#38 法國聖基蘭村20年水桶藏屍案 The Murder of Hakima Boukerouis

較血腥犯罪細節時間點：15:40-18:10( 如抗拒此類內容，可根據時間點快速跳過 )2005年法國邊境森林，一個被膠袋死死綑綁嘅雨水桶內，藏住一具無名女屍。佢全身上下唯一嘅線索，只有口腔內一隻極昂貴嘅牙冠。呢個被國際刑警封存咗二十年嘅「牙冠幽靈」，近期憑家族 DNA 技術終於搵返個名。但當警方以為破案在望，敲開疑犯大門時，揭發嘅竟然係一宗牽涉兩條人命、死無對證嘅家庭黑洞。當秘密浮出水面，最恐怖嘅惡魔，原來一直若無其事咁坐喺屋企張梳化上面。今集，同你打開呢個塵封廿年嘅水桶。人物列表：Hakima Boukerouis -本案女死者。2005 年被發現藏屍於法國邊境森林嘅雨水桶內。身上毫無身份證明，長達二十年被警方及國際刑警稱為「The woman with the Richmond dental crown」。Saïd Lalaouna -Hakima 嘅丈夫。對外報稱妻子當年不辭而別，二十年嚟一直喺法國莫澤爾省（Moselle）過住平靜嘅晚年生活。Yaël Lalaouna -Saïd 喺前一段婚姻所生嘅大仔，年紀同繼母 Hakima 相若。大約喺 2004 至 2005 年間同樣離奇人間蒸發，音訊全無。David Touvet -法國梅斯（Metz）檢察官。負責喺 2026 年對外公佈呢宗二十年冷案嘅最新震撼調查進展。(特別線索人物)Cassius Richmond -19 世紀末美國牙醫。發明咗案中死者口中嗰款極度考究且昂貴嘅牙冠修復技術，成為全案唯一嘅破案密碼。