#39 麥爾茲堡1979年多重人格謀殺案 The Multi-Personality Murder of Juanita Maxwell

較血腥犯罪細節時間點：02:14-03:50( 如抗拒此類內容，可根據時間點快速跳過 )一條跨房嘅血腳印，帶警方直達一位沉睡嘅清潔女工。證據確鑿，但佢死都話唔記得殺過人。當法庭準備將佢定罪時，體內另一個『霸道靈魂』竟然主動現身認罪。究竟係為逃避刑責嘅完美演技，定係大腦深處失控嘅防禦機制？當軀殼同意識唔係同一個人，法律應該審判邊一個？《未完的案件》，今集我哋一齊推開人格分裂嘅地獄之門。人物列表：Juanita Maxwell -25 歲，Palmland Motel 嘅清潔女工，身兼母職。平時為人內向、怯弱，卻意外捲入殘酷命案，成為唯一嫌疑人。Inez Kelly -73 歲，Palmland Motel 嘅長住租客。喺自己房間內慘遭殺害，係今次命案嘅死者。Wanda Weston -案件發展中途出現嘅神秘女子。性格粗獷、霸道，同 Juanita 嘅性格完全相反，自稱係佢嘅「好朋友」。Alan Klein -介入案件嘅臨床社工。負責透過深度訪談同心理引導，嘗試解開嫌疑人失去嘅記憶缺口。Hugh Starnes -主審法官。面對住史無前例、極度罕見嘅抗辯理由，需要作出一個震驚全美嘅艱難裁決。