Afsögn barnamálaráðherra rædd á þingi, heimsókn bandarískra ráðamanna til Grænlands og umsáturseinelti

Forsætisráðherra heyrði af orðrómi skömmu fyrir fund leiðtoga ríkisstjórnarinnar á fimmtudag að fyrrverandi menntamálaráðherra hefði bæði hringt og heimsótt konu í Kópavogi sem sagði ráðherra hafa eignast barn með unglingspilti fyrir rúmum þremur áratugum. Mennta- og barnamálaráðherra gekkst við þessari hegðun á krísufundi með formönnunum skömmu síðar. Þetta staðfestir forsætisráðuneytið. Ágangi bandarískra stjórnvalda gagnvart Grænlandi linnir ekki, þrátt fyrir samstöðu Grænlendinga, þrátt fyrir að þrýstingur Bandaríkjanna sé löngu ljós og viðbrögð eftir diplómatískum leiðum stoða ekki heldur, sagði Múte B. Egede formaður Inuit Ata-qa-ti-git í gær. Alþjóðasamfélagið verði að bregðast við. Það er tiltölulega nýlega orðið refsivert að beita einhvern svokölluðu umsáturseinelti - það sem á ensku hefur verið kallað stalker. Almenn deild lögreglunnar fer með rannsókn þessara mála á höfuðborgarsvæðinu og þau eru núna um 80. Í þessum 80 málum eru fimmtíu og fjórir með réttarstöðu sakbornings og brotin sem þeir eru grunaðir um að hafa framið eru 90. Tólf sakborningar eru grunaðir um fleiri en eitt brot. Linda Dröfn Gunnarsdóttir framkvæmdastýra Kvennaathvarfsins segir eriftt að alhæfa um hvort umsáturseinelti sé bein afleiðing af ofbeldissambandi.