#48 美國內戰時期40年通靈騙局 The Rochester Rappings

1848年，一間漏風小木屋，每晚牆壁都會傳出神秘敲擊聲。 「如果你係死者，請敲三下。」 牆後，真係響起三下回音。 兩個未成年少女憑住呢幾下怪聲，掀起席捲全球嘅通靈熱潮。但四十年後，佢哋竟然企上舞台親口承認：一切只係一場把戲？咁地窖掘出嚟嗰堆無頭骨骸，到底又係邊個？ 最心寒嘅，究竟係一間識聽人話嘅凶宅，定係活人對亡靈嘅執念？ 《未完的案件》今集同你回到起點，拆解一宗連「死者」都未必存在嘅百年懸案。 人物列表： John Fox & Margaret Fox -兩夫婦。太太 Margaret 最先嘗試同「牆壁」對話，無意中制定咗同靈界溝通嘅敲擊密碼。 Maggie Fox（約 14 歲）& Kate Fox（約 11 歲）-故事最核心嘅兩姊妹。每晚怪聲就係喺佢哋床邊響起，全家人甚至村民，都要靠佢哋先「聽得明」亡靈講咩。 Leah Fox -兩姊妹嘅大家姐。一早結咗婚住喺大城市 Rochester，後來喺成件事嘅走向入面，扮演住極關鍵嘅推手角色。 Charles B. Rosna -村民口耳相傳嘅 travelling peddler（賣貨郎）。傳聞佢喺木屋遇害，屍體仲被埋咗喺地窖。 Bell -木屋嘅前任住客，村民心目中嘅「頭號殺人嫌疑犯」。 Isaac Post & Amy Post -Rochester 嘅富裕中產夫婦兼社運人士。當其他人只係當敲擊聲係鄉村怪談嗰陣，佢哋選擇深信不疑，仲將 Fox 姊妹帶入城市嘅公共舞台。