#34 南迴搞軌案 台鐵96次莒光號 The South Link Rail Insurance Fraud Murder

一列喺黑夜狂奔嘅火車，點解會變成無法逃脫嘅殺人密室？2006年，台灣南迴線深夜出軌，過百乘客生還，唯獨一名準備返鄉嘅越南新娘喺病床離奇猝死。鏡頭前崩潰痛哭嘅丈夫，背後竟牽涉七千萬新台幣天價保險金！接二連三嘅脫軌巧合、ICU點滴內嘅致命毒藥，仲有疑兇屋企門外荒謬嘅「媒體休息站」……意外定係殺局？今集《未完的案件》，帶你抽絲剝繭還原轟動全台嘅「南迴搞軌案」。人物列表：陳氏紅琛：越南籍配偶。原本開開心心搭火車準備轉飛機返鄉下，點知中途遇上南迴線出軌意外。李雙全：陳氏紅琛老公，任職台鐵。意外後一直陪喺病床邊，喺鏡頭前為老婆嘅傷勢顯得非常崩潰同焦急。李泰安：李雙全大佬。行事作風極度出位，面對全台大批記者包圍追訪，不但無避忌，反而氣定神閒當記者係朋友咁傾偈。李聚寶：李氏兄弟老竇。八十幾歲嘅退伍軍人，不管外邊點樣風言風語，每日依然戴住頂瓜皮帽，以一句「兵來將擋」淡定應對。黃福來：李雙全嘅台鐵同事兼老死。同李雙全交情極深，係案中一個不可忽視嘅周邊人物。