#5 KA og Akureyri í handbolta og stórleikur í Meistaradeild kvenna

Stefán Árnason þjálfari KA,  Arnar Þór Fylkissin og Patrekur Stefánsson leikmenn Akureyrar Handboltafélags og Ágústa Kristinsdóttir og Hulda Björg Hannesdóttir leikmenn Þór/KA í knattspyrnu eru gestir Skúla Braga að þessu sinni. Stefán Árnason stýrði liði KA í handbolta til sigurs í fyrsta leik liðsins í Olís deildinni og það í stórleiknum um bæinn á móti Akureyri. Montrétturinn þessa dagana liggur því hjá KA mönnum. Arnar Þór Fylkissin og Patrekur Stefánsson ungir leikmenn Akureyrar Handboltafélags mættu þá einnig í settið til að ræða tímabilið sem er framundan. „Deildin er náttúrlega unreal núna. Hún hefur aldrei verið betri!“ Þór/KA spilaði einn stærsta leik sem spilaður hefur verið á Þórsvellinum, þegar að þær mættu stórliði Vfl Wolfsburg í 32-liða úrslitum Meistaradeildar Evrópu. Þær Ágústa Kristinsdóttir og Hulda Björg Hannesdóttir mættu því í lok þáttar til þess að ræða aðdragandann. „Eins og flestir vita þá sitjum við í vörutalningum, seljum klósettpappír og annað til þess að fá að spila þessa leiki, sem er náttúrlega bara galið. En mér finnst ótrúlega gaman hversu margir eru að stíga upp og hjálpa okkur.“