Admiral Yi Sun Sin ti Korea Part 1 (3) Ilocano

Biographical account about Korea’s greatest Admiral-Hero narrated in Ilocano. This is first of 3 parts.EXCERPT:Awan ngata ti adu nga admiral wenno tattao a nagakem iti opisyo ti turay a nakaparmek iti nabileg ken narungsot nga armada nga addaan ginasgasut a barko idinto ta ti iggemna a simmango ket sumagmamano laeng a barko a nagdagup iti sangapulo ket tallo. Nakakaskasdaaw ti siglatna ti siasinoman a makaaramid iti kasta. Ket no nasaririt man dayta a mangiyaramid iti kasta, naisangsangayan met ti turedna no maibanagna. Iti kinaagpaysona, adda idi dayta a tao a nagbiag. Maysa a naisalsalumina ti galadna a daulo ti armada ti nasyon a Korea. Managan daytoy iti Admiral Yi Sun-Sin. Isu ti kaindaklan a nangidaulo iti armada ti Korea iti entero a pakasaritaan daytoy a nasyon. Adda idi ti Korea iti panangituray ti ‘Kaputotan ti Choson’ (Joseon Dynasty). Daytoy a panangituray ti ‘Kaputotan ti Choson’ ket impatakder ni Yi Seong-gye idi Hulyo ti MIL TRES SIYENTOS SIYAM A PULO KET DUA (1392). Daytoy a kaputotan ti nangituray iti Korea iti agarup lima a siglo. Nagbiag ni Yi idi siglo SANGAPULO KET LIMA A SIGLO (1500) ket agingga ita awan pay ti nakabalin a nangartap kenkuana iti daydi nga ingapuananna. Naiyanak ni Yi Sun Sin idi maika DUAPULO KET WALO (28) ti Abril, MIL SINGKO SIYENTOS UPPAT A PULO KET LIMA (1545) idiay Euljiro-Dong, Hanseong idiay Joseon Korea. Kadawyan a panagbiag ti Koreano ti panagubing ni Yi. Managay-ayam daytoy nupay uray idi ubing ket mailasinen ti kaadda ti kinalaingna a mangidaulo. Idi MIL SINGKO SIYENTOS PITUPULO KET INNEM (1576), nageksamen ni Yi a simrek iti serbisyo militar. Naipatulod idiay Bukbyeong – nga akin-Amianan a pronta ti linya a militar idiay probinsiya ti Hamgyeong. Iti edadna idi a TALLUPULO KET DUA (32), isu ti kalakayan a rumusrusing nga opisyal iti daydi grupoda. Bayat ti kaaddana idiay, napadasna ti nakisango kadagidi adu a busol a naggapu iti kabangibang a dagdaga a napan nangraraut kadagiti pur-purok idiay Korea. Kaadduan kadagitoy dagiti bunggoy ti Jurchen. Dagitoy ket tribu a ‘Tungus’ idiay amianan a probinsiya ti Hamgyong iti Manchuria. Saan a nagbayag a nagbalin a pagaammo ti siglat ken kinalaing ni Yi a mangidaulo kadagidi nga enkuwentro. CONTINUE WITH PODCAST FOR THE FULL Part 1 (of 3 parts) EPISODE.