#49 南瓜小鎮18年匿名信懸案 Circleville Letters Case

有一種恐怖，係打開自己個信箱。 1970年代，美國南瓜小鎮 Circleville 掀起一場長達 18 年嘅匿名信風暴。信入面冇勒索，只有對收信人最私密嘅監視。呢啲全大楷嘅信件，最終搞出人命，甚至有人為此坐足十年監。 但最心寒嘅係：當疑犯被單獨囚禁、完全與世隔絕嘅時候，小鎮嘅信箱，竟然繼續收到信。 寫信嗰個人，究竟係咪一直企喺你背後？ 《未完的案件》，今集為你拆解。 人物列表： Mary Gillespie -黃色校巴司機。原本過住平靜嘅家庭主婦生活，直到收到第一封全大楷嘅匿名信，成為成場恐嚇風暴嘅核心目標。 Ron Gillespie -Mary 嘅老公。眼見老婆同屋企人不斷被匿名信騷擾，忍無可忍之下，決定親自去搵個神秘寫信人「解決件事」。 Gordon Massie -Westfall 學區總監，即係 Mary 上司嘅上司。被匿名信一口咬定，同已婚嘅 Mary 有一段不可告人嘅秘密關係。 Paul Freshour -大型啤酒廠經理，Mary 嘅妹夫（即 Ron 嘅姻親）。喺親友眼中係一個溫和、可靠、無任何案底嘅好好先生。 Karen Sue Freshour -Paul 嘅太太。正同老公打緊一場極其激烈嘅離婚官司，雙方為爭撫養權關係跌到冰點，後來向警方爆出驚人消息。 Beverley East -資深法證文件檢驗專家。多年後受電視台委託，用現代鑑證技術重新拆解案中過百封匿名信嘅筆跡。