A Person Needs A Strong Desire To Succeed.

လူသားတိုင်းမှာ လိုချင်တပ်မက်တဲ့စိတ်တွေတစ်ယောက်တစ်မျိုးစီ ရှိတတ်ကြပါတယ်။ အချို့ကလည်း ကိုယ့်ရဲ့ ရည်မှန်းချက်ပန်းတိုင်တွေကို ပြည့်မြောက်စေချင်တဲ့ တပ်မက်စိတ်၊ အချို့ကလည်း ငွေကြေးချမ်းသာကြွယ်ဝမှုကို လိုချင်တဲ့စိတ် စသည်ဖြင့် ပုံစံအမျိုးမျိုး ရှိကြပါတယ်။ ဒီလိုမျိုးကိုယ် လိုချင်တဲ့အရာကို ရအောင် ယူနိုင်ဖို့ဆိုရင် အမှန်တကယ် ပြင်းပြတဲ့စိတ်ဓာတ်မျိုးရှိရ မှာပဲ ဖြစ်ပါတယ်။ စိတ်အားထက်သန်မှု မရှိတဲ့အခါ၊ ပြင်းပြ တဲ့စိတ်ဓာတ် မျိုး မရှိတဲ့အခါမှာတော့ ကိုယ်လိုချင်တဲ့အရာကို ရအောင်ယူနိုင်မှာမဟုတ်ပါဘူး။                        ကျွန်တော်တို့လူသားတွေဟာ အလေ့အကျင့်ရဲ့ သားကောင်တွေပဲဖြစ်ပါတယ်။ ဇွဲ၊လုံ့လ၊ ဝီရိယ ရှိတဲ့သူတွေသည် ကြိုးစားမှု အလေ့ အကျင့်ရဲ့ သားကောင်တွေဖြစ်ကြပြီး၊ပျင်းရိတတ်တဲ့အလေ့အကျင့်ရှိသူတွေကတော့ ပျင်းရိခြင်းရဲ့ သားကောင်တွေ ဖြစ်သွားတတ် ပါတယ်။ကိုယ့်ကိုယ်ကိုယ် သတိထားမိခြင်းသည် ကိုယ့်ကိုယ်ကိုယ် နွံထဲကနေပြန်လည်ရုန်းထွက်ဖို့ ကူညီပေးမယ့် အခွင့်အရေး တစ်ခု ဖြစ်ပါတယ်။