Abel Aparicio,escritor llionés:'Somos el mesmu idioma y hai que puxar a comuña'/Deprendi:Anguaño/#TvnaRadio:Fueru Avilés

Esta selmana entamamos el nuesu programa col editorial del Presidente d'Iniciativa pol Asturianu, Inaciu Galán, que mos fala del garrapiellu políticos/es que xuraron nel nuesu idioma propiu nes pasaes eleiciones autonómiques y municipales nel nuesu país. Darréu ye l'escritor llionés Abel Aparicio col que charramos fonderamente del so nuevu llibru amás de la situación de la nuesa llingua común na fastera al otru llau del cordal. Na seición "Deprendi l'asturianu", la nuesa mayestra Ana María Suárez desplícanos cómo se faen delles contariciones como nel, no, col, cola, etc amás d'aportanos la pallabra selmanal que ye "anguaño". Yá pa rematar el nuesu espaciu radiofónicu ye'l periodista Damián Barreiro na so seición #TvnaRadio que mos cunta'l tratamientu llaceriante que la nuesa televisión autonómica fai de la cultura propia poniendo como exemplu la noticia del Fueru d'Avilés onde nun se fixo mención al que taba escrito n'asturianu. Música: Trasmerana del Discu Lliendes (2006) del grupu asturianu Xera TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... TV y Radio 100% n’asturianu www.alderiquesdasturies.com