故事，由她開始慢慢展開。 Joy White -年輕媽媽，一次深夜入醫院的決定，徹底改變了她的人生。 Carl Tyson -Joy 的伴侶；同樣被捲入這場漫長等待。 Annugetta Pettway -與案件有密切關係的關鍵人物；她的過去，藏住不少未解的問題。...
-
#45 名古屋西區主婦被害案 Nagoya Nishi-ku Housewife Murder Case
一間公寓，二十六年無人敢住；一個丈夫，照交二千幾萬日圓租金，只為保住案發現場。1999 年名古屋，一名主婦離奇遇害，兇手卻消失得無影無蹤。直到多年後，一滴被保存落嚟嘅血，令一個最意想不到嘅名字浮出水面——原來真相，一直離受害者家人咁近。 人物列表： 高羽悟 -奈美子嘅丈夫；多年來守住一個未解開嘅真相。 高羽奈美子 -本案受害人；原本只係過住平凡家庭生活嘅母親。 高羽航平 -奈美子同悟嘅兒子；案發時年紀尚小。 安福久美子 -多年後，喺案件重查中浮現嘅關鍵人物。 承辦刑警 -重新翻查舊檔、追尋遺失線索嘅調查人員。 「宙之會」成員 -為受害者家屬發聲、推動制度改革嘅人。
-
#44 科羅拉多19世紀食人案 The Colorado Cannibal Alfred Packer
較血腥犯罪細節時間點： 12:03-14:05 ( 如抗拒此類內容，可根據時間點快速跳過 ) 六個為尋找黃金而踏入科羅拉多雪山的男人，兩個月後，只有一個活著行返出嚟。佢聲稱同伴全部不敵嚴寒，自己只係為咗求生而食死人肉。但當春天融雪，五具佈滿斧頭重擊同精細屠宰痕跡嘅骸骨重見天日，一切就唔再係一場單純嘅山難。呢個聲稱自衛嘅唯一生還者，到底係迫於無奈嘅倖存者，定係早有預謀嘅雪山屠夫？ 今集《未完的案件》，同你拆解美國史上最駭人聽聞嘅懸案——Alfred Packer 食人案。 真相，可能比風雪更令人心寒。 人物列表： Alfred Packer...
-
#43 芬蘭尤爾維拉命案15年迷局 2006 Ulvila homicide case
較血腥犯罪細節時間點： 05:36-06:22 ( 如抗拒此類內容，可根據時間點快速跳過 ) 2006年，芬蘭小鎮尤爾維拉，一個男人在自己家中被殺，妻子同班仔女，成為僅有目擊者。警方一開始信係外人潛入行兇，但線索愈查愈古怪，矛頭慢慢轉去屋內嗰個人。案件審完又翻、判完又推翻，DNA同證供反反覆覆。 到2026年重新調查，警方居然話：而家冇任何疑犯。 咁到底當年，邊個講大話，邊個又被冤枉咗？ 人物列表： Jukka Lahti -命案受害人，2006年喺屋企遇害嗰個爸爸。 Anneli Auer -事發時同屋，亦係案件後期嘅核心人物。 Jens Kukka...
-
#42 美國兩大毀滅性「斷根」報復案 Catherine Kieu & Lorena Gallo
較血腥犯罪細節時間點： 06:13-08:32 16:33-18:46 ( 如抗拒此類內容，可根據時間點快速跳過 ) 兩段破裂婚姻，兩個深夜，一把刀，換來兩個截然不同嘅法庭答案。有人被判重刑；有人因「暫時性精神失常」獲裁定不負刑責。當恐懼、創傷同報復纏繞喺最親密嘅關係入面，法律究竟應該相信邊一個版本？ 今集《未完的案件》，同你揭開兩宗震驚全美案件背後，最令人不安嘅真相。人物列表： Catherine Kieu -加州案件被告 Catherine 的丈夫 -案件受害人，節目內以匿名方式稱呼 John Christl -Catherine 案檢察官 Lorena Gallo...
