96 | Loddarar í Lundúnum og New York: Bókaþjófurinn og geðlæknirinn

Það er loddaraþema í Heimskviðum í dag. Við hefjum þáttinn á umfjöllun um bókaþjófinn alræmda, sem herjað hefur á rithöfunda og útgefendur undanfarin fimm ár, og fengið hundurði óútgefinna handrita upp í hendurnar. 29 ára gamall Ítali, Filippo Bernardini, hefur nú verið handtekinn grunaður um þjófnaðinn. Guðmundur Björn fjallar um málið og ræðir við Fríðu Ísberg rithöfund, sem var ein þeirra fjölmörgu höfunda sem bókaþjófurinn herjaði á. Bandaríkjamaðurinn Marty Markowitz lagðist inn á sjúkrahús árið 2010. Þegar maðurinn sem hafði verið aðalleikari í lífi hans lengst af kom ekki að heimsækja hann á spítalann byrjaði smám saman að rakna upp flókinn vefur í þrjátíu ára sambands. Sambands sem nú hafa verið gerð skil í vinsælum sjónvarps- og hlaðvarpsþáttum, sem nefnast Geðlæknirinn í næsta húsi. Birta fjallar um málið og ræðir við Margréti Valdimarsdóttur, doktor í afbrotafræði, meðal annars um aðferðafræði þeirra sem einangra þolendur sína frá umheiminum. Heimskviður er fréttaskýringaþáttur sem fjallar á ítarlegan og lifandi hátt um heimsmálin, um allt það sem ekki gerist á Íslandi. Ritstjórar þáttarins eru Birta Björnsdóttir og Guðmundur Björn Þorbjörnsson.