#35 羅布泊四人越野車遇難事件 The 2023 Lop Nur Desert Tragedy

一架過百萬嘅頂級越野車，點解會喺羅布泊無人區走向絕路？攝氏70度高溫下，冷氣完好、燃油充足，神車卻瞬間變成困死4人嘅鐵棺材。偏偏佢哋欠缺最致命嘅兩樣嘢：一枝水，同一部打得通嘅衛星電話。究竟係加錯油嘅低級意外？定係有人見死不救？今集《未完的案件》，帶你重返「死亡之海」，揭開比沙漠更心寒嘅羅生門。人物列表：領隊賈某 -今次穿越活動嘅向導兼帶頭人。自帶一定越野經驗，但喺進入無人區之後，佢嘅幾次關鍵決策，成為咗事後最大嘅爭議焦點。TRX 遊客（一男一女） -駕駛價值過百萬、擁有過千匹馬力 Dodge Ram TRX 嘅同行遊客。擁有全隊最頂級嘅「重裝甲」，卻偏偏陷入咗最無助嘅困境。隨行 Mechanic（維修員）-負責搞掂車隊機件故障嘅修理工。喺沙漠高溫之下，佢嘅一次緊急搶修操作，疑似觸發咗不可逆轉嘅連鎖災難。Convoy 其他成員（大隊車友）- 一齊由敦煌出發嘅越野發燒友。喺危機爆發、資源見底嗰一刻，佢哋同涉事嘅 4 個人，做出咗截然不同嘅選擇。搜救隊 / First Responder（現場發現者）-接報後深入羅布泊嘅救援人員。去到現場嗰陣，目擊咗令佢哋一世難忘、極具反差感嘅殘酷畫面。