-
#41 採收之路2016年澳洲打工假期兇殺案 The Home Hill Backpackers Stabbing
較血腥犯罪細節時間點： 16:25-18:33 ( 如抗拒此類內容，可根據時間點快速跳過 ) 一間背包客旅舍，一個人人都覺得「冇乜問題」嘅房客；幾句怪話、一次未被正視嘅威脅，慢慢堆成無法挽回嘅悲劇。當不安被當成尷尬，當求救可能無人接住，危險究竟係喺邊一刻失控？ 今集《未完的案件》，走入澳洲 Home Hill 一間陌生人的房間，追查兩條年輕生命背後，那條被忽略咗五個星期嘅警號鎖鏈。 人物列表： Mia Ayliffe-Chung -來自英國嘅年輕背包客，去到澳洲展開打工假期。 Tom Jackson -同樣來自英國，喺旅舍生活中認識其他住客。 Smail Ayad -法國籍背包客，住喺...
-
#40 廣西南寧五重外判雇兇案 The five reluctant hitmen of China
二百萬買兇殺人，點解最後冇一個人肯親自落手？ 一單雇兇案，經手五個人，酬金一路縮水到得返十萬蚊，殺意就喺呢條「外判鏈」上一路稀釋、一路傳遞。冇刀、冇血、冇屍體，但受害者手持一張自己被反綁嘅相，活生生睇住自己嘅命被標價、被轉手。六年官司、兩次無罪、一個搞笑諾貝爾獎——呢單荒誕到得咗國際獎項嘅案件，背後其實藏住幾多真實嘅恐懼同僥倖？ 《未完的案件》，帶你拆解呢單「殺手都唔想做嘅生意」。 人物列表： 覃佑輝 -地產老闆，因商業糾紛而策劃雇兇嘅主謀 魏傑 -地產公司總經理，同覃佑輝有生意糾紛，成為雇兇目標 奚廣安 -覃佑輝搵嚟辦事嘅代理人，接手第一重外判 莫天祥 -由奚廣安轉手搵嚟嘅第二重受託人...
-
#39 麥爾茲堡1979年多重人格謀殺案 The Multi-Personality Murder of Juanita Maxwell
較血腥犯罪細節時間點： 02:14-03:50 ( 如抗拒此類內容，可根據時間點快速跳過 ) 一條跨房嘅血腳印，帶警方直達一位沉睡嘅清潔女工。證據確鑿，但佢死都話唔記得殺過人。當法庭準備將佢定罪時，體內另一個『霸道靈魂』竟然主動現身認罪。究竟係為逃避刑責嘅完美演技，定係大腦深處失控嘅防禦機制？當軀殼同意識唔係同一個人，法律應該審判邊一個？ 《未完的案件》，今集我哋一齊推開人格分裂嘅地獄之門。 人物列表： Juanita Maxwell -25 歲，Palmland Motel 嘅清潔女工，身兼母職。平時為人內向、怯弱，卻意外捲入殘酷命案，成為唯一嫌疑人。 Inez Kelly -73...
-
#38 法國聖基蘭村20年水桶藏屍案 The Murder of Hakima Boukerouis
較血腥犯罪細節時間點： 15:40-18:10 ( 如抗拒此類內容，可根據時間點快速跳過 ) 2005年法國邊境森林，一個被膠袋死死綑綁嘅雨水桶內，藏住一具無名女屍。佢全身上下唯一嘅線索，只有口腔內一隻極昂貴嘅牙冠。 呢個被國際刑警封存咗二十年嘅「牙冠幽靈」，近期憑家族 DNA 技術終於搵返個名。但當警方以為破案在望，敲開疑犯大門時，揭發嘅竟然係一宗牽涉兩條人命、死無對證嘅家庭黑洞。 當秘密浮出水面，最恐怖嘅惡魔，原來一直若無其事咁坐喺屋企張梳化上面。今集，同你打開呢個塵封廿年嘅水桶。 人物列表： Hakima Boukerouis -本案女死者。2005...
