Aiga e faasaoloto (Meal that delivers)

OPEN HEAVENSMATALA LE LAGI MO LE ASO TOFI 5 FEPUARI 2026(tusia e Pastor EA Adeboye) Manatu Autu: ‘Aiga e faasaoloto (Meal that delivers)Tauloto Tusi Paia:Eperu 10:20 “i le ala fou e ola ai, ‘ua fa‘aavanoaina e ia mo i tatou i le ‘ie puipui, o lona lava tino lea,”Faitauga - Tusi Paia: Esoto 12:1-24I le faitauga mai le Tusi Paia o le asō, na faatonuina e le Atua ia Mose e logo le fanauga a Isaraelu e sauni mo se aiga faapitoa e faia ae lei faasaolotoina i latou mai le pologa i Aikupito. O le falaoa na latou aai ai e leai se faafefete na iai, ma o le aano o manu fasi na aumai tamai mamoe e leai se ila poo se maanuminumi. O lena aiga e tutusa lelei ma le paseka mulimuli na aai ai Iesu ma lona au soo ae lei lafoai lona ola e faasaoloto i latou o e talitonu ia te ia mai saisaitiaga o le agasala. E tatou te faaigoaina lenei aiga faa le Atua o le faamanatuga paia i nei aso ma e tatou te aai ai e fai ma faamanatuga o lo tatou Alii Faaola o Iesu Keriso e pei ona ia poloai mai ai (Luka 22:19-20). A tatou aai i le Faamanatuga Paia, e fai ma faailoga  o le tino o Iesu Keriso, o le tamai mamoe a le Atua e leai se ila, ma inu i lona toto. O lenei aiga faa le Atua e auina mai ai faamanuiaga e tele ma le faasaolotoga iai latou e aai ai ma le tatau. O le ai i le faamanatuga Paia ma le tatau ma le malamalama e faaaupegaina ai oe e maua le pule i soo se vaega o lou olaga. A mananao tagata lotu aitu e toe faafouina i latou, e masani ona latou saili i le toto o taupou ma inu i o latou toto aua latou te iloa e telē le mana i le faamamāina. O tatou o kerisiano faatuatua, o loo tatou aai i le laoai a le Alii i le tino ma le toto o Lē e Paia o Isaraelu (Isaia 43:3). Le au pele e, ia e maitau mai, e pei a ona aumai e le Faamanatuga Paia le faasaolotoga, e mafai foi ona aumai ai le saisaitiaga ma le faasalaina pe a aai ma le faalētatau (1 Korinito 11:28-30). O i latou e aai faaletatau, o i latou ia e lei lafoai o latou ola ia Iesu ma i latou ua maea ona avea Iesu ma o latou Alii ma Faaola, ae o loo faia pea le agasala.  O se faataitaiga, o Iuta le Sekara na ulutinoina e le tiapolo ao ia ai i le faamanatuga ma le agasala i lona olaga (Ioane 12:4-6) ma na iu ai ina faaumatia (Mataio 27:3-5). Afai o loo e ola pea i le agasala, faamolemole ia e salamo ma lafoai atoatoa ia Iesu i le asō. A e faia, o le a iai sou amataga fou (2 Korinito 5:17) ma e te agavaa ai e avea ma se atalii poo se afafine o le Atua, ma maua uma famanuiaga mai lenei aiga faapitoa. O le toto o Iesu e tatou te maua ai le manumalo io tatou fili uma (Faaaliga 12:11), ma o lona tino e le gata e taitaiina i tatou mai le ala e faaumatia ai ae aumai ai foi i tatou i le ola fou o le faaolataga, e pei ona tatou vaai iai i le tauloto o le asō. Ou te folafola atu, e te maua le faasaolotoga pe a e ai i le ola ma le mana o le Atua i le laoai o le faamanatuga paia, i le suafa o Iesu, Amene.