#25 和歌山毒咖哩殺人事件 Wakayama Poison Curry Case

1998年夏天，和歌山一場熱鬧嘅夏祭，點解會變成67人中毒、4人死亡嘅煉獄？一鍋本來充滿人情味嘅日式咖哩，被混入致命砒霜。當全日本嘅憤怒指向嗰位『無任何明確動機』嘅家庭主婦時，警方手上一項『直接證據』都冇。冇人親眼見到落毒，但社會已經先判咗佢死刑。當法律只能靠『情況證據』去拼湊真相，到底係罪有應得，定係日本司法史上最心寒嘅集體獵巫？人物列表：林真須美 -住喺案發現場附近嘅家庭主婦，亦係全案最受關注嘅核心人物之一。林健治 -林真須美嘅丈夫，過往經歷同家庭背景，令案件更加充滿爭議。林家四名子女 -喺案件陰影之下，被迫面對外界目光同人生巨變嘅一家人。自治會會長 -夏祭主要主辦者之一，亦係當晚重要在場人物。自治會副會長 -協助祭典安排嘅社區骨幹人物，喺事件中同樣成為關鍵角色。參與煮咖哩嘅主婦們 -負責準備夏祭食物嘅街坊，亦係案件時間線中非常重要嘅一群人。園部地區居民 -原本只係參加一場平凡夏祭嘅普通人，卻被捲入一宗改變社區命運嘅大案。