-
#37 波多姆湖奪命帳篷慘案 Lake Bodom Murders
較血腥犯罪細節時間點： 06:10-07:50 ( 如抗拒此類內容，可根據時間點快速跳過 ) 1960 年芬蘭波多姆湖，四個後生仔既青春露營，變成三死一重傷既帳篷大屠殺。兇手隔住帆布瘋狂砸擊，根本無人見過死神真面目。 懸案塵封足足 44 年，一對染血既皮鞋，竟然令當年唯一既生還者，一夜之間變成被控三項謀殺既冷血屠夫？究竟嗰晚企喺帳篷外面既，係神出鬼沒既無名殺手，定係一直瞓喺身邊既好朋友？ 今集《未完的案件》，為你拆解芬蘭歷史上最心寒既世紀羅生門。 人物列表： 【露營四人組】 Nils Gustafsson (18歲)…
more -
#36 邁阿密酒店大亨遭挖眼滅門案 Murders of Bernice and Ben Novack Jr.
較血腥犯罪細節時間點： 08:58-10:01 12:37-13:48 ( 如抗拒此類內容，可根據時間點快速跳過 ) 邁阿密傳奇酒店大亨兼蝙蝠俠狂熱收藏家，以為嚴苛嘅婚前協議可以保住自己億萬身家。點知一場紐約酒店嘅密室行刑，令佢雙眼被毀，慘死床榻。 當金錢變成催命符，原來最致命嘅危險，從來唔係強行爆門嘅陌生人，而係每晚瞓喺你身邊嗰個枕邊人。 《未完的案件》今集帶你拆解呢宗震驚全美嘅豪門滅門案。 一張用嚟防身嘅法律文件，點解最後竟然變成一張死亡證？ 人物列表： Ben Novack Jr. -邁阿密傳奇酒店皇朝嘅「太子爺」，坐擁過千萬身家兼極度狂熱嘅 Batman...
-
#35 羅布泊四人越野車遇難事件 The 2023 Lop Nur Desert Tragedy
一架過百萬嘅頂級越野車，點解會喺羅布泊無人區走向絕路？ 攝氏70度高溫下，冷氣完好、燃油充足，神車卻瞬間變成困死4人嘅鐵棺材。偏偏佢哋欠缺最致命嘅兩樣嘢：一枝水，同一部打得通嘅衛星電話。 究竟係加錯油嘅低級意外？定係有人見死不救？ 今集《未完的案件》，帶你重返「死亡之海」，揭開比沙漠更心寒嘅羅生門。 人物列表： 領隊賈某 -今次穿越活動嘅向導兼帶頭人。自帶一定越野經驗，但喺進入無人區之後，佢嘅幾次關鍵決策，成為咗事後最大嘅爭議焦點。 TRX 遊客（一男一女） -駕駛價值過百萬、擁有過千匹馬力 Dodge Ram TRX 嘅同行遊客。擁有全隊最頂級嘅「重裝甲」，卻偏偏陷入咗最無助嘅困境。…
more -
#34 南迴搞軌案 台鐵96次莒光號 The South Link Rail Insurance Fraud Murder
一列喺黑夜狂奔嘅火車，點解會變成無法逃脫嘅殺人密室？ 2006年，台灣南迴線深夜出軌，過百乘客生還，唯獨一名準備返鄉嘅越南新娘喺病床離奇猝死。鏡頭前崩潰痛哭嘅丈夫，背後竟牽涉七千萬新台幣天價保險金！接二連三嘅脫軌巧合、ICU點滴內嘅致命毒藥，仲有疑兇屋企門外荒謬嘅「媒體休息站」…… 意外定係殺局？ 今集《未完的案件》，帶你抽絲剝繭還原轟動全台嘅「南迴搞軌案」。 人物列表： 陳氏紅琛：越南籍配偶。原本開開心心搭火車準備轉飛機返鄉下，點知中途遇上南迴線出軌意外。 李雙全：陳氏紅琛老公，任職台鐵。意外後一直陪喺病床邊，喺鏡頭前為老婆嘅傷勢顯得非常崩潰同焦急。...
