A iai le malamalama 1(When there is light 1)

OPEN HEAVENSMATALA LE LAGI MO LE ASO TOFI 5 MATI 2026(tusia e Pastor EA Adeboye) Manatu Autu:  A iai le malamalama 1(When there is light 1)Tauloto Tusi Paia: Isaia 10:27 “O lea aso fo‘i e ‘ave‘eseina ai lana avega mai lou tauau ma lana amo fo‘i i lou ua; e gausia fo‘i le amo ‘ona o lē fa‘au‘uina.”Faitauga - Tusi Paia: Mataio 8:1-4O Iesu o le malamalama (Ioane 8:12) ma o soo se taimi e pa’i ai o ia i se tagata poo se nofoaga, e liua ma suia i ni vavega. I le Ioane 9:1-7, na feanu Iesu i le eleele, ona faia lea o ni palapala mai feanuga ma faauuina ai mata o le tauaso. Ina ua pai Iesu i le palapala, ua faauuina, ona gausia lea e le faauuga le tauaso i le olaga o lea tagata. Ou te folafola atu, ia susulu atu le malamalama o le Atua ia te oe ma gausia soo se avega mamafa o loo i lou olaga, i le suafa o Iesu. O le lepela i le faitauga mai le Tusi Paia o le asō, na ia iloa lelei o loo ia Iesu le faauuga e faaumatia le amo o le lepele i lona olaga, ma ina ua pai atu iesu ia te ia, na faaumatia ma gausia le amo. Tusa poo le a le umi o le amo ma se avega i se tagata, a susulu atu loa le malamalama o le Atua i lea tagata, e faaumatia lea amo e faavavau.I ni tausaga se tele ua tuanai, na tautulei mai se fafine i le naunau e vaai ia te au ina ua maea se tasi o matou polokalame i se taulaga i Nigeria i matū. Na ou fesili atu poo le a le faafitauli. Fai mai faatoa faalogo a lea i se tagata e lauga e pei o au. Fai mai ua ia iloa o le a ou tuumuli, ae na ia fia faailoa mai se mealilo ia te au, ua ia manatu o le a ou teu malu.  Na ia faaali mai se vaega o lona tino ma ou vaaia e lepela. Na ou fesiligia pe aisea ua le alu ai i le falemai. Ae fai mai e toatele lana fanau e vaai, a vaai iai fomai i le falemai o le a tuuesea  o ia i le motu o lepela. Na ou fesili pe aisea na le alu ai i se faifeau, ae fai mai ana alu iai, tatalo ae lē manuia, o le a iloa uma ai e tagata lona ma’i. Na ou tatalo mo ia, ma i le tausaga na sosoo ai, na ou toe sau ai i le Ekalesia lava lea e tasi. Ina ua ou taunuu atu ma oso atu i fafo o le taavale, na faafeiloai mai a’u e se tamaitai aulelei ma foliga fiafia. Na faailoa mai, o ia o le lepela lea na ou tatalo ai i le tausaga ua mavae ma ua ia faapea mai, ‘Na pa’i mai lou Atua ia te a’u ma o lea ua ou malolo’. Le au pele e, a pai atu le malamalama o le Atua ia te oe, e te tofo i le suiga ma le faamalologa i soo se vaega o lou olaga e o lo’o iai le pogisa, leai se alualu i luma ma o loo iai le fememeai. O Iesu Keriso o le malamalama, ma ou te tatalo ia pai atu o ia i soo se vaega o lou olaga ma oo atu ai se suiga lelei mo lou olaga, ile suafa o Iesu. TataloTamā, faamolemole ia susulu mai lou malamalama ia te a’u ma aveesea so’o se mea i lo’u olaga e lē mai ia te oe, i le suafa o Iesu, Amene.