A lot of unpleasant things may be because we define an event as "unpleasant" and think about it over and over again.

“ငါအကောင်းဆုံးကြိုးစားခဲ့ပေမယ့် ဘာဖြစ်လို့ အဆိုးတွေပဲဖြစ်လာရတာလဲ” “ဒီနေ့လည်း အမှားတစ်ခုလုပ်မိပြန်ပြီ” “ငါ့မှာ ဘာ အရည်အချင်းမှမရှိသလိုခံစားရတယ်။ ဘာတန်ဖိုးမှ မရှိသလိုမျိုး ခံစားနေရတယ်” ဒီလိုမျိုးစကားတွေကို အဆင်မပြေမှုတွေ ကြုံတွေ့ရတိုင်း ထပ်တလဲလဲပြောဖူးကြတယ်မလား?  တကယ်တမ်းမှာကိုယ်ကိုယ်တိုင်က အားသွန်ခွန်စိုက်ကြိုးစားခဲ့ပေမဲ့ ထင်သလောက် ဖြစ်မလာတာတွေ၊ ကံဆိုးမှုတွေကြောင့်ပဲ လားမသိပဲ အလုပ်မှာ အမှားလုပ်မိနေတော့တာ။ ဒါတွေက ကြာလာတော့ စိတ်ညစ်စရာတွေက စုပြုံလာတာပဲ အဖတ်တင် တယ်။ ကိုယ့်ကိုယ်ကိုယ် ပြန်တွေးမိတိုင်းအသုံးမကျဘူးလို့ ခံစားရပြီး တစ်ခုခုကို ကြိုးစားဖို့ပြင်ဆင်တိုင်းလည်းမလုပ်နိုင်တော့ဘူးလို့ ခံစားရတယ်။ သူများတွေလည်း ဒီလိုပဲရှင်သန်နေကြတဲ့အထဲကိုယ်ကပဲ ညံ့ဖျင်းနေလို့ ဒီလိုတွေ ဖြစ်နေတာများလား ဆိုတဲ့ စိတ်ညစ် စရာအတွေးတွေကို ထပ်တလဲလဲတွေးပြီး ကိုယ့်ကိုယ်ကိုယ် စိတ်ညစ်အောင် နှိပ်စက်နေခဲ့မိတာမျိုးတွေ လူတိုင်း ဖြစ်ဖူးကြတယ် မဟုတ်လား။