-
#33 深海密室的採訪 丹麥潛艇殺人事件 Kim Wall's Last Longform
一個記者，點解會喺夜晚登上一艘私人潛艇？ 當海面重新歸於平靜，有人冇再返上岸；而唯一生還嗰個人，口供竟然一次比一次唔同。 今集《未完的案件》，我哋由哥本哈根港口出發，拆開一宗震驚世界嘅海上密室命案，追問黑暗之中，到底邊個先真正掌握咗出口。 人物列表： Kim Wall -30 歲，瑞典籍自由記者。曾獲獎項，畢業於哥倫比亞大學新聞學院及倫敦政治經濟學院。習慣追蹤邊緣故事同次文化議題，亦係今次案件嘅受害者。 Peter Madsen -46歲，丹麥發明家，以自製火箭同潛艇聞名。涉案潛艇 UC3 Nautilus 嘅建造者，亦係 Kim Wall 今次專訪嘅受訪者。 Ole Stobbe…
more -
#32 完美密室1937年巴黎地鐵奇情懸案 The Murder of Laetitia Toureaux
1937年巴黎地鐵，兩站之間得短短45秒。車門一開，一個表面平凡嘅女工，竟然頸插匕首，慘死喺原本空無一人嘅一等車廂入面。兇手到底點樣喺密室落手，再憑空蒸發？ 當警方以為呢單只係奇案，卻意外揭開死者遊走各國特工同極右恐怖組織嘅雙面人生。一單近九十年未破嘅世紀懸案，背後黑幕點解要被官方封存到 2038 年先可以解密？ 人物列表： Laetitia Toureaux -案中死者。表面上係個安分守己嘅鞋油廠女工、年輕寡婦，但原來私生活暗藏住另一個唔見得光嘅身分。 Jules Toureaux -Laetitia 嘅亡夫，兩人結婚短短兩年就因病早逝。 Pierre...
-
#31 惡魔交匯Ted Bundy 與綠河殺手 Gary Ridgway The Green River Killer
當高牆內嘅「連環殺手」，主動教差人捉外面另一個「殺人狂」，究竟係天才嘅心理博弈，定係變態嘅同類相認？ 1980 年代，綠河殺手殘殺數十名西雅圖少女。警方陷入死局之際，即將伏法嘅泰德·邦迪（Ted Bundy）竟主動獻計，精準剖析同行嘅變態癖好。一個優雅傲慢，一個平庸木訥；今集《未完的案件》，帶你拆解美國史上最令人窒息嘅雙惡魔交鋒。 人物列表： Ted Bundy -坐緊死囚牢嘅「祖師爺級」連環殺手。高智商、極度自戀，今次竟然主動寫信俾差人要求做「顧問」，聲稱只有惡魔先最了解惡魔。 Dave Reichert...
-
#30 明尼蘇達53天綁架與滅口案 The Kidnapping of Mary Stauffer
15年嘅怨恨，到底可以孕育出一個幾可怕嘅惡魔？ 1980年，主婦 Mary 同囡囡大白天下被綁走，跌入一個準備咗足足15年嘅變態復仇局。一個路過嘅6歲男童，更因為講咗一句「Hi」就無辜陪葬。 失蹤53日，兩母女被死死咁鎖喺一個狹窄嘅衣櫃入面。到底 Mary 點樣靠一塊薄鐵片逆轉生機？點解逃出生天後，最莊嚴嘅法庭竟然變成另一個喋血現場？ 人物列表： Mary Stauffer -36歲嘅平凡家庭主婦，以前做過中學數學老師。原本只係過住平靜嘅生活，卻意外成為獵物。 Beth -Mary 嘅8歲囡囡。當日只係開開心心跟住媽媽去剪頭髮，點知一齊遇上無妄之災。 Ming Sen Shiue...
