#37 波多姆湖奪命帳篷慘案 Lake Bodom Murders

較血腥犯罪細節時間點：06:10-07:50( 如抗拒此類內容，可根據時間點快速跳過 )1960 年芬蘭波多姆湖，四個後生仔既青春露營，變成三死一重傷既帳篷大屠殺。兇手隔住帆布瘋狂砸擊，根本無人見過死神真面目。懸案塵封足足 44 年，一對染血既皮鞋，竟然令當年唯一既生還者，一夜之間變成被控三項謀殺既冷血屠夫？究竟嗰晚企喺帳篷外面既，係神出鬼沒既無名殺手，定係一直瞓喺身邊既好朋友？今集《未完的案件》，為你拆解芬蘭歷史上最心寒既世紀羅生門。人物列表：【露營四人組】Nils Gustafsson (18歲) -熱愛戶外活動既後生仔，特登買咗頂全新藍色帳篷，同死黨一齊發起今次露營。Seppo Boisman (18歲) -Nils 既好兄弟，兩人當日一齊揸電單車帶住女朋友去波多姆湖。Maila Irmeli Björklund (15歲) -Nils 既女朋友，留住一頭深色短髮。Anja Tuulikki Mäki (15歲) -Seppo 既女朋友，同大家一齊去湖邊度周末。【案發周邊人物】Karl Valdemar Gyllström (51歲) -營地附近既小賣部老闆，當地人叫佢做「Kiosk Man」，出名脾氣暴躁、極度憎恨露營者。Hans Assmann (36歲) -案發後第二日，突然出現喺赫爾辛基醫院既神秘德國男人，背景深不可測。Dr. Jorma Palo -當日喺急症室幫 Hans 診症既當值醫生，察覺到極大唔妥。