Always Prioritize Thinking For Yourself.

နားဆင်သူဟာ အားနာတတ်တဲ့သူတစ်ယောက်လား။ကိုယ့်ပတ်ဝန်းကျင်ကလူတွေ၊ ကိုယ်နဲ့အလုပ်တွဲလုပ်နေတဲ့သူတွေက ကိုယ့်ရဲ့အားနာတတ်မှုကို ခုတုံးလုပ်ပြီး သူတို့အကျိုးအတွက် ကိုယ့်ကိုချနင်းသွားတာမျိုးတွေခနခနကြုံနေရလို့ စိတ်ပျက်နေမိတဲ့သူလား။ အားနာတတ်လွန်းလို့ကိုယ့်ဆီကနေ ပါပါသွားရတဲ့ကိစ္စတွေကနေ ဝေးအောင် ဘာတွေကိုလုပ်ကြမလဲ။ မလုပ်နိုင်ရင်မလုပ်နိုင်ဘူးလို့ ပြတ်ပြတ်သားသားငြင်းပါ။ ကိုယ့်မှာလည်းကိုယ့်အချိန် ၊ ကိုယ့်ဘဝရှိသေးတဲ့အတွက် သူများကိစ္စ တွေပဲလုပ်ပေးနေလို့မရဘူးလေ။ အဲ့ဒီတော့ ကိုယ်လည်း အကျိုးအမြတ်တစ်စုံတစ်ရာမရဘဲကိုယ့်ရဲ့အချိန်တွေကို ဖဲ့ပေးရမယ့် ကိစ္စတွေဆိုရင်တော့ငြင်းရပါလိမ့်မယ် ။ အဲ့ဒီလို ငြင်းတဲ့အခါမှာလည်း နောက်တစ်ခါ ဒါမျိုးလာမလုပ်နိုင်အောင်ပါ ပြတ်ပြတ် သားသားငြင်းဖို့လိုပါတယ်။ ကိုယ်က မယုတ်မလွန်ပြောပြီး ငြင်းတော့ ငြင်းလိုက်နိုင်ပါရဲ့။နောက်တစ်ခါ အခွင့်ကြုံတော့ လာပြီး ထပ်လုပ်ခိုင်းနေရင်ဇာတ်လမ်းတွေရှည်နေရမယ်မဟုတ်လား။ အဲ့ဒီတော့ ဒါမျိုးကိစ္စတွေဆိုရင်တော့မလုပ်နိုင်ကြောင်း တစ်ခါ တည်းပြောပြီး အပြတ်ဖြတ်လိုက်ပါ။