#44 科羅拉多19世紀食人案 The Colorado Cannibal Alfred Packer

較血腥犯罪細節時間點：12:03-14:05( 如抗拒此類內容，可根據時間點快速跳過 )六個為尋找黃金而踏入科羅拉多雪山的男人，兩個月後，只有一個活著行返出嚟。佢聲稱同伴全部不敵嚴寒，自己只係為咗求生而食死人肉。但當春天融雪，五具佈滿斧頭重擊同精細屠宰痕跡嘅骸骨重見天日，一切就唔再係一場單純嘅山難。呢個聲稱自衛嘅唯一生還者，到底係迫於無奈嘅倖存者，定係早有預謀嘅雪山屠夫？今集《未完的案件》，同你拆解美國史上最駭人聽聞嘅懸案——Alfred Packer 食人案。真相，可能比風雪更令人心寒。人物列表：Alfred Packer -淘金隊伍嚮導。自稱熟悉洛磯山區地形，帶領隊伍喺嚴冬挑戰橫越雪山，亦係行返出嚟嘅唯一生還者。George Noon (California) -小隊成員。年僅 18 歲，係成班人入面最年輕嘅𡃁仔。Israel Swan -小隊成員。隊伍入面年紀最大嘅長輩。Frank Miller (Reddy / Butcher) -小隊成員。體格相對強健，係隊伍入面重要嘅勞動力。James Humphrey -小隊成員。為咗尋找黃金而孤注一擲嘅男人。Shannon Wilson Bell -小隊成員。同屬進山六人名單之一。Chief Ouray -原住民族 (Ute) 領袖。曾對淘金小隊發出嚴重警告，極力勸阻佢哋深冬進山。Charles Adams -原住民事務代理官 (Indian Agent)。最早察覺生還者裝備同口供事有蹺蹊，並展開初步盤問。Melville B. Gerry -主審法官。負責審理呢單充滿爭議同荒謬感嘅雪山懸案。Polly Pry -《The Denver Post》女記者。佢嘅報道對案件後期發展起咗意想不到嘅關鍵作用。