#96 - 4-járnið í uppáhaldi hjá Helgu Möller

Við fáum frábæran gest til okkar í Seinni níu því til okkar kom söngkonan ástsæla Helga Möller. Við komum víða við í þættinum en Helga hefur lengi spilað og var best með um 14 í forgjöf.Golf var stór þáttur í fjölskyldu Helgu en foreldrar hennar bjuggu til golfholur nærri sumarhúsi þeirra sem varð vísirinn að golfvellinum í Grindavík.Við fengum að heyra draumahollið hjá Helgu og einnig sagði hún okkur frá því þegar Helga fór holu í höggi á Islantilla golfvellinum.Jafnframt kemur fram að 4-járnið sem var hluti af fyrsta golfsettinu hjá Helgu er í sérstöku uppáhaldi.Frábær þáttur í alla staði á sérstaklega léttum nótum.