[#9] 香港嘅黃金時代已經離我們而去？代代都有一本難唸嘅經

由一場麥當勞五十周年展揭開序幕，阿仔 Eugene 同媽媽 Donna 今集坐低，傾嚟傾去其實係想問同一條問題——點解以前嘅香港好似開心啲、有希望啲？代代都有一本難念嘅經，呢一代嘅難，究竟難喺邊？ 媽媽嘅七十到九十年代，係「多勞多得」嘅年代：由製造業轉型金融、全民皆股、茶餐廳隔籬位都喺度傾股票，鱼翅撈飯人人識講，只要肯捱十年，就望到上車上位。到咗 Eugene 呢一代，物質係多咗，但精神反而匱乏——做全球化嘅競爭、面對日新月異嘅 AI、「捱十年」嘅保證已經冇咗，取而代之係辭職、轉工、斜槓、旅行，活在及時行動嘅焦慮之中。兩母子一齊拆解：點解香港由「處處有機會」變成「有心無力」？我哋喺呢個大環境之下，究竟點自處？ 最深刻嘅一課：大環境由唔到我哋揀，但小環境可以自己創造。Eugene 喺西貢租咗一間村屋開創科 hacker house，就係想證明——喺一個大家都唔敢離開傳統軌道嘅香港，都有人肯做短期食力不討好、長期有機會嘅事。你而家喺自己條路上面，係喺適應、離開，定係創造？ IG: @meandmypost90 時間軸： (00:55) 麥當勞五十周年展揭開話題：媽媽細個要成績好先食得到一個漢堡包，而家係必需品 (02:14) Eugene Facebook 推舊相片：點解照片入面啲香港人笑容明顯多過中環旺角啲人？ (02:54) 媽媽嘅荔園暑假：一年一次游樂場已經係大事，物質少但珍惜，「因為珍惜，所以開心」 (06:45) 全民皆股嘅香港黃金年代：茶餐廳大叔都喺度傾股票，有人講「天天鱼翅捞饭」 (08:32) 「八九十年代嘅人係拚勁型」：冇大學學位就放工去進修，差少少就用努力補返 (12:25) 小康到中產嘅進化：由兩個月先去一次麥當勞，到同學去海外旅行就覺得佢好有錢 (17:47) Eugene 嘅總結：「我哋嘅年代物質多咗，但精神好匱乏」——有資源但全部用嚟求生存 (18:45) 點解七十至九十年代係黃金年代：香港電影、音樂出口全亞洲，個勢喺度 (20:33) 《The World is Flat》真係發生緊：你喺香港返工，同事喺巴西西班牙，全球化 = 全球競爭 (26:06) 點解呢一代唔信「多勞多得」：唔係冇耐性，係冇保證——所以寧願及時行動，轉工、裸辭、斜槓 (31:52) 金句：「處處有機會嘅年代 vs 有心無力嘅年代」——有心做事，但冇發揮嘅空間同資源 (33:55) 兩代嘅 trade-off：以前冇資源但有大環境，而家有資源但冇大環境 (34:52) 香港最缺嘅唔係人才同錢，係勇氣同視野：淨做穩賺不賠、只計短線、唔肯背道而馳 (41:27) 面對大環境嘅三條路：適應、離開、或者創造自己嘅小環境，你揀邊條？ (45:26) Eugene 喺西貢一間村屋起 hacker house：聚埋一班「痴線」嘅創科人，肯離開傳統軌道嘅人 (47:26) 新嘅香港精神：唔再係「肯拚肯捱」，而係靈活、resourceful、adaptive (48:57) 媽媽嘅忠告：Open-minded、Inclusive、Embrace change——世界變得比你想像更快 (50:39) 媽媽送畀 Eugene 八個字：博觀約取，厚積薄發——而家係儲根基，等下一次爆發 (55:02) 尾聲：「代代都有一本難念嘅經」——大環境改變唔到，但小環境可以自己創造 Powered by Firstory Hosting