[3]. Adıgey(Адыгабзэ) İnsanlar⧸Dil - "İsa'yı Şahsen Tanımaya Davet".mp4

[3]. Adygey (Адыгабзэ) People - "Invitation to Know Jesus Personally".mp4 / Адыгейский (Адыгабзэ) Народ⧸Язык - «Приглашение узнать Иисуса лично».mp4 // ШӀОШЪХЪУНЫГЪЭ ЗИӀЭХЭУ КОРИНФ КЪАЛЭМ ДЭСХЭМ АПОСТОЛ ПАУЛ АПЭРЭ ТХЫЛЪЭУ АФИТХЫГЪЭР 15 - Христос лӀагъэхэм къызэрахэтэджыкӀыжьыгъэм ехьылӀагъ1КъэбарышӀоу къышъозгъэӀугъэр шъугу къэзгъэкӀыжьынэу сыфай. А къэбарышӀур шъуштагъэу, ащ игъогу шъуишъыпкъэу шъутет. 2А къэбарышӀумкӀи шъумыкӀодэу Тхьэм шъукъегъэнэжьы, шъозгъэшӀэгъэ Ӏофхэм пытэу шъуатетмэ. Армырмэ, хьаулыеу шӀошъхъуныгъэ шъуиӀэ хъугъэ.3Сыда пӀомэ, Ӏоф пстэуми анахьэу къэбарышӀоу Христос къысӀэкӀилъхьагъэр къышъуфэзгъэнагъ: Тхьэм игущыӀэ тхыгъэхэм атетэу, Христос типсэкӀодхэр ыпщыныжьынхэм пае, лӀагъэ. 4Къэунэм чӀалъхьажьыгъ, ау ящэнэрэ мафэм Тхьэм лӀагъэхэм ар къахигъэтэджыкӀыжьыгъ, Тхьэм игущыӀэ тхыгъэхэм атетэу. 5ЕтӀанэ Христос Кифэ зыкъыригъэлъэгъугъ. Ащ ыуж игъогу рыкӀорэ нэбгырэ пшӀыкӀутӀумэ зыкъаригъэлъэгъугъ. 6ЕтӀанэ шӀошъхъуныгъэ зиӀэ зэш шъитфым къехъумэ зыкъаригъэлъэгъугъ. Ахэмэ ащыщэу анахьыбэр джыри псэу, заули дунаим ехыжьыгъ. 7Ащ ыуж Якъуби зыкъыригъэлъэгъугъ, етӀани апостол пстэуми зыкъаригъэлъэгъугъ. 8ЗэкӀэми ауж сэ сабыйхэр къызэралъфырэ хабзэм фэмыдэу къалъфыгъэ сабыим фэдэм зыкъысигъэлъэгъугъ.9Сыда пӀомэ, апостолхэм ащыщэу анахь цӀыкӀур сэры, апостол къысаӀонэуи сифэшъуашэп, сыда пӀомэ, Тхьэм ичылыс зэӀукӀэ щыщхэм къин язгъэщэчыщтыгъэшъ ары. 10Ау Тхьэм ынэшӀу къызэрэсщифагъэм пае, джы сызытетым фэдэ сыхъугъ. ЫнэшӀу къызэрэсщифагъэр хьаулые хъугъэп. Адрэхэм зэкӀэми анахьи нахьыбэу сылэжьагъ, ау сэр-сэрэу сылэжьагъэп, Тхьэм ынэшӀу къысщифи, сигъэлэжьагъ нахь. 11КъэбарышӀур цӀыфхэм языгъэӀурэр сэрми, адрэ апостолхэр арми, а зы къэбарышӀур ары дгъэӀурэр. А къэбарышӀумкӀэ шъори шӀошъхъуныгъэ шъуиӀэ хъугъэ.