Akvareļgleznīceibys personeiba Elga Paura celī iz myuža lobuokū gleznu

Saruna ar muokslineicu, vīnu nu myusdīnu izcyluokūs akvareļgleznīceibys personeibu kai Latgolā, tai ari vysā Latvejā Elgu Pauru. Elga ir ari ilggadeja izgleiteibys darbineica, jau 45 godus jei struodoj Rēzeknis muokslys i dizaina vydsškolā ( sovulaik Rēzeknis Lītiškuos muokslys vydsškola) par gleznuošonys i zeimuošonys pasnīdzieju, taipat bejuse Rēzeknis Muokslys koledžys Gleznuošonys katedrys vadeituoja, kai ari Latvejis Muokslys akademejis Latgolys filialis kompozicejis školuotuoja. Atzeimejūt muokslineicys 70 godu jubileju, Latgolys Kulturvieturis muzejā tyka atkluota juos personalizstuode “Laika plūdums”, kas ir apsaverama leidz 12. juņam. Tamā ir kai dorbi nu Elgys Paurys kruojumu, tai ari muzeja kolekcejis akvareli. {module widgetid="4" id="media" action="galleryitem" galleryid="1242" layoutid="49" layout="singlegallery" static=""}