#36 邁阿密酒店大亨遭挖眼滅門案 Murders of Bernice and Ben Novack Jr.

較血腥犯罪細節時間點：08:58-10:0112:37-13:48( 如抗拒此類內容，可根據時間點快速跳過 )邁阿密傳奇酒店大亨兼蝙蝠俠狂熱收藏家，以為嚴苛嘅婚前協議可以保住自己億萬身家。點知一場紐約酒店嘅密室行刑，令佢雙眼被毀，慘死床榻。當金錢變成催命符，原來最致命嘅危險，從來唔係強行爆門嘅陌生人，而係每晚瞓喺你身邊嗰個枕邊人。《未完的案件》今集帶你拆解呢宗震驚全美嘅豪門滅門案。一張用嚟防身嘅法律文件，點解最後竟然變成一張死亡證？人物列表：Ben Novack Jr. -邁阿密傳奇酒店皇朝嘅「太子爺」，坐擁過千萬身家兼極度狂熱嘅 Batman 收藏家。亦都係今次紐約酒店密室命案嘅死者。Narcy Novack -Ben 嘅現任太太，以前做過脫衣舞孃。為咗順利嫁入豪門，同老公簽低咗一份條件極度辣嘅婚前協議書。Bernice Novack -Ben 嘅阿媽，高齡 86 歲，仍然保留住家族公司秘書嘅職位。喺成個過千萬遺產嘅繼承順位入面，佢係最關鍵嘅一塊「擋箭牌」。Ben Novack Sr. -Ben 嘅老豆，邁阿密著名地標 Fontainebleau 酒店嘅創辦人，一手建立起呢個奢華嘅金錢帝國。Rebecca Bliss -Ben 喺出面包養近兩年嘅地下情人。佢嘅存在，徹底打破咗 Ben 同 Narcy 之間嗰種「各懷鬼胎」嘅婚姻平衡。Cristobal Veliz -Narcy 嘅親生大佬。喺呢場牽涉龐大利益同仇恨嘅風暴入面，喺暗中扮演住牽線同佈局嘅危險角色。Alejandro Garcia / Joel Gonzalez -隱藏喺黑暗之中嘅行動者。佢哋嘅出現，將佛羅里達州車房同紐約酒店兩單案，緊緊咁扣埋一齊。