-
#29 智利礦坑69日生存奇蹟 2010 Copiapó Mining Accident
2010 年，33 個智利礦工跌入高溫活人塚，靠每兩日半啖吞拿魚，死頂 69 日，創下人類生還奇蹟 。但當全球 10 億人為佢哋歡呼嗰陣，無人知真正嘅噩夢，喺重返地面嗰一刻先啱啱開始…… 人物列表： Luis Urzúa（又叫 Don Lucho）-54 歲，當日帶隊落坑嘅值班工頭（阿頭）。出事後第一時間穩住軍心，拍板決定實施極限糧食配給，係 33 人入面嘅絕對決策者。 Florencio Ávalos -31 歲副工頭。性格出名極之冷靜，喺危機入面發揮咗好大嘅牽頭作用。 Mario Gómez -63...
-
#28 英國冒牌特工20年極端洗腦 Robert Hendy-Freegard
如果一扇門從來冇上鎖，點解被困嘅人足足十年都唔敢逃走？ 今集《未完的案件》，帶你走入英國犯罪史上最不可思議嘅「心理綁架案」。一個自稱 MI5 特工嘅酒保，冇用過一條鐵鏈，單憑謊言同恐懼，就將多名高材生徹底洗腦。佢呃走過百萬英鎊，要富家女瞓街，甚至令受害者骨肉分離。 到底呢位「傀儡大師」點樣喺正常人嘅腦海入面，築起一座無法逃脫嘅無形監獄？ 人物列表： Robert Hendy-Freegard -Shropshire 一間酒吧嘅酒保。外表迷人、把口𠺘過油，成日有意無意向客人透露自己有一個「不能說的秘密身分」。 John Atkinson -Harper Adams...
-
#27 南非刀鋒跑手殺人案 Oscar Pistorius Case
2013年情人節凌晨，四下槍聲擊碎咗「刀鋒跑手」Oscar Pistorius 嘅英雄神話。 上鎖嘅廁格門後，倒下嘅係佢女友 Reeva。Pistorius 喺庭上痛哭，堅稱自己「以為有賊入屋」；但法證痕跡同鄰居聽到嘅驚恐尖叫，卻拼湊出另一個令人不寒而慄嘅版本。 一個被全球瘋狂崇拜嘅奧運奇蹟，點解會對住一扇盲門連扣四下扳機？究竟係黑暗中嘅致命誤判，定係被光環掩飾嘅殘酷處決？ 人物列表： Oscar Pistorius -南非頂級短跑明星，人稱「Blade Runner」。喺命案發生前，佢係全球公認克服身體缺陷嘅勵志神話。 Reeva Steenkamp...
-
#26 嬉皮徑毒蛇殺手 Charles Sobhraj
1970年代的亞洲『嬉皮徑』，係西方年輕人尋找和平嘅天堂，卻變成咗無數背包客嘅亂葬崗。一個著住靚西裝、識講流利法文嘅混血商人，專門向生病嘅旅人伸出援手。佢俾你嘅唔係解藥，而係致命毒藥。佢唔單止偷走你嘅錢，連你嘅護照、甚至『存在過嘅痕跡』都想一併偷走。呢條被稱為『比堅尼殺手』嘅毒蛇，點樣將整個東南亞變成個人狩獵場？人物列表： Charles Sobhraj -故事核心人物，混血兒背景。 Marie-Andrée Leclerc -Charles 的女友。 Ajay Chowdhury -Charles 的重要同伴。 Chantal Compagnon -Charles 的前妻。 Usha...
-
#25 和歌山毒咖哩殺人事件 Wakayama Poison Curry Case
1998年夏天，和歌山一場熱鬧嘅夏祭，點解會變成67人中毒、4人死亡嘅煉獄？一鍋本來充滿人情味嘅日式咖哩，被混入致命砒霜。 當全日本嘅憤怒指向嗰位『無任何明確動機』嘅家庭主婦時，警方手上一項『直接證據』都冇。冇人親眼見到落毒，但社會已經先判咗佢死刑。 當法律只能靠『情況證據』去拼湊真相，到底係罪有應得，定係日本司法史上最心寒嘅集體獵巫？ 人物列表： 林真須美 -住喺案發現場附近嘅家庭主婦，亦係全案最受關注嘅核心人物之一。 林健治 -林真須美嘅丈夫，過往經歷同家庭背景，令案件更加充滿爭議。 林家四名子女 -喺案件陰影之下，被迫面對外界目光同人生巨變嘅一家人。 自治會會長...
