#28 英國冒牌特工20年極端洗腦 Robert Hendy-Freegard

如果一扇門從來冇上鎖，點解被困嘅人足足十年都唔敢逃走？今集《未完的案件》，帶你走入英國犯罪史上最不可思議嘅「心理綁架案」。一個自稱 MI5 特工嘅酒保，冇用過一條鐵鏈，單憑謊言同恐懼，就將多名高材生徹底洗腦。佢呃走過百萬英鎊，要富家女瞓街，甚至令受害者骨肉分離。到底呢位「傀儡大師」點樣喺正常人嘅腦海入面，築起一座無法逃脫嘅無形監獄？人物列表：Robert Hendy-Freegard -Shropshire 一間酒吧嘅酒保。外表迷人、把口𠺘過油，成日有意無意向客人透露自己有一個「不能說的秘密身分」。John Atkinson -Harper Adams 農業大學學生。原本過住平靜嘅校園生活，直到喺酒吧遇到 Robert，收到一個令佢熱血沸騰嘅「國家級任務」。Sarah Smith -John 嘅女朋友。出身富裕農場家庭，手揸一筆豐厚嘅家族遺產。Maria Hendy -John 嘅大學室友。無端端被捲入一場聲稱同 IRA（愛爾蘭共和軍）暗殺有關嘅危機入面。Elizabeth Richardson -車行女職員，Robert 轉行做汽車經紀時嘅同事。Sandra Clifton -一名溫柔嘅單親媽媽。喺交友軟體「Plenty of Fish」識咗個自稱傳媒高層嘅完美男人，以為搵到第二春，點知係惡夢嘅開始。Sophie 同 Jake -Sandra 嘅一對仔女。發現阿媽識咗新男朋友之後，屋企氣氛開始變得越嚟越唔妥。