Adige Dili - "Hayatın Sözleri".mp4

Адыгейский язык - "Слова жизни".mp4 / Adyghe Language - "Words of Life".mp4 // ШӀОШЪХЪУНЫГЪЭ ЗИӀЭХЭУ РИМ КЪЭЛЭШХОМ ДЭСХЭМ АПОСТОЛ ПАУЛ ТХЫЛЪЭУ АФИТХЫГЪЭР 13 - Тетыгъо зиӀэхэм шъуафэӀорышӀ1Хэти тетыгъо зиӀэхэм афэрэӀорышӀ. Сыда пӀомэ, Тхьэм ымыдэмэ, зыми тетыгъо иӀэ хъущтэп. Тетыгъо зиӀэхэу щыӀэхэр зыгъэнэфагъэр Тхьэр ары. 2Арышъ, тетыгъо зиӀэхэм апэуцурэ цӀыфыр Тхьэм ыгъэнэфэгъэ цӀыфхэр арых зыпэуцухэрэр. Аущтэу зышӀэхэрэм мысагъэ зытыралъхьажьы. 3Сыда пӀомэ, шӀугъэ зышӀэхэрэр тетыгъо зиӀэхэм ащыщынэнхэр ящыкӀагъэп, бзэджагъэ зышӀэхэрэр ары ахэмэ ащыщынэнхэ фаехэр. Тетыгъо зиӀэм ущымыщынэнэу уфая? ШӀу шӀи, ар къыпщытхъущт. 4Сыда пӀомэ, тетыгъо зиӀэм ишӀуагъэ къыуигъэкӀынэу Тхьэм фэлажьэ. Ау бзаджэ пшӀэмэ, ущыщынэн фае, сыда пӀомэ, тетыгъо зиӀэм чатэр хьаулыеу ыӀыгъырэп. БзэджашӀэхэм яфэшъошэ къин атырилъхьанэу ар Тхьэм фэлажьэ. 5Арышъ, тетыгъо зиӀэхэм уафэӀорышӀэн зыкӀыфаер уифэшъошэ къиныр Тхьэм къыптырилъхьанымкӀэ узэрэщыщынэрэ закъор арэп, ахэмэ уафэӀорышӀэныр зэрэтэрэзыр угукӀэ зэрэпшӀэрэри ары.6Ары хьакъулахь ахъщэр ахэмэ зыкӀяшъутырэр; сыда пӀомэ, тетыгъо зиӀэхэр а Ӏофым пылъхэ зыхъукӀэ, Тхьэм фэлажьэх. 7Арышъ, цӀыф пстэуми яфэшъуашэ яшъутыжь. Хьакъулахьэу цӀыфхэм атыралъхьэрэр арыми, ар яшъутыжь; хьакъулахьэу хьапщыпхэм атыралъхьэрэр арыми, ари яшъутыжь; гъэлъэпӀэныр арыми, жъугъэлъапӀэх, лъытэныгъэр арыми, лъытэныгъэ афэшъушӀ.Зэкъошхэм фэдэу шӀу шъузэрэлъэгъу8ШӀу шъузэрэлъэгъуным ичӀыфэ нэмыкӀэу, зыми ичӀыфэ зытешъумыгъэлъ; сыда пӀомэ, зигъунэгъу шӀу зылъэгъурэм Тэурат хабзэм итхэр ыгъэцэкӀагъэх. 9Мы унашъохэу «Зинэ умышӀэ», «ЦӀыф умыукӀы», «Умытыгъу», «НэмыкӀ цӀыфхэм пцӀы атемылъхь», «Хъопсэ мыхъун угу имыгъэлъ» зыфаӀохэрэмрэ адрэ унэшъо пстэумрэ зэкӀэзыубытэрэр мы унашъор ары: «О пшъхьэ шӀу зэрэплъэгъурэм фэдэу, уигъунэгъуи шӀу лъэгъу». 10Зигъунэгъу шӀу зылъэгъурэм иягъэ ригъэкӀырэп. Арышъ, шӀулъэгъу уиӀэмэ, хабзэм итхэр бгъэцэкӀагъэхэу мэхъу.Христос дунаим къызыкӀожьыщт мафэр къэблэгъагъ11Арышъ, джаущтэу шъузекӀу. Уахътэр зынэсыгъэр шъошӀэ, шъукъызыущын фэе сыхьатыр къэсыгъ. Сыда пӀомэ, апэу шӀошъхъуныгъэ тиӀэ зыхъугъэ мафэм нахьи, тымыкӀодэу Тхьэм тыкъызигъэнэжьыщт мафэр джы нахь къытпэблагъэ хъугъэ. 12Чэщыр хэкӀотагъ, мафэри къэблэгъагъ. Арышъ, шӀункӀым иӀоф бзаджэхэр хэтэжъугъэнэжьых, нэфынэм иӀашэхэри къэтэжъугъаштэх. 13Мафэм инэфынэ щыпсэурэ цӀыфхэм афэдэу, хабзэм тетэу тыжъугъэзекӀу; шъхьарытӀупщ ешхэ-ешъошхомрэ утэшъонымрэ орэмыхъу, зинэ шӀэныр, мыхъо-мышӀэ псэукӀэр, зэщыхьаныр, шъугъоныр къэрэмыхъух. 14Ау Зиусхьан Исус Христос шъуишъуашэ фэдэ орэхъу, шъуипсэкӀодышӀэ шэныжъ ихъопсэ мыхъунхэми шъуафэмыӀорышӀ.