-
#24 澳洲體育老師殺妻揭秘 The Teacher's Pet
1982年，澳洲悉尼陽光燦爛的Bayview豪宅區，一位溫柔母親Lynette Dawson突然人間蒸發。沒有屍體、沒有凶器、沒有目擊者。她深愛的兩個幼女、所有財物和隱形眼鏡，全都原封不動留在家中。 她完美丈夫Chris——前職業欖球員、明星體育老師——卻在妻子失蹤短短數日後，便將17歲女學生情人接進屋內，迅速取代她的位置。 一個受人景仰的「完美丈夫」，究竟如何策劃這場無痕謀殺？三十六年後，一個Podcast如何打破沉默，將他送入監獄？ 這不是普通失蹤案，而是陽光下最冷血的背叛。 人物列表： Lynette Dawson -兩個幼女的母親，溫柔善良的家庭主婦，1982年突然失蹤。…
more -
#23 洛杉磯閣樓情人謀殺案 The Lover in the Attic
如果天花板傳來微弱嘅腳步聲，你以為係老鼠，定係……一個人？ 1922年，洛杉磯富商喺豪宅中槍身亡，妻子被反鎖衣櫃。看似普通劫殺案，但真相極度瘋狂：女主人竟然喺丈夫頭頂嘅閣樓，秘密圈養咗個少男情夫整整十年！ 人物列表： Dolly Oesterreich -本案女主角。一位充滿魅力、生活奢華嘅上流社會闊太。表面上擁有令人羨慕嘅人生，但喺大屋嘅四面牆內，卻藏住一顆極度空虛、渴望被狂熱愛慕嘅心。 Fred Oesterreich -Dolly 嘅丈夫。白手興家嘅紡織廠富商，典型嘅工作狂。為人嚴肅、經常飲酒應酬，對妻子嘅心理需求近乎一無所知。 Otto Sanhuber -只有 17...
-
#22 大西克己奪取身份殺人事件 The Man with Many Faces
你返屋企，推開門，望住同床共枕嘅丈夫……佢溫柔煮飯、對你體貼入微，鄰居都羨慕你有個好老公。 但1958年某個普通午後，警察突然上門，平靜講出一句震撼真相：「你丈夫唔係你認識嘅人。他叫三浦昭夫，其實係假嘅。本名大西克己——一個毒殺養父母、連續偷人身份、肢解棄屍嘅全國通緝殺人犯。」 你以為最親密嘅人，原來從頭到尾都唔存在？ 人物列表： 大西克己 -本案主角，1928年生，山口縣出身，原為工廠工人，後展開逃亡生活。 大西福松 -克己的養父，約66歲，普通工人。 大西熊 -克己的養母，56歲，家庭主婦。 三浦昭夫 -北海道出身的男子，克己逃亡期間認識的人物。 佐藤忠...
-
#21 澳洲水球選手殺嬰案 The Case of Keli Lane
1996 年 9 月 12 日，澳洲悉尼一名女嬰在醫院平安出生；兩日後，她跟隨母親離開大門，從此像被世界抹走，再無任何下落。 外界起初相信，孩子只是被交給生父照顧；但警方越查越發現，那個男人，可能從來不存在。 五次懷孕、層層謊言、沒有屍體的命案，真正消失的，究竟是一個嬰兒，還是一個人的良知？ 人物列表： Keli Lane (凱莉·萊恩) -私立中學體育老師，前澳洲水球國家預備隊精英運動員，出身優渥，形象陽光完美的「天之驕女」。 Tegan Lee Lane (泰根) -凱莉於 1996 年 9 月誕下的女嬰，出生兩日後隨母親離開醫院，去向成謎。 Robert Lane...
