Adaptability Is Just A Thinking Outside The Box.

ကိုယ့်ကိုယ်ကိုယ်အားမရဘူး။ လမ်းပျောက်နေတယ်။ခက်ခဲနေတယ်။ ဒီစကားတွေကို အခုလိုခေတ်မှာ ခဏခဏကြားဖူး ကြမှာပါ။ နားဆင်သူရောအဲဒီလိုခံစားနေရပါသလား။ လူသားအားလုံး ရှင်သန်နေထိုင်နေကြရတဲ့ခေတ်ကြီးကအရှိန်အဟုန်နဲ့ တိုးတက် ပြောင်းလဲနေချိန်မှာ တစ်ဖက်မှာလည်းကမ္ဘာ့စီးပွားရေးအခြေအနေတွေကျပ်တည်းနေပါတယ်။ အလုပ်အကိုင် ရှားပါးမှုတွေ၊လက်ရှိဆီစျေးတွေ၊ စားသောက်ကုန်စျေးတွေက လူတန်းစားအသီးသီးအပေါ်သက်ရောက်မှုရှိပါတယ်။  အရှိန်အဟုန်ပြင်းပြင်းနဲ့ ပြောင်းလဲမှုကြမ်းတဲ့ လောကကြီးကကိုယ့်ကိုပေးတဲ့အချဉ်သီးတွေကို ဖျော်ရည်လုပ်သောက် တတ်ဖို့ လိုပါပြီ။ အဲဒီ Skillကို “Adaptability” (အလိုက်သင့်ပြောင်းလဲနိုင်ခြင်း) လို့ ခေါ်ပါတယ်။ Adaptability လို့ ဆိုလိုက် တာနဲ့ ဒီဘက်ခေတ်မှာအသက်ရှင်ဖို့အတွက် သိပ်ကိုမှ အရေးကြီးတဲ့အချက်တစ်ခုဖြစ်လို့လာပါပြီ။ ဘဝမှာမပြောင်းလဲတဲ့ တစ်ခုတည်း သောအရာက ပြောင်းလဲခြင်းတရားဖြစ်ပါတယ်။အဲဒီပြောင်းလဲနေတာတွေကိုမူတည်ပြီး ကိုယ့်ဘက်ကမီးစင်ကြည့်ကတတ်ရ ပါတယ်။ အဲဒါကတော့ Adaptabilityလို့ခေါ်တဲ့ Soft Skill ပါပဲ။