#30 明尼蘇達53天綁架與滅口案 The Kidnapping of Mary Stauffer

15年嘅怨恨，到底可以孕育出一個幾可怕嘅惡魔？1980年，主婦 Mary 同囡囡大白天下被綁走，跌入一個準備咗足足15年嘅變態復仇局。一個路過嘅6歲男童，更因為講咗一句「Hi」就無辜陪葬。失蹤53日，兩母女被死死咁鎖喺一個狹窄嘅衣櫃入面。到底 Mary 點樣靠一塊薄鐵片逆轉生機？點解逃出生天後，最莊嚴嘅法庭竟然變成另一個喋血現場？人物列表：Mary Stauffer -36歲嘅平凡家庭主婦，以前做過中學數學老師。原本只係過住平靜嘅生活，卻意外成為獵物。Beth -Mary 嘅8歲囡囡。當日只係開開心心跟住媽媽去剪頭髮，點知一齊遇上無妄之災。Ming Sen Shiue -29歲嘅綁架案被告。喺街坊眼中係個睇落斯文、安靜嘅男人，但其實腦入面收埋咗一個長達15年嘅恐怖執念。Jason Wilkman -6歲嘅小男孩。當日只係喺公園附近玩，因為一時好奇行近咗一架車，從此捲入咗呢場噩夢。Paul Reitman -負責評估呢宗案件嘅心理學家，幫手拆解疑犯極度扭曲嘅心理世界。