-
#20 烏干達末日邪教慘案 Uganda Kanungu Inferno
2000 年 3 月 17 日，烏干達卡農古山谷突然火光沖天，一間名為「方舟」的教堂瞬間變成煉獄，500 多名信徒葬身火海。外界最初以為這是邪教集體自殺，但當調查人員挖開後院泥土，恐怖真相才浮出水面……700 多條人命背後，隱藏著一個自稱聽到聖母聲音的前妓女，和一位失意政客精心佈下的死亡陷阱。 人物列表 Joseph Kibweteere -前學校校長、曾競選國會議員，教派名義上的最高領袖，虔誠的天主教徒。 Credonia Mwerinde -前妓女、士多老闆及香蕉酒釀造者，自稱多次見到聖母瑪利亞顯靈，是教派最重要嘅「聖母代言人」。 Dominic Kataribabo...
-
#19 安特衛普鑽石大盜: 都靈學校 Antwerp Diamond Heist
2003 年比利時安特衛普，全球最嚴密的地下鑽石堡壘被悄無聲息攻破。價值超過一億美元的鑽石、黃金同現金，兩日後才被人發現不翼而飛。 沒有槍聲、沒有血跡，一群被稱為「都靈學派」的意大利神偷，用發泡膠、定型噴霧同半塊沙拉米三明治，打破了「絕對不可能被攻破」的傳奇。 但真正最令人脊背發涼的，不是他們如何偷走巨款，而是那一億美元鑽石至今下落不明，以及劫案背後那個永遠解不開的羅生門…… 人物列表 萊昂納多·諾塔巴托洛（Leonardo Notarbartolo）-意大利籍，行動策劃者。外表斯文優雅，擅長社交操控，被視為「都靈學派」核心人物。...
-
#18 愛沙尼亞瘋狂食人魔 The Nõmme Cannibal
1982 年，蘇聯鐵幕下的愛沙尼亞，一個「不可能存在」的怪物悄然出現。退伍侍應、浸信會牧師之子約翰內斯·漢尼，竟將受害者的大腿肉帶回家，在妻子面前用平底鑊慢慢煎熟……最令人脊背發涼的是，那位安靜的妻子不但沒有報警，反而與他共享這血腥的「晚餐」與激情。鐵幕為何徹底隱瞞這宗食人連環殺人案？怪物最終如何在牢房中死去？主要人物 約翰內斯·漢尼 (Johannes-Andreas Hanni) -愛沙尼亞年輕男子，表面斯文，擁有看似平凡的婚姻生活。 Pille Hanni (原姓 Toomla) -漢尼的妻子，無軌電車司機，安靜而順從。 Jaan Hanni -漢尼的父親，當地知名浸信會牧師。...
-
#17 加勒比海藍鈴號滅門案 Bluebelle Yacht Murders
1961 年 11 月，一艘豪華帆船「藍鈴號」在加勒比海悄然沉沒。船上七人，只有一個 11 歲女孩奇蹟生還。 無風暴、無觸礁、無海盜。 深夜，一家五口慘遭滅門，鮮血染紅甲板。船長卻帶著 7 歲女孩的屍體逃生，編造完美謊言。 而那個被推入沉船的 11 歲女孩，竟靠一塊兩呎闊的木板，在鯊魚出沒的海域漂流整整 82 小時…… 究竟船上發生了什麼？為何船長要殺光所有人？ 這不是海難，這是一場精心策劃的深海謀殺。 人物列表 Arthur Duperrault（41 歲）：威斯康辛州眼科醫生，一家之主，熱愛家庭，這次帶家人來巴哈馬度假。 Jean Duperrault（38 歲）：Arthur...
-
#16 英國網絡隱形惡魔 Matthew Hardy Cyberstalker
一句「Can I tell you a secret?」突然跳進你的手機。 從2009到2021年，英國至少62名女性只因回覆這句話，便墜入長達十幾年的噩夢。沒有刀、沒有跟蹤、沒有破門而入，卻有人用鍵盤徹底撕碎她們的人生：私密照被傳給老闆、謊言摧毀關係、信任徹底崩塌。 他被稱為英國史上最恐怖的網絡跟蹤狂——Matthew Hardy。 這一次，真正的恐怖不在黑暗角落，而在你每天滑動的螢幕背後。 人物列表： Matthew Hardy -英國柴郡（Cheshire）人，被警方與媒體稱為英國史上最活躍、最恐怖的網絡跟蹤狂（Cyberstalker）。 Lia Hambly...
-
#15 副駕駛席的背叛McStay滅門案 The McStay Family Murders
深夜，一家四口在加州富裕小鎮的溫馨屋企，突然憑空蒸發。廚房吧台放住未入雪櫃的生雞蛋，梳化上有兩碗剛剛爆好的爆谷，後院兩隻狗卻在黑暗中捱餓狂吠……時間彷彿被按下暫停鍵。 三年後，莫哈韋沙漠荒蕪沙土下，兩個淺坑、四具白骨、一把沾血的三磅鐵鎚，徹底撕毀了「自願逃去墨西哥」的完美謊言。 最恐怖的真相不是陌生人，而是你最信任的那個熟人。邊境模糊錄影、消失的車、最後一通電話…… 人物列表： Joseph McStay -40 歲，一家之主，成功的水景噴泉生意人。 Summer McStay -43 歲，Joseph 的妻子。 Gianni McStay -4 歲，大仔。 Joseph Jr.…
more -
#14 巴西連環殺手的 42 年 Pedrinho Matador
深夜，一個男人從胎兒時期頭骨已被踢凹，長大後化身巴西最恐怖的殺手——「殺手小佩德羅」。佢專殺毒販、強姦犯同黑幫，官方定罪71宗，自白超過100條人命，甚至據稱挖出親生父親心臟咬一口。佢係正義使者，定係披著復仇外衣的嗜血怪物？當佢出獄變身 YouTube 網紅，最後卻以同樣血腥方式死於街頭……以暴制暴，究竟救贖了世界，還是只延續了無盡輪迴？ 主要人物 佩德羅·羅德里格斯·費略（Pedro Rodrigues Filho）-外號「殺手小佩德羅」（Pedrinho Matador），本集核心人物，巴西著名連環殺手。 瑪麗亞·奧林匹亞（Maria Aparecida…
more
We're indexing this podcast's transcripts for the first time — this can take a minute or two. We'll show results as soon as they're ready.
No matches for "" in this podcast's transcripts.
No topics indexed yet for this podcast.
Loading reviews...
ABOUT THIS SHOW
《未完的案件》「未完」嘅定義可以好廣泛，可以係多年未被偵破嘅懸案；可以係進入咗司法程序，仍在審理嘅案件；甚至係已經發生咗，只係我哋亦都錯過咗嘅一啲真實故事。-不定時更新。-內容涉及敏感題材，未成年者需由家長陪同收聽。
HOSTED BY
廣東話podcast by Ks
CATEGORIES
Loading similar podcasts...
Frequently Asked Questions
How many episodes does 未完的案件Ks have?
未完的案件Ks currently has 62 episodes available on PodParley. New episodes are automatically indexed when they're published to the podcast feed.
What is 未完的案件Ks about?
《未完的案件》「未完」嘅定義可以好廣泛，可以係多年未被偵破嘅懸案；可以係進入咗司法程序，仍在審理嘅案件；甚至係已經發生咗，只係我哋亦都錯過咗嘅一啲真實故事。-不定時更新。-內容涉及敏感題材，未成年者需由家長陪同收聽。
How often does 未完的案件Ks release new episodes?
未完的案件Ks has 62 episodes. Check the episode list to see recent publication dates and frequency.
Where can I listen to 未完的案件Ks?
You can listen to 未完的案件Ks on PodParley by clicking any episode. We provide an embedded audio player for direct listening, and you can also subscribe via your preferred podcast app using the RSS feed.
Who hosts 未完的案件Ks?
未完的案件Ks is created and hosted by 廣東話podcast by Ks.
URL copied